❗️Нақд пулга уй ва автомобил сотиб олиш имконияти йўқолади

Президент фармони билан 2026 йил 1 апрелдан бошлаб қуйидагилар учун тўловлар фақатгина банк карталари ёки электрон тўлов тизимлари орқали амалга оширилади:

— давлат органлари томонидан кўрсатиладиган хизматлар;
— электр энергияси, табиий газ, ичимлик сувидан фойдаланганлик учун тўловлар;
— алкогол ва тамаки маҳсулотлари;
— транспортларга ёқилғи қуйиш шохобчалари орқали аҳолига нефт-газ маҳсулотларини сотиш ва электрда ҳаракатланадиган транспортларни зарядлаш бўйича хизматлар;
— қиймати 25 млн сўмдан ошадиган товар ва хизматлар;
— кўчмас мулк объектлари, ишлаб чиқарилганига 10 йилдан ошмаган M, N, O ва G тоифага кирувчи транспортлар ҳамда махсус автотранспорт воситаларини сотиш ва сотиб олиш.

@bankir

❗️Ягона QR код орқали электрон тўловлар мажбурий бўлади

Фармонга кўра, 2026 йил 1 январгача барча савдо ва хизмат кўрсатувчи юридик шахслар томонидан электрон тўловларни қабул қилиш учун ягона QR код жорий қилинади.

2026 йил 1 июльдан барча савдо ва хизмат кўрсатиш соҳасидаги юридик шахсларда ягона QR кодли тўлов тизими орқали тўловларни қабул қилиш мажбурий этиб белгиланади.

Савдо ва хизмат кўрсатиш жойларида ягона QR кодлардан фойдаланиш имконияти йўқлиги — савдо қоидаларини бузиш деб ҳисобланади.

@bankir

Доллар яна кўтарилади

12 декабрь куни амал қиладиган доллар курси 🔼26-27 сўм атрофида ошиши прогноз қилинмоқда

Банкларга долларни сотиш бўйича энг яхши курслар:

Hayotbank — 11 980
Garantbank — 11 980
NBU — 11 980
Asakabank — 11 980

Банклардан долларни сотиб олиш бўйича энг яхши курслар:

Davrbank — 12 040
Octobank — 12 040
SQB — 12 040
Tengebank — 12 040

@bankir

🔥Фоизсиз автокредитлар

Банклар махсус шартларда айрим автомобиллар учун фоизсиз автокредитларни таклиф қилмоқда.

Tracker ва Onix учун фоизсиз автокредит таклиф қилаётган банклар:

⏺“Асакабанк”
⏺“БРБ”
⏺“Давр банк”
⏺“Инфинбанк”
⏺“Капиталбанк”
⏺“Тенге банк”

“Дамас” учун фоизсиз автокредит ажратаётган банклар:

⏺“Асакабанк”
⏺“БРБ”
⏺“Инфинбанк”
⏺“Ҳамкорбанк”
⏺“Тенгебанк”
⏺“Давр банк”

“Лабо” учун фоизсиз автокредит бераётган банклар:

⏺“Асакабанк”
⏺“Давр банк”

Банклар устига босиб кредит шартлари ҳақида батафсил маълумот олиш мумкин.

Фоизсиз кредит олиш учун асосий шарт 25-30 фоиз атрофида бошланғич тўловни амалга ошириш ҳисобланади.

Бундан ташқари Kia ва Chery автомобиллари учун ҳам фоизсиз бўлиб тўлаш таклиф қилинмоқда.

“Миллий банк”, “Ҳамкорбанк”, “Бизнесни ривожлантириш банки” (1 фоиздан), “Асакабанк” ва “Давр банк” орқали таклифлар билан танишиб чиқиш мумкин.

Масалан, “Ҳамкорбанк” Changan автомобиллари учун автокредитни 0 фоиз ставкада расмийлаштириш имкониятини таклиф қилмоқда.

“Давр банк” орқали Kia Sportage’ни фоизсиз бўлиб тўлашга харид қилиш мумкин.

Chery эса Tiggo 7 pro моделини фоизсиз ойига 2,6 млн сўмдан сотиб олиш таклифини беряпти.

@bankir

❗️Асосий ставка ўзгармади

Марказий банк асосий ставкани йиллик 14 фоиз даражасида ўзгаришсиз қолдириш тўғрисида қарор қабул қилди.

@bankir

❗️Кредит олган шахс вафот этса, кредит тақдири нима бўлади?

Қарз олувчининг тўсатдан вафот этиши унинг яқинлари учун нафақат оғир жудолик, балки молиявий мавҳумликни ҳам келтириб чиқариши мумкин.

Хўш, бундай вазиятда банк олдидаги мажбуриятлар нима бўлади? Кредит шартномаси бекор қилинадими ёки қарз юки меросхўрларнинг бўйнига тушадими?

Pinkod.uz қонунчиликни ўрганиб, шу саволларга жавоб берибди.

Биринчи навбатда ундирув кредит таъминотига қаратилади

Маълумки, кредит ажратилаётганда банклар таъминот сифатида учинчи шахслар кафиллиги, суғурта полиси ёки мол-мулк гаровини талаб қилади.

Кредит олган шахс вафот этганда, банк биринчи навбатда айнан ушбу таъминот турларига мурожаат қилади:

⏺Агар кредит суғурталанган бўлса, қарз суғурта полиси орқали қопланади;
⏺Агар кафил мавжуд бўлса, тўлов мажбурияти кафил зиммасига ўтади.

Таъминот етарли бўлмаса ёки мавжуд бўлмаса-чи?

Агар юқоридаги чоралар билан қарзни ёпишнинг имкони бўлмаса (ёки кредит таъминотсиз олинган бўлса), қарздорлик ўз-ўзидан йўқ бўлиб кетмайди. Бундай ҳолда ундирув меросхўрларга қаратилади.

Меросхўрларнинг жавобгарлиги

Қонунчиликда "мерос" деганда фақатгина уй-жой ёки машина каби мулклар тушунилмайди. Мерос таркибига марҳумнинг кредиторлари олдидаги мажбуриятлари (қарзлари) ҳам киради.

Мерос қолдирувчининг кредиторлари ўз талабларини васиятномани ижро этувчига ёки бевосита меросхўрларга қўйишга ҳақли.

Меросхўрлар кредит бўйича тўлиқ сумма учун эмас, балки фақат ўзларига теккан мол-мулкнинг қиймати доирасида жавобгар бўлади.

Агар меросхўрлар бир нечта бўлса, улар қарз бўйича солидар қарздорлар сифатида жавоб беради.

@bankir

Доллар яна кўтарилади

15 декабрь куни амал қиладиган доллар курси 🔼49-50 сўм атрофида ошиши прогноз қилинмоқда

Банкларга долларни сотиш бўйича энг яхши курслар:

Asakabank — 12 020
Garantbank — 12 010
NBU — 12 000
Hayotbank — 12 000

Банклардан долларни сотиб олиш бўйича энг яхши курслар:

Apexbank — 12 060
Tengebank — 12 060
Octobank — 12 070
Xalq banki — 12 080

@bankir