ብዙ ሰው ንግድ ለመጀመር "መነሻ ገንዘብ" እንደሚያስፈልገው ያስባል። ነገር ግን በዲጂታሉ ዘመን ትልቁ ካፒታል "መረጃ" ነው።ባለሀብቶችና ትልልቅ ድርጅቶች ጊዜ የላቸውም። ጊዜያቸውን የሚቆጥብላቸውና ውጤታማ ስራ የሚያቀርብላቸው ሰው ይፈልጋሉ። አንተ ይህንን ክፍተት መሙላት ትችላለህ።

ለምሳሌ አንድ ድርጅት ዌብሳይት ማስራት ይፈልጋል እንበል። ነገር ግን የትኛው ድርጅት በጥሩ ዋጋና በጥራት እንደሚሰራላቸው አያውቁም።አንተ በግልህ በኢንተርኔትም ይሁን በአካል በጣም ጎበዝ የሆኑ የድረ-ገጽ ባለሙያዎችን ፈልገህ አግኝ። ዋጋቸውንና የስራ ጥራታቸውን መዝግብ።ወደ ድርጅቱ በመሄድ "እኛ ፕሮፌሽናል ድረ-ገጽ እንሰራለን" በላቸው። ከድርጅቱ 50,000 ብር ብትቀበልና ለባለሙያው 30,000 ብር ብትከፍለው፣ 20,000 ብር ያለምንም ካፒታል ትርፍ አገኘህ ማለት ነው

📕ርዕስ፦100 የቢዝነስ ሃሳቦች
✍ደራሲ፦አልተጠቀሰም

📚 @Bemnet_Library

ዛሬ ላይ በየመንገዱ የምታያቸው ሱቆች፣ ካፌዎች፣ ሆቴሎች እና የግል ትምህርት ቤቶች ትልቁ ችግራቸው "ደንበኛ ማጣት" ነው። ሁሉም ኢንተርኔት ላይ መታየት ይፈልጋሉ፣ ነገር ግን ፌስቡክን ወይም ቲክቶክን እንዴት ለንግድ እንደሚጠቀሙበት አያውቁም። አንተ ይህንን ክፍተት ወደ ገንዘብ መቀየር ትችላለህ።

በዙሪያህ ዲዛይን የሚችሉ ወይም ቲክቶክ ላይ ቪዲዮ መስራት የሚችሉ ወጣቶችን ፈልግ።ወደ አንድ ትልቅ ጨርቃጨርቅ ሱቅ ወይም ካፌ ሂድና "በወር 50 አዳዲስ ደንበኞች እንዲመጡላችሁ ሶሻል ሚዲያችሁን እናስተዳድራለን" በላቸው።

ከድርጅቱ በወር 15,000 ብር ብትቀበልና ለዛ ዲዛይን ለሚሰራው ወጣት 7,000 ብር ብትከፍለው፣ አንተ ስራውን ስላስተባበርክ ብቻ በወር 8,000 ብር ትርፍ ታገኛለህ። 10 ደንበኞችን ብታፈራ በወር 80,000 ብር ያለ ምንም ካፒታል ገቢ ይኖርሃል ማለት ነው።ንግድ ማለት ሸቀጥ መሸጥ ብቻ አይደለም፤ የሌሎችን ድካም የሚቀንስ አገልግሎት ማቅረብም ትልቅ ንግድ ነው።

📕ርዕስ፦100 የቢዝነስ ሃሳቦች
✍ደራሲ፦አልተጠቀሰም

📚 @Bemnet_Library

ትልልቅ ድርጅቶች ሰራተኛ ቀጥሮ ማስተዳደር ሰልችቷቸዋል። ግብር መክፈል፣ ኢንሹራንስ መግባትና ሰራተኛ ሲታመም መጨነቅ አይፈልጉም። አንተ ይህንን ራስ ምታት ወይም ችግር በገንዘብ ትገዛቸዋለህ

መጀመሪያ ጽዳት የሚችሉ፣ ጥበቃ የሚችሉ ወይም የቢሮ ስራ የሚችሉ ሰዎችን በዝርዝር መዝግብ።ከዛ ወደ አንድ ድርጅት ሄደህ "የጽዳት ሰራተኛ መቅጠር የለባችሁም፤ እኛ በወር 20,000 ብር ክፈሉንና ሰራተኛውንም፣ የጽዳት እቃውንም እኛው እናቀርባለን" በላቸው።

ለሰራተኛው 8,000 ብር ብትከፍል፣ ለጽዳት እቃ 2,000 ብር ብታወጣ፣ በቀሪው 10,000 ብር ድርጅቱን ታሳድጋለህ። የሰዎችን ችግር (ራስ ምታት) ተረክበህ መፍትሄ ስትሰጥ፣ ሰዎች በደስታ ይከፍሉሃል።

📕ርዕስ፦100 የቢዝነስ ሃሳቦች
✍ደራሲ፦አልተጠቀሰም

📚 @Bemnet_Library

በአንድ ወንድ ላይ ከፍተኛ ተጽዕኖ ማሳደር የምትችይው "ተፈላጊ" እንደሆነ እንዲሰማው በማድረግ ነው።ለምሳሌ አንድ ወንድ አንቺን እንዲወድሽና እንዲያከብርሽ ከፈለግሽ፣ ትናንሽ ነገሮችን እንኳን እንዲያግዝሽ ጠይቂው። "ይህንን ነገር አንተ ካላገዝከኝ ሊስተካከልልኝ አይችልም" ስትይው፣ በውስጡ ያለው የጀግንነት ስሜት ይነሳሳል። ወንዶች በባህሪያቸው "አዳኝና ጠባቂ" መሆን ይወዳሉ። ያንን የአዳኝነት ስሜት ለምትሰጣቸው ሴት ደግሞ ልባቸው ለዘላለም ይቀልጣል።

📕 ርዕስ: አምስቱ የፍቅር ቋንቋዎች
✍ ደራሲ: ጋሪ ቻፕማን

📚 @Bemnet_Library

ሀብታም ነኝ ብለህ የምታስበው በባንክ ሂሳብህ ባለው የገንዘብ መጠን ከሆነ ተሳስተሀል። ትክክለኛው ጥያቄ፡- "ዛሬ ስራ መስራት ብታቆም፣ ያጠራቀምከው ገንዘብ ወይም ንብረት ለስንት ጊዜ በህይወት ያቆይሀል?" የሚለው ነው።

"ሀብታም ሰው ማለት ስራ ባይሰራም እንኳ ንብረቱ የኑሮ ወጪውን የሚሸፍንለት ሰው ነው። ድሃ ማለት ግን ስራው ሲቆም ህይወቱ የሚቆምበት ሰው ነው።

📕ርዕስ፦ሀብታሙ አባትና ደሀው አባት
✍ደራሲ፦ሮበርት ኪዮሳኪ

📚 @Bemnet_Library

ስለ ገንዘብ የምንማረው ከወላጆቻችን እንጂ ከትምህርት ቤት አይደለም።ትምህርት ቤቶች አካዳሚክ እና ሙያዊ ክህሎትን ያስተምራሉ፣ ነገር ግን የፋይናንስ ክህሎትን አያስተምሩም።

ለዚህም ነው ብዙ የተማሩ ሰዎች እንደ ዶክተሮች እና መሐንዲሶች በሙያቸው ስኬታማ ቢሆኑም በገንዘብ ህይወታቸው ግን እስከ እለተ ሞታቸው ድረስ የሚቸገሩት።

📕ርዕስ፦ሀብታሙ አባትና ደሀው አባት
✍ደራሲ፦ሮበርት ኪዮሳኪ

📚 @Bemnet_Library

💡ደሀው አባት፦ጠንክረህ አጥናና የምትሰራበት ኩባንያ ፈልግ!

💡ሀብታሙ አባት፦ጠንክረህ አጥናና የምትገዛው ጥሩ ኩባንያ ፈልግ!

📕ርዕስ፦ሀብታሙ አባትና ደሀው አባት
✍️ደራሲ፦ሮበርት ኪዮሳኪ

📚 @Bemnet_Library

በዚህች ምድር ላይ ያለምንም ቅድመ ሁኔታ (Unconditionally) የሚወደዱት ሴቶች፣ ህፃናት እና የቤት እንስሳት ብቻ ናቸው። ወንድ ልጅ ግን ያለምንም ቅድመ ሁኔታ አይወደድም። የአንድ ወንድ ዋጋ እና ክብር የሚለካው፣ ለሰዎች በሚሰጠው ጥቅም፣ በሚያመጣው ውጤት፣ በጉልበቱ እና በሚያቀርበው ነገር  ልክ ብቻ ነው። ወንድ ሆነህ ከተፈጠርክ፣ ዋጋህን የምትገነባው አንተው ራስህ ነህ። ምንም የማታመጣ እና የማትጠቅም ወንድ ከሆንክ፣ ማህበረሰቡም ሆነ የራስህ ቤተሰብ አይፈልግህም። ይህ የህይወት መሪር እውነት ነው።

📕ርዕስ፦የሰው ልጅ የተፈጥሮ ህጎች
✍ደራሲ፦ሮበርት ግሪን

📚 @Bemnet_Library

ሰዎችን መቶ በመቶ ማመን በራስህ ላይ የምትሰራው ትልቁ ወንጀል ነው። የሰው ልጅ በተፈጥሮው የራሱን ጥቅም የሚያስቀድም ፍጡር ነው። ዛሬ የሞቱልህ የሚመስሉህ የቅርብ ጓደኞችህ ወይም አጋሮችህ፣ ነገ ጥቅማቸው ሲነካ ወይም የተሻለ አማራጭ ሲያገኙ ጀርባቸውን ሊሰጡህ ይችላሉ። ስለዚህ ሁሉንም የህይወትህን ገፅታ እና ሚስጥር ለማንም ማካፈል የለብህም። ሁልጊዜም ቢሆን አንድ ቀን ብቻህን እንደምትቀር አስበህ ለዚያ ቀን ራስህን ማዘጋጀት አለብህ።ምክንያቱም ለራስህ ያለህው ምርጡ ጠባቂህ አንተው ራስህ ነህ።

📕 ርዕስ:- 48ቱ የሀይል ህጎች
✍️ ደራሲ:- ሮበርት ግሪን

📚 @Bemnet_Library

በነፃ የሚሰጥህ ማንኛውም ነገር በመጨረሻ ትልቁን ዋጋ የሚያስከፍልህ ወጥመድ ነው። ሰዎች ባልጠበቅከው ጊዜ ስጦታ ሲሰጡህ፣ ውለታ ሲውሉልህ ወይም አብዝተው ሲንከባከቡህ፤ ከጀርባው አንተን የህሊና እዳ ውስጥ አስገብተው፣ አቅምህን አሳንሰው፣ የራሳቸውን ድብቅ ፍላጎት ለማሳካት ያጠመዱት መረብ አለ። በነፃ የተገኘ የሚመስል ነገር ሁሉ መጨረሻው የነፃነትህ መነጠቅ እና የሌሎች ጥገኝነት ነው።

📕 ርዕስ:- 48ቱ የሀይል ህጎች (ህግ 40)
✍️ ደራሲ:- ሮበርት ግሪን

📚 @Bemnet_Library

በህይወትህ ላይ ከባድ ጉዳት የሚያደርሱብህ እና ከጀርባህ የሚወጉህ የሩቅ ጠላቶችህ አይደሉም፤ ይልቁንም ምስጢርህን የሚያውቁት፣ አብረውህ የሚበሉት እና አጥብቀህ የምታምናቸው የቅርብ ሰዎችህ ናቸው። ጠላት ሊከዳህ አይችልም፤ መከዳት የሚቻለው ከወዳጅ እና ከምትወደው ሰው ብቻ ነው። ስለዚህ ማንም ሰው ላይ መቶ በመቶ መደገፍ እና ሚስጥርህን ማካፈል የለብህም።የሰውን ልጅ ተለዋዋጭ ተፈጥሮ በመረዳት፣ አንድ ቀን ጀርባቸውን ሊሰጡህ እንደሚችሉ አውቀህ ሁልጊዜም ራስህን ጠብቅ።

📕 ርዕስ:- 48ቱ የሀይል ህጎች (ህግ 2)
✍️ ደራሲ:- ሮበርት ግሪን

📚 @Bemnet_Library

በዚህ ዘመን ዲግሪ ማለት አንድን ነገር ለመማር ትዕግስቱ እንዳለህ የሚያሳይ ማረጋገጫ ወረቀት እንጂ፣ የህይወት ዋስትና አይደለም። ትምህርት ቤት ውስጥ የሸመደድከው እውቀት አለም በፍጥነት ስትቀየር ከጥቂት አመታት በኋላ ዋጋ ሊያጣ ይችላል። ስለዚህ "ተምሬ ጨርሻለሁ፣ ዲግሪ አለኝ" ብለህ መዘናጋት የለብህም።ምክንያቱም በፈጣን ለውጥ ውስጥ ባለችው አለም ላይ እውነተኛው አቅምህ የሚለካው፣ የተማርከውን ወረቀት በማቅረብህ ሳይሆን ያለፈ እውቀትህን ጥለህ አዳዲስ ክህሎቶችን በፍጥነት የመማር ብቃትህ (Adaptability) ላይ ነው።

📕 ርዕስ:- የ21ኛው ክፍለ ዘመን 21 ትምህርቶች
✍️ ደራሲ:- ዩቫል ኖህ ሀራሪ

📚 @Bemnet_Library

የዩኒቨርሲቲ ዲግሪ ትልቁ ትርጉም የተማርከውን የትምህርት አይነት ማሳወቅ ብቻ ሳይሆን፣ አንድን ከባድ አላማ ጀምረህ የመጨረስ ፅናት እንዳለህ ለዓለም የምታሳይበት ማረጋገጫ ነው። ለአመታት ከባድ የንባብ ጊዜያትን ማሳለፍ፣ ጊዜን በአግባቡ ማስተዳደር፣ የፈተና ጫናን ችሎ ማለፍ እና ተስፋ ባለመቁረጥ ግብ ላይ መድረስ የጠንካራ ስብዕና መገለጫዎች ናቸው። ዩኒቨርሲቲ እውቀትን ብቻ ሳይሆን እነዚህን የህይወት ተግዳሮቶች የምትለማመድበት፣ ከስንፍናህ የምትላቀቅበት እና ለቀጣዩ የህይወትህ ምዕራፍ በዲሲፕሊን ታንፀህ የምትወጣበት ወሳኝ የስልጠና ሜዳ ነው።

📕 ርዕስ:- የ21ኛው ክፍለ ዘመን 21 ትምህርቶች
✍️ ደራሲ:- ዩቫል ኖህ ሀራሪ

📚 @Bemnet_Library

ከሰዎች ሁሉ ልቀህ እና ምንም እንከን እንደሌለብህ ሆነህ መታየት እጅግ አደገኛ ነው። ሁልጊዜ ስኬታማ እና እንከን የለሽ መሆን በሰዎች ዘንድ ድብቅ ቅናትን እና ጥላቻን ይፈጥራል። ሰዎች ካንተ እንደሚያንሱ ሲሰማቸው፣ አንተን ወደ ታች ለመጎተት እና ስህተትህን ለመፈለግ በድብቅ ይሰራሉ። ስለዚህ ይህንን መርዛማ የሰዎችን ቅናት ለማብረድ፣ አልፎ አልፎ ትናንሽ ስህተቶችን መስራትህን ወይም ያን ያህል ጎጂ ያልሆኑ ድክመቶች እንዳሉብህ አሳይ። ይህ ድርጊትህ ሰብአዊነትህን ከማሳየቱም በላይ ቅናትን ወደ ወዳጅነት ይቀይረዋል።

📕 ርዕስ:- 48ቱ የሀይል ህጎች (ህግ 46)
✍️ ደራሲ:- ሮበርት ግሪን

📚 @Bemnet_Library

ሀብታም መሆን እና ሀብታም መስሎ መታየት የተለያዩ ነገሮች ናቸው። ብዙ ጊዜ ሰዎች "ሀብታም መሆን እፈልጋለሁ" ሲሉ፣ ትክክለኛው ፍላጎታቸው "ብዙ ገንዘብ በማውጣት ውድ እቃዎችን መግዛት እፈልጋለሁ" ማለት ነው። ነገር ግን ሀብት ማለት ለሰዎች የምታሳየው ሳይሆን፣ ያልታየው እና ያላወጣኸው ገንዘብ ነው። እውነተኛ ሀብት ማለት በባንክህ ውስጥ ያለው ቁጠባ፣ የገዛኸው ኢንቨስትመንት፣ እና ያ ገንዘብ ወደፊት የሚሰጥህ የነፃነት ጊዜ እና አማራጭ ነው። ሀብትህን ለሰዎች ለማሳየት ብለህ ውድ እቃዎችን ስትገዛ፣ እውነተኛ ሀብትህን እያጣህ መሆኑን መዘንጋት የለብህም።

📕 ርዕስ:- የገንዘብ ስነ-ልቦና
✍️ ደራሲ:- ሞርጋን ሀውስል

📚 @Bemnet_Library

ፍትህ በገንዘብ እና በጉልበት እየተገዛች ባለችበት ዓለም ውስጥ መወለድ ራሱ ትልቅ ቅጣት ነው። የሰውን ልጅ ስቃይ፣ ግፍና እንግልት እያዩ በዝምታ ከማሳለፍ ወይም የበደሉ ተባባሪ ከመሆን፤ ጨርሶ ወደዚህች ምድር አለመምጣት እና አለመወለድ ትልቅ ፀጋ ነው።

📕 ርዕስ:- አልወለድም
✍️ ደራሲ:- አቤ ጉበኛ

📚 @Bemnet_Library

ሰዎችን በክርክር ለማሸነፍ መሞከር ከንቱ ልፋት ነው።ምናልባት በንግግርህ ብታሸንፋቸው ጊዜያዊ የበላይነት ሊሰማህ ይችላል፣ነገርግን በውስጣቸው ቂም ይዘው ይሄዳሉ እንጂ በአንተ ልብ ብለው አይስማሙም። ትክክለኛ ሀይል ማለት ያለ አንዳች ቃል በተግባርህ እና በውጤትህ ብቻ ሰዎችን ማሳመን መቻል ነው። ስለዚህ ጊዜህን እና ጉልበትህን ለማያስፈልግ ክርክር ከማባከን የሚያሳምን ስራ ስራ።ይሄ ተግባርህ ከሺህ ቃላት በላይ እንደሚናገር ማሳያ ይሆናቸኋል።ሰዎች በአይናቸው ያዩትን ነገር ለማመን አይከብዳቸውም።

📕 ርዕስ:- 48ቱ የኃይል ህጎች
✍️ ደራሲ:- ሮበርት ግሪን

📚 @Bemnet_Library

ይሄን መጽሐፍ አንብባቹታል?

አንብቤዋለው❤️ አላነበብኩትም🫡

📚 @Bemnet_Library

በቀጣይ አዲስ ነገር አለ....


📚 @Bemnet_Library