Банклар бирлашиб кредит бериш тартиби белгиланди

Адлия вазирлиги Банклар томонидан синдикатлашган кредитларни ажратиш тартиби тўғрисидаги низомни давлат рўйхатидан ўтказди.

Унга кўра, синдикатлашган кредит қарз олувчини биргаликда молиялаштириш учун банк синдикати иштирокчилари томонидан ажратиладиган кредит ҳисобланади.

Банк, хорижий банк, халқаро молия ташкилоти ёки давлат қонунчилигига мувофиқ кредит ажратишга ҳақли бўлган чет эл юридик шахси банк синдикати иштирокчиси бўлиши мумкин.

Банк синдикати иштирокчилар ўртасидаги ёзма келишув асосида тузилади ва улар ўртасидаги ўзаро муносабатлар, ҳуқуқ ва мажбуриятлар белгиланади.

@bankir

Доллар кўтарилди

23 декабрь куни амал қиладиган долларнинг расмий курси 12 010,43 сўмдан (+14,29 сўм) ҳисобланади.

@bankir

Икки ойдан бери олтин сотмаяпмиз

Ноябрь ойида ҳам Ўзбекистон олтин сотувини амалга оширмади. Октябрда ҳам олтин экспорт қилинмаганди.

Ноябрда олтин сотилмаганини нархлар нисбатан паст шакллангани билан изоҳлаш мумкин. Ўтган ой 200 млн доллардан ошиқ олтин импорти амалга оширилган.

Бироқ, декабрда олтин рекорд даражада қимматлади. Катта эҳтимол билан, мамлакат бу ой олтин эскпортини амалга оширади.

Йил бошидан бери олтин сотуви 9,9 млрд долларни ташкил қилди. Умумий ташқи савдо 72,8 млрд долларга (+21,8 фоиз) етди.

Бунда экспорт 30,9 млрд доллар (+26,2 фоиз), импорт 41,9 млрд доллар (+18,7 фоиз) бўлди.

Асосий ўзгаришлардан бири озиқ-овқат маҳсулотлари импорти сезилари ўсмоқда. Бунда энг кўп ўсиш гўшт импортида кузатилмоқда — +68,5 фоиз.

@bankir

Уйлар нархи ўсиши деярли тўхтаган

Марказий банк 2025 йил III чорак учун Кўчмас мулк бозори таҳлилини тақдим қилди.

9 ой якунлари бўйича йиллик ҳисобда янги уйлар нархи сўмда 2,4 фоизга, эски уйлар нархи эса 1,8 фоизга ошди.

2023 йилнинг иккинчи қисми ва 2024 йилнинг биринчи қисмида миллий валютада нархлар ўсиши 40 фоиз атрофида эди.

Тўлиқ ҳисобот билан бу ерда танишиш мумкин.

@bankir

Доллар кўтарилди

24 декабрь куни амал қиладиган долларнинг расмий курси 12 052,33 сўмдан (+41,9 сўм) ҳисобланади.

@bankir

HUMOда кенг кўламли трансформация: дивидендлар тўланди, POS-терминаллар ишга туширилди

HUMO 2024 йил якунлари бўйича 168,2 млрд сўм соф фойдани тақсимлади ва бюджетга 54,7 млрд сўм дивиденд йўналтириб, давлат олдидаги барча мажбуриятларини бажарди.

Компания трансформацияси юқори технологик Sunmi P3 POS-терминалларини жорий этишдан бошланди. Улар тезкорроқ, автоном, осон интеграцияланади ва ҳар қандай бизнес шаклига мос келади.

Харид қилиш ёки ижарага олиш мумкин. 1 иш куни ичида улаб берилади. HUMOга бугуноқ қўшилинг!

Батафсил

@bankir

Олтин яна рекордда

Бугун эрталаб олтиннинг глобал нархи унцияда 4 525 долларга чиқиб, янги рекорд қайд этилди.

Ўзбекистонда ҳам олтин қуймалари нархи кетма-кет иккинчи кун рекордни янгилади. 100 гр олтин қуйма 178,3 млн сўмдан сотилмоқда.

Айни пайтда банкларда етарлича олтин қуйма мавжуд. Қайси банкда қанча қуйма борлигини бу ердан билиб олсангиз бўлади.

Олтиндан ташқари кумуш ва платина нархлари ҳам бу йил тарихий рекордларни қайд этмоқда.

@bankir

Қаҳромонжон Олимов “Анорбанк”даги 50 фоиз улушини сотди

“Анорбанк”нинг асосий акциядори Қаҳрамонжон Олимовнинг банкдаги улуши 99,38 фоиздан 49,38 фоизгача қисқарди.

50 фоиз улушни Нидерландиянинг Bekamin B.V. компанияси сотиб олди. Битим қиймати очиқланмаган.

Банк матбуот хизмати маълум қилишича, келишув “Анорбанк”ка хорижий инвестицияларни жалб қилиш ва қўшма лойиҳалар амалга оширишга ёрдам беради.

@bankir

Доллар кўтарилди

25 декабрь куни амал қиладиган долларнинг расмий курси 12 067,60 сўмдан (+15,27 сўм) ҳисобланади.

@bankir

Долларнинг ҳақиқийлигини қандай текшириш мумкин?

Долларнинг ҳақиқийлигини текширишнинг энг ишончли усули — банкларга мурожаат қилиш. Бироқ, банкларда бу хизмат пулли амалга оширилади.

Ҳар қандай инсон ўзи мустақил равишда ҳақиқий долларни текшириб кўриши ҳам мумкин.

Хавфсизлик элементларининг мавжудлиги ҳақиқий банкнотларнинг ўзига хос хусусияти ҳисобланади:

1) чизмаларнинг фон чизиқлари аниқ ва равон бўлиши керак;

2) чоп этилган тасвир банкнотнинг бутун олд томони бироз қавариқ бўлиши керак;

3) портрет банкнот марказидан бироз четга сурилган бўлиши керак;

4) қоғоз тегинганда дағал ва бахмал бўлиши керак, чунки унинг таркибида пахта ва зиғир толаси мавжуд;

5) сув белгилари портретнинг ўнг томонида жойлашган бўлиши ва иккала томонида бир хил бўлиши керак;

6) ҳимоя чизиғи ультрабинафша нурда яшил рангга айланади;

7) тасвир ранги узилишларсиз чизиқлар бўйлаб ўзгариши керак;

8) Банкнота бурчакка эгилганда, пастки ўнг бурчакдаги рақамнинг ранги ўзгариши керак;

9) АҚШ Федерал захира тизимининг белгилари — банкнотани чиқарган махсус Федерал захира банкини кўрсатадиган ҳарф ва рақами бўлиши керак.

📷: Finlit.uz

@bankir