❗️Кредит олган шахс вафот этса, кредит тақдири нима бўлади?

Қарз олувчининг тўсатдан вафот этиши унинг яқинлари учун нафақат оғир жудолик, балки молиявий мавҳумликни ҳам келтириб чиқариши мумкин.

Хўш, бундай вазиятда банк олдидаги мажбуриятлар нима бўлади? Кредит шартномаси бекор қилинадими ёки қарз юки меросхўрларнинг бўйнига тушадими?

Pinkod.uz қонунчиликни ўрганиб, шу саволларга жавоб берибди.

Биринчи навбатда ундирув кредит таъминотига қаратилади

Маълумки, кредит ажратилаётганда банклар таъминот сифатида учинчи шахслар кафиллиги, суғурта полиси ёки мол-мулк гаровини талаб қилади.

Кредит олган шахс вафот этганда, банк биринчи навбатда айнан ушбу таъминот турларига мурожаат қилади:

⏺Агар кредит суғурталанган бўлса, қарз суғурта полиси орқали қопланади;
⏺Агар кафил мавжуд бўлса, тўлов мажбурияти кафил зиммасига ўтади.

Таъминот етарли бўлмаса ёки мавжуд бўлмаса-чи?

Агар юқоридаги чоралар билан қарзни ёпишнинг имкони бўлмаса (ёки кредит таъминотсиз олинган бўлса), қарздорлик ўз-ўзидан йўқ бўлиб кетмайди. Бундай ҳолда ундирув меросхўрларга қаратилади.

Меросхўрларнинг жавобгарлиги

Қонунчиликда "мерос" деганда фақатгина уй-жой ёки машина каби мулклар тушунилмайди. Мерос таркибига марҳумнинг кредиторлари олдидаги мажбуриятлари (қарзлари) ҳам киради.

Мерос қолдирувчининг кредиторлари ўз талабларини васиятномани ижро этувчига ёки бевосита меросхўрларга қўйишга ҳақли.

Меросхўрлар кредит бўйича тўлиқ сумма учун эмас, балки фақат ўзларига теккан мол-мулкнинг қиймати доирасида жавобгар бўлади.

Агар меросхўрлар бир нечта бўлса, улар қарз бўйича солидар қарздорлар сифатида жавоб беради.

@bankir

Доллар яна кўтарилади

15 декабрь куни амал қиладиган доллар курси 🔼49-50 сўм атрофида ошиши прогноз қилинмоқда

Банкларга долларни сотиш бўйича энг яхши курслар:

Asakabank — 12 020
Garantbank — 12 010
NBU — 12 000
Hayotbank — 12 000

Банклардан долларни сотиб олиш бўйича энг яхши курслар:

Apexbank — 12 060
Tengebank — 12 060
Octobank — 12 070
Xalq banki — 12 080

@bankir

Доллар яна кўтарилади

16 декабрь куни амал қиладиган доллар курси 🔼33-34 сўм атрофида ошиши прогноз қилинмоқда

Банкларга долларни сотиш бўйича энг яхши курслар:

Hayotbank — 12 060
SQB — 12 060
NBU — 12 050
Agrobank — 12 050

Банклардан долларни сотиб олиш бўйича энг яхши курслар:

Apexbank — 12 110
Tengebank — 12 110
Octobank — 12 120
Xalq banki — 12 120

@bankir

Олтин яна қимматламоқда

Ноябрь ойидаги пасайишдан сўнг олтин нархлари яна ўсишни бошламоқда.

Бугун олтиннинг глобал нархи унцияда 4 350 долларга яқинлашди. Йил бошидан бери нарх 60 фоиздан кўпроқ ошди.

Ўсиш шу темпда давом этса, тез орада навбатдаги рекорд ўрнатилиши мумкин.

Ўзбекистонда ҳам олтин қуймалар нархи сезиларли ошиб, 21 октябрдан бери энг юқори даражага чиқди:

⏺5 гр — 8 616 000 сўм;
⏺10 гр — 17 233 000 сўм;
⏺20 гр — 34 466 000 сўм;
⏺50 гр — 86 164 000 сўм;
⏺100 гр — 172 328 000 сўм.

Қуймаларни банклардан сотиб олиш мумкин. Қайси банкда қанча қуйма борлигини бу ердан билиб олсангиз бўлади.

@bankir