O'zingiz aytingchi: Siz uchun kimman?

Salom, biz siz bilan anchadan buyon tanishmiz, qadrdonlashib, jon jigardek bo'lib ketganmiz. Men sizga hamma joyda yordam bera olaman. Mushkulingizni oson, og'iringizni yengil, manzilingizni yaqin – xullas hamma hammasini eplayman.

– Ha, hozir hamma men bilan do'st bo'lishga intiladi! Mendan foyda ko'rayotganlar qanchayu, ohooo men mashhur qilib yuborganlar qancha? Kimlargadir diplomlar olib berdim, kimlarnidir o'qishga kirgizib, kimlarnidir ish joyini tayin qilib qo'ydim.

Yana maqtansam qancha ishlarim bor. Maqtanishga maqtanaveramanda, lekin bunda o'sha odamlarning ham qo'li borligini aytaman. Yoki siz qarsakni bir qo'lda chala olasizmi?) Gapimni yuqorida "mendan foydalanishadi" deb boshladim, sezdingizmi?

Aynan, aynan men bilan o'z marrasiga yetganlarning bari men orqali harakat qilgan. Ya'ni men vositachi bo'lganman, xolos. Bilasizmi, yana shunday odamlar ham borki, meni deb butun umrini boy berib qo'yayotgan, vaqtini behuda va keraksiz narsalarga sarflayveradigan, hayotini qadriga yetmaydigan... Bu ro'yxatni yana qancha davom ettira olaman, afsuski...

Allaqachon mening kimligimni sezdingiz-a? Men telefongizman, ha, ha, mana shu hozir siz harflarni terayotgan telefoningiz! Men bilan nima ishlar qilishingiz faqat va faqat o'zingizga bog'liq!

Biz siz bilan do'st bo'la olamiz, dushman ham! O'zingiz tanlang!

@Basic_English 📚