- بتعجبني البساطه جدا ًوبحب وبحترم الناس الماشة علي نهجها .
بحب اشوف ناس بتبتسم اول ما تشوفك وتسلم عليك بكُل الُحب الفي الدنيا. بحب انك تصدم واحد من الماره وتعتزر ويرد"ماف مشكلة" بكل عفويه ومعاها ابتسامه عريضة ..
بنبسط شديد لما الاقي اتنين اندمجو مع بعض من اول ونسه من اول لقاء ، واقدر الاحظ واشوف الحُب في عيونهم .💕
بحترم الناس البتحكي ليك مشاكلها وهي بتضحك ، ذي ضحكتهم بتحكي ليك انو الحياه دي اتفه من اني ازعل فيها .
وبعشق تكشير وجوه الناس لما تغير علي بعض و يتعاتبو عتاب لطيف ، والناس المهما تغلط في حقهم طوالي مسامحين وخاتين ليك الف عزر .
الناس البسيطين في لبسهم ، نوعية أكلهم وحتي في طريقة كلامهم ، بسيطة ولينه سحنتهم .
بحب الناس الرغايه البتقعد تحكي معاك بالساعات وعمرنا ما ملينا او زعلنا من كلامهم الكتير .
بتمني اني اكون متواجد في كُل مكان تكون فيه ريحه الحُب مطلقه عنانها ، "ذي لحظه انتظار غايب في سكه القطر والنظرات وشكل العناق ساعاتها" .
بحب اشوف الدنيا من زاويتي الخاصه ، زاويه الافلام والروايات الفيها كُل شي حلو وجميل بغض النظر عن المشاكل المعشعشه في دواخلنا . من بعيد الدنيا ابسط واجمل بكتير .
تعاملنا ببساطه ومن بعيد ، بدون تكلف او سطحيه بخلي روحنا أجمل وقريبه من النقاء لدرجه تخلينا أطفال .
"بحب اعيش كُل نهاية جميلة"💜

إطمن , حتجي كا دعواتك الـ قلتها ونسيتها, و دساها ربنا لك لحدي مايجي وقتها , إن الله على كل شيء قدير😍

بنتنفس كل يوم اكسجين جديد وهوا نقي..بنصحى كل يوم ونحن ما ناقصنا شي..بنشرب شاي الصباح بي حب..
ياتو حاجة بتمنعنا نقول الحمدلله..
احمدو❤️

جواناا امل وعشم انو بكرة ح يكوون حلوو نحن كده دايما متفائلين بي انو الجااي خيير..
مؤمنين بحلاوة الجايي رغم مرارة الحاضر🙂

‏اللهُم خير الأمور، خير الأشخاص، خير الأيام ♥️

واخيرا انتهى قرن يناير مرحب بى شهر 2

2/2/2020
تاريخ مميز فاعملو فيهو شى شى مميز

صباحووووو

‏أود أن أخبرك بأن الحياة بها كثير من المنافذ والطرق المُتشعبة والأمور المدهشة والألطاف الخفيّة.. إن بها من السعة كما فيها من الضيق ومن العسر كما اليسر ومن الجمال كما البشاعة ومن الأُنس كما الحزن ومن الرضا كما السخط.. إن الحياة مُتقلبة، لا حالَ دائم.. فهونّ عليك قُرّ قلبًا وابتسم. 💜✨

سّـ نبقى ممتنين لـ كلمة أو موقف أو لـ شخص جاءنا في لحظات يأسنا القصوى ، بين السقوط والإرتطام قبل الإستسلام وحين فقدنا قدرتنا على المقاومة ، أشخاص اشبة بـ الشروق حين آمنا أن العتمة لن تنتهي🥀♥️

بجد والله

القال ليك يديك العافية ما خلى ليك حاجة أسمح من العافية ماف ..💛

‏﴿ وَهُو معَكم أينَما كُنتُم ﴾
‏طمأنينة في كل خطوه نخطوها 💛

-
أكثروا من:
"لا إله إلّا أنت سُبحانك إنّي كُنت من الظالمين"

فأنها تجمع التوحيد، والتقديس، والتسبيح، والاستغفار، والاعتراف بالذنب، وطلب الغوث، فما أجلّها وأعظمها من كلمة 💕

ماذا لو جاء ملتزماً ؟!
صوته عذب في القرآن ،، هين لين القلب يخشي الله 💙 😍

ما في إنسان كامل مكمل أي انساان عندو جانبو الايجابي وعندو السلبي... فلو بالجد بتحبونا بتتقبلونا بي جوانبنا الاتنين
اماا لو دايرين الكمال ف الكمال لله وحده 😊👌

وتبقى آلاحّلام 💤
وسّيلة للتعبير عمآ في خُواطرنا
حتى و ان لمّ تتحقق ..🌿🕸

ومرات بتجي عليك سرحه كدا ترجعك كم سنه كدا لي ورا وفجأة تبتسم لا شعوريا وتقوووول ياااا حليل زمان كانت سنين سمحه ❤
هي م كانت سمحه اقسم بالله نحن الكنا من جوة سمحين،،
كان عندنا آمال كبيرة و احتماليات فرح و قدرة ع العشم، الليلة بتجي اكبر فرحة و تلقانا باردين💔

- اللهم قوه..🧡✨💙

اللهم بلغنا مرحلة الشارع دا بطلعني ولا
كعب 🚗💅😔😂

*كبررررنا وعرفنا العترة م بتصلح المشي بس العترة عكازة سنين تسند بيها نفسك وحلمك وامنياتك ✨♥وفي العترة دي احتمال تلقى حلم كان وقع منك زمااان وقنعتو منو وهسة شفتو في عترتك دي✨♥العترة صاااح لوية رجل تنية ضهر وعدال مشاويرك كمااان ✨♥العترة امكن فيها خيررر او فيها ريد او فيها ليككك ابواب الفرح✨♥يااااخ م عليك المهم العترة مفتاح لي هناك ✨والعترة بتصلح مشي♥☺

فيديو بطريقه جميله جداً لفضيلة الشيخ محمد سيد حاج .. بخصوص موضوع الغاء قانون الدعارة .. ف شكل حوار .. اقام عليهم الحٌجه فيه❤️ .. بعنوان #دردشة_مع_مهند ❷

بالجججد سبحان الله .. هو ف قبرو بس لسه كلاامو ف محلو ولسه بينصح .. ولسه دعوتو ما وقفت ..❤️

ربنا يرحمك ويغفر ليك ويجعل الجنه مثواك ..💜
#ساعدوا_في_نشر_الفيديو💜

@flntzod

ياريت الناس تسمع الفيديو دة وياريت كمان لو تعملوا ليهو شييييير تكونو ما قصرتو