❗️Банклар 2025 йилда қанча фойда олди?

2025 йил Ўзбекистон банклари учун жуда омадли бўлди. Йил давомида банкларимиз рекорд даражада — умумий 15,5 трлн сўм соф фойда олди.

Бу 2024 йилги инқирозли даврга нисбатан 2,3 баробар кўп. Тугатилаётган “Янги банк”дан ташқари барча 34 та банк йилни “плюс” билан якунлади.

Бу 34 та банкдан атига 5 таси ўтган йилга нисбатан камроқ фойда олди. Булар “Инфинбанк”, “Uzum Bank”, “Зираат банк”, “Пойтахтбанк” ва “TBC Bank”.

“Миллий банк” бир неча йилдан бери давом этаётган етакчилигини сақлаб қолди. Банк 1,9 трлн сўм фойда билан биринчи ўринди. Кучли учликдан “СҚБ” (1,88 трлн) ва “Капиталбанк” (1,79 трлн) жой олди.

2024 йилда иккинчи ўринда бўлган “Ҳамкорбанк” тўртинчи ўринга тушиб кетди. Банк фойдаси ўтган йилга нисбатан 278 млрд сўмга кўпайган, бироқ бошқаларда ҳам сезиларли ўсиш бўлди.

1 трлн сўмдан кўпроқ фойда олган банклар рўйхатини “ОФБ” ёпиб берди.

Яна бир ўзгаришлардан бири — “TBC Bank”нинг фойдаси 340 млрд сўмга пасайиб, деярли нолга тушиб қолди. Банк фойда кўрсаткичи бўйича энг охирги ўринда (“Янги банк” ҳисоб эмас).

Энг кўп фойдаси ўсган банк “БРБ” бўлди. 2025 йилда банк 503 млрд сўм соф фойда олди. 2024 йилда 2,2 трлн сўмдан ошиқ зарар кўрилган эди.

📷: Bankers.uz

@bankir

Доллар кўтарилади

21 январь куни амал қиладиган доллар курси 🔼20-21 сўм атрофида ошиши прогноз қилинмоқда

Банкларга долларни сотиш бўйича энг яхши курслар:

SQB — 12 050
Turonbank — 12 040
Asakabank — 12 030
Davrbank — 12 030

Банклардан долларни сотиб олиш бўйича энг яхши курслар:

OFB — 12 090
Agrobank — 12 090
Aloqabank — 12 090
Hayotbank — 12 100

@bankir

❗️Олтин 4 700 доллардан ошди

Жаҳонда олтин нархи биринчи марта унцияда 4 700 доллардан ошиб, навбатдаги рекордни янгилади. Йиллик ҳисобда олтин ҳамон 70 фоиздан кўпроқ қимматламоқда.

2026 йилда нарх ўсишига АҚШда Фед мустақиллигига таҳдид, Венесуела ва Эрондаги можаролар ҳамда Доналд Трамп томонидан Гренландияни эгаллаб олишга урунишлар сабаб бўляпти.

Ўзбекистонда олтин қуймалари 1 гр учун 1,84 млн сўмдан сотилмоқда. Катта эҳтимол билан эртага 1,85 млн сўмлик рекорд янгиланади.

Олтинни Ўзбекистон шароитида қандай қилиб тўғри сотиб олиш ҳақида бу ерда ўқинг.

@bankir

Марказий банк сўровнома ўтказмоқда

Регулятор аҳолининг молиявий ҳолатини ўрганиш ва ислом молиясидан қай даражада хабардорлигини текшириш мақсадида сўровнома ўтказмоқда.

1) @cb_survey_i2026_bot:

⏺Молиявий хизматлардан қай даражада хабардорсиз?
⏺Исломий молия хизматларининг ўз нархига эга эканлигини биласизми?
⏺Ўзбекистонда исломий молияга бўлган эҳтиёжни қандай баҳолайсиз?

Бу сўровнома 2026 йил 23 январга қадар давом этади.

2) @cbudebtburden2025H2bot:

⏺Ўзбекистонда аҳоли қарз юки қай даражада?
⏺Кредит ёки қарзлар асосан қайси мақсадларда олинмоқда?

Бу сўровнома қарз юки ҳолатини таҳлил қилиш учун муҳим бўлиб, 28 январгача давом этади.

@bankir

“Банкир” канали бугунги кунда банклар томонидан таклиф қилинаётган сўмдаги юқори фоизли омонатларни тақдим қилади:

🏦Hayotbank
Фоизи — 23 фоиз
Муддати — 24 ой
Минимал сумма — 500 000 сўм
Маблағ киритиш — мавжуд
Маблағ ечиб олиш — мавжуд (минимал қолдиқни сақлаган ҳолда)
Омонат очиш усули — мобил илова
Батафсил

🏦Apex bank
Фоизи — 23 фоиз
Муддати — 25 ой
Минимал сумма — 10 000 000 сўм
Маблағ киритиш — мавжуд
Маблағ ечиб олиш — 10 000 000 сўмгача бўлган қисми мумкин
Омонат очиш усули — мобил илова
Батафсил

🏦Avo bank
Фоизи — 22,52 фоиз
Муддати — 6 ой
Минимал сумма — 100 000 сўм
Маблағ киритиш — мавжуд
Маблағ ечиб олиш — мавжуд
Омонат очиш усули — мобил илова
Батафсил
(йиллик даромадлилик 25 фоизгача)

🏦Anorbank
Фоизи — 22 фоиз
Муддати — 24 ой
Минимал сумма — 1 000 000 сўм
Маблағ киритиш — мавжуд
Маблағ ечиб олиш — мавжуд (минимал қолдиқни сақлаган ҳолда)
Омонат очиш усули — мобил илова
Батафсил

🏦TBC Bank
Фоизи — 22 фоиз
Муддати — 24 ой
Минимал сумма — 100 000 сўм
Маблағ киритиш — мавжуд эмас
Маблағ ечиб олиш — мавжуд эмас
Омонат очиш усули — мобил илова
Батафсил

💳Uzum bank
Фоизи — 21,5 фоиз
Муддати — 18 ой
Минимал сумма — 500 000 сўм
Маблағ киритиш — мавжуд
Маблағ ечиб олиш — 500 000 сўмгача бўлган қисми мумкин
Омонат очиш усули — мобил илова
Батафсил

🏦БРБ
Фоизи — 21 фоиз
Муддати — 13 ой
Минимал сумма — 500 000 сўм
Маблағ киритиш — мавжуд
Маблағ ечиб олиш — 500 000 сўмгача бўлган қисми мумкин
Омонат очиш усули — мобил илова
Батафсил

🏦Агробанк
Фоизи — 21 фоиз
Муддати — 13 ой
Минимал сумма — 100 000 сўм
Маблағ киритиш — мавжуд
Маблағ ечиб олиш — 100 000 сўмгача бўлган қисми мумкин
Омонат очиш усули — мобил илова
Батафсил

🏦Миллий банк
Фоизи — 21 фоиз
Муддати — 6 ой
Минимал сумма — 500 000 сўм
Маблағ киритиш — мавжуд
Маблағ ечиб олиш — мавжуд эмас
Омонат очиш усули — мобил илова
Батафсил

Банкларда омонатни муддатидан олдин ечиб олганингизда шартлар ўзгариши мумкин.

Тўлиқ маълумот олиш учун батафсил орқали банкларнинг расмий сайтига ўтиш тавсия қилинади.

@bankir

Доллар яна кўтарилади

22 январь куни амал қиладиган доллар курси 🔼46-47 сўм атрофида ошиши прогноз қилинмоқда

Банкларга долларни сотиш бўйича энг яхши курслар:

Asakabank — 12 060
BRB — 12 050
Infinbank — 12 050
NBU — 12 050

Банклардан долларни сотиб олиш бўйича энг яхши курслар:

Aloqabank — 12 100
Xalq banki — 12 100
Asia Alliance Bank — 12 110
Agrobank — 12 110

@bankir

❗️100 гр қуйма деярли 190 млн сўмга чиқди

Кутилганидек, олтин қуймалари бугун рекордни янгилаб 1 гр учун 1,89 млн сўмдан ошди.

100 гр олтин қуйманинг нархи биринчи бор 189,5 млн сўмга чиқди. Роппа-роса бир йил аввал бу қуйма 116,6 млн сўм нархда сотувга чиқарилган.

Банкларда 100 гр қуймани қайтариб сотиб олиш нархи ҳам 180 млн сўмдан юқорига чиқди.

Жаҳон бўйича олтин нархи унцияда биринчи марта 4 800 доллардан ошиб, 4 875 долларгача чиқди.

Нарх кечагина илк марта 4 700 доллардан юқорига чиқиб, тарихий рекорд ўрнатганди.

Олтинни Ўзбекистон шароитида қандай қилиб тўғри сотиб олиш ҳақида бу ерда ўқинг.

@bankir

Онлайн банк хизматларида ўзгаришлар

Адлия вазирлиги Марказий банк билан бирга масофавий молиявий хизматлари ҳақида низомни рўйхатдан ўтказди. Унда бир қанча ўзгаришлар бор:

⏺Онлайн кредит олишда фирибгарликка учраганлардан кредит ундириш тўхтатилади. Бунда фирибгарликка учраган одам қонунга асосан жабрланувчи деб топилиши керак.

⏺Мобил иловаларда рўйхатдан ўтилаётганда фойдаланувчининг телефон рақами ва ЖШШИРи мос келиши текширилади. Иловага яқин қариндошларга тегишли банк карталарини улаб, P2P ўтказмаларини амалга ошириш мумкин бўлади.

Телефонга юборилган 1 марталик СМС хабар 3 маротаба нотўғри киритилганда, мобил иловадаги ҳаракатлар 15 дақиқага вақтинча чекланади.

Биометрик идентификациядан ўтишда расм билан ўтиш мумкин бўлмайди, ҳаётийлик фактори аниқланиши шарт.

⏺1 кунда фақат 1 та банкдан онлайн кредит олишга рухсат берилади. Агар бир вақтнинг ўзида бир нечта кредит берувчи ташкилотга сўров юборилса, биринчи юборилган сўровга жавоб берилади.

Кредит расмийлаштирилгач, 24 соат давомида бошқа кредит ташкилотидан кредит олиш имконияти бўлмайди.

Ўзгаришлар 22 апрелдан бошлаб кучга киради.

@bankir

Банкларда депозит ва кредит бўйича 2025 йил қандай якунланди?

2025 йилда Ўзбекистон банкларининг депозит портфели 35 фоизга кўпайиб, 417,3 трлн сўмга етди.

Банклардаги жами кредит портфели эса 13 фоизга ўсиб, биринчи марта 600 трлн сўмдан ошди.

Кўк билан белгиланган банклар тегишли йўналишда ТОП-10 дан жой олган. “Миллий банк”, “Агробанк”, “СҚБ”, “Асакабанк” ва хусусий банкларда “Капиталбанк” барча йўналишда кучли ўнликдан жой олди.

Айни пайтда энг кўп аҳоли омонатларига эга банклар:

⏺“Капиталбанк” — 26,1 трлн;
⏺“Миллий банк” — 16,7 трлн;
⏺“Агробанк” — 15,9 трлн;
⏺“СҚБ” — 10,5 трлн;
⏺“Асакабанк” — 8,7 трлн;
⏺“Ҳамкорбанк” — 8,7 трлн;
⏺“Анорбанк” — 8,6 трлн;
⏺“Халқ банки” — 6,4 трлн;
⏺“МКБанк” — 6,3 трлн;
⏺“ТБC Банк” — 6,1 трлн.

Бу ерда “Агробанк” иккинчи ўриндаги “Миллий банк”ка деярли етиб олган бўлса, “ТБC Банк” илк марта ТОП 10 дан жой олди.

@bankir

Доллар кўтарилади

23 январь куни амал қиладиган доллар курси 🔼17-18 сўм атрофида ошиши прогноз қилинмоқда

Банкларга долларни сотиш бўйича энг яхши курслар:

Asakabank — 12 100
Garantbank — 12 090
MKBank — 12 090
NBU — 12 090

Банклардан долларни сотиб олиш бўйича энг яхши курслар:

Apexbank — 12 150
Davrbank — 12 150
Asia Alliance Bank — 12 160
Hamkorbank — 12 160

@bankir

180 фоизгача: Банклар ўта юқори “пенялар” учун огоҳлантирилди

Марказий банк томонидан банкларнинг кредит шартномаларида тўловлар кечиктирилганда қўлланилаётган жарима ва санкциялар ўрганилди.

Унда айрим амалиётлар адолат ва мутаносиблик тамойилларига зид экани маълум бўлди:

⏺Кечиктирилган тўловлар учун фоиз ставкалари шартномада белгилангандан кўра бир неча баробарга, айрим ҳолатларда йиллик 150–180 фоизгача оширилаётгани.

⏺Кредит бўйича фоизларни тўлаш кечиктирилганда энг юқори чегараси белгиланмаган кунлик пеня ҳисобланаётгани;

⏺кредиторнинг ҳақиқий харажатлари билан боғлиқ бўлмаган қўшимча бир марталик жарималар қўлланилаётгани аниқланган.

Марказий банк кечиктирилган мажбуриятлар учун қўлланилаётган санкциялар компенсацион характерга эга бўлишига эътибор қаратиш зарурлигини таъкидлаган.

Қарз олувчилар учун тўловни кечиктириш билан боғлиқ молиявий оқибатларнинг аниқ ва олдиндан тушунарли бўлишини таъминлаш кераклиги айтилди.

Регулятор кредит шартномаларида жавобгарлик чораларини адолат ва мутаносиблик тамойиллари асосида белгилаш лозим деб ҳисоблайди.

@bankir