هوسات للامام الهادي عليه السلام
وزن تجليبة

++++++++++

هاليوم الزجية اوياها لطامة

نعازيها على الي خلصت ايامه

عزا الهادي نقيمه ونضرب الهامة

(ونعازي المهدي //بهادينة)

*دنـ✍️ــيا المعمار*

+++++++++

بالهادي نعزي الزهره هذا اليوم

صبح حيلها اعله اوليدها مهدوم

بالغربه گضه تالي العمر مسموم

مهظومه //ام شبر تبجي

*الشاعره العلويه بتـ✍️ـــول الهاشمي*

+++++++++

نعزي الزهره ونبعث تعازينا
بالهادي المصيبه حيل تاذينا
مردو چبدته بالسم اعادينا

(( ماذينه // يالهادي مصابك ))

*ام محـ✍️ــــمد الساري*

++++++++++

اويلي عالامام الغدرته الكفار

گوم المايعرفون الله والمختار

مردو جبدته بسم الغدر الاشرار

ماننساه //يومك يالهادي

*ام حيـ✍️ـــدر السهلاويه*

++++++++++

عن اهله بعيد وحالته حاله

والسم مرد جبده وصار جتاله

يدير العين لأهله ونوب لعياله

يوليده //مكسور الخاطر

*ام منــ✍️ــذر الحجار*

++++++++++

*تمت بعون الله باقلام شاعرات رابطة ذبيح الغاضريه 1 لانجيز حذف الاسماء ونسألكم الدعاء*

✍️✍️✍️✍️✍️

https://t.me/Batool1998Batool

هوسات لمولد الامام العباس{عليه السلام}

وزن التجليبه

🌺🎋🌴🌿🌹

فرحانه اجت يم الگمر عباس

بين الحرمين تطش ورد ولياس

هنياله الحضر يومك يبو النوماس

((الكاع اخضرت / بجيتك يالعباس))

*العلويه بتـ✍️ــول الهاشمي*

🌹🌿🎋🌴🌺

هله وكل الهله بجيتك گمر عدنان

يالنورك يشع من داحي البيبان

ازهر بالجنان وزين الاكوان

(( ضواها //الدنيا بنوره))

*ام منــ✍️ــذر الحجار*

🌺🌴🎋🌿🌹

من ازمان للعضيدي انه امتاني

ينبراس الشجاعه الماالك ثاني

شوصفك بيك يعجز عنك الساني

(يوميلي / ظل بذرعانه)

*زهــــ✍️ـره الكناني*

🌹🌿🎋🌴🌺

معروفه الغصن ياخذ من الشجره

نفس لون الورق والطعم والثمره

اذاً عباس بيه من حيدر الشمره

(واطباعه/بنفس اسلوبه)

*ام مرتـــ✍️ــضى الخفاجيه*

🌺🌴🎋🌿🌹

فرحانه السمه هاليوم فرحانه.
من صار الگمر ضواهه دنيانه.
الشيعي مبتشر ذب همه واحزانه.
ضواها.. وسمانه الضلمه

*ام خضـ✍️ـير المهدويه*

🌹🌿🎋🌴🌺

نورك يشع ضيه يبن حامي الجار

علي موصي الگمر بحسين ابو الاحرار

يسل سيفه على العدوان والاشرار

(يحاميه /عباس الحره)

*ام حيــ✍️ـدر السهلاويه*

🌺🌴🎋🌿🌹

نفس غيرة علي واسلوبه والطيبه

الحك لو ضاع جفه بصارمه يجيبه

گمر يعني الگمر بالعالي ترتيبه

(مايخفه/عله الوادم نوره)

*ام مرتــــ✍️ـضى الخفاجيه*

🌹🌿🌴🌺🎋

هلا وكل الهلا بجيتك يا نبراس

ياهيبه وشجاع اورافعلنه الراس

نادت ياكفيلي بثمن ماتنقاس

(كطع ضرعانه/ لحسين وزينب)

*ام اســ✍️ــامه الحلفي*

🌺🌴🎋🌿🌹

*تمت بعون الله باقلام شاعرات رابطة ذبيح الغاضريه 1 لانجيز حذف الاسماء ونسألكم الدعاء*

✍️✍️✍️✍️✍️


https://t.me/Batool1998Batool

: هوسات والادة لامام العباس
{عــــــــــــــــــــــــليه الـــــــــــــــســــــلام}
⊹───⊹⊱🌋⊰⊹───⊹
فرحني يبو فاضل بهليله
اصيح بصوت ياشيعيه فرحيله
ابن حيدر ويستاهل تهوسيله

{ بميلاده / ينطينه مراد}

الــشاعـرة ألـعلـويّــة بتول الهاشمي
⊹───⊹⊱🌋⊰⊹───⊹
فرحنه بالگمرا. والدنيا المنوره
بميلاده الوادم كلها مبتشره
نبارك لم البنين وفاطمه الزهره

فرحانه / الدنيا معيده

الــشاعـرة ألـعلـويّــة بتول الهاشمي
⊹───⊹⊱🌋⊰⊹───⊹
ينطينه انه اكـــول وفزعته حلوه
ابو فاضل شهم يوكف بكل نخوه
اقسم بلعقيله اعلــــيه وبلخــوه
{ميرد طلابه /امن احبابه}

خادمة اهل البيت ام ابراهيم الحلفي
⊹───⊹⊱🌋⊰⊹───⊹
فرحانيــن كلنه بمولد العباس
هو شيخ العشيرة وتاج فوك الرأس
تهلهل أمه وطش ورد على نبراس
هما يسمونة ....شيخ الطف
ام مهيمن الكعبي
⊹───⊹⊱🌋⊰⊹───⊹
هله وكل الهله بميلاد أبو الغيره
أبو النخوه الأبيه الصعب تفسيره
هذا المايرد طلاب معروفه تدابيره

{العياله /فرحانه اليوم}
✍️أم سيف المحمداويه

⊹───⊹⊱🌋⊰⊹───⊹
تعد ايام زينب تحسبلها حساب
مو بس العقيله نتظر داح الباب
شهم تولد الحره والنخاه ماخاب
{صگار الحومه /امچ يازينب جابت}

ام منتظر لأسدي
⊹───⊹⊱🌋⊰⊹───⊹
ياهله وكل الهله بشبل الاسد
بابه لطــــــلاب ماينسد أبد
ضحه بچفوفه وهوه بلمهد
{ابو الغيره /ياراعي الزود}
ام علي البيضانيه
⊹───⊹⊱🌋⊰⊹───⊹
تمت بحمد الله تعالى
رابطه خدام ام الحسن
عليها السلام

https://t.me/Batool1998Batool

هوسات والادة الإمام المهدي
ع
════ ༺🪷༻ ════
هلا بنورك يغايب من هل علينه
الورد والياس طشينه يو الينه
لشوفت اوجهک وطولک اشتاقينه
مهدينه / مبارك جيتك

الشاعره العلويه بتول الهاشمي
════ ༺🪷༻ ════
كلنه ابجيتك هليوم فرحانين
يابعد العمر والروح والعين
كل الشيعه هذا اليوم ملتمين
ايهوسوله /الحجه اليوم

أم حسين الابراهيميه ناصرية
════ ༺🪷༻ ════
مبارك جيتك يابضعــة الهادي
وهاي الشيعه كلها ابحبك اتنادي
اريدن فزعتك وتحفظ اولادي
فرحينه /ابجيت الغالي

أم حسين الابراهيميه ناصرية
════ ༺🪷༻ ════
هله بجيتك يمهدي الشيعتک افراح
يم جدک جينه والگلب مرتاح
حفل بيعة المهدي بكربله مفتاح

جددنه البيعه / يم جدك

════ ༺🪷༻ ════
نجددلك عهدنه نگول منتظرين
نگول بياوكت يظهر تشوفه العين
تره الجيت ولينه هواي مشتاقين

ظهر لينه /حنينه هواي

ام منتظر لأسدي
════ ༺🪷༻ ════
شباب وشيب كلنا اجينا اهنانا
نبارك بقدوم الحجة ويانا
وندعوا الله يعجل ضهور مولانا

نعليها /رايات الخضرة

ام مهيمن الكعبي
════ ༺🪷༻ ════
اليوم مولاي بصيارک تشرفنه
الشرف النه يمهدي حبك يسعدنه
كل الهــــــلا بميلادك ياقائدنه

دنيه /ابجيتک فرحانه
خادمة ام اسعد
════ ༺🪷༻ ════
تمت بعون الله تعالى بأقلام رابطة خدام ام الحسن عليها السلام



https://t.me/Batool1998Batool

نعي حال السان مولاتي زينب عليه السلام عندمأ توجهت الئ ارض كربلاء وقعت عند راس اخيهه الحسين وتكول 💔
❥❥ـــــــــ❁❂❂❁❂❂❁ــــــــــ❥❥
نام خال بزري وطول النومه
زينب حايره ليوم مهظومه
انه بزغر سني خويه مهظومه

#الشاعره حنين ام ادم العبوديه
❥❥ـــــــــ❁❂❂❁❂❂❁ــــــــــ❥❥
يحسين خويه حاجيني
شيوجعك يابعد عيني
اضنك خويه ناسيني

#الشاعره حنين ام ادم العبوديه
❥❥ـــــــــ❁❂❂❁❂❂❁ــــــــــ❥❥
شلون تعوف اختك وتنام
من عكبكم صبحنه ايتام
عذبتنه من دونكم الايام

#الشاعره حنين ام ادم العبوديه
❥❥ـــــــــ❁❂❂❁❂❂❁ــــــــــ❥❥
عذبتنه ياخويه دروب الشام
انا كلبي الك يبن امي محتام
سياطهم علينه حسين الضلام

#الشاعره العلويه بتول الهاشمي
❥❥ـــــــــ❁❂❂❁❂❂❁ــــــــــ❥❥
يحسين ينور العين فكدك عذباني
يبن امي مصابك حيل دوهناني
درب السير يخويه كلش تعباني


#الشاعره العلويه بتول الهاشمي
❥❥ـــــــــ❁❂❂❁❂❂❁ــــــــــ❥❥


https://t.me/Batool1998Batool

هوسات الإمام جعفر الصادق
═══ೋ• 🖤 •ೋ══
للصادق خلينا نسوي الهوسات
هذا ابن جعفر يستهل عراضات
ابن الساده تسوه عليه الونات

شال الصادق.. كلنه نون عليه

#الشاعره العلويه بتول الهاشمي
═══ೋ• 🖤 •ೋ══
يابحر العلم نثلم وتهدمت أركانه
يونون عليه بصوتهم طلابه وخوانه
مارحمو بحال مولانه سموه عدوانه

شلون ابن الإمام.. حيله مهدوم

#الشاعره العلويه بتول الهاشمي
═══ೋ• 🖤 •ೋ══
سادس الائمه منهدم حيله
كومي يم الحسن لبنج جعفر ونيله
ماجوره لي تواسي وتلطم وي العيله

الصادق... يسوى تلطميله

#الشاعره العلويه بتول الهاشمي

═══ೋ• 🖤 •ೋ══
بحر العلم ياصادق النكول
وياه امقصره شماا اكول
اعذرني يغاتي بن البتول

( هليوم مهدومه //اركان السمه)

#الشاعره حنين ام ادم العبوديه
═══ೋ• 🖤 •ೋ══
شال ابن جعفر هليوم
ومن وفكدته حيل مالوم
يستاهل الطمنه والصرخه بگلب مهضوم

(الطمه معدله // للصادق الطميله)

#الشاعره حنين ام ادم العبوديه
═══ೋ• 🖤 •ೋ══
تمت بحمدالله غير مبري الذمه امام الله والزهراء ؏ الئ يوم القيامه الي يحذف اسم الشاعرات او ينسب الكلام اله لا يجز ❌
https://t.me/Batool1998Batool

نعي السفره ام البنين عليها السلام الطلب قضاء حاجة 🙏🏻
═══ೋ• 🖤 •ೋ══
مديت ايدي يالحره السفرتج
بسمج تنخيت. وطلبتج
يم عباس اريدهنها فزعتج

#الشاعره حنين ام ادم العبوديه
═══ೋ• 🖤 •ೋ══
همي العلي مولاتي زيحيه
گلبي تعب كل حيل مابيه
ومديت جفي ولا ترديه

#الشاعره حنين ام ادم العبوديه
═══ೋ• 🖤 •ೋ══
امراد الطلب تنطينه بيده
ومنج هالطلب مولاتي اريده
تهودين.وناتي الشديده

#الشاعره حنين ام ادم العبوديه
═══ೋ• 🖤 •ೋ══
حاجاتج تگلي ادري. اهوايه
ولتفكرين يالطيبه. ابهايه
انه اعرف طلبتج من البدايه

#الشاعره العلويه بتول الهاشمي
═══ೋ• 🖤 •ೋ══
عنايه اجيت ودمعي بالعين
احلفنج يحره بدم الحسين
اهموم الگلب بيدج تشيلين

#الشاعره العلويه بتول الهاشمي
═══ೋ• 🖤 •ೋ══
تمت بحمدالله غير مبري الذمه امام الله والزهراء ؏ الئ يوم القيامة الي يحذف اسم الشاعرات او ينسب الكلام اله لا يجز نسألكم الدعاء  🙏🏻❌

#الشــاعــرة حنين ام ادم العبوديه
#الشــاعــرة العلويه بتول الهاشمي
https://t.me/Batool1998Batool

قناة تلكرام محتوى حسيني للبيع مشتركين حقيقين ومحتوها قصائد تفيد الشعراء الشاعرات الرواديد وأصحاب المحتوى الديني والحسيني عدد الاعضاء 12 الف و 800 مشترك وهذا الرابط https://t.me/bbmm1000

سعرها جدا مناسب لليريدها يراسلني @daem5000k

اي شخص يريد قصيدة لاي مناسبة يدخل هنا ويطلب 👇
https://t.me/+fgtgGayHU0w3YWUy

فتحو الرابط ؟؟؟!
https://t.me/sajad200w/3253

دعم تلكرام وكافة مواقع التواصل الاجتماعي هاي التفاصيل 👇
https://t.me/sajad200w/2978

تم نشر قصائد منبرية بذني القناتين انضمو الهن 👇

https://t.me/sajad200w

https://t.me/bbmm1000