Сенат банк ва финтех учун иккита муҳим қонунни маъқуллади

Бугун сенаторлар Ўзбекистонда исломий банк фаолиятини жорий этишга қаратилган қонунни маъқуллади.

Ҳужжатга кўра қуйидагилар жорий қилинади:

⏺Исломий банк лицензияси жорий қилинади ҳамда банкларга анъанавий ва исломий хизматларни бир вақтнинг ўзида кўрсатиш ҳуқуқи берилади;

⏺Шунингдек, Марказий банк ва тегишли банкларда Исломий молия кенгашлари ташкил этилади;

⏺Солиқ кодексига исломий молия операциялари бўйича алоҳида солиқ тартиби киритилиб, айрим операциялар ҚҚСдан озод этилади.

Мазкур қонун билан 2 та кодекс ҳамда 7 та қонунга исломий банк фаолиятини амалга оширишнинг ҳуқуқий асосларини белгиловчи янги нормалар киритилади.

Исломий банклар Ўзбекистонга тез орада кириб келиши кутилмоқда.

Банкир мазкур мавзуда “IMAN” компанияси раҳбари билан интервью қилган эди. Суҳбатда у ҳуқуқий асослар яратилса, биринчилардан бўлиб исломий банк очишга тайёр эканини айтганди.

Маълумот учун, 2030 йилгача камида 3 та банкда исломий молия хизмати йўлга қўйилиши кутилмоқда. Бироқ илк исломий банк бу йил эмас, кейинги йилда очилади.

Шунингдек, сенаторлар PayPal, Apple Pay ва Google Pay учун шахсий маълумотларга оид қонунга киритиладиган ўзгартиришларни ҳам маъқуллади.

@bankir

🛍Инфляция 7,2 фоизгача пасайди

Январ ойида Ўзбекистонда инфляция 0,7 фоиз бўлди. Йиллик инфляция эса 7,2 фоизгача тушди.

Бу 2016 йилдан бери энг паст кўрсаткичга айланди. Буёғига бу жумлани кўп ишлатишимизга тўғри келади.

Асосий озиқ-овқат маҳсулотларидан қўй гўшти нархи 1,6 фоизга, суяксиз мол гўшти 1,1 фоизга, парранда гўшти 1,5 фоизга ва хом сут 1 фоизга кўтарилди.

Суғурта ва молиявий хизматлар нархи эса 40,8 фоизга ошди. Бунга 1 январдан суғурта хизматлари кескин қимматлагани сабаб бўлди.

Марказий банкнинг асосий мақсади инфляцияни 5 фоизгача тушириш ҳисобланади.

Бу кўрсаткичга 2027 йилнинг охири, 2028 йилнинг бошида эришилиши кутилмоқда.

2026 йил охирида инфляция 6,5 фоиз атрофида бўлади.

UPD: Айтганча, энди инфляция маълумотлари ҳар ойнинг биринчи эмас, бешинчи санасида эълон қилинади.

@bankir

Доллар яна кўтарилади

9 февраль куни амал қиладиган доллар курси 🔼21-22 сўм атрофида ошиши прогноз қилинмоқда

Банкларга долларни сотиш бўйича энг яхши курслар:

Asakabank — 12 240
Ipak Yuli Bank — 12 230
Agrobank — 12 225
Asia Alliance Bank — 12 225

Банклардан долларни сотиб олиш бўйича энг яхши курслар:

Aloqabank — 12 280
Infinbank — 12 280
Kapitalbank — 12 280
Octobank — 12 280

@bankir

❗️Uzum Bank мижозлар хавфсизлигини кучайтириш бўйича муҳим янгиликларни жорий қилди

Энди маълумотларингиз ва маблағларингиз янада ишончли ҳимояда.

Нималар ўзгарди:

⏺Ҳар бир фойдаланувчи учун ҳисобга кириш мумкин бўлган битта ишончли қурилма белгиланади

⏺Шахсий маълумотларни ўзгартириш фақат қўллаб-қувватлаш хизмати орқали амалга оширилади (қўшимча тасдиқлаш билан)

⏺Муддатли тўлов расмийлаштирилганда қўшимча текширувлар жорий этилди

⚠️Эслатма: ҳеч қачон телефон ёки мессенжерларда шахсий маълумотларингизни улашманг.

Uzum ходимлари SMS-код, карта ёки ҳисоб маълумотларини сўрамайди.

Саволлар ёки шубҳалар бўлса, дарҳол +998 78 777 07 99 рақамига қўнғироқ қилинг ёки Uzum Bank расмий иловаси орқали боғланинг.

@bankir

Банк хизматларидан тўлиқ фойдаланишда OneID тизими орқали шахсий маълумотларга рухсатни фаоллаштиринг!

Эндиликда OneID тизимида шахсий маълумотларни турли ташкилотларга тақдим этиш ёки чеклаш функцияси жорий этилди:

Агар рухсат ёпиқ бўлса, банк мижознинг паспорт, солиқ ва даромадга оид маълумотларини автоматик тарзда ололмайди. Натижада қуйидаги хизматлар вақтинчалик ишламаслиги ёки секинлашиши мумкин:

⏺кредит расмийлаштириш
⏺карта очиш
⏺ҳисоб рақам очиш
⏺омонат очиш
⏺валюта айирбошлаш ва бошқа идентификация талаб этиладиган хизматлар

Мазкур муаммони бартараф этиш учун OneID орқали рухсатни фаоллаштириш тавсия этилади.

Бунинг учун:

⏺Компьютер орқали id.egov.uz сайтига киринг.
⏺ЭРИ (электрон рақамли имзо) ёки Mobile-ID орқали тизимга киринг.
⏺“Шахсга доир маълумотларни бошқариш” бўлимига ўтинг.
⏺Керакли банк ёки ташкилот қаршисидаги қулф белгисини очинг (рухсат беринг).

📱QR-код орқали кириш (тезкор усул):

⏺Телефонингизга OneID иловасини юклаб олинг.
⏺Mobile-ID ёки MyID орқали авторизациядан ўтинг.
⏺Илованинг сканерлаш функцияси орқали компьютер экранидаги QR-кодни сканерланг (бўлим автоматик фаоллашади).

Ушбу механизм киберхавфсизликни кучайтириш мақсадида жорий этилган. Шу билан бирга, банк хизматларидан тўлиқ фойдаланиш учун тегишли рухсат очиқ бўлиши талаб этилади.

@bankir

❗️Ўзбекистон захиралари 75 млрд долларга етди — янги рекорд

2026 йил январь ойида Ўзбекистоннинг халқаро олтин-валюта захиралари ҳажми 8,8 млрд долларга ошиб, тарихий максимум — 75 млрд долларга етди.

Бу мамлакат захиралари бўйича янги рекорд кўрсаткич ҳисобланади. Сўнгги бир йил давомида халқаро захиралар ҳажми 82 фоиздан ортиқ кўпайган.

Бир ой ичида захиралардаги олтиннинг қиймати қарийб 10 млрд долларга ошиб, 65 млрдга яқинлашди. Олтиннинг физик ҳажми эса 12,8 млн троя унцияни ташкил этди (+0,2 млн). Бу эса қарийб 400 тонна дегани.

Ушбу ўсиш асосан жаҳон бозорида олтин нархининг рекорд даражага кўтарилгани билан боғлиқ. Хусусан, 2026 йил январь ойида олтин нархи илк бор бир троя унция учун 5 500 доллардан ошди.

Шу билан бирга, ўтган ойда Ўзбекистоннинг валюта захиралари 1,2 млрд долларга қисқариб, 9,5 млрд долларни ташкил этди.

Марказий банк томонидан инвестиция қилинган қимматли қоғозлар ҳажми эса деярли ўзгармай, 1,5 млрд доллар даражасида сақланиб қолди.

@bankir