ለረጅም ጊዜ የማምነው አንድ ነገር ነበር፦እሱም ብዙ በለፋህ ቁጥር፣ ብዙ ውጤት ታገኛለህ የሚለውን አባባል ነው።

ስለዚህ ራሴን በስራ አጨናንቀው ነበር። በቀን 12 ሰዓት እሰራለሁ፣ ስልኬ አያርፍም፣ ሁልጊዜ ቢዚ ነኝ። ነገር ግን አንድ የሚገርም ነገር አስተዋልኩ፤ ይሄ ሁሉ ልፋቴ ከድካም ባለፈ በህይወቴ ላይ ያመጣው ትልቅ ለውጥ የለም። ኪሴ አሁንም ባዶ ነው፣ ስራዬም አሁንም እንደተከመረ ነው።

ለምንድነው ደክሜ የማልለወጠው? ብዬ ራሴን እጠይቅ ነበር። መልሱን ያገኘሁት የ80/20 ህግ የሚለውን ሀሳብ ሳነብ ነው።

ታሪኩ እንዲህ ነው። ፓሬቶ የተባለ ጣሊያናዊ የምጣኔ ሀብት ባለሙያ፣ በአትክልት ስፍራው ውስጥ ያሉትን አተሮች ይመለከታል። በወቅቱ ያስተዋለው ነገር የሚገርም ነበር፦ በአትክልት ስፍራው ካሉት የአተር ተክሎች ውስጥ 20 በመቶዎቹ ብቻ፣ 80 በመቶውን ምርት ይሰጣሉ።

ይህንን ሀሳብ ወደ ሌላው ዓለምም ሲያስፋፋው እውነት ሆኖ አገኘው። ለምሳሌ፦

⚫️በአንድ ኩባንያ ውስጥ ካሉ ደንበኞች 20 በመቶዎቹ፣ 80 በመቶውን ገቢ ያመጣሉ።

⚫️በአንድ ሀገር ውስጥ ካሉ ሰዎች 20 በመቶዎቹ፣ 80 በመቶውን ሀብትን ይቆጣጠራሉ።

ይህንን ህግ ወደ ራሴ ህይወት መለስኩትና መረመርኩት። በጣም ደነገጥኩ!

በቀን ውስጥ ከማደርጋቸው ስራዎች ውስጥ 80 በመቶዎቹ ጊዜዬን የሚበሉ እንጂ ምንም ውጤት የማይሰጡኝ ነበሩ። በስልኬ የማጠፋው ጊዜ፣ ከማይረቡ ሰዎች ጋር የምጨቃጨቀው ወሬ፣ እና ትናንሽ የማይጠቅሙ ስራዎች ጊዜዬን ጨርሰውታል። በትክክል ህይወቴን የሚቀይሩት እና ገቢ የሚያመጡልኝ ስራዎች ግን 20 በመቶ ብቻ ነበሩ።

ከዚያ ቀን ጀምሮ ስልቴን ቀየርኩ።ብዙ መስራት የሚለውን ትቼ ጥቂት ግን ወሳኝ የሆኑትን 20 በመቶ ስራዎች ላይ ማተኮር ጀመርኩ። ውጤቱ አስገራሚ ነበር! ካለኝ ጊዜ 20 በመቶውን ብቻ ተጠቅሜ፣ ካለፈው የተሻለ 80 በመቶ ውጤት ማምጣት ጀመርኩ። አሁን ድካሜ ቀነሰ፣ ውጤቴ ግን ጨመረ።ብዙ መለፋት ብቻውን ትርጉም የለውም፤ ዋናው ቁልፍ ውጤት በሚያመጡ ጥቂት ነገሮች ላይ ማተኮር ነው።

📕 ርዕስ፦ የ80/20 መርህ
✍️ ደራሲ፦ ሪቻርድ ኮክ

📚 @Bemnet_Library