Беларуска робіць срэбныя кулоны "Беларусь са слязінкай" і скіроўвае частку прыбытку на дапамогу УСУ, беларускім добраахвотнікам і ўкраінцам

🔹Дзяўчына жыве ў Тбілісі, куды з'ехала пасля ўдзелу ў пратэстах 2020 года. Менавіта ў Грузіі яна навучылася ювелірнаму майстэрству. Кулоны купляюць людзі з усяго свету. Дарэчы, у Святланы Ціханоўскай ён таксама ёсць.

🔸Цяпер працэнт ад продажу ўпрыгожванняў скіроўваецца на дапамогу Украіне. Таксама некаторым пацярпелым ад вайны людзям каманда брэнду Belaruskicry аплочвае сеансы псіхатэрапіі.

➡️ Заказаць ўпрыгожванне і падтрымаць Украіну

Беларусы пачалі перадаваць VAC-апараты для лячэння ранаў ва ўкраінскія бальніцы

🔹Гэтым займаецца грамадская аганізацыя "Звяно", суполка беларусаў Італіі і фонд медыцынскай салідарнасці. Днямі былі перададзены 2 апараты ў 8-ю Лякарню Львова і 4 апараты ў ваенную часць.

🔸На відэа ваенны хірург Яраслаў Гаўрыш распавядае, чаму гэтыя апараты зараз так неабходныя ва Украіне.

#BelarusWithUkraine

Ці крыўдуюць ўкраінцы на беларусаў?

Адказвае дэпутат Вярхоўнай Рады Украіны Аляксей Ганчарэнка.

Як беларускі валанцёр корміць УСУ і ТРА

Максім Кавалёў 24 лютага прачнуўся ў Кіеве ад крыку сябра "нас бамбяць". Праз некалькі дзён сябра пайшоў у батальён Каліноўскага, а Максім стаў валанцёрыць на кухні бара, дзе гатуецца ежа для УСУ, ў Івана-Франкоўску.

Як праходзяць будні валанцёра і чаму ён не з'ехаў - Максім распавядае Еўрарадыё.

▪️У бар мяне прывяла сяброўка. Мяне пакармілі, пастрыглі, звазілі ў краму, каб я набыў прадуктаў. Вось і адказ на пытанне, як украінцы ставяцца да беларускіх валанцёраў. Людзі разумеюць, што мы лёгка маглі з’ехаць у Польшчу. Але засталіся дапамагаць.

▪️Беларусы, з якімі я стасуюся, не апраўдваюцца. Не кажуць пра сітуацыю з Лукашэнкам. Не кажуць, што краіна акупаваная. Яны проста прыходзяць на кухню і робяць што могуць.

▪️У многіх з нашых валанцёраў сваякі, бацькі былі ці застаюцца на фронце. Людзі атрымлівалі дрэнныя навіны. Але яны ўсё роўна працягвалі працаваць на агульную перамогу.

Чытаць цалкам

Заўтра, 28 мая, у Цэнтр Беларускай Салідарнасці ў Варшаве запрашаюцца ўсе ахвочыя, каб плесці маскіровачную сетку для беларускіх добраахвотнікаў

✔️З сабой варта прыносіць нажніцы, матэрыялы ці старыя рэчы зялёнага альбо карычневага колераў, салодкае да гарбаты.

📍13:00, Oleandrów 6/2

#BelarusWithUkraine

Чаму беларускія актывісты і актывісткі, якія былі вымушаныя з'ехаць з Беларусі, дапамагаюць Украіне?

Хваля міграцыі з Беларусі не прыпыняецца з 2020 году. Але ініцыятаўныя грамадзяне, якія трапілі пад рэпрэсіі, былі выгнаныя з краіны, і зараз знаходзяцца не ў лепшым становішчы, дапамагаюць украінцам і ўсім, каго закранула вайна. Арганізацыя OEEC пагутарыла з некоторымі актывістамі.

🔹Я не ўмею пражываць крызісы так, каб нічога не рабіць. Таму я адразу стала шукаць карысную інфармацыю і дзяліцца ёю са знаёмымі і сябрамі. Затым напісала вялікае паведамленне з карыснымі спасылкамі ў Тэлеграм і пачала імі дзяліцца ў розных групах і каналах. Гэта былі мапа бомбасховішчаў, правілы бяспекі, мапа выезду. Потым пачала даваць асабісты кантакт. Спачатку - знаёмым, але хутка гэта пераўтварылася ў сапраўдны паток запросаў. Людзі звярталіся па дапамогу, а я разам з каляжанкамі, шукала інфармацыю. Мне пісалі жыхары маленькіх пасёлкаў ва Украіне, пра існаванне якіх я нават не ведала, - Стася, актывістка, каардынуе праект napryamok.org - сайт з актуальнай інфармацыяй для пацярпелых ад вайны.

🔸На другі дзень вайны псіхіка пачала адаптавацца і ўнутры паўстала пытанне: "Што я магу зараз зрабіць?". Зараз кожны і кожная могуць нешта зрабіць. Асабіста я валодаю кантактамі і ведамі, якія магу выкарыстоўваць. Для сябе я сфармуляваў такую місію: буду дапамагаць людзям, чые блізкія засталіся ваяваць ва Украіне. Каб пакуль яны абараняюць сваю зямлю, яны ведалі, што іх сем'і ў бяспецы. Так на 4-ты дзень вайны стварылася платформа icanhelp.host, дзе людзі, якія ўцяклі ад вайны, могуць знайсці сабе жытло, - Нік Анціпаў.

Чытаць гісторыі актывістаў цалкам

Навіны з фронту

Украінцы і беларусы - разам да перамогі ✊

💥 Такога вы яшчэ не чулі! Stefania ўкраінскага гурта Kalush Orchestra загучала па-беларуску!

Слухайце беларускую версію сусветнага хіта ў выкананні Кацярыны Ваданосавай і Міхася Зуя.

Крыніца @hajtaktv

💙💛🤍❤️🤍

Украінка так натхнілася беларусамі, што загаварыла па-беларуску ☺️

Слава Украіне і Жыве Беларусь!

💙💛🤍❤️🤍

"Ёсць Лукашэнка, які дапамагае Пуціну, а ёсць беларусы, якія, наадварот, супрацьстаяць"

🔹Ваенны эксперт Ягор Лебядок разважае пра тое, як беларусы выказваюцца супраць вайны. Многія з затрыманых на акцыях супраць вайны ў Мінску і іншых рэгіёнах не ўдзельнічалі ў пратэстах 2020 года. Але выйшлі супраць расійскай агрэсіі.

🔸79% беларусаў па дадзеных Chatham House выступаюць супраць вайны ва Украіне. Падрабязней пра гэтую барацьбу народа - у рэпартажы "Настоящего времени".

Філосафка і выкладчыца Вольга Шпарага разважае пра характар і асаблівасці вайны ва Украіне, у якую так ці інакш уцягнутыя ўсе мы

🔻Галоўнымі эмоцыямі падчас вайны становяцца нянавісць і гонар: нянавісць дазваляе не бачыць у ворагах людзей, забойства якіх не дазволена ў сучасных дэмакратычных грамадствах, а гонар дазваляе збірацца з сіламі, натхняючыся перамогамі і подзвігамі.

🔻Такія разнастайныя эмоцыі як спачуванне, радасць, сумнеў, нясмеласць і крытычнае стаўленне да іх адыходзяць на другі план, дапамагаючы быць часткай аднаго згуртаванага калектыву, падпарадкоўваць свае розныя ідэнтычнасці адной - грамадзянкі/грамадзяніна сваёй краіны, на якую вераломна напала іншая краіна.

🔻Важна ўжо сёння прылічаць да герояў не толькі мужчын, а далікатнымі і ранімымі лічыць не толькі жанчын. Перамагчы ў вайне, урэшце, азначае не толькі справіцца з агрэсарам тут і цяпер, але і прадухіліць узнаўленне практык агрэсіі і адсутнасці эмпатыі (што мы назіраем з боку многіх іншых еўрапейцаў) у будучыні.

Чытаць цалкам

"У дачыненні да беларусаў заўсёды было вельмі добрае стаўленне. І зараз, ня гледзячы на тое, што дазваляе "улада" Рэспублікі Беларусь рабіць са сваёй тэррытрыяй, украінцы ўсё адно кажуць: гэта праблема ўлады, не праблема народа, мы з народам, любім беларусаў і ніколі не будзем з імі змагацца, бо пражылі вельмі вялікі кавалак жыцця і гісторыі разам"

💥Эксклюзіўна для BelarusWithUkraine! З беларускім акторам Аляксеем Яравенкам, зоркай папулярнага ва Украіне серыяла "Кріпосна", гутарыць Аліна Коўшык.

З 2016 году Аляксей жыве ў Кіеве, зараз займаецца ў тым ліку зборам сродкаў для УСУ.

#BelarusWithUkraine

У суботу, 4 чэрвеня, у Варшаве адбудзецца вялікае свята, прысвечанае першым дэмакратычным выбарам 1989 г. у пасляваеннай Польшчы

▪️Запрашаюцца ўкраінцы і беларусы, каб супольна адзначыць гэты дзень.

▪️"Мы хочам быць разам у Еўропе - з Украінай і Беларуссю - каб адчуваць сябе бяспечна. Разам мы патрабуем павагі да Канстытуцыі і еўрапейскага заканадаўства. Мы патрабуем захавання закону ўздоўж ўсёй усходняй мяжы. Разам мы павінны змагацца за вяртанне да дэмакратычнай прававой дзяржавы", - пішуць арганізатары, сярод якіх Беларускі Моладзевы Хаб.

📍4.06, 18.00, Plac Konstytucji 6