«ፍቅር ማለት ጠብ ሲመጣ መጠጥ ቤት ውስጥ አልኮል እየጠጡ ማምሸትና ማደር ነው»፣ «ፍቅር ማለት ወደተዉት ሲጋራ መመለስ ነው»፣ «ፍቅር ማለት ትራሱ እስኪርስ ማልቀስ ነው»፣ «መደበር» ነው። ይህን ሁሉ ዋጋ የምትከፍለው፤ «አልበላም፣ አልጠጣም» የምትለው ለማን ነው? ለፍቅር ነው? ፍቅር ማለት ዋጋ የምንቀበልበት ሳይሆን ዋጋ የምንከፍልለት ነው።

📕ርዕስ፦ምን ሆኛለሁ
✍️ደራሲ፦ትዕግሥት ዋልተንጉሥ

📚 @Bemnet_Library

ለሰው ጉድጓድ አትቆፍር፣ ከቆፈርክም አታርቀው። እራስህ ልትወድቅበት ትችላለህ።

📕ርዕስ፦ኦማሂሬ
✍️ደራሲ፦ሚኒሊክ ዘለቀ

📚 @Bemnet_Library

ሀብታሞች እንደ ድሃ በመኖር ሀብታም ሆነው ይቆያሉ፤ ድሆች ደግሞ እንደ ሀብታም ለመምሰል በመኖር በድህነት ይቀራሉ።

📕ርዕስ፦የቢዝነስ ምህንድስና
✍️ደራሲ፦ጆሽ ካውፍማን

📚 @Bemnet_Library

አበዳሪ ማለት ፀሐይ ስትወጣ ዣንጥላ አውሶህ፣ ዝናብ ሲጀምር ዣንጥላውን መልስልኝ የሚል ሰው ነው።

📕ርዕስ፦የቢዝነስ ምህንድስና
✍️ደራሲ፦ጆሽ ካውፍማን

📚 @Bemnet_Library

ብዙ ወጣቶች ወደ እኔ መጥተው፦ «ኮሌጅ ልጨርስ ነው፤ ወደፊት ምን ብሰራ ይሻላል?» ብለው ይጠይቁኛል። እኔም ሁልጊዜ እንዲህ እላቸዋለሁ፦ «በዚህ ምድር ላይ ገንዘብ የሚባል ነገር ባይኖር ኖሮ፤ ምን በመስራት ጊዜያችሁን ማሳለፍ ትመርጡ ነበር?»

አንዳንዱ «ስዕል መሳል እፈልጋለሁ»፣ ሌላው «ሙዚቃ መጫወት»፣ ሌላው «ፈረስ ማሰልጠን» ይለኛል። እኔም፦ «ሂዱና ያንን የምትፈልጉትንና የምትመኙትን አድርጉ፤ ስለ ገንዘቡ አትጨነቁ» እላቸዋለሁ።

ምክንያቱም የማትወዱትን ስራ ገንዘብ ለማግኘት ብቻ ብላችሁ ከሰራችሁ፤ ህይወታችሁን በሙሉ ለማትወዱት ነገር ታባክናላችሁ። ያገኛችሁትንም ገንዘብ በህይወት ለመቆየት ታውሉታላችሁ፤ በህይወት የምትቆዩት ደግሞ የማትወዱትን ስራ ደግማችሁ ለመስራት ይሆናል! ይሄ እብደት ነው።

በምትወዱት ነገር ላይ እጅግ የተዋጣላችሁ እና ብቁ ከሆናችሁ ግን፤ ሰዎች ለእናንተ ችሎታ ገንዘብ ለመክፈል ራሳቸው ተሰልፈው ይመጣሉ። ስለዚህ ሁልጊዜ በምትፈልጉትና  በምትወዱት ነገር ላይ ትኩረት አድርጋችሁ ስሩ!

📕ርዕስ፦የቢዝነስ ምህንድስና
✍️ደራሲ፦ጆሽ ካውፍማን

📚 @Bemnet_Library

አብዛኛው ሰው ጎረቤቱ ወይም ጓደኛው ሲሳካላት ወይም ከእሱ የሚበልጥ ገቢ ሲያገኝ አይወድም። ለምሳሌ፦አንድ ሰው በዓመት 100 ሺህ ብር እያገኘ ሁሉም ሰው 50 ሺህ የሚያገኝ ከሆነ ደስተኛ ይሆናል፤ ነገር ግን እሱ 1 ሚሊዮን እያገኘ ጎረቤቱ 2 ሚሊዮን ካገኘ በንዴት ይቃጠላል

ቅናት በሰው ልጆች ላይ ከተፈጠሩት ኃጢአቶች ሁሉ እጅግ የሞኝ ኃጢአት ነው። ምክንያቱም ሌሎች ኃጢአቶች ቢያንስ ለደቂቃዎችም ቢሆን ጊዜያዊ ደስታ ይሰጣሉ፤ ቅናት ግን አንዲት ሰከንድ እንኳን ደስታ አይሰጥህም።ሙሉ በሙሉ ስቃይ ብቻ ነው! ስለዚህ በህይወትህ ወይም በቢዝነስ ጉዞህ የራስህን መንገድ ብቻ ተከተል፤ ሌላው ሰው ባንተ ፍጥነት ካልተጓዘ ወይም ከአንተ ፈጥኖ ከሄደ ጉዳይህ ሊሆን አይገባም።የአንተ ጉዳይ ሊሆን የሚገባው የራስህ ሕይወት ወይም ቢዝነስህ ነው።

📕ርዕስ፦የቢዝነስ ምህንድስና
✍️ደራሲ፦ጆሽ ካውፍማን

📚 @Bemnet_Library

ለመላው የኦርቶዶክስ እምነት ተከታዮች በሙሉ እንኳን ለመስቀል በዓል በሰላም አደረሳችሁ!

በዓሉ የሰላም፣ የፍቅር፣ የጤና እንዲሆን እንመኛለን።

በዓሉን ስናከብር ያዘኑትን በማፅናናት፣ የተጎዱትን በመጠየቅ፣ ተፈናቅለው መጠጊያና መሸሸገያ ያጡ ወገኖችን በማሰብ፣ ለሀገር ሰላምና ለዜጎች ደህንነት በመፀለይ እንዲሆን በትህትና እንጠይቃለን።

መልካም በዓል!

📚 @Bemnet_Library

ሴት ልጅ ፍቅርን የምትገልጸው እና የምትጠብቀው በቀኑ ውስጥ በየሰዓቱ በሚደወል ስልክ፣ በሚያማምሩ ቃላት እና በስሜታዊ ቅርበት ነው። ወንድ ልጅ ግን ፍቅሩን የሚገልጸው ጠዋት ወጥቶ በማታ ላንቺና ለቤቱ በመልፋት፣ ከማንኛውም ችግር አንቺን ለመታደግ ራሱን አሳልፎ በመስጠት እና ጥበቃ በማድረግ ነው።

ስለዚህ ሴቶች ወንድ ልጅ ፍቅሩን ልክ እንደ ሴት እንዲገልጽላችሁ አትጠብቁ። በቀን ውስጥ 20 ጊዜ እወድሻለሁ ባይልሽም እንኳ፣ ላንቺ ሲል የሚከፍለውን መስዋዕትነት እና ለህይወታችሁ የሚያደርገውን ድካም እንደ እውነተኛ የፍቅር ቋንቋው ተረጂለት።

📘 ርዕስ፦ እንደ ሴት ሁኚ፤ እንደ ወንድ አስቢ
✍️ ደራሲ፦ ስቲቭ ሃርቪ

📚 @Bemnet_Library

ወንድ ልጅ በሕይወቱ ውስጥ ከፍቅር በላይ መከበርን ይፈልጋል። ክብር ካጣ ፍቅር ቢሰጠው እንኳን ባዶነት ይሰማዋል። ሴት ልጅ ደግሞ ከክብር በላይ መወደድንና ትኩረትን ትፈልጋለች። ወንድ ልጅ ሳይከበር መውደድ አይችልም፤ ሴት ልጅ ደግሞ ሳትወደድ ማክበር ይከብዳታል።ስለዚህ ለወንዱ ክብር ስጪው፤ ለሴቷ ደግሞ ትኩረት ስጣት፤ ያኔ ፍቅራችሁ ሰላማዊ ይሆናል።

📕 ርዕስ፦ ወንዶች ከማርስ፣ ሴቶች ከቪነስ
✍️ ደራሲ፦ ጆን ግሬይ

📚 @Bemnet_Library

አንዲት ሴት ስላጋጠማት ችግር ስታወራህ፣ አብዛኛውን ጊዜ የምትፈልገው «ምን ላድርግልሽ?» የሚል መፍትሄ ሳይሆን «ተረድቼሻለሁ» የሚል ስሜትን ነው። ወንድ ልጅ በተፈጥሮው ችግር ፈቺ  ስለሆነ ወዲያውኑ መፍትሄዎችን መደርደር ይጀምራል፤ ይህ ግን ሴቷን ይበልጥ ሊያበሳጫት ይችላል። ለእርሷ ትልቁ መፍትሄ ስሜቷን የሚጋራና በትዕግስት የሚያዳምጣት ጆሮ ማግኘቷ ነው። ስሜቷ ተቀባይነት ካገኘ፣ ችግሩን በራሷ የመፍታት አቅም አላት።

📕 ርዕስ፦ ወንዶች ከማርስ፣ ሴቶች ከቬኑስ
✍ ደራሲ፦ ጆን ግሬይ

📚 @Bemnet_Library

በዚህች ምድር ላይ ያለምንም ቅድመ ሁኔታ የሚወደዱት ሴቶች፣ ህፃናት እና የቤት እንስሳት ብቻ ናቸው። ወንድ ልጅ ግን ያለምንም ቅድመ ሁኔታ አይወደድም። የአንድ ወንድ ዋጋ እና ክብር የሚለካው፣ ለሰዎች በሚሰጠው ጥቅም፣ በሚያመጣው ውጤት፣ በጉልበቱ እና በሚያቀርበው ነገር  ልክ ብቻ ነው። ወንድ ሆነህ ከተፈጠርክ፣ ዋጋህን የምትገነባው አንተው ራስህ ነህ። ምንም የማታመጣ እና የማትጠቅም ወንድ ከሆንክ፣ ማህበረሰቡም ሆነ የራስህ ቤተሰብ አይፈልግህም። ይህ የህይወት መሪር እውነት ነው።

📕ርዕስ፦የሰው ልጅ የተፈጥሮ ህጎች
✍ደራሲ፦ሮበርት ግሪን

📚 @Bemnet_Library

አንዳንዴ በህይወታችን ላይ የሚቀመጡ ጠባሳዎች የማይረሱ ይሆናሉ!መርሳት እንኳ ፈልገን ለመርሳት የማንችላቸው አጋጣሚዎች በህይወታችን ላይ ይፈጠራሉ። አንዳንዴ ህይወት ከእኛ በላይ ትሆናለች!!

📕ርዕስ፦ለሚስቴ ባል ፍለጋ
✍️ደራሲ፦አዘርግ

📚 @Bemnet_Library

የአንድ ሰው ሀብት የሚለካው ስራ መስራት ቢያቆም ለምን ያህል ጊዜ መኖር ይችላል በሚለው ነው።

📕ርዕስ፦የቢዝነስ ምህንድስና
✍️ደራሲ፦ጆሽ ካውፍማን

📚 @Bemnet_Library

እኔ ነኝ የማውቀው
-------------

አንዴ ብቻ፥ ይድላኝ
አንዴ ብቻ፥ ልረፍ
አንዴ ብቻ፥ ልኑር
አንዴ ብቻ፥ ልትረፍ
ፋታ ብቻ ላግኝ፥ እንደምፈልገው
እንዴት እንደማለቅስ፥ እኔ ነኝ የማውቀው

📕ርዕስ፦እንዲህ ያለም የለ!(የግጥም ስብስብ)
✍️ገጣሚ፦ሃብታሙ ሃደሪ

📚 @Bemnet_Library

አንዳንዴ ተስፋ በሌለው ነገር ላይ ተስፋ መቁረጥ ጥሩ ነው።እንደማይሆን እያወክ መድከም ዋጋ ቢስ ያረግሀል።

📕ርዕስ፦ካራሞን
✍️ደራሲ፦ዘካሪያስ ደሴ

📚 @Bemnet_Library

ህልሞቼን እና ተስፋዎቼን እስካሁን ድረስ በልቤ ይዤ አለመተዌ ለእኔ ራሱ ትልቅ ተአምር ነው፤ ምክንያቱም አሁን ባለንበት አስፈሪ ሁኔታ ውስጥ እነሱን ማሰብ እብደት ይመስላል። ቢሆንም ግን ተስፋዎቼን አጥብቄ ይዣቸዋለሁ።

ምክንያቱም በዙሪያችን ይህ ሁሉ ግድያ፣ ጦርነት እና አሰቃቂ ጭካኔ ቢኖርም፤ አሁንም ድረስ «የሰው ልጅ በተፈጥሮው በልቡ ውስጥ እውነተኛ መልካምነት አለው» ብዬ በፅናት አምናለሁ።

ዓለም ቀስ በቀስ ወደ ጭካኔ እየተቀየረች እንደሆነ ይሰማኛል፤ የጥፋቱ ነጎድጓድም እየቀረበን እንደሆነ አውቃለሁ፤ ቢሆንም ግን በመስኮት በኩል ሰማዩን ቀና ብዬ ሳይ ይህ ሁሉ መከራ አንድ ቀን እንደሚያበቃ፣ ሰላምና ፍቅር ዳግመኛ ወደ ምድር እንደሚመለሱ ተስፋ አደርጋለሁ።

📕 ርዕስ፦ የአና ማስታወሻ
✍️ ደራሲ፦ አና ፍራንክ

📚 @Bemnet_Library

ዲስፕሊን ማለት፦ማድረግ ያለብህን ነገር፣ ማድረግ በሚገባህ ትክክለኛ ሰዓት፣ ማድረግ ብፈልግም ባፈልግም፣ ስሜትህ ቢፈቅድም ባይፈቅድም ራስህን አስገድደህ የማድረግ ችሎታ ነው።

📕 ርዕስ፦ አልበገርም
✍️ ደራሲ፦ ዴቪድ ጎጊንስ

📚 @Bemnet_Library

ሴቶች ብዙን ጊዜ በስሜት ይመራሉ። ለእሷ አንድ ነገር ከተሰማት፣ ያ ለእሷ እውነት ነው። በሎጂክና በክርክር ስሜቷን ለመለወጥ መሞከር ጊዜ ማጥፋት ነው።ስለዚህ ከመጨቃጨቅ ይልቅ የምትለውን ነገር ባታምንበትም ተቀበላት።ከዛ ብቻህን ወስንበት።

📕ርዕስ፦የመማረክ ጥበብ
✍️ደራሲ፦ሮበርት ግሪን

📚 @Bemnet_Library

ራስህን ከሌሎች ሰዎች ጋር አታወዳድር፤ እያንዳንዱ ሰው የራሱ የሆነ የህይወት ውጊያና ሸክም አለው። ማነፃፀር ያለብህ የዛሬ ማንነትህን ከትናንቱ ማንነትህ ጋር ብቻ ነው። በየቀኑ በትንሹም ቢሆን የተሻልክ ሰው ለመሆን ጥረት አድርግ። ዓለምን ለመለወጥ ከመነሳትህ በፊት መጀመሪያ የራስህን ህይወትና ቤት አደራጅ።

📕 ርዕስ:- 12ቱ የህይወት ህጎች
✍️ ደራሲ:- ጆርዳን ፒተርሰን

📚 @Bemnet_Library

ወንድ ልጅ በአንድ ጊዜ ከአንድ ነገር በላይ በአእምሮው ማስተናገድ የማይችል ተፈጥሮ አለው። አንድ ወንድ ስራ ሲሰራ፣ ቲቪ ሲመለከት ወይም ስልክ ላይ ሲያተኩር፣ አንቺ የምታወሪውን ነገር በአግባቡ ማዳመጥ አይችልም። ሴቶች ደግሞ ይሄንን የወንዶች የተፈጥሮ ባህሪ ይህንን እንደ ቸልተኝነትና እነሱን እንደ መናቅ ይቆጥሩታል።

ስለዚህ ሴቶች እባካችሁ ወንድ ልጅ ሌላ ስራ ላይ ተጠምዶ እያለ አስፈላጊ የሆኑ የህይወት ጉዳዮችን አታውሩት። ጠቃሚ ነገር ማውራት ስትፈልጉ መጀመሪያ ትኩረቱን ሙሉ በሙሉ ወደ እናንተ እንዲያደርግ አድርጉት እንጂ እያደረገ ካለው ነገር ጋር በአንድ ጊዜ አታስጨንቁት።

📕 ርዕስ:- እንደ ሴት ሁኚ፤ እንደ ወንድ አስቢ
✍️ ደራሲ:- ስቲቭ ሃርቪ

📚 @Bemnet_Library

ሴት ልጅ ከእሷ በገቢ ዝቅ ያለን ወንድ ለረጅም ጊዜ አክብራ መኖር አትችልም።ወንዱ ወይም ባሏ ከእሷ ያነሰ ገቢ ካለው ፍቅሯ ቀስ በቀስ ወደ ንቀትና ትዕዛዝ ይቀየራል።

ሴቶች በተፈጥሯቸው ወደ ላይ የሚያዩ (Hypergamous) እንጂ ወደ ታች አጎንብሰው የወንድ የበላይ መሆንን አይወዱም።ስለዚህ ወንዶች ከእናንተ በላይ ሀብት ወይም ማዕረግ ካላት ሴት ጋር ስትሆኑ ተጠንቀቁ። የወንድ ልጅ የበላይነት በኢኮኖሚና በማንነት ካልተረጋገጠ፣ ግንኙነቱ ውሎ አድሮ ወደ ጦርነትና ውርደት መቀየሩ አይቀርም።ዓለማችን ላይ ካሉ ወንዶች 75%ቱ በዚህ ምክንያት እንደሚፋቱ ተረጋግጧል።

📕 ርዕስ:- የወንዶችና የሴቶች ስነልቦና
✍️ ደራሲ:- ሮሎ ቶማስ

📚 @Bemnet_Library