ለማንም ሰው የውስጥህን ሰቃይ በቃላት አውጥተህ ማስረዳት አትፈልግም፤ ነገር ግን በልብህ ውስጥ አንድ ሰው ዓይንህን አይቶ፣ፈገግታህን በደምብ ተመልክቶ  «ምን ያህል እንደደከመህ አይቻለሁ፤ ከእኔ መደበቅ አያስፈልግህም» ብሎ እንዲረዳህ በብርቱ ትመኛለህ። ይህ ግን ፈጽሞ እንደማይሆን ስታውቅ፣ ህመምህን በደረትህ ቆልፈህ ብቻህን ታግለህ ለመሻገር ራስህን በዝምታ ታዘጋጃለህ።

📚 @Bemnet_Library

ወላጆችህ ለአንተ ሲሉ ያጡትን እንቅልፍ፣ የደከሙትን ድካም እና ያሳለፉትን ስቃይ እያሰብክ፤ ዛሬ ግን አንተ በገዛ አልጋህ ላይ ተኝተህ የትም ያልደረስክና ህይወትህን ያላቆምክ ሰው ሆነህ ስታገኘው የሚሰማህ የጥፋተኝነት ስሜት ያንቅሃል። የእነሱን መስዋዕትነት የሚመልስ ውጤት አለማምጣትህ፣ የነሱን ተስፋ ይዘህ መሬት ላይ መቅረትህ በልብህ ውስጥ እንደ እሳት ሲነድድ ሌሊቱን ሙሉ በአይንህ እንቅልፍ ሳይዞር ያድራል።

📚 @Bemnet_Library

ተስፋ የቆረጥክ በሚመስልህና ዓለም በሙሉ በላየህ ላይ በጨለመችበት ቅጽበት፣ ወደ ኋላ ዞር ብለህ ያሳለፍካቸውን ቀናት አስታውሳቸው። «ከእንግዲህ አልችልም፤ አለቀልኝ» ያልካቸውን ስንት ጨለማ ሌሊቶች፣ ስንት የረሃብና የብቸኝነት ቀናትን አልፈህ ዛሬ እዚህ ቆመሃል? ያ ሁሉ ስቃይ አንተን ሊጥልህ አልቻለም፤ ይሄ ማለት ዛሬም ድረስ በህይወት አለህ፣ ዛሬም ድረስ ልብህ ይመታል። ያንን ሁሉ አውሎ ንፋስ ተሻግረህ የመጣህ ብርቱ ሰው ሆነህ ሳለህ፣ ዛሬ ለገጠመህ ጊዜያዊ ችግር እጅህን ሰጥተህ አትውደቅ።

📚 @Bemnet_Library

ለሰላሳ ቀናት ሙሉ ስትሰደብ፣ ስትዋረድና እንቅልፍ አጥተህ ደም ላብህን ስታፈስስ ውለህ፤ በወሩ መጨረሻ የደከምክባት ያቺ ትንሽ ገንዘብ እጅህ በገባች በሰዓታት ውስጥ ለኪራይ፣ ለዕዳ እና ለዕለት ጉርስ ተበትና ስታልቅ እጅህን ባዶውን ታገኘዋለህ። የደከምከው ኑሮህን ለማሻሻል ሳይሆን፣ በቀጣዩ ወር በሕይወት ለመቆየት የሚያስችል ፈቃድ ለመግዛት ብቻ እንደነበረ ስታስብ፤ በየቀኑ የምትሮጠው ይህ አድካሚ ሩጫ እንዲያበቃ ትመኛለህ።

📚 @Bemnet_Library

ስለ ሌላ ሰው አንተ ፊት የሚያማ ሰው፤ አንተ በሌለህበት ደግሞ ስለ አንተ ያማል! የሰው ልጅ ከአንተ ጋር መቀራረብ ሲፈልግ ወይም ሚስጥርህን ማውጣት ሲያሰኘው፤ የሌሎችን ሐሜት ይዞልህ ይመጣል።ከዛ በሌሎች ስህተትና ውድቀት አብረኸው ስትስቅ፣ ሳታስበው የራስህንም ድክመቶች አሳልፈህ ትሰጠዋለህ። አስታውስ፦ የሌላውን ሰው ቆሻሻ አንተ ደጅ የሚያራግፍ ሰው፤ የአንተንም ሚስጥር ውጭ መበተኑ አይቀሬ ነው። ስለዚህ ሐሜተኛን እንደ ሚስጥረኛ አትቁጠረው፤ ከሩቁ ሸሸው!

📕 ርዕስ፦ የሰው ልጅ የተፈጥሮ ሕጎች
✍️ ደራሲ፦ ሮበርት ግሪን

📚 @Bemnet_Library

በገዛ እጄ መስርቼ ካሳደግሁት አፕል ኩባንያ በቦርዱ ውሳኔ ተባረርኩ። ወደ ቤቴ ተመልሼ ሳሎኑ ወለል ላይ ብቻዬን ተቀመጥኩ። ቤቱ ሰላሳ ክፍሎች ያሉት ትልቅ ህንፃ ቢሆንም፣ በውስጡ ግን ምንም እቃ አልነበረውም፤ ልክ እንደ ባዶ ውስጤ ቀዝቅዞ ነበር። ትናንት ያጨበጨበልኝ ዓለም በአንድ ጀምበር ጀርባውን ሰጠኝ። ስኬት እና ዝና በቢዝነስ ዓለም ውስጥ ልክ እንደ ጭስ በቀላሉ የሚበኑ ከንቱ ነገሮች መሆናቸውን በዚያች ባዶ ቤት ውስጥ ተረዳሁ...

📕 ርዕስ፦ ስቲቭ ጆብስ
✍️ ደራሲ፦ ዋልተር አይዛክሰን

📚 @Bemnet_Library

ድንበር ማበጀት ማለት ሌሎች ሰዎች አንተን እንዴት መያዝ እንዳለባቸው የምታስተምርበት ሕግ ነው። «ይህ ነገር አይመቸኝም»፣ «ይህ ነገር ያሳዝነኛል» ብለህ በጊዜው ሁሉንም ነገር መናገር ነው።ጊዜው ካለፈ በኃላ ወይም ምንም ድንበር ሳታበጅ ከረፈደ በኃላ ግን ማንንም ሰው መውቀስ የለብህም።ምክንያቱም  መሬትህን አጥር ሳታበጅ ክፍት ያደረግከው አንተ ራስህ ነህና።

📕 ርዕስ፦ የሰው ልጅ የጥበብኝነት መንገድ
✍️ ደራሲ፦ አንቶኒ ሮቢንስ

📚 @Bemnet_Library

KFC ወደ ከተማችን ሲመጣ ለሥራ ካመለከቱ 24 ሰዎች መካከል 23ቱ ተቀጠሩ፤ ያልተቀጠረው ብቸኛ ሰው እኔ ነበርኩ። ወደ ፖሊስነት ለመግባት ሞከርኩ፤ ሃርቫርድ ዩኒቨርሲቲ አስር ጊዜ አመለከትኩ፤ በሁሉም ውድቅ ተደረግኩ። አሊባባን ሳቋቁም ደግሞ በቻይና የኢንተርኔት ተጠቃሚም ሆነ የክፍያ ሥርዓት አልነበረም። የመጀመሪያዎቹን ሦስት ዓመታት አንድም ሳንቲም ትርፍ ሳናይ ነው ያሳለፍነው። በቢዝነስ ዓለም ውስጥ ዛሬ ከባድ ነው፤ ነገ ደግሞ የከፋ ሊሆን ይችላል፤ ከነገ ወዲያ ግን አስደናቂ ፀሐይ ትወጣለች። አብዛኛው ሰው ግን ነገ ማታ ተስፋ ቆርጦ እጁን ይሰጣል።

📚 @Bemnet_Library

ወንድ ልጅ ሴትን ልጅ የሚያፈቅረው በአይኑ በሚያየው ውበትና ቁመና ሲሆን፤ ሴት ልጅ ደግሞ ወንድን ልጅ የምታፈቅረው በጆሮዋ በምትሰማው ቃላት ነው። ለዚህ ነው ወንድ ልጅ ሴትን ለመማረክ ሲል ቃላቱን ለማሳመርና የተለየ ማንነት ለመላበስ የሚጥረው፤ ሴት ልጅ ደግሞ የወንድን ልጅ አይን ለመሳብ ስትል ራሷን ለማስዋብና ለመኳኳል የምትደክመው።ስለዚህ የፍቅር ኬሚስትሪው የሚጀምረው የወንዱ ማየት ከሴቷ መሰማት ጋር ሲገጣጠም ነው።

📕 ርዕስ: አምስቱ የፍቅር ቋንቋዎች
✍ ደራሲ: ጋሪ ቻፕማን

📚 @Bemnet_Library

ቃለመጠይቅ ካደረኳቸው ወንዶች 88% የሚሆኑት ከጋብቻ በፊት ግንኙነት ካደረጓት ሴት ጋር አልተጋቡም። ማግባትም ጨርሶ አይፈልጉም! ከተለያዩ ሴቶች ጋር ግንኙነት ቢያደርጉም ያገቡት ግን ድንግል የሆነች ሴትን እየፈለጉ ነው።በተለይ ሴቶች ማግባት ከሚፈልጉት ወንድ ጋር ከጋብቻ በፊት ግንኙነት ባይጀምሩ እጅግ በጣም ይመከራል።

📓ርዕስ፦ለሚስቴ ባል ፍለጋ
✍️ደራሲ፦አዘርግ

📚 @Bemnet_Library

ጂም ገብታችሁ ሰውነታችሁን ማስተካከል ስትፈልጉ በቀን ለአንድ ሰዓት መሥራትን አታስቡ፤ ያ ከአቅም በላይ የሆነ እቅድ ነው። ከጥቂት ሳምንታት በኋላ ይደብራችሁና ታቆሙታላችሁ።

ከዚያ ይልቅ «በቀን አንዲት ፑሽ-አፕ ብቻ እሠራለሁ» በሉ። አንዲት ፑሽ-አፕ እጅግ በጣም ቀላል ከመሆኗ የተነሳ ሳታመነቱ መሬት ላይ ትወርዳላችሁ። አንዴ መሬት ላይ ከወረዳችሁ አይቀር ግን «ከአንድ በላይ መሥራት እችላለሁ» ብላችሁ ሦስት፣ አራት ወይም አሥር ሠርታችሁ ትነሳላችሁ።

ዋናው ግባችሁ ግን ሁልጊዜም ያቺው አንዲት ፑሽ-አፕ ናት። ለውጥ የሚመጣው በአንዴ ሳይሆን፣ በየቀኑ በሚደገሙ ጥቃቅን እርምጃዎች ነው።

📕ርዕስ፦ የልማድ አስደናቂ ኃይል
✍ደራሲ፦ጄምስ ክሌር

📚 @Bemnet_Library

አንድ ሰው ቤት መግዛት ፈልጎ 10 ቤቶችን ተመለከተ፤ ሁለተኛው ሰው ደግሞ 100 ቤቶችን ዞሮ አየ። ከሁለቱ የተሻለ ቤትና ጥሩ የዋጋ ስምምነት የሚያገኘው የትኛው ነው? በእርግጠኝነት መቶ ቤቶችን የተመለከተው ሰው ነው።

ይህ ሰው የተሻለ ዕድል ያገኘው እንዲሁ በአጋጣሚ አይደለም፤ በድካሙና ባደረገው ከፍተኛ እንቅስቃሴ ነው።ይሄ ማለት ዕድሉን በገዛ እጁ ነው የፈጠረው።አብዛኛዎቹ ሰዎች ስኬታማ ሰዎች «እድለኛ ናቸው» ይላሉ፤ ነገር ግን ያ ዕድል የመጣው እነሱ አስር እጥፍ ስለደከሙና ራሳቸውን ለብዙ አማራጮች ክፍት ስላደረጉ ነው...

📕 ርዕስ፦ የአሥር እጥፍ ሕግ
✍️ ደራሲ፦ ግራንት ካርዶን

📚 @Bemnet_Library

አብዛኛው ሰው ከኮሌጅ ወይም ከዩኒቨርሲቲ ከተመረቀ በኋላ፣ ትንሽዬ ሥራ ሲያገኝ «በቃ ሥራ አገኘሁ!» ብሎ እፎይ ይላል።

ለምን እንደዚያ እንደሚያስብ ብትጠይቁት፣ ከተመረቀ በኋላ ሥራ ማግኘት እንኳን የማይቻል መስሎ ስለሚታየው ነው። ሥራ ማግኘቱ ብቻ እንደ ትልቅ እፎይታ ይቆጠራል።

ከሕይወት የሚጠብቀውን ነገር ገና ከጅምሩ ዝቅ ስላደረገው፣ በዚያች ባገኛት ትንሽ ደሞዝ ውስጥ ታስሮ ይቀራል። ሰው ለራሱ የሚሰጠው ግምት ሲያንስ፣ የሚያገኘውም ውጤት ያንኑ ያህል ይሆናል...

📕ርዕስ: በትልቁ ማሰብ
✍️ደራሲ: ዴቪድ ሸዋርትዝ

📚 @Bemnet_Library

አብዛኞቹ ሰዎች የሚሰቃዩት በራሳቸው ችግር ሳይሆን፣ በሌሎች ሰዎች ዘንድ ተቀባይነት ለማግኘት በሚያደርጉት ጥረት ነው።

ቤተሰብ እንዲደሰት፣ ጎረቤት እንዲያደንቅ፣ ማህበረሰቡም «ጎበዝ» እንዲል ሲባል ብቻ የማይወዱትን ትምህርት ይማራሉ፣ የማይስማማቸውን ስራ ይሰራሉ፣ ከማይፈልጉት ሰው ጋር ይኖራሉ።

ሌሎች ሰዎች ባንተ ላይ የሚኖራቸውን አመለካከት ለመቆጣጠር መሞከር በራሱ ትልቅ እስር ቤት ነው። የሰው ልጅ ትልቁ ባርነት በሌሎች ሰዎች አስተያየት ውስጥ ተወስኖ መኖር ነው

📕 ርዕስ፦ የሰው ልጅ የጥበብኝነት መንገድ
✍️ ደራሲ፦ አንቶኒ ሮቢንስ

📚 @Bemnet_Library

ከጋብቻ በፊት አብረው የሚኖሩ ፍቅረኛሞች ከተጋቡ በኋላ የመፋታት እድላቸው በ40% ይጨምራል! ምክንያቱም አንዲት ሴት ከጋብቻ በፊት የሚስትን ሚና ወስዳ አብራው ስትኖር፣ ምግብ ስታበስልለትና አልጋ ስትጋራው፣ ወንዱ ማግባት የሚያስገኝለትን አዲስ ነገር አያገኝም።ይሄ ማለት ወንዱ  ያለምንም ቃልኪዳንና ጋብቻ የሚፈልገውን ሁሉ ካገኘ፣ እሷን ለማግባት አይቸኩልም! ሚስት ሳትሆኚ የሚስትን ሚና መጫወት ለጋብቻ መዘግየት እና ለመፋታት ትልቁ ምክንያት ነው!

📕 ርዕስ:- የወንዶችና የሴቶች ስነልቦና
✍️ ደራሲ:- ሮሎ ቶማስ

📚 @Bemnet_Library

በዓለም ዙሪያ በሚገኙ ከ37 በላይ ሀገራት በተደረገ ሳይንሳዊ ጥናት፣ ወንዶች ለጋብቻ ሴትን ሲመርጡ ከሁሉ በላይ ቅድሚያ የሚሰጡት ያለፈ ታሪኳን፣ ንጽህናዋንና ታማኝነቷን ነው። አንድ ወንድ ለጊዜያዊ ደስታ የትኛዋንም ዓይነት ሴት ሊፈልግ ይችላል፤ ነገር ግን ለዘላቂ ህይወት እና ለልጆቹ እናትነት ሲያስብ፣ ከብዙ ወንዶች ጋር ግንኙነት ያልነበራትንና ራሷን የጠበቀችን ሴት አጥብቆ ይፈልጋል

📕 ርዕስ:- የወንዶችና የሴቶች ስነልቦና
✍️ ደራሲ:- ሮሎ ቶማስ

📚 @Bemnet_Library

አንዲት ሴት ወንድን የምትወደው «ያለ ምንም ቅድመ-ሁኔታ» ነው የሚለው አባባል ትልቅ ቅዠት ነው! ሴት ልጅ ያለምንም ቅድመ-ሁኔታ የምትወደው የገዛ ልጇን ብቻ ነው። ወንድ ልጅን ግን የምትወደውና የምታከብረው ባለው ጥንካሬ፣ በኃላፊነት ስሜቱና በሚሰጣት ደህንነት ልክ ብቻ ነው! አንድ ወንድ በሴቷ ፊት በተደጋጋሚ ሲያለቅስ፣ አቅመ-ቢስነቱን ሲያሳይና እንደ ልጅ እናትነት ሲፈልግባት፣ ሴቷ ልታዝንለት ትችላለች፤ ነገር ግን የወንድነት ክብሩና የፍቅር መሳሳቧ በቅጽበት ይሞታል! ሴት ልጅ በደመነፍሷ እናት ልትሆነው የምትችለውን ወንድ ፈጽሞ አታፈቅረውም!

📕 ርዕስ:- የወንዶችና የሴቶች ስነልቦና
✍️ ደራሲ:- ሮሎ ቶማስ

📚 @Bemnet_Library

አብዛኛው ሰው ገቢው እያደገ ሲሄድ እንኳን ከኑሮ ጭንቀት መላቀቅ የማይችለው ለምን እንደሆነ ታውቃላችሁ?

ገቢው ሲጨምር የኑሮ ደረጃውንና ወጪውን አብሮ ስለሚጨምር ነው። ትንሽ ገንዘብ ሲያገኝ የተሻለ ስልክ፣ ውድ ልብስ ወይም አዲስ መኪና ይገዛል። ያኔ ያገኘው ተጨማሪ ገቢ ሳይቆይ ያልቃል፤ ልክ እንደበፊቱ ወሩን ለመግፋት እንደገና መጨነቅ ይጀምራል። ሀብት ማለት የምታሳየው ውድ ነገር ሳይሆን፣ ለነገ ነጻነትህ ብለህ ያላጠፋኸው ገንዘብ መሆኑን አለመረዳት ሰዎችን በቋሚ ገንዘብ ማጣት ውስጥ ያስቀራቸዋል

📕 ርዕስ፦ የገንዘብ ሳይኮሎጂ
✍️ ደራሲ፦ ሞርጋን ሃውዝል

📚 @Bemnet_Library

አንዲት ሴት ለአንድ ወንድ ያላትን ስሜት በቃላት ከመግለጿ በፊት በሰውነት ቋንቋዋ ትገልጻለች! ይሄ ማለት አንድ ወንድ በሴቷ አይን ውስጥ ቦታ እንዳለው የሚያውቀው በንግግሯ ሳይሆን በምታሳየው ትኩረት ነው፦ለምሳሌ አጠገቡ ስትሆን ፀጉሩን የምትነካካ ከሆነ፣ ወደ እሱ ጠጋ ብላ የምታዳምጠው ከሆነና በአይኑ ውስጥ ያለውን እይታ አብዝታ የምትፈልግ ከሆነ ሳታስበው ፍላጎቷን እያሳየች ነው። ብዙ ወንዶች የሴቷን ቀጥተኛ ቃል ይጠብቃሉ፤ ሴቶች ግን ስሜታቸውን የሚገልጹት በስውር አካላዊ ምልክቶች ነው!

📕 ርዕስ፦ አምስቱ የፍቅር ቋንቋዎች
✍ ደራሲ፦ ጋሪ ቻፕማን

📚 @Bemnet_Library

አንድ ጊንጥ ወንዝ ለመሻገር ፈልጎ መዋኘት ስለማይችል አንዲት እንቁራሪት ጋር ቀርቦ «ጀርባሽ ላይ አዝለሽ ወንዙን አሻግሪኝ» ሲል ይለምናታል። እንቁራሪቷም በፍርሃት «በፍጹም አላዝልህም፤ አንተ ጊንጥ ነህ፣ ወንዙ መሃል ስንደርስ ነድፈህ ትገለኛለህ» አለችው። ጊንጡም ምክንያታዊ መስሎ «እኔ ካንቺ ጋር እየዋኘሁ እንዴት እነድፍሻለሁ? አንቺ ከሞትሽ እኔም አብሬሽ እሰጥማለሁ፤ ስለዚህ ራሴን ልገድል አልፈልግም» ሲል አሳመናት። እንቁራሪቷም በንግግሩ አምና ጀርባዋ ላይ አዘለችው። ወንዙ መሃል ሲደርሱ ግን ጊንጡ መርዛማ ጅራቱን ሰብቆ በብርቱ ነደፋት። እንቁራሪቷ እየሰጠመች በመጨረሻው እስትንፋሷ «ለምን እንዲህ አደረግክ? ሁለታችንም እኮ ልንሞት ነው!» አለችው። ጊንጡም እየሰመጠ «ምንም ማድረግ አልችልም፤ ተፈጥሮዬ ስለሆነ ነው» ሲል መለሰላት። የሰው ልጅ የተፈጥሮ ባህሪ በምክንያት አይቀየርም፤ አጥፊ ሰዎችን ፀባያቸውን ይለውጣሉ ብሎ ማመን ከጥፋት አያድንም

📕ርዕስ፦ የሰው ልጅ ተፈጥሮ ህጎች(ይሄ ፅሁፍ ምዕራፍ 4 ላይ ያለውን ሃሳብ ለማስረዳት የቀረበ ነው)
✍️ ደራሲ:- ሮበርት ግሪን

@Bemnet_Library

ማማለል ማለት እንቆቅልሽ መሆን  ማለት ነው።

"የት ነሽ?" ሲልሽ፣ "አንድ ቦታ" በይው።ዛሬ ምን አዲስ ነገር አለ?" ሲልሽ፣ "አንድ የሚገርም ነገር አይቼ ነበር... ግን ቆይ ሌላ ጊዜ እነግርሃለሁ" ብለሽ ወሬውን  ቀይሪው...."ምን እያሰብሽ ነው?" ሲልሽ፣ "ምንም" ብለሽ ፈገግ በይ።ነገ ምን ልታደርጊ ነው?" ሲልሽ፣ "አንድ ያልተጠበቀ ቦታ እሄዳለሁ" በይው።ግን የትና ከማን ጋር እንደምትሄጂ አትንገሪው!

ያልተነበበ መጽሐፍ ሁሌም ጉጉት ይፈጥራል።ጥቂቱን አሳይተሽ፣ ብዙዉን ሸፍኚ።ወንድ ልጅ የሚከተለው የሚታየውን ሳይሆን፣ የተሸፈነውን ለማወቅ ነው።

📕 ርዕስ: የማማለል ጥበብ
✍ ደራሲ: ሮበርት ግሪን

📚 @Bemnet_Library