ሴቶች የሚግባቡት በቀጥታ ቋንቋ  ሳይሆን፣ በስውር ቋንቋ ነው።ወንዱ "ለምን ተናደድሽ?" ብሎ ሲጠይቃት፣"ምንም አልሆንኩም" ልትል ትችላለች።

ነገር ግን እውነታው "ምንም አልሆንኩም ካለችህ የሆነ ነገር ሆኛለው ማለቷ ነው።ግን የሆነ ነገርም ላትሆን ትችላለች።መፍትሔው አካላዊ እንቅስቃሴዋን፣ የአይን አመለካከቷን እና የድምፅ ቃናዋን ማንበብ ነው።እሱም የፈጣሪ እርዳታ ያስፈልገዋል።

📕ርዕስ፦የወንዶችና የሴቶች ስነልቦና
✍ደራሲ፦ሮን ቶማስ

📚 @Bemnet_Library

ሁለት ዳቦ ጋጋሪዎች አሉ። የመጀመሪያው በየቀኑ 20 ሰዓት እየደከመ ራሱ ይጋግራል። እሱ ከታመመ ስራው ይቆማል። ሁለተኛው ግን ዳቦ የመጋገር ሂደቱን በዝርዝር ጽፎ ሰራተኞችን አሰለጠነ። እሱ ባይኖርም ስራው በትክክል ይሰራል። የመጀመሪያው ሰውዬ "ሰራተኛ" ሲሆን ሁለተኛው ግን "የቢዝነስ ባለቤት" ነው።

ምክንያቱም ስኬታማ ቢዝነስ ማለት እናንተ በሌላችሁበትም የሚሰራ ሲስተም  ያለው ማለት ነው።ስለዚህ በቢዝነሳችሁ ውስጥ ሳይሆን በቢዝነሳችሁ ላይ መስራትን ተለማመዱ።

📕 ርዕስ፦ቢዝነስ ማይንድ
✍🏻 ደራሲ፦ብሪያን ትሬስ

📚 @Bemnet_Library

"ከአስተዋይ ሰው ጋር ያደረከው የአጭር ጊዜ ቆይታ ወሩን ሙሉ መጽሐፍ እንደማንበብ ይቆጠራል"

📕ርዕስ፦ሉባር
✍ደራሲ፦በርደድ ገዳሙ

📚 @Bemnet_Library

ዐየችው ተያዩ
ዐየና ወደዳት
ቀኑ ማታ ነበር
ወደ ሆቴል ሄዱ
ሁለት ራት መጣ
ብርጭቆ ተጋጨ
ዐየችው ተያዩ
ዐያት ተሳሳቁ
በጠረጴዛው ስር
ጭኗ ጭኑን ነካው
ሲያያት ፈገግ አለች
ዐየችው ፈገገ
እጇን በእጁ ያዘው
ጠበቅ አደረጋት
ጠበቅ አረገችው
ከፈሉና ወጡ
በከሰለው ሌሊት
ሁለቱ ነደዱ
ትንፋሻቸው ጋለ
ቤቱ ተቃጠለ
ፍራሹ ነደደ
ፍቅር ተያያዘ

📕ርዕስ፦ መንገድ ስጡኝ
✍️ ገብረ/ክርስቶስ ደስታ

📚 @Bemnet_Library

ሰዎችን በፍቅር ለመጣል፣ እነሱ ስለራሳቸው ያላቸውን ጥሩ ስሜት ማጠናከር አለብህ። ሰዎች ራሳቸውን እንዲወዱ ካደረክ፣ አንተንም ይወዱሃል።

📕ርዕስ፦48ቱ የኃይል ሕጎች
✍ደራሲ፦ሮበርት ግሪን

📚 @Bemnet_Library

ወደፊት መጽሐፍትን በዓይናችን ማንበብ ሊቀር ይችላል። የኤለን ማስክ "Neuralink" ያሉ ቴክኖሎጂዎች ሲዳብሩ፣ የመጽሐፉ መረጃ በቀጥታ ወደ አእምሯችን እንዲገባ ወይም Download እንዲደረግ ይደረጋል።

ይሄ ማለት አንድን ባለ 500 ገጽ መጽሐፍ ለማንበብ ሳምንታትን አይፈጅም፤ በጥቂት ሰከንዶች ውስጥ መላው መረጃ፣ ታሪኩና ትምህርቱ በአእምሯችን ውስጥ "ትዝታ" ሆኖ እንዲቀመጥ ይደረጋል። ይህ የሰው ልጅ የመማር ፍጥነትን በሚሊዮን እጥፍ ይጨምረዋል ተብሎ ይገመታል።

ስለዚህ አስደንጋጭ መረጃ ምን ታስባላችሁ?

📚 @Bemnet_Library

ሁለት ነጋዴዎች ነበሩ።አንደኛው ነጋዴ በአንድ ጊዜ አምስት የተለያዩ ቢዝነሶችን ጀመረ።ሱቅ፣ ካፌ፣ የዶሮ እርባታ፣ የልብስ ስፌት እና ትራንስፖርት። ከዛ ግን ሁሉንም በአንዴ ለመቆጣጠር ስለከበደው አምስቱም ቢዝነሶች ከሰሩ።ሁለተኛው ነጋዴ ደግሞ ለአምስት ዓመታት በአንድ የልብስ ማምረቻ ቢዝነስ ላይ ብቻ አተኮረ። ያ ቢዝነስ ጠንካራ ሲስተም ዘርግቶ በሚሊዮን የሚቆጠር ትርፍ ማምጣት ሲጀምር፣ ያንን ትርፍ ወስዶ ሌሎች ቢዝነሶችን ያለ ድካም መክፈት ቻለ።

ሁለተኛው ነጋዴ እንደዚህ ይላል፦" FOCUS ማለት Follow One Course Until Success ማለት ነው። በአንዴ ብዙ ነገር ለመያዝ መሞከር ጉልበትህን ይበትነዋል። መጀመሪያ አንዱን ቢዝነስ ለይተህ አሳካው፤ ከዚያ ስኬቱ ሌሎቹን በራሱ ይወልዳል።"

📕 ርዕስ፦ የትኩረት ኃይል
✍️ ደራሲ፦ ሰይድ መዊድ

📚 @Bemnet_Library

ሁለት ባለሀብቶች እያንዳንዳቸው 5 ሚሊዮን ብር የሚያወጣ መሬት አላቸው። የመጀመሪያው ባለሀብት መሬቱን ዝም ብሎ ይዞት ባንክ ሄደ፤ ባንኩ ከመሬቱ ግምት 70% ወይም 3.5 ሚሊዮን ብር ብቻ አበደረው።

ሁለተኛው ባለሀብት ግን ብድር ከመጠየቁ በፊት መሬቱ ላይ ህጋዊ "የግንባታ ፕላን" አወጣ፣ የመሠረተ ልማት ውሃና መብራት አስገባና የመሬቱን ግምት ወደ 8 ሚሊዮን ብር አሳደገው። አሁን ባንክ ሲሄድ በ 8 ሚሊዮን ግምት መሰረት 5.6 ሚሊዮን ብር ብድር አገኘ።

ይሄ ማለት ባንኮች ብድር የሚሰጡት በንብረቱ "የወቅቱ የገበያ ግምት" ላይ ተመስርተው ነው። ስለዚህ ብድር ከመጠየቅህ በፊት በንብረትህ ላይ ጥቃቅን ህጋዊ ወይም ቴክኒካዊ ማሻሻያዎችን በማድረግ የንብረቱን ግምት ከፍ አድርግ። ይህ ካለህ ንብረት ላይ ከፍተኛውን የብድር መጠን እንድታገኝ ይረዳሃል።

📕ርዕስ፦የሪልስቴት ሚስጥር
✍️ደራሲ፦ሮበርት ኪዮሳኪ

📚 @Bemnet_Library

ወንድ ልጅ በዓለም ፊት ኃያል ለመሆን ይጥራል፤ ነገር ግን ትልቁ ድሉ የሚመጣው በሚወዳት ሴት አይን ውስጥ ክብሩንና ማንነቱን ሲያይ ነው። መላው ዓለም ቢንቀው እንኳ፣ እሷ "አንተ ለእኔ ልዩ ነህ" ካለችው ዳግም ለመነሳትና ለማሸነፍ ትልቅ ጉልበት ያገኛል። እምነት ከምንም በላይ ትልቅ የፍቅር መግለጫ ነው።

📕 ርዕስ:- የመማረክ ጥበብ
✍ ደራሲ:- ሮበርት ግሪን

📚 @Bemnet_Library

የሴት ልጅ ስሜት ልክ እንደ ባሕር ሞገድ ነው። አንዴ ወደ ላይ ይወጣል፣ አንዴ ደግሞ ወደ ታች ይወርዳል። ስሜቷ ወደ ታች በሚወርድበት ጊዜ ወንድ ልጅ "ምን አጥፍቼ ነው?" ብሎ መጨነቅ የለበትም፤ ይልቁንም ያ ስሜቷ አልፎ ወደ ላይ እስኪመለስ ድረስ በትዕግስት አጠገቧ መሆን ብቻ ነው የሚጠበቅበት። ሴት ልጅ ስሜቷን የሚጋራና የሚደግፋት ወንድ ካገኘች፣ ለወንዱ የማይታመን ጥንካሬና ፍቅር ትመልስለታለች።"

📕 ርዕስ:- ወንዶች ከማርስ፡ ሴቶች ከቬኑስ
✍️ ደራሲ:- ጆን ግሬይ

📚 @Bemnet_Library

"ኃጢአትን ከማድረጉ በላይ ካደረጉት በኋላ ማሰቡ የከፋ ነው"

📕ርዕስ፦ሱፊዝም
✍️ደራሲ፦ሃይለጊዮርጊስ ማሞ

📚 @Bemnet_Library

"ሲያስልህ ሽሮፕ ትወስዳለህ አይደል? ከዚያ ይሻልሃል።ይህንኑ ሽሮፕ ደረትህን ብትቀባው ግን ይሻልሃል? መድሀኒቱን ያለአግባብ ስለተጠቀምክበት ሊያሽልህ አይችልም።ከውስጥ ላለ ችግር ከውጪ መፍትሔ መፈለግ ማለት ይሄ ነው"

📕ርዕስ፦ምን ሆኛለሁ
✍️ዋና ደራሲ፦ትግስት ዋልተንጉስ 
                    
📚 @Bemnet_Library

ሴት ልጅ ስትከበር እንደ አበባ ትፈካለች፤ ወንድ ልጅ ደግሞ ሲወደድና ሲታመንበት የማይወጣው ፈተና አይኖርም። ፍቅር ማለት የሁለት ሰዎች መተጋገዝ ብቻ ሳይሆን፣ አንዱ ለሌላው የጥንካሬ ምንጭ የሚሆንበት ጥበብ ነው።

📕 ርዕስ: አምስቱ የፍቅር ቋንቋዎች
✍ ደራሲ: ጋሪ ቻፕማን

📚 @Bemnet_Library

ወንድ "ትወጂኛለሽ?" ብሎ ብዙ አይጠይቅም። በተግባር ማየት ይፈልጋል።

ሴት ግን "ትወደኛለህ?" ብላ ደጋግማ ትጠይቃለች።ምክንያቱም በቃላት መስማት ትፈልጋለች።

ለሴት "ባለፈው እኮ ነገርኩሽ" አይሰራም።
ፍቅር ለሴት ልክ እንደ ምግብ ነው። በየቀኑ መቅረብ አለበት።

📕 ርዕስ: አምስቱ የፍቅር ቋንቋዎች
✍ ደራሲ: ጋሪ ቻፕማን

📚 @Bemnet_Library

በጭንቀት ጊዜ ወንድ ልጅ  ትኩረት ማድረግ እና ዝም ማለትን ይመርጣል፤ ሴት ልጅ ግን መናገርና ስሜቷን ማጋራት ትፈልጋለች።

ብዙ ጊዜ አለመግባባቶች የሚፈጠሩት ሴቷ "ለምን ዝም አለ? አይወደኝም ማለት ነው?" ብላ ስታስብና፣ ወንዱ ደግሞ "ለምን አታርፍም? ለምን ብዙ ታወራለች?" ብሎ ሲበሳጭ ነው። ወንዱ የሴቷን መናገር እንደ ፍቅር መግለጫ፣ ሴቷ ደግሞ የወንዱን ዝምታ እንደ ማሰብያ ጊዜ ልትረዳው ይገባል።

📕 ርዕስ፦ ወንዶች ከማርስ ሴቶች ከቬኑስ
✍️ ደራሲ፦ ጆን ግሬይ

📚 @Bemnet_Library

ብዙ ሰው ንግድ ለመጀመር "መነሻ ገንዘብ" እንደሚያስፈልገው ያስባል። ነገር ግን በዲጂታሉ ዘመን ትልቁ ካፒታል "መረጃ" ነው።ባለሀብቶችና ትልልቅ ድርጅቶች ጊዜ የላቸውም። ጊዜያቸውን የሚቆጥብላቸውና ውጤታማ ስራ የሚያቀርብላቸው ሰው ይፈልጋሉ። አንተ ይህንን ክፍተት መሙላት ትችላለህ።

ለምሳሌ አንድ ድርጅት ዌብሳይት ማስራት ይፈልጋል እንበል። ነገር ግን የትኛው ድርጅት በጥሩ ዋጋና በጥራት እንደሚሰራላቸው አያውቁም።አንተ በግልህ በኢንተርኔትም ይሁን በአካል በጣም ጎበዝ የሆኑ የድረ-ገጽ ባለሙያዎችን ፈልገህ አግኝ። ዋጋቸውንና የስራ ጥራታቸውን መዝግብ።ወደ ድርጅቱ በመሄድ "እኛ ፕሮፌሽናል ድረ-ገጽ እንሰራለን" በላቸው። ከድርጅቱ 50,000 ብር ብትቀበልና ለባለሙያው 30,000 ብር ብትከፍለው፣ 20,000 ብር ያለምንም ካፒታል ትርፍ አገኘህ ማለት ነው

📕ርዕስ፦100 የቢዝነስ ሃሳቦች
✍ደራሲ፦አልተጠቀሰም

📚 @Bemnet_Library

ዛሬ ላይ በየመንገዱ የምታያቸው ሱቆች፣ ካፌዎች፣ ሆቴሎች እና የግል ትምህርት ቤቶች ትልቁ ችግራቸው "ደንበኛ ማጣት" ነው። ሁሉም ኢንተርኔት ላይ መታየት ይፈልጋሉ፣ ነገር ግን ፌስቡክን ወይም ቲክቶክን እንዴት ለንግድ እንደሚጠቀሙበት አያውቁም። አንተ ይህንን ክፍተት ወደ ገንዘብ መቀየር ትችላለህ።

በዙሪያህ ዲዛይን የሚችሉ ወይም ቲክቶክ ላይ ቪዲዮ መስራት የሚችሉ ወጣቶችን ፈልግ።ወደ አንድ ትልቅ ጨርቃጨርቅ ሱቅ ወይም ካፌ ሂድና "በወር 50 አዳዲስ ደንበኞች እንዲመጡላችሁ ሶሻል ሚዲያችሁን እናስተዳድራለን" በላቸው።

ከድርጅቱ በወር 15,000 ብር ብትቀበልና ለዛ ዲዛይን ለሚሰራው ወጣት 7,000 ብር ብትከፍለው፣ አንተ ስራውን ስላስተባበርክ ብቻ በወር 8,000 ብር ትርፍ ታገኛለህ። 10 ደንበኞችን ብታፈራ በወር 80,000 ብር ያለ ምንም ካፒታል ገቢ ይኖርሃል ማለት ነው።ንግድ ማለት ሸቀጥ መሸጥ ብቻ አይደለም፤ የሌሎችን ድካም የሚቀንስ አገልግሎት ማቅረብም ትልቅ ንግድ ነው።

📕ርዕስ፦100 የቢዝነስ ሃሳቦች
✍ደራሲ፦አልተጠቀሰም

📚 @Bemnet_Library

ትልልቅ ድርጅቶች ሰራተኛ ቀጥሮ ማስተዳደር ሰልችቷቸዋል። ግብር መክፈል፣ ኢንሹራንስ መግባትና ሰራተኛ ሲታመም መጨነቅ አይፈልጉም። አንተ ይህንን ራስ ምታት ወይም ችግር በገንዘብ ትገዛቸዋለህ

መጀመሪያ ጽዳት የሚችሉ፣ ጥበቃ የሚችሉ ወይም የቢሮ ስራ የሚችሉ ሰዎችን በዝርዝር መዝግብ።ከዛ ወደ አንድ ድርጅት ሄደህ "የጽዳት ሰራተኛ መቅጠር የለባችሁም፤ እኛ በወር 20,000 ብር ክፈሉንና ሰራተኛውንም፣ የጽዳት እቃውንም እኛው እናቀርባለን" በላቸው።

ለሰራተኛው 8,000 ብር ብትከፍል፣ ለጽዳት እቃ 2,000 ብር ብታወጣ፣ በቀሪው 10,000 ብር ድርጅቱን ታሳድጋለህ። የሰዎችን ችግር (ራስ ምታት) ተረክበህ መፍትሄ ስትሰጥ፣ ሰዎች በደስታ ይከፍሉሃል።

📕ርዕስ፦100 የቢዝነስ ሃሳቦች
✍ደራሲ፦አልተጠቀሰም

📚 @Bemnet_Library

በአንድ ወንድ ላይ ከፍተኛ ተጽዕኖ ማሳደር የምትችይው "ተፈላጊ" እንደሆነ እንዲሰማው በማድረግ ነው።ለምሳሌ አንድ ወንድ አንቺን እንዲወድሽና እንዲያከብርሽ ከፈለግሽ፣ ትናንሽ ነገሮችን እንኳን እንዲያግዝሽ ጠይቂው። "ይህንን ነገር አንተ ካላገዝከኝ ሊስተካከልልኝ አይችልም" ስትይው፣ በውስጡ ያለው የጀግንነት ስሜት ይነሳሳል። ወንዶች በባህሪያቸው "አዳኝና ጠባቂ" መሆን ይወዳሉ። ያንን የአዳኝነት ስሜት ለምትሰጣቸው ሴት ደግሞ ልባቸው ለዘላለም ይቀልጣል።

📕 ርዕስ: አምስቱ የፍቅር ቋንቋዎች
✍ ደራሲ: ጋሪ ቻፕማን

📚 @Bemnet_Library

ሀብታም ነኝ ብለህ የምታስበው በባንክ ሂሳብህ ባለው የገንዘብ መጠን ከሆነ ተሳስተሀል። ትክክለኛው ጥያቄ፡- "ዛሬ ስራ መስራት ብታቆም፣ ያጠራቀምከው ገንዘብ ወይም ንብረት ለስንት ጊዜ በህይወት ያቆይሀል?" የሚለው ነው።

"ሀብታም ሰው ማለት ስራ ባይሰራም እንኳ ንብረቱ የኑሮ ወጪውን የሚሸፍንለት ሰው ነው። ድሃ ማለት ግን ስራው ሲቆም ህይወቱ የሚቆምበት ሰው ነው።

📕ርዕስ፦ሀብታሙ አባትና ደሀው አባት
✍ደራሲ፦ሮበርት ኪዮሳኪ

📚 @Bemnet_Library