አንድ ሰው በሰዎች ፊት ያንተን ደካማ ጎን ወይም የድሮ ስህተትህን አንስቶ የሚያላግጥብህና እየቀለድኩ ነው የሚልህ ከሆነ፣ አላማው መሳቅ ሳይሆን የሰዎችን አመለካከት በአንተ ላይ ማበላሸት ነው። እንዲህ አይነት ሰዎች አንተን በማሸማቀቅ እነሱ የበላይነት እንዲሰማቸው ይፈልጋሉ። ይህ የስነ-ልቦና ጨዋታ አንተን ዝቅ አድርጎ ራሳቸውን ከፍ ለማድረግ የሚጠቀሙበት መርዛማ ስልት ነው።

📕 ርዕስ፦ የሰው ልጅ የተፈጥሮ ህጎች
✍️ ደራሲ፦ ሮበርት ግሪን

📚 @Bemnet_Library

አንድ ወንድ ስለ ፍቅሩ ሺህ ቃላት ሊደረድር ይችላል፤ አንቺ ግን የምትመዝኚው በተግባሩ ብቻ ይሁን። እደውላለሁ ብሎ ካልደወለ፣ እመጣለሁ ብሎ ካልመጣ፣ እውነታው ያለው እዚያው ጋ ነው። ስራ በዝቶብኝ ነው ወይም ስልኬ ተበላሽቶ ነው የሚሉ ሰበቦችን አትቀበይ። አንድ ወንድ በእውነት አንቺን ከፈለገ ተራራ ገፍቶ እንኳ አንቺ ጋ ይደርሳል። ካልመጣ ምክንያት ስላለው ሳይሆን፣ ፍላጎት ስለሌለው መሆኑን ተረጂና ቦታሽን አስከብሪ።

📕 ርዕስ: አምስቱ የፍቅር ቋንቋዎች
✍ ደራሲ: ጋሪ ቻፕማን

📚 @Bemnet_Library

አንዲት ሴት ለአንድ ወንድ ጥቅማጥቅሞችን ከመስጠቷ በፊት ለ90 ቀናት መጠበቅ አለባት። ይህ የጊዜ ገደብ ወንዱ ለአንቺ ያለው ፍላጎት ስሜታዊ ብቻ መሆኑን ወይም ደግሞ በእውነት አንቺን ለማግኘት መስዋዕትነት ለመክፈል ዝግጁ መሆኑን ለመለየት ይረዳል። በዚህ ጊዜ ውስጥ ወንዱ ላንቺ የሚሰጠውን ትኩረት፣ የሚያደርገውን ጥረትና ትዕግስቱን በማየት እውነተኛ ማንነቱን መረዳት ትችያለሽ። መስፈርቱን የማያከብር ወንድ ጊዜሽን እንዲያባክን አትፍቀጂ።

📕 ርዕስ፦ እንደ ሴት ሁኚ፥ እንደ ወንድ አስቢ
✍️ ደራሲ፦ ስቲቭ ሃርቪ

📚 @Bemnet_Library

አንድ ሰው አንድን ፀባይ እንዲያዳብር ከፈለጋችሁ፣ ያ ፀባይ ቀድሞውኑ እንዳለው አድርጋችሁ ንገሩት። ሰዎች ጎበዝ፣ ታማኝ፣ ወይም ታታሪ ከተባሉ፣ ያንን ስማቸውን ላለማጥፋት ሲሉ የተባሉትን ለመሆን ይጥራሉ።ስለዚህ በሰዎች ውስጥ ያለውን መልካም ማንነት ቀስቅሳችሁ ማውጣት የምትችሉት፣ በመጥፎ ስም ከመጥራት ይልቅ መልካም ስም በመስጠት ነው።

ለምሳሌ አንድ ሰራተኛችሁ ስራ ላይ ደካማ  ቢሆን፣ "አንተ ደካማ ነህ" ብላችሁ ከመሳደብ ይልቅ፤ "ባለፈው የሰራኸው ስራ ጥራቱ በጣም ያስደንቅ ነበር፣ አሁንም ያንን ጎበዝ ሰራተኛ እንደማገኘው እርግጠኛ ነኝ" ብትሉት፣ ያንን ጎበዝ የተባለውን ስሙን ለመጠበቅ ሲል ስራውን በንቃት መስራት ይጀምራል።

📕ርዕስ፡- ወዳጅ የማፍራት ምስጢር
✍️ደራሲ፡- ዴል ካርኔጊ

📚 @Bemnet_Library

ማንም ሰው ትዕዛዝ እንዲሰጠው አይፈልግም። ይህንን አድርግ ወይም ያንን አታድርግ ከሚሉ ትዕዛዞች ይልቅ "ይህንን ብናደርገው ምን ይመስልሃል?" ወይም "ይህንን ለማስተካከል ምን ማድረግ እንችላለን?" የሚሉ ጥያቄዎች የተሻለ ውጤት ያመጣሉ።ምክንያቱም ጥያቄዎች ሰዎች በውሳኔው ውስጥ ተሳታፊ እንደሆኑ እንዲሰማቸው ስለሚያደርግ፣ ስራውን በገዛ ፍቃዳቸውና በደስታ እንዲሰሩት ያነሳሳቸዋል።

ለምሳሌ፦ ልጃችሁ ክፍሉን እንዲያጸዳ ከፈለጋችሁ "ክፍልህን አሁኑኑ አጽዳ!" ብላችሁ ከመጮህ ይልቅ፤ "ክፍልህ ስለቆሸሸና ለመጫወት ስለማያመች ብናፀዳው ምን ይመስልሃል?" ብላችሁ ብትጠይቁት፣ እሱ ራሱ መፍትሄ እንዲያመጣና ስራውን እንደ ትዕዛዝ ሳይሆን እንደ ኃላፊነት እንዲቀበለው ያደርገዋል።

📕ርዕስ፡- ወዳጅ የማፍራት ምስጢር
✍️ደራሲ፡- ዴል ካርኔጊ

📚 @Bemnet_Library

አብዛኛዎቻችሁ ስታወሩ የምታተኩሩት እናንተ ስለምትፈልጉት ነገር ብቻ ነው። ነገር ግን ሰዎችን ማሳመን የምትችሉት የእነሱን ፍላጎት ቀድማችሁ ስታውቁና የእናንተ ሃሳብ ለእነሱ የሚሰጠውን ጥቅም ስታሳዩ ነው።ይሄ ማለት የሰዎችን ልብ ለመክፈት ትልቁ መንገድ ሰውየው በጣም ስለሚወደውና ስለሚሳሳለት ነገር ማውራት ነው።

ለምሳሌ ከአለቃችሁ ጋር ስለ ደሞዝ ጭማሪ ማውራት ከፈለጋችሁ፣ "እኔ ገንዘብ ያስፈልገኛል" በሚል የግል ፍላጎት ከመጀመር ይልቅ፤ ባለፈው አመት ለድርጅቱ ያመጣችሁትን ውጤትና ወደፊትም ድርጅቱን ይበልጥ እንዴት ማገዝ እንደምትችሉ አውሩ። ድርጅቱ የሚፈልገውን ነገር እንደምታውቁና ለእሱም እንደምትቆረቆር ሲረዱ፣የእናንተን ጥያቄ ለመቀበል ዝግጁ ይሆናሉ።

📕 ርዕስ፦ ወዳጅ የማፍራት ምስጢር
✍ ደራሲ፦ ዴል ካርኔጊ

📚 @Bemnet_Library

ወንድ ልጅ ለራሱ የሚሆን ልብስ ሲገዛ የሚያስበው ስለ ዋጋው ነው፤ ሴት ልጅ ለራሷ ልብስ ስትገዛ ግን የምታስበው ስለ ሌላ ሴት አስተያየት ነው።

📕 ርዕስ:- የወንዶችና የሴቶች ስነልቦና
✍️ ደራሲ:- ሮን ቶማስ

📚 @Bemnet_Library

በሰዎች ዘንድ መወደድ ጥሩ ሊሆን ይችላል፤ ነገር ግን መከበርና መፈራት የበለጠ ዋስትና ይሰጥሃል። ሰዎች የሚወዱትን ሰው እንደ ሁኔታው በቀላሉ ሊከዱት ወይም ሊረሱት ይችላሉ፤ የሚያከብሩትንና የሚያስፈራቸውን ሰው ግን ለመካድ ሁለት ጊዜ ያስባሉ። ስለዚህ በደግነትህና በየዋህነትህ ብቻ ሰዎች እንዲጫወቱብህ አትፍቀድ፤ የራሳቸው ወሰን እንዳላቸው አሳያቸው።

📕ርዕስ፦ልዑሉ
✍️ደራሲ፦ኒኮሎ ማኪያቬሊ

📚 @Bemnet_Library

በዓለም ላይ ሶስት አይነት የአእምሮ ደረጃ ያላቸው ሰዎች አሉ፡ የመጀመሪያዎቹ በራሳቸው አቅም ነገሮችን መረዳት የሚችሉ ጥበበኞች ናቸው፤ ሁለተኛዎቹ ሌሎች ሲያስረዷቸው መረዳት የሚችሉ ናቸው፤ ሶስተኛዎቹ ግን በራሳቸውም የማይረዱ በሌሎችም ሲነገራቸው የማይገባቸው ከንቱዎች ናቸው። ከጎንህ የምትሰበስባቸው ሰዎች የመጀመሪያዎቹና ሁለተኛዎቹ መሆናቸውን አረጋግጥ፤ ሶስተኛዎቹን አቅራቢያህ እንኳ አታድርጋቸው።

📕ርዕስ፦ልዑሉ
✍️ደራሲ፦ኒኮሎ ማኪያቬሊ

📚 @Bemnet_Library

ምንም ያህል ጠንካራ ብትሆን፣ ራስህን የምትከላከልበት መሳሪያ ቢኖርህ እንኳን በህዝቡ ዘንድ ከተጠላህ ልትድን አትችልም። ትልቁና ጠንካራው ምሽግ በሰዎች ዘንድ አለመጠላት ነው። ሰዎች አንተን ከጠሉህና ከጠላቶችህ ጋር ከተባበሩ ያሰብከው ምንም አይነት መከላከያ ከውድቀት ሊታደግህ አይችልም። ስለዚህ አቅምህን ስትገነባ የሰዎችን ጥላቻ ከማተርፍ ተጠበቅ።

📕ርዕስ፦ልዑሉ
✍️ደራሲ፦ኒኮሎ ማኬቬሊ

📚 @Bemnet_Library

4-3-3 አለም አቀፍ አስገራሚ እውነታዎች

በአለም ላይ የተከሰቱ እና አሁንም እየተከሰቱ ያሉ አስገራሚ አስደናቂ እንዲሁም አስቂኝ የሆኑ እውነታዎችን ማግኘት ከፈለጉ join ይበሉ 👇

https://t.me/amazing_fact_433
https://t.me/amazing_fact_433