Mulkiy huquqlarning ishonchli himoyasini yaratish, ushbu huquqlarni cheklayotgan omillarni bartaraf etish, mulkdorlar huquqlarining kafolatlarini kuchaytirish bo’yicha mamlakatimizda davomli va uzluksiz ishlohotlar amalga oshirib kelinmoqda.
So‘nggi yillarda mamlakatda ko‘chmas mulkka bo‘lgan huquqlarni ro‘yxatga olishni takomillashtirish, davlat kadastrlarini yuritish, ushbu sohadagi axborotlarni shakllantirish bo‘yicha bir qator tub o‘zgarishlar amalga oshirildi.
Ma’lumki, Fuqarolik kodeksining 84-moddasiga ko’ra, ko‘chmas mulkka egalik huquqi va boshqa ashyoviy huquqlar, bu huquqlarning vujudga kelishi, boshqa shaxslarga o‘tishi, cheklanishi va bekor bo‘lishi davlat ro‘yxatidan o‘tkazilishi kerakligi belgilangan.
2022-yil 28-noyabr kuni O’zbekiston Respublikasining “Ko‘chmas mulkka bo‘lgan huquqlarni davlat ro‘yxatidan o‘tkazish to‘g‘risida”gi 803-son qonuni qabul qilindi.
Qonunning 1-moddasiga asosan uning amal qilishi yer uchastkalarini, binolar, inshootlar, shu jumladan qurilishi tugallanmagan obyektlar, ko‘p yillik dov-daraxtlar, mulkiy majmua sifatidagi korxonalarga bo’lgan huquqlarni davlat ro‘yxatidan o‘tkazishga nisbatan tatbiq etilishi, bunda yer osti boyliklariga bo‘lgan huquqlarni davlat ro‘yxatidan o‘tkazishga nisbatan tatbiq etilmasligi belgilandi.
Qonunga asosan, identifikatsiya qilishga oid ma’lumotlar, kadastr pasporti, ko‘chmas mulkka bo‘lgan huquqlarni birlamchi davlat ro‘yxatidan o‘tkazish, ko‘chmas mulkka bo‘lgan huquqlarni davlat ro‘yxatidan o‘tkazish, ko‘chmas mulkka bo‘lgan huquqlarning cheklanishi, obyektning kadastr raqami tushunchalariga batafsil ta’rif berib o’tildi.
Shuningdek, qonunga asosan sohada umumiy va maxsus vakolatli organlar belgilangan bo’lib unga ko’ra O‘zbekiston Respublikasi Davlat soliq qo‘mitasi huzuridagi Kadastr agentligi ko‘chmas mulkka bo‘lgan huquqlarni davlat ro‘yxatidan o‘tkazish sohasidagi maxsus vakolatli davlat organi etib belgilandi.
Ma’lumki, ko‘chmas mulkka bo‘lgan huquqlarni davlat ro‘yxatidan o‘tkazish davlat reyestriga yozuv kiritish orqali amalga oshirililadi.
Qonunning 21-moddasida aynan ko‘chmas mulkka bo‘lgan huquqlarni davlat ro‘yxatidan o‘tkazish ro‘yxatdan o‘tkazuvchi yoki bosh ro‘yxatdan o‘tkazuvchi tomonidan davlat reyestriga yozuv kiritish orqali amalga oshirilishi belgilab o’tildi.
Shuningdek, qonunda koʻchmas mulkka boʻlgan quyidagi huquqlar
– mulk huquqi;
– doimiy egalik qilish huquqi;
– doimiy foydalanish huquqi;
– meros qilib qoldiriladigan umrbod egalik qilish huquqi;
– ijara huquqi;
– ikkilamchi ijara huquqi;
– xoʻjalik yuritish huquqi;
– operativ boshqarish huquqi;
– ko’chmas mulkni ishonchli boshqarish huquqi;
– bepul foydalanish huquqi;
– renta;
– ipoteka;
– servitut va boshqalar davlat roʻyxatidan oʻtkazilishi lozim.
Binolarga, inshootlarga hamda qurilishi tugallanmagan obyektlarga boʻlgan huquqlarni davlat roʻyxatidan oʻtkazish ushbu koʻchmas mulk joylashgan yer uchastkasiga boʻlgan huquqlar davlat roʻyxatidan oʻtkazilmaguniga qadar amalga oshirilmaydi.
Sh. Qadirov,
Beruniy tumani Adliya bo’limi davlat xizmatlari markazi direktori.


https://t.me/Beruniy_XABAR24

O’ZLIDEPДАН САЙЛАНГАН ДЕПУТАТЛАР ГУРУҲИ ХУСУСИЙ ШИФОХОНАЛАР ФАОЛИЯТИНИ ЎРГАНИШДИ

Тадбиркорлар ва Ишбилармонлар ҳаракати – Ўзбекистон Либерал-Демократик партияси Сиёсий Кенгаши ижроия қўмитасининг тегишли қарори билан шу йил май ойида Қорақалпоғистон Республикасининг туман ва шаҳарларида “Соғлиқни сақлаш соҳасида хусусий секторни янада ривожлантириш чора-тадбирларининг ижроси” юзасидан жамоатчилик назоратини юритиш чора-тадбирлари белгиланган. Шунга асосланиб, бугун Халқ депутатлари Беруний туман Кенгашига O’ZLIDEPдан сайланган Юлдашева Рахима Хайитбаевна, Хожаниязова Лола Ачиловналар Беруний туманидаги “DOCTOR HOUSE” ҳамда “SAYA MED” хусусий тиббиёт муассасаларида бўлишди.

Депутатлар асосан, солиқ имтиёзлари берилиши натижасида тежалган маблағлар ҳисобидан хусусий тиббиёт муассасалари тарафидан аҳолининг ижтимоий ҳимояга муҳтож қатламларига бепул тиббий хизмат кўрсатиш бўйича белгилаб берилган вазифаларнинг ижроси, соғлиқни сақлаш соҳасини ривожлантиришда давлат – хусусий шерикчилик механизмини қўллаш натижалари ҳамда имкониятларини таҳлил қилиш, давлат тиббий суғурта механизмларини юритиш бўйича амалга оширилаётган ишларни таҳлил қилишни асосий мақсад қилиб олишди.
Йил бошидан “DOCTOR HOUSE”хусусий шифохонасида 19 нафар ижтимоий ҳимояга муҳтож беморга бепул тиббий хизмат кўрсатилган, шу билан бирга 30 фоизлик чегирмалар билан даволаш ишлари стационар шароитда амалга оширилган. Бу кўрсаткич “SAYA MED” хусусий тиббиёт муассасасида 29 нафарни ташкил қилган.
Ҳар иккала хусусий шифохоналарда етарли даражадаги юқори салоҳиятли шифокорларга эҳтиёж кучли.
Депутатлар таҳлилий ўрганишлар жараёнида тадбиркорларнинг муаммоларини ҳам ўрганишди ва бу бўйича ўз муносабатларини билдиришди.


https://t.me/Beruniy_XABAR24