ماف ضمان ياخ☹️☹️😹💔

رسائل إيجابية : 🌿💚

1.. الطريقة الوحيدة لتجنب التعاسة هي ألا يكون لديك وقت فراغ تسأل فيه نفسك فيما إذا كنت سعيداً أو لا .."

2..كُن سبباً في جِعل شِخصْ آخر يؤمن آنْ آلخير لآ زالَ موجودُ فى قلوبْ النآسْ

3.. الاحترام سلوك ينبع من النفس، لينعكس على تصرف الآخرين معك. "احترم نفسك" قبل أن تحترم الآخرين

4.. مفتاح الفشل ، هو مُحاولة إرضاء جميع البشر "

5.. الأناقة ليست محصوره في مظهرك الخارجي فقط ، فهناك أناقة داخلية كـ أناقة لسانك ، أسلوبك ، وعقلك / أيضاً .!.

6.. تخلص من عاطفتك المُفرطه ، توقف عن سرد العتابات ، لا تستمر بمطالبة احدهم للوقوف بجانبك ، كُن صاحب كفاية ذاتيه لتكون دائمًا في اجمل حال

‏7.. ليس كل من يحبك سوف يفهم مشاعرك فالحب لا يعالج قلة الادراك والفهم ، فالبعض لدية صعوبة في الإحساس بمن حولهم . 💚

صباح الخير 💙

الثامنُ من شهرِ شعبان 🌼💙
رمضان على الأبواب..
كلو 30 يوم اذا ما كان 29 فما بيتحمل ناخد ولا ثانية منو عشان نروض نفسنا على فعل الخيرات واجتناب المنكرات..
عشان كدا رجاءً نبدأ من هسي..
تأخيرك لصلاتك..
تناسيك لنوافلك..
هجرك لقرآنك..
غفلتك عن ذكر ربنا..
وغيرهم كتيير
📌دي كلها حاجات محتاج تدرب نفسك عليها من هسي لانو ما اول ما يدخل رمضان هووب كدا نفسك ح تطاوعك..
بالمُقابل..
مُسلسلك المتابعو..
الأغاني المدمن عليها..
سيرة الناس الما بتفارق لسانك..
السب والشتيمة..
عقوقك لوالديك..
وغيرو وغيرو
📌دا كلو محتاج هجر.. افطم روحك من المعاصي.. توب لي ربنا منها توبة نصوح واستقبل رمضان بقلب جديد..
🌼ابدأ اعمل خُطة الشهر من هسي.. ما تنتظر لحدي ما الهلال يهل..
🎀صلاتك المفروضة في مواعيدها..
🎀السنن الرواتب..
اللي هم 2 قبل الفجر..
4 قبل الظهر و2 بعدو..
2 بعد المغرب..
2 بعد العشاء..
🎀الضحى ولو ركعتين..
والبصلي 2 يبقيهم 4..
🎀طلع صدقات ولو 10 جنيه بتفرق كتير في ميزانك..
🎀اعمل وِرد ذكر كل يوم..
تسبيح.. استغفار.. حمدلة.. صلاة على الرسول صلى الله عليه وسلم.. حوقلة... الخ
ان شاء الله لو بمعدل 10 مرات من كل واحدة فيهم..
🎀اذكار الصباح والمساء..
🎀المُنجية قبل النوم = سورة تبارك..
🎀جزء قرآن يومي تلاوة..
واذا بادي مشروع حفظ واصل.. 🧡
🎀خلي بينك وبين ربنا ركعات قيام ولو ركعتين بعد العشاء.."طبعاً غير راتبة العشاء" صليهم بكل خشوع وادعي ربنا يهدي قلبك ويبلغك وإيانا رمضان ويعيننا على الطاعات ويتقبل مننا..
ويا حبذا اذا نمت بدري وخليتهم لأعظم وقت "الثلث الأخير" لما ربنا يتنزّل للسماء الدنيا🧡
✨دي نماذج بس ممكن تعتمدها كخُطة رئيسية وتزيد عليها من عندك..
بس الله يرضى عليك ما تخلي رمضان يدخل عليك حتى تبدأ 😔
اللهم بلغنا رمضان وأعنا في على الصيام والقيام.. وتقبل منا واغفر لنل وتُب علينا 🧡🌼

لما تضيق دنياك و تمسخ... تلقى ملاذك و بيتك آية💙✨
#محتاجين_نحفظ_قرآن

لما جراحك تنزف تاني... ضمد نزف الجرحة ب آية❤✨
#محتاجين_نحفظ_قرآن

و لمن تمرض و جسمك يفتر... ممكن عادي تعالجك آية💙✨
#محتاجين_نحفظ_قرآن

لما الدنيا تبشتن قلبك... عيد ترتيب نبضاتو ب آية💓✨
#محتاجين_نحفظ_قرآن

وان اغلقت في وجهك جميع الابواب تذكر "ادعوني استجب لكم" و"هو علي هيّن"💜🌸وما قد يزعجك ورب الكون باكمله سيستمع لك فقط توجه اليه💜

و لما الضيق يتملك روحك اعرف انو زوالو بآية💜🌸
#محتاجين_نحفظ_قرآن

و لما الدنيا تهون في عيونك... تكتشف إنو الموضوع كان آية💜✨
#محتاجين_نحفظ_قرآن

يا حيُّ يا قيُّوم برحمتِكَ نستغيث
أصلح انا شأننا كله و لا تكلنا إلى أنفسنا طرفةَ عين

أرجعي حافظي على القيام وسورة البقرة يومياً وكل حاجة حـ تتصلح 💛.

ياخوانا من هسي العوارة بتاعت كذبة أبريل دي ما في داعي ليها ، الواحد بقى في وضع ممكن يصدق أي حاجة و الله😔💔

ابوي لقاني قاعد في الصالة قال لي مالك ؟!
قلت ليهو : نفسياتي تعبانة
قال لي : دي صعلقة جديدة ولا شنو؟!!🐸💔

م عصرتا علينا نحنا لكن🥺😹😹😹💔

صل على محمد

إتخيلي لو طولتي شديد من صاحبتك القرييييبة ليك ديك👭❤️..

نقول ليكم سنة كدا ما اتلاقيتو...

سنة كاااملة ما اتكلمتوا في التلفون..

طبعكم كدا ✋..

الاتنين ما بتحبوا الكلام في التلفون.. بس الإتنين متأكدين من انه مكانتكم في قلوب بعض ثاابته😊💙..

يوم ورا يوم، وشهر شال شهر وفضل شهر على إنكم تتموا سنة من بعض..

في يوم كدا من الصباح لقيتيها مرسلة ليك SMS نَصَها:

(أنا ح أجي بعد شهر، أخيراً ح نتلاقى 💚)

فرحتي فرح الدنيا كلوو وقمتي كلمتي ناس البيت والجيران وجيران الجيران زاتهم😂💙..

وبعدها رجعتي قعدتي برااك وبقيتي تكتبي وتحسبي في الأيام الفاصلاكم وعملتي مربع كبييير وكتبتي من فوق ليه

( ما تُحِب حبيبتي 💙)

وبديتي تحسبي في حاجاتها البتحبها وفي المواضيع الحا تحكيها ليها خصوصاً إنها قاعده أسبوع واحد وراجعة، فإنتي لازم تستثمري كل يوم وكل لحظة ولازم ما تزعليها خالص في الأيام دي.

طيب هسي الكلام دا ذكرك شنو؟؟

مش صاحبتك دي بتشبه شهر رمضان😊؟؟

مش لحظة قعدتي وكتبتي الحاجات دي زي كأنها شهر شعبان؟؟

كيف صاح؟؟

طيب ح اوريك كيف😊✨

رمضان هو من أعظم الشهور وأحبها لنفوس المؤمنين 💙..

الصحابه من شدة حبهم ليهو، كانوا السنة كلها في سيرته، كانوا قاسمين السنه على اتنين السته شهور بعد رمضان بدعوا ربنا يتقبل منهم رمضان الفات، والسنه شهور القبلو بسألوا ربنا يبلغهم رمضان، قادرين تتخيلوا!! ☹️❤️..

هسي نحن في (القَعْدَة)، في شعبان، حبيبنا جايينا ولينا منو سنة ☹️، وقاعد معانا فترة قصيرة، قصيرة شديد💔..

فمفروض نشوف حاجاتوا البحبها والما بحبها والكلام دا 😌💓..

يلا تعالوا نعمل نفس المربع الكبير ونروسه ب ( ما يُحبه حبيبنا😌💙)

أول حاجة أكتر حاجة بحبها رمضان وهي حاجة ربنا خصاهو بيها من دون الشهور
(شهر رمضان الذي أُنزل فيه القرإن)

فإذا عايز رمضان يمشي مبسوط منك وإنت كمان تطلع منو مبسوط، كتر من قراءة القرأن قدر ما تقدر والأجر مضاعف في رمضان..

طيب هسي نحن في شعبان مفترض برضو نكتر من قراية القرآن، عشان لما رمضان يجي يلقى قلوبنا هينة، لينة، طرية قادرة إنها تستقبل القرآن بكل هدوء وبلا معاناة..

حاجة تانية بحبها رمضان! 🤔

الصدقة☺️💙

الصحابة رضي الله عنهم قالوا النبي صلى الله عليه وسلم كان أجود ما يكون في رمضان ( كان كالريح المُرسلة) 💓✨..

حاجة تالته 😁

القيام

وخصوصاً العشرة أيام الأخيرة لأنه فيها ليلة أعظم من ألف شهر..

دقيييقة🙄

ألف شهر دي عديتها؟!

استوعبتها؟!

ولا مشيت فيها ساي😅؟!

ألف شهر ياخوانا، عظمة ما بعدها عظمة😭❤️❤️❤️..

قادر تتخيل انه ليلة خير من ألف شهر تجي تلقاك نايم، بعد ما كنت مساهر في فلم أو كورة أو مساهرة مع صاحباتك أو أو أو؟! ☹️

ليلة بتنزل فيها الملائكة عشان تشهد الخير اللي بنزل في الأرض💙

معقولة أهل السماء ينزلوا من لا يخطئوا ولا يذنبوا
ونحن أهل الذنوب والمعاصي ننوم😭؟!

حاجة رابعة ✨

الدُعاء
( للصائم عند فطره دعوة لا تُرد)

وحاجات كتيرة شديد رمضان بحبها 💙✨، ممكن تكتب اللي جا على بالك منها في التعليقات ولك أجر التذكير😊💙✨..

في النهاية 💙✌️🚶‍♂️..

عايزة أذكر نفسي وأذكركم إنه دا شهر واحد في السنة ونحن أحوج ما نكون لطاقة وشحن روحاني عشان نقدر نكمل ☺️✨..

فااا شنوو 😊؟!

الناس تحاول تستعد لرمضان من هسي، نضف /ي قلبك عشان رمضان من الشهور عامل زي الخريف من الفصول💚✨..

هسي مش المزارعين بجهزوا الأرض للخريف ولو ما جهزوها الزراعة بتغرق وبخسروا، يلا نجهز قلوبنا عشان ما ناقصين غرق وخساير😅✋💙..

#ربنا يبلغنا ليهو تامين ولامين ونصيحين😊💙✨..

غالباً ح تكون سلسلة ما طويلة شديد من البوستات ح نتونس فيها عن رمضان شوية لحدي ما يجي ويلقانا بي خيرنا 😊✨..

ح تكون بإسم:

#رمضان_بحب_شنو؟!

بتقبل كل الاقتراحات والأفكار 😊💛