ይሄ ፅሁፍ እናቱን ይሳደብ፣ ይጥላ ወይም ያስቀይም ማለት አይደለም።

እናትህን መውደድ፣ ማክበር፣ ጉልበቷን መሳም እና የሚያስፈልጋትን ነገር በሙሉ ማድረግ ትችላለህ።ይሄ ሁላችንም የምንመኘውና የምንፈልገው ነገር ነው።

ነገር ግን ስታገባ ፤የቤተሰብህ ሃላፊነት ያለው በአንተ እና በሚስትህ እጅ ነው።ይሄ ማለት በማንኛውም የቤተሰባችሁ ጉዳይ መወሰን የምትችሉት እናንተ ብቻ ናችሁ።እዚህ ጋር እናትህ ወይም አባትህ መካሪ ሊሆኑ ይችላሉ።"ነገር ግን የቤተሰብህ የውስጥ ጉዳይ ውሳኔ ሰጪ መሆን የለባቸውም" እያለ ነው።

ሁሉም ነገር ገደብ አለው።ሁላችንም ወንዶች እናታችንን እንወዳለንም እናከብራለንም።ነገር ግን ካገባንና የራሳችንን ኑሮ ከጀመርን በኃላ በራሳችን መወሰን ያለብንን ነገር ለእናታችን መስጠት የለብንም።ብዙ ትዳሮች የሚፈርሱት እኔና ሚስቴ መወሰን የምንችለውን እናቴ ስትወስንልኝ ነው።እናቴ ከወሰነች ደግሞ ትዳሬ አደጋ ውስጥ ይገባል።

ስለዚህ እናትን ማስቀየም ማለት መሳደብ ማለት አይደለም።በትዳሬ ውስጥ ስገባ "እማዬ ይሄ የኔና የባለቤቴ ውሳኔ ነው" የማለት ድንበር ማበጀት ነው። እናትን ማክበር፣ መውደድ እና መንከባከብ ጥሩ ነው። ነገር ግን እናትን "ሚስት" ባለችበት ቦታ፤በትዳር ውሳኔ፣ በቤት አመራር ላይ ማስቀመጥ ስህተት ነው። ለእናት የእናትነትን ክብር፣ ለሚስት ደግሞ የሚስትነትን ክብር አመጣጥነህ ስጥ እንደማለት ነው

ሀብታም ነኝ ብለህ የምታስበው በባንክ ሂሳብህ ባለው የገንዘብ መጠን ከሆነ ተሳስተሀል። ትክክለኛው ጥያቄ፡- "ዛሬ ስራ መስራት ብታቆም፣ ያጠራቀምከው ገንዘብ ወይም ንብረት ለስንት ጊዜ በህይወት ያቆይሀል?" የሚለው ነው።

"ሀብታም ሰው ማለት ስራ ባይሰራም እንኳ ንብረቱ የኑሮ ወጪውን የሚሸፍንለት ሰው ነው። ድሃ ማለት ግን ስራው ሲቆም ህይወቱ የሚቆምበት ሰው ነው።

📚ርዕስ፦ሀብታሙ አባትና ደሀው አባት
🗣ደራሲ፦ሮበርት ኪዮሳኪ

Join @Bemnet_Library

ከሆነ አመት በኃላ መንገድ ላይ እየሄድክ "አባ.. አባቱ..አንተን እኮ ነው የምልህ፤አሰማም እንዴ?" የሚሉ የተደራጁ ሴቶች ቢተናኮሉህ ግርምት ውስጥ እንዳትገባ! ምክንያቱም ጊዜው እየተቀየረ ነው።

የወንዶች ቁጥር በከፍተኛ ደረጃ እየቀነሰ ነው።የሴቶች ቁጥር ደግሞ በየቀኑ ጭማሪ እያሳየ ነው።ይሄ የሚያሳየው ወንዶች በቅርቡ አደጋ ውስጥ መግባታቸው አይቀሬ መሆኑን ነው።

እንደውም ወንዶች ከምንጊዜም በላይ መሰባሰብ ያለብን አሁን ነው።ምክንያቱም ሊጠልፉን ይችላሉ።የሚሆነው ነገር አይታወቅም።በእያንዳንዱ ሰከንድ፤ከ4ቱም አቅጣጭ ምን ሊፈጥር እንደሚችል አይታወቅም።

ቆይ ከሀገራችን ወዴት እንሂድ? ጭራሽ ሴቶች እየጠበሱ፤እየጠለፉ፤ለፍቅር የሚወስዱት አደገኛ ዘመን ላይ ደርሰናል።ትንሽ እንኳን እንዳንመርጥ ጫና እየተደረገብን ነው።መቀነሳችን፤እነሱ እንዲወዳደሩብንና እንዲያንገላቱን ዕድል ፈጥሯል።

ፈጣሪ ሆይ አንተ ጠብቅኝ!

አንዳንዴ የሰውን ልጅ ሳስብ ግራ ይገባኛል። ለምንድነው እንዲህ የምንጨካከነው? ለምንድነው ሰላምን እንደ ጠላት የምናየው? ፈጣሪ ሰውን ሲፈጥር እንዲህ እንዲሆን አልነበረም።እኔ ግን አሁንም ቢሆን ሰዎች በልባቸው ውስጥ እውነተኛ ደግነት እንዳላቸው አምናለሁ።

📕 ርዕስ፦የአና ማስታወሻ
✍🏻 ፀሀፊ፦አና ፍራንክ

📚 @Bemnet_Library

ፒተርና እኔ ሰገነቱ ላይ ሆነን በመስኮት በኩል ሰማዩን ስናይ፣ በምድር ላይ ያለውን ስቃይ ሁሉ እንረሳዋለን። እሱ አጠገቤ ሲቀመጥና ትከሻዬን ሲደገፍ፣ ዓለም በሰላም ላይ ያለች ይመስለኛል። እዚያች ጠባብ ክፍል ውስጥ ሆኖ ስለ ነፃነት፣ ስለ ወደፊት ሕይወታችንና ስለ ፍቅር ማውራት ትልቅ ድፍረት ነበር።

📕 ርዕስ፦የአና ማስታወሻ
✍🏻 ፀሀፊ፦አና ፍራንክ

📚 @Bemnet_Library

በውስጤ ሁለት አናዎች አሉ። አንደኛዋ ደስተኛ፣ ቀልደኛ እና ስለ ምንም ነገር ግድ የሌላት ናት። ሁለተኛዋ ግን ከሰዎች እይታ የተሰወረች፣ ጥልቅ ስሜት ያላት፣ የምታስብ እና የምትጨነቅ ናት።

📕 ርዕስ፦የአና ማስታወሻ
✍🏻 ፀሀፊ፦አና ፍራንክ

📚 @Bemnet_Library

የሰው ልጆች ሕግ ማውጣት ይወዳሉ፤ ነገር ግን ያወጡትን ሕግ ለመጣስም ይቸኩላሉ።አብዛኛዎቹ ሰዎች በባሕር ዳርቻ ላይ አሸዋ በመገንባት ከሚጫወቱ ሕፃናት ጋር ይመሳሰላሉ። ሕጉን ይሠራሉ፣ ከዚያም መልሰው ያፈርሱታል።

ለእኔ ግን እውነተኛ ሕግ ማለት በልባችሁ ውስጥ ያለ የሕሊና ሕግ ነው።ይሄ ማለት ማንኛውም ሰው፤ ሰው ሰራሽ ሕግ ባይኖር እንኳን በውስጡ ላለው ለሕሊና ሕግ የሚገዛና በራሱ መንገድ ቀጥ ብሎ መጓዝ የሚችል ነው።

📕 ርዕስ፦ነብዩ
✍🏻 ደራሲ፦ካህሊል ጂብራን

📚 @Bemnet_Library

አንድ ቀን መቃብር ሲቆፍር የነበረን ሰው እንዲህ ብዬ ጠየቅኩት፡- "ለምንድነው ይህንን ጉድጓድ የምትቆፍረው?" እርሱም እንዲህ ሲል መለሰልኝ፡- "የሞቱትን ሰዎች ለመቅበር ነው።"

እኔም በልቤ እንዲህ አልኩ፦ በእውነት የምትቀብረው በሥጋ የሞቱትን ብቻ ነውን? ወይስ ነፍሳቸው በሕይወት እያሉ የሞቱትን ጭምር? ብዙ ሰዎች በምድር ላይ ይራመዳሉ፣ ይበላሉ፣ ይጠጣሉ፤ ነገር ግን በውስጣቸው ናፍቆትና ፍቅር የለም። እነዚህ ሰዎች ከመቃብር ውስጥ ካሉት በምን ይለያሉ? እውነተኛው ሞት ትንፋሽ መቆም ሳይሆን፣ በልብ ውስጥ ያለው የጥበብና የፍቅር እሳት መጥፋት ነው።

📕 ርዕስ፦የተሰበሩ ክንፎች
✍🏻 ደራሲ፦ካህሊል ጂብራን

📚 @Bemnet_Library

አብዛኛው ሰው "ችሎታ አለኝ" ብሎ ያስባል፤ ነገር ግን ያለው "ልምድ" እንጂ "ችሎታ" አይደለም። ልምድ ማለት ለአንድ ኩባንያ ለብዙ ዓመታት ታዝዞ የመስራት ውጤት ነው። ችሎታ ግን በየትኛውም ሰዓት፣ በየትኛውም ቦታና በማንኛውም ሁኔታ ውስጥ ለአንተ ኃይልና ገንዘብ ሊያስገኝልህ የሚችል "ተንቀሳቃሽ መሣሪያህ" ነው።

ስለዚህ በዚህ ሰዓት ትኩረት ማድረግ ያለብህ ወደፊት ነጻ የሚያወጣህ ችሎታ ላይ ብቻ ነው።ከነዚህ ችሎታዎች ውስጥ ሽያጭ፣ ሰዎችን ማሳመን፣ ማርኬቲንግ እና የገንዘብ አያያዝ ዋነኞቹ የኃይል ምንጮች ናቸው። ወደፊት መሸጥ የሚችል ሰው በየትኛውም ሀገርና በየትኛውም ሁኔታ ውስጥ ቢወድቅ አይራብም። ማሳመን የሚችል ሰው ሰራዊት መገንባት ይችላል። እነዚህ ችሎታዎች ካሉህ ብትወድቅና ብትከስር እንኳን፤ድጋሜ ተነስተህ ራስህን ማሳደግና መገንባት ትችላለህ።

📚 @Bemnet_Library

የዓለማችን ትልቁ የታክሲ ድርጅት "Uber" አንድም መኪና የለውም፤ የዓለማችን ትልቁ ሆቴል "Airbnb" አንድም ክፍል የለውም።እነሱ የፈጠሩት ትልቁ ሲስተም ንብረት ሳይኖራቸው፤ንብረት ያላቸውን እና ተጠቃሚዎችን የማገናኘት ሲስተም ነው።

ይሄን ሲስተም ደግሞ ማንኛውም ዝግጁ የሆነ ሰው መፍጠር ይችላል።መጀመሪያ ጎበዝ የግራፊክስ ባለሙያዎችን፣ ሁለት ጸሐፊዎችንና አንድ የማስታወቂያ ባለሙያን ፈልገህ "ሥራ አመጣላችኋለሁ፣ ትርፉን ግን እንካፈላለን" ትላቸዋለህ። ከዚያም ወደ ትላልቅ ድርጅቶች ሄደህ "እኛ የተሟላ የማስታወቂያ አገልግሎት እንሰጣለን" ብለህ ውል ወይም ስምምነት ትቀበላለህ።በመጨረሻ ሥራውን እነሱ ይሠሩታል፣ አንተ ግን ፕሮጀክቱን ስላመጣህና ስለመራህ ከፍተኛ ትርፍ ታገኛለህ።

📚 @Bemnet_Library