አንድ ወንድ ማን እንደሆነ፣ ምን እንደሚሰራ  እና ምን ያህል ገቢ እንዳለው በግልፅ እስካላወቀ ድረስ ሙሉ ልቡን ሰጥቶ ለፍቅር ወይም ለዘላቂ ግንኙነት ዝግጁ አይሆንም። እነዚህን ሦስት ነገሮች ያላሟላ ወንድ ላንቺ ያለው ፍቅር የቱንም ያህል ቢሆን በራሱ ህይወት ውስጥ ስላልተረጋጋ ሙሉ ትኩረቱን ላንቺ መስጠት አይችልም።

📕 ርዕስ፦ እንደ ሴት ሁኚ፤ እንደ ወንድ አስቢ
✍️ ደራሲ፦ ስቲቭ ሃርቪ

📚 @Bemnet_Library

እጅግ የምትወዳት ፍቀረኛ ካለችህ  ምን ታደርጋለህ መሰለህ፤ከየትም እንዴትም ብለህ ለሁለት ዓመት ያህል ብር ታጠራቅማለህ።ከዚያ ፒያሳ ማህሙድ ጋ ቅጠራት።ፒያሳ ካስትሌ ምሳ ጋብዛት።ምን አለ በለኝ ትጋባላችሁ።

📕ርዕስ፦ፒያሳ ማሕሙድ ጋ ጠብቂኝ
✍️ደራሲ፦መሀመድ ሰልማን

📚 @Bemnet_Library

የ12ኛ ክፍል ውጤታችሁን ካያችሁ በኋላ ልታውቋቸው የሚገቡ 5 ነገሮች!

1,አልበርት አንስታይን፦በ16 ዓመቱ ወደ ዙሪክ ፖሊቴክኒክ ዩኒቨርሲቲ ለመግባት የተፈተነውን አጠቃላይ የመግቢያ ፈተና ወድቆ ነበር። ነገር ግን ያ ውድቀት ዓለምን የለወጠውን የአንጻራዊነት ሕግ (Relativity) ከመፍጠር አላገደውም።

2, ጃክ ማ ፦ የቻይናውን አገር አቀፍ የዩኒቨርሲቲ መግቢያ ፈተና ሁለት ጊዜ ሙሉ በሙሉ ወድቋል። ዛሬ ግን በቢሊዮኖች የሚቆጠር ዶላር ባለቤት እና የዓለማችን ግዙፉ የቴክኖሎጂ ኩባንያ የሆነው የአሊባባ መሥራች ነው።

3,ቶማስ ኤዲሰን፦በተደጋጋሚ ጊዜ የተለያዩ የትምህርት ዘርፎች ላይ በመድከሙና በመውደቁ ከትምህርት ቤት ተባሮ ነበር። እሱ ግን በውጤቱ ሳይወሰን የኤሌክትሪክ መብራትን ፈጥሮ ዓለምን አስደምሟል።

4,ሊዮ ቶልስቶይ፦ይሄ የዓለማችን ድንቅ ደራሲ፤ በካዛን ዩኒቨርሲቲ የተፈተነውን የኮርስ ፈተና ሙሉ በሙሉ ወድቆ መምህራኑ ምንም ዓይነት የመማር ችሎታ የለውም ብለው አሰናብተውት ነበር።። እርሱ ግን በሚለዮን ኮፒ የሸጡ መጽሐፎችን ፅፏል።

5,ማርክ ትዌይን፦ የ12 ዓመት ልጅ እያለ ትምህርት አቋርጦ የወጣው ይህ ደራሲ፤ በዓለም ላይ ካሉ ታላላቅ ጸሐፊዎች አንዱ በመሆን በሚሊዮኖች የሚቆጠሩ ተማሪዎች ፈተና የሚፈተኑባቸውን ታዋቂ መጽሐፎች ፅፏል።

እነዚህ ከላይ የተጠቀሱት በትምህርት ቤት ፈተና ወድቀው ዛሬ ላይ ትልቅ ደረጃ ላይ የደረሱ ሳይንቲስቶችና ባለሀብቶች ናቸው።ስለዚህ እናንተም ውጤት ቢመጣላችሁም ባይመጣላችሁም በየቀኑ ራሳችሁን ለማሻሻል ጥረት አድርጉ፤አዳዲስ ክህሎቶችን ተማሩ፤ከምንም በላይ ደግሞ በውስጣችሁ ያለው ፍላጎት ላይ ያለማቋረጥ ስሩ።እኛ በማንኛውም ጊዜ ለእናንተ አስፈላጊ የሆኑ መጽሐፎችን እዚህ ቻናል ላይ በመልቀቅ እናግዛችኋለን።

📚 @Bemnet_Library

ውጤት ተለቋል፤ ግን ጥያቄ ቁጥር 11 ላይ ወድቃችኋል? 

እኔ አበበ ነኝ እንበል፤ እናንተ ደግሞ ጫላ ናችሁ! ዛሬ ሁለታችንም ጨው እንድንሠራ አንድ ዓይነት ላብራቶሪ ውስጥ ገባን። በኬሚስትሪ ሕግ ጨው ለመሥራት ሶዲየም እና ክሎሪን የተባሉ ሁለት ንጥረ ነገሮች የግድ መዋሃድ አለባቸው። እኔ ብሔራዊ ፈተና 500 ስላመጣው አንድ ትልቅ ጆንያ ሶዲየም ተሰጠኝ።ሶዲየም ሲታይ በጣም ያምራል።ነገር ግን ብቻውን ለምግብነት አይውልም።እንዲያውም ውኃ ቢነካው ይፈነዳል።

እናንተ ደግሞ ውጤታችሁ ከ300 በታች ስለሆነ የተሰጣችሁ ትንሽዬ ክሎሪን ጋዝ ብቻ ነው እንበል። ክሎሪን ደግሞ ብቻውን መርዛማ ጋዝ ነው።ሶዲየምም ብቻውን ጨው አይሆንም፣ ክሎሪንም ብቻውን ጣዕም አይሰጥም።ሁለቱ ንጥረ ነገሮች ተገናኝተው ቦንድ ካልፈጠሩ በስተቀር ለምግብ የሚሆን ጣፋጭ ጨው ማግኘት አይቻልም።

የ12ኛ ክፍል ውጤታችሁ ልክ እንደ አንዱ ንጥረ ነገር ነው።ያገኛችሁት 600 ወይም ከፍተኛ ውጤት ቢሆንም  ተግባራዊ ክህሎት ወይም ሁለተኛው ንጥረ ነገር ከሌላችሁ ውጤታችሁ ወይም ሶዲየሙ ብቻውን የሚፈነዳና ጥቅም የሌለው ነገር ሆኖ ይቀራል። ዓለም ደግሞ ሶዲየም ስላላችሁ ወይም ውጤት ስላመጣችሁ አታጨበጭብላችሁም፤ ጣፋጭ  ጨው ወይም ጥቅም እንድትሰጧት ግን ትፈልጋለች።

ይሄ ማለት ከፍተኛ ውጤት ወይም 500 ነጥብ ባገኝም ክህሎት ካሌለኝ ተወዳዳሪ አይደለሁም።ወይም ያለኝን ብዙ ሶዲየም ወደ ጨው መቀየር አልችልም።ወደ ጨው ካልቀየርኩት ደግሞ ስለማልጣፍጥ ወይም ጥቅም ስለማለሰጥ  አውጥተው ይጥሉኛል።በተጨማሪም ዝቅተኛ ውጤት አምጥታችሁና ክሎሪኑን ብቻ ይዛችሁ ከተቀመጣችሁ ክሎሪን ብቻውን መርዛማ ጋዝ ስለሆነና ጣዕም ስለሌለው በብዙ ክህሎት ባለቸው ሰዎች እየተቀደማችሁ ወደ ኃላ  ትቀራላችሁ።ግን ራሳችሁን የተለያዩ ክህሎት ብታስተምሩ ተፈላጊነታችሁ እየጨመረ፤ልክ እንደ ጨው እየጣፈጣችሁ ትሄዳላችሁ።ስለዚህ ብታልፉም ብትወድቁም ጨው ለመሆን፤ጥቅም ለመስጠትና ተፈላጊነታችሁን ለመጨመር የተለያዩ ወሳኝ ክህሎቶችን ተማሩ።ሰዎች ከእናንተ የማይርቁበት የሆነ ክህሎት ካላችሁ በየትኛውም ቦታ ተፈላጊ ናችሁ።

ፍላጎት ካላችሁ ተግባራዊ ክህሎት የሚሰጧችሁን መጽሐፎችን እንለቃለን።ፍላጎታችሁን በሪያክት አሳዩን👍

📚 @Bemnet_Library

ቢል ጌትስ እና ማርክ ዙከርበርግ ዩኒቨርስቲ አቋርጠው ስለተሳካላቸው ብቻ፣ ትምህርት ዋጋ የለውም ማለት አይደለም። እነሱ ያቋረጡት ትምህርቱ ስለከበዳቸው ሳይሆን፣ ከትምህርቱ የሚበልጥ ሀሳብ እና የቢዝነስ እድል እጃቸው ላይ ስለነበር ነው።ስለዚህ ማንኛውም ሰው ትምህርቱን ከማቋረጡ በፊት አሳመኝ የሆነ ሕይወቱን የሚለውጥበት ተግባራዊ እቅድ ያስፈልገዋል።

📕ርዕስ፦7ቱ የስኬታማ ሰዎች ልማዶች
✍️ደራሲ፦ስቴቨን ኮቪይ

📚 @Bemnet_Library

ፈተና ላይ ውጤታማ የሚያደርጉ 5 የጥናት ስልቶች

1,The Feynman Technique፦ ያጠናችሁትን ርዕስ ምንም ለማያውቅ የ8 አመት ህጻን እንደምታስረዱ አድርጋችሁ በቀላል ቃላት በደብተር ላይ ጻፉት ወይም ለጓደኛችሁ አስረዱ። ማስረዳት ያቃታችሁ ቦታ ካለ ያንን ክፍል መልሳችሁ አንብቡት። ትምህርቱን በሚገባ መረዳታችሁን የምታውቁት በቀላል መንገድ ማስረዳት ስትችሉ ብቻ ነው።

2,Pomodoro Technique፦ለ25 ደቂቃ ያለ ምንም ስልክና ረብሻ በትኩረት አጥኑ፤ በመቀጠል ለ5 ደቂቃ አእምሮአችሁን እረፍት ስጡት። ይህን 4 ጊዜ ከደገማችሁ በኋላ ረዘም ያለ የ20 ደቂቃ እረፍት ውሰዱ። ይህም አእምሮአችሁ ሳይደክም ረጅም ሰዓት እንዲያጠና ይረዳዋል።

3,Active Recall፦ደብተር ገልጦ ደጋግሞ ከማንበብ ይልቅ፣ አንድ ገጽ አንብባችሁ ደብተሩን በመዝጋት "ምን ተረዳሁ?" ብላችሁ ራሳችሁን ጠይቁ። አእምሮ መልሱን ለማውጣት ሲታገል ትምህርቱ ለረጅም ጊዜ በማስታወስ ችሎታችሁ ውስጥ ይቀመጣል።

4,Spaced Repetition፦ዛሬ ያጠናችሁትን ትምህርት ነገ፣ ከ3 ቀን በኋላ፣ ከአንድ ሳምንት በኋላ እና ከፈተናው በፊት ደግማችሁ ከልሱት። በየጊዜው የተከፋፈለ ክለሳ ማድረግ መረጃው ከጊዜያዊ አዕምሯችሁ ወደ ቋሚ የአዕምሯችሁ ክፍል (Long-term memory) እንዲሸጋገርና እንዳትረሱት ያግዛችኋል።

5,Mind Mapping፦ረጅም ጽሑፍ ከማንበብ ይልቅ የትምህርቱን ዋና ርዕስ መሃል ላይ ጽፎ፣ ቅርንጫፎችን በማውጣት በስዕላዊ መልክ አጭር ማስታወሻ ማዘጋጀት ነው። ይህም ውስብስብ ሃሳቦችን በአእምሮ በቀላሉ በምስል መልክ እንድታስቀምጡ ይረዳችኋል።እነዚህን ዘዴዎች በመጠቀም ጥናታችሁን ማሻሻል ትችላላችሁ።

📚 @Bemnet_Library

አንዲት ሴት ሁሉንም ህይወቷን፣ ጓደኞቿንና ህልሟን ለአንድ ወንድ ብላ ስትተው፣ ወንዱ በቀላሉ ሊሰለቻት ይችላል። ወንዶች በተፈጥሯቸው ያለምንም ጥረት በቀላሉ ያገኙትን ነገር ዋጋ አይሰጡትም፤ ለደከሙበትና ላደኑት ነገር ግን ከፍተኛ ክብር አላቸው።

ስለዚህ ሴቶች የራሳችሁ ዓላማ፣ ግልፅ ወሰን እና ክብር ሊኖራችሁ ይገባል።እንደዛ ስታደርጉ ወንዶች በእናንተ የመማረክና የመሳብ ፍላጎታቸው ከፍተኛ ነው።ስለዚህ በማንኛውም ሁኔታ ውስጥ ወንድን ለማስደሰት ብላችሁ ማንነታችሁን አታጥፉ።

📕 ርዕስ፦ እንደ ሴት ሁኚ፤ እንደ ወንድ አስቢ
✍️ ደራሲ፦ ስቲቭ ሃርቪ

📚 @Bemnet_Library

በፍቅር ውስጥ ትልቁ ስህተት ሴቷ ወንዱን እንደ ሴት እንዲያስብ ስትጠብቅ፣ ወንዱ ደግሞ ሴቷን እንደ ወንድ እንድታስብ ሲፈልግ ነው። ወንዶች ችግር ሲገጥማቸው በፍጥነት መፍትሔ መፈለግ ይቀናቸዋል፤ ሴቶች ደግሞ መፍትሔ ከመፈለጋቸው በፊት ስሜታቸው በትኩረት እንዲደመጥላቸው ይፈልጋሉ።

ስለዚህ ወንዶች፣ሴታችሁን ለመምከር ከመቸኮላችሁ በፊት ስሜቷን አዳምጡላት፤ ሴቶች ደግሞ ወንዶች ችግራቸውን በራሳቸው ለመፍታት ዝም ሲሉ አትጨቅጭቋቸው። እርስ በእርስ ያላችሁን ተፈጥሯዊ የፍቅር ባህሪና ስሜታችሁን ተረዱ።

📕 ርዕስ፦ እንደ ሴት ሁኚ፤ እንደ ወንድ አስቢ
✍ ደራሲ፦ ስቲቭ ሃርቪ

📚 @Bemnet_Library

ሴት ልጅ ፍቅርን የምትገልጸው እና የምትጠብቀው በቀኑ ውስጥ በየሰዓቱ በሚደወል ስልክ፣ በሚያማምሩ ቃላት እና በስሜታዊ ቅርበት ነው። ወንድ ልጅ ግን ፍቅሩን የሚገልጸው ጠዋት ወጥቶ በማታ ላንቺና ለቤቱ በመልፋት፣ ከማንኛውም ችግር አንቺን ለመታደግ ራሱን አሳልፎ በመስጠት እና ጥበቃ በማድረግ ነው።

ስለዚህ ሴቶች ወንድ ልጅ ፍቅሩን ልክ እንደ ሴት እንዲገልጽላችሁ አትጠብቁ። በቀን ውስጥ 20 ጊዜ እወድሻለሁ ባይልሽም እንኳ፣ ላንቺ ሲል የሚከፍለውን መስዋዕትነት እና ለህይወታችሁ የሚያደርገውን ድካም እንደ እውነተኛ የፍቅር ቋንቋው ተረጂለት።

📕 ርዕስ፦ እንደ ሴት ሁኚ፤ እንደ ወንድ አስቢ
✍️ ደራሲ፦ ስቲቭ ሃርቪ

📚 @Bemnet_Library

ወንድ ልጅ ለሚያፈቅራት ሴት ሁሉንም ነገር የማሟላት እና የማቅረብ የተፈጥሮ ፍላጎት አለው፤ ነገር ግን ሴቷ ያለውን አቅም ሳትረዳ ከልክ ያለፈ የቁሳቁስ ጫና የምታበዛበት ከሆነ በከፍተኛ የጭንቀት እና የበታችነት ስሜት ውስጥ ይወድቃል።

ሴቶች ወንድ ልጅን በአቅሙ ልክ ደግፉት እንጂ ከሌሎች ሰዎች ጋር በማወዳደር ጥረቱን አታሳንሱበት። ዛሬ በችግሩ ጊዜ ከጎኑ ቆመሽ በትንሹ ያገዝሽው እና ያመንሽበት ወንድ፣ ነገ ስኬታማ ሲሆን አለምን ላንቺ ለማድረግ ወደ ኋላ አይልም።

📕 ርዕስ፦ እንደ ሴት ሁኚ፤ እንደ ወንድ አስቢ
✍️ ደራሲ፦ ስቲቭ ሃርቪ

📚 @Bemnet_Library

ሴቶች እባካችሁ አንድ ነገር ስትፈልጉ በቀጥታ ንገሩን።ስታኮርፉ ወንድ ልጅ እንደ ጠንቋይ ለምን እንዳኮረፋችሁ  እንዲገምትላችሁ አትጠብቁ።ወንዶች በጣም ቀላል ፍጡራን ነን፤ጭንቅላታችን የተሰራው ለቀጥተኛ መረጃ ነው።እናንተ ምን እንደሆናችሁና ለምን እንዳኮረፋችሁ ሳትነግሩን የማወቅ ችሎታ የለንም።

ስለዚህ አንድ ነገር ስትፈልጉ በቀጥታ ንገሩን፦ "ይሄ ነገር አሳዝኖኛል፣ ይሄን እንድታደርግልኝ እፈልጋለሁ" በሉን። ግልጽ ነገር ስትናገሩ እኛ ደግሞ መፍትሄ ይዘን እንመጣለን። የማትነግሩን ከሆነ ግን ብታኮርፉም ኳሳችንን ማየታችንን እንቀጥላለን!

📕 ርዕስ፦ እንደ ሴት ሁኚ፤ እንደ ወንድ አስቢ
✍️ ደራሲ፦ ስቲቭ ሃርቪ

📚 @Bemnet_Library

ምን እንደማደርግ አላውቅም! 

አንድ መጽሐፍ ልለቅላችሁ አስቤ ነበር፤ ነገር ግን ይህ መጽሐፍ ከተለቀቀና ካነበባችሁት እኔም እናንተም አደጋ ውስጥ ልንገባ እንችላለን። ደራሲው እጅግ ባለጸጋና ተፅዕኖ ፈጣሪ ሚሊየነር ነው።የሚኖረው አሜሪካ ውስጥ ነው።

የሚገርማችሁ ይህ መጽሐፍ በውስጡ የያዘው ምስጢር እጅግ አስፈሪ በመሆኑ ለዓመታት እንዳይሰራጭ ታግዶ ነበር። ደራሲው ግን በሚሊዮኖች የሚቆጠር ዶላር ከፍሎ ነው በድብቅ እንዲሰራጭ ያደረገው። አሁን መጽሐፉ በሰዎች እጅ መግባት ከጀመረ በኋላ፣ ብዙ ባለስልጣናትና ኃያላን ሰዎች "ይህ ምስጢር ለምን ወጣ?" ብለው በከፍተኛ ቁጣ ውስጥ ናቸው። ይህንን መጽሐፍ ስታነቡ ብትገኙ ከባድ ነገር ሊደርስባችሁ ይችላል!

መጽሐፉ በሰው ልጅ ታሪክ ውስጥ የተከናወኑትንና ወደፊት የሚከናወኑትን አስደንጋጭ ክስተቶች  ቀድሞ ይዘረዝራል።ለምሳሌ የመሪዎች ግድያ፣ የዓለም ጦርነቶችና የተፈጥሮ አደጋዎችን  በተለያዩ ቀመሮች ይናገራል።

አሁን እኔ የምፈልገው አንድ ነገር  ነው...ይሄን መጽሐፍ እለቀዋለው...ግን የምለቀው  ቻሌንጅ ከሰጣችሁኝ ነው።ልክ እንደ ቲክቶክ ይሄ መጽሐፍ ከተለቀቀ ምን ትሰጡኛላችሁ? እንደነገርኳችሁ መጽሐፉ አደገኛ ነው።እስቲ ምን እንደምታደርጉልኝ ለማወቅ ጓጉቻለሁ...ከምር ቀልዴን አይደለም...ከታች ኮሜንት ላይ ፃፉልኝ

ማሳሰቢያ፦መጽሐፉ ላይ ላሉት ሃሳቦች ሃላፊነቱን አልወስድም።እጅግ በጣም ውስብስብ መጽሐፍ ብዬዋለው!

📚 @Bemnet_Library

ዩኒቨርስቲ ከመግባታችሁ በፊት የግድ ልታነቧቸው የሚገቡ 5 መጽሐፎች

1.The Defining Decade፦ይሄ መጽሐፍ በ20ዎቹ እድሜያችሁ የምትወስኗቸው ውሳኔዎች የወደፊት ህይወታችሁን በሙሉ እንደሚወስኑ በሳይንሳዊ ማስረጃ በማሳየት፣ የካምፓስ ጊዜያችሁን በከንቱ እንዳታባክኑ ያስጠነቅቃችኋል።የተፃፈው በዶ/ር ሜግ ጄይ ነው።

2.Deep Work፦በዩኒቨርስቲ ውስጥ በርካታ ትኩረት የሚረብሹ ነገሮችን ተቋቁማችሁ፤ጥናታችሁ ላይ ትኩረት በማድረግ እንዴት ከፍተኛ ውጤት ማስመዝገብ እንደምትችሉ ያስተምራችኋል።የተፃፈው በካል ኒውፖርት ነው።

3.Rich Dad Poor Dad፦ከቤተሰባችሁ የሚላክላችሁን ገንዘብ ወሩ ሳያልቅ እንዳጨርሱት እንዴት መያዝ እንዳለባችሁ የተለያዩ የገንዘብ ሕጎችን እያነሳ በዝርዝር ያስተምራችኋል።የተፃፈው በሮበርት ኪዮሳኪ ነው።

4.Atomic Habits፦ ዩኒቨርስቲ ውስጥ ማንም ተነሱ የሚላችሁ ወይም የሚቆጣጠራችሁ ወላጅ የለም፤ ህይወታችሁን የምትቆጣጠሩት ራሳችሁ ናችሁ። ይህ መጽሐፍ ጠዋት የመነሳት፣ የማጥናትና ራሳችሁን የማሻሻሎ ልማድን ደረጃ በደረጃ እንዴት እንደምትገነቡ ያሳያችኋል።የተፃፈው በጄምስ ክሊር ነው

5.How to Win Friends and Influence People፦ዩኒቨርስቲ ገና እንደገባችሁ ከተለያዩ ቦታዎች፣ ከተለያየ ባህልና አስተዳደግ ከመጡ አዳዲስ ሰዎች ጋር ዶርም እና ግቢ ትጋራላችሁ።ታዲያ ከነዚህ ከሰዎች ጋር ተግባብቶ ለመኖርና ጠንካራ ጓደኝነትን ለመመስረት የሚያግዙ ሚስጥሮችን በዚህ መጽሐፍ ውስጥ ታገኛላችሁ።የተፃፈው በዴል ካርኔጊ ነው።

📚 @Bemnet_Library

ሴቶች ሆይ፤ «እሱ እኮ ልክ እንደ ወንድሜ ነው፤ በመካከላችን ምንም ዓይነት የፍቅር ስሜት የለም» የምትሉት ወንድ ጓደኛ ካላችሁ እውነቱን ልንገራችሁ፦ ወንዶች ሴትን እንዲሁ ለተራ ወሬ ብቻ ጓደኛ አያደርጓትም!

እሱ የእናንተን የፍቅር ችግር የሚያዳምጠው፣ አብሯችሁ የሚዞረው እና ጥሩ ሰው የሚመስለው ጊዜውን ጠብቆ እድል እስኪያገኝ ብቻ ነው። አንቺ እንደ ወንድምሽ ታይው ይሆናል፤ እሱ ግን በስውር ወንበሩ ላይ ተቀምጦ ተራውን የሚጠብቅ ተጠባባቂ ተጫዋች ነው።ወንዶች ፍላጎት ለሌላቸው ሴት እንዲሁ በከንቱ ጊዜያቸውን አያባክኑም!

📕 ርዕስ፦ እንደ ሴት ሁኚ፤ እንደ ወንድ አስቢ
✍️ ደራሲ፦ ስቲቭ ሃርቪ

📚 @Bemnet_Library

ሴቶች እባካችሁ «ቦርሳዬ ውስጥ ቁልፌን ወይም ሊፕስቲክን አውጣልኝ» ብላችሁ ወንድ ልጅን ወደዚያ ማለቂያ ወደሌለው የሴት ቦርሳችሁ እጁን እንዲያስገባ አትዘዙት!

የሴት ልጅ የእጅ ቦርሳ ለወንድ ልጅ ልክ እንደ ጥቅጥቅ ጫካ ነው፤ እጁን ሰዶ የጠየቃችሁትን እስኪያገኝ ድረስ ሃያ አምስት ዓይነት የተቆራረጡ ደረሰኞች፣ ሦስት ዓይነት ክሬሞች፣ ማስቲካና መስታወት እያገኘ በግራ መጋባት ሊጨነቅ ይችላል። ከዛ ደግሞ ፈልጎ ሳያገኘው ሲቀር «ፈልግ ብዬህ አታይም!» ብላችሁ ትቆጡታላችሁ። እባካችሁ ሴቶች እንደዚህ እያደረጋችሁ አታስጨንቁን፤ቦርሳችሁ ውስጥ ምን እንዳለ የምታቁት እናንተ ስለሆናችሁ ከቻላችሁ የጠፋባችሁን ዕቃ ራሳችሁ አውጡ!

📕 ርዕስ፦ እንደ ሴት ሁኚ፤ እንደ ወንድ አስቢ
✍️ ደራሲ፦ ስቲቭ ሃርቪ

📚 @Bemnet_Library

ብዙ ሴቶች የተዋወቁትን ወንድ ገና በመጀመሪያው ሳምንት ሙሉ ልባቸውንና ክብራቸውን ይሰጡታል፤ ከዚያም ሲሸሻቸው ያዝናሉ። ወንድ ልጅ በህይወትሽ ውስጥ ያለውን ቦታ እንዲያገኝ ጊዜ ስጪው፤ ለ90 ቀናት ባህሪውን፣ ንግግሩንና ላንቺ ያለውን ክብር ፈትሺው።

ላንቺ የሚገባው እውነተኛ ወንድ ከሆነ በትዕግስት ይጠብቃል፤ አታላዩ ግን የሙከራ ጊዜውን መቋቋም አቅቶት ራሱ ጥሎሽ ይሸሻል!

📕 ርዕስ፦ እንደ ሴት ሁኚ፤ እንደ ወንድ አስቢ
✍️ ደራሲ፦ ስቲቭ ሃርቪ

📚 @Bemnet_Library

የራስሽ ገንዘብ፣ ጥሩ ስራና መኪና ሊኖርሽ ይችላል፤ ነገር ግን ሁልጊዜ «እኔ ወንድ አያስፈልገኝም፤ ራሴን እችላለሁ!» እያልሽ የወንድ ልጅን አቅም አታሳንሺው።

ወንድ ልጅ አንቺን መንከባከብ፣ መጠበቅና የሚያስፈልግሽን ነገር ማሟላት ይፈልጋል፤ ምክንያቱም የወንድነቱ ትልቁ ኩራት ላንቺ የሚሰጠው ጥበቃና ድጋፍ ነው።

«ምንም አትጠቅመኝም፤ ባንተ አልመካም» የሚል ስሜት ስትሰጪው፣ የእሱ መኖር ትርጉም ወደሚሰጣት እና አቅሙን ወደምታደንቅለት ሌላ ሴት መሄዱ አይቀርም!

📕 ርዕስ፦ እንደ ሴት ሁኚ፤ እንደ ወንድ አስቢ
✍️ ደራሲ፦ ስቲቭ ሃርቪ

📚 @Bemnet_Library