Захиралар 55 млрд долларга етди

Ўзбекистоннинг халқаро захиралари 1 октябрь ҳолатига кўра, бир ойда 4,9 млрд долларга кўпайиб, 54,99 млрд долларни ташкил қилди. Бу навбатдаги рекорд.

Бунда хорижий валютадаги захиралар 735,7 млн долларга кўпайиб, 10,2 млрд долларгача ўсди.

Олтин захиралари физик жиҳатдан 7 тоннага камайган бўлсада, нарх ошгани сабаб қиймати 4,2 млрд долларга ошиб, 44,2 млрд долларга етди.

Марказий банкнинг қимматли қоғозлардаги активлари эса ўзгармади — 1,02 млрд доллар даражасида қолди.

Сентябр ойида олтин нархи 3407 доллардан 3806 долларгача ўсиши Ўзбекистонга 4,6 млрд доллар фойда олиб келди.

Бугун олтин аллақачон 4 000 долларлик маррани забт этиб, тарихий рекордни қайд этди.

@bankir

100 гр олтин қуйма 160 млн сўмдан ошди

Марказий банк томонидан белгиланган олтин қуймалар нархи бугун ҳам рекордни янгилади.

1 гр учун олтин нархи илк марта 1,6 млн сўмдан кўтарилди. Натижада 100 гр қуйма нархи 160 млн сўмлик чизиқдан ўтди.

5 гр олтин қуйма нархи биринчи бор 8 млн сўмдан юқорига баҳоланди.

Йил бошидан бери олтин қуймалари 42 фоизга қимматлади. Сўнгги бир ой ичида нарх 6,8 фоизга ўсди.

Жаҳонда ҳам олтин нархи тарихда биринчи марта 4 050 доллардан юқорига чиқди.

@bankir

НКМК олтин қазиб олишни 30 фоизга кўпайтирмоқчи — Bloomberg

Олтин нархлари ошиши фонида Ўзбекистондаги энг йирик компания, энг йирик солиқ тўловчи — НКМК олтин қазиб олишни сезиларли оширмоқчи.

Bloomberg ёзишича, компания келаси беш йил ичида ишлаб чиқариш ҳажмини 30 фоизга оширишни режа қилган.

2024 йилда НКМК 3,1 млн унция олтин қазиб олган ва бу кўрсаткич бўйича дунёда тўртинчи ўринни эгаллаганди.

Олтин нархининг сезиларли ўсиши фонида ҳукумат НКМК IPO’сини тезлаштиришга ҳам ҳаракат қилмоқда.

Бунинг учун Citigroup, Морган Stanley ва JPMorgan билан эҳтимолий IPO ташкил этиш бўйича ҳамкорлик қилинмоқда.

Қиммат олтин фонида НКМК қарзларни ҳам ҳисобга олган ҳолда 20 млрд долларлик умумий баҳоланишга эришмоқчи.

2024 йилда компания 2,1 млрд доллар соф фойда олганди. 2025 йилнинг биринчи ярмида эса соф фойда 2,8 млрд долларни ташкил қилди.

Қиммат олтин фақат Ўзбекистон захираларига эмас, балки НКМК фойдасига ҳам ижобий таъсир қилмоқда.

@bankir

Доллар кўтарилди

10 октябрь куни амал қиладиган долларнинг расмий курси 12 123,38 сўмдан (+51,35 сўм) ҳисобланади.

@bankir

AVO омонати — пулингиз сиз учун ишлайди!

Ҳар бир сўмингиз даромад келтиришини хоҳлайсизми? Энди бунинг имкони бор — AVO омонати билан йиллик 25% гача даромад олинг! Фоизлар ҳар ой капитализация қилинади ва омонатга қўшилади — жамғармангиз эса ошиб бораверади.

Нега айнан AVO омонати:
✨ 25% гача йиллик даромад — пулларингиз тун-у кун ишлайди;
✨ Эркинлик — исталган пайт пул ечасиз ёки омонатни тўлдирасиз;
✨ Қулайлик — ҳаммаси онлайн, банкка бориш шарт эмас;
✨ Ишончлилик — 200 млн сўмгача бўлган омонатлар давлат томонидан кафолатланган.

👉 Минимал бошланғич сумма атиги 100 000 сўм, шунда ҳам йиллик ставка 22,52% ни ташкил этади!

Омонатни очинг, ҳисобни тўлдиринг ва пулларингиз даромад келтиришни бошлайди!

Омонат муддати — 6 ой. Йиллик ставка — 100 000 сўмдан бошлаб 22,52%, ундан кам суммага — 0,01%. Капитализация ҳисобга олинганда — йиллик даромад 24,996% гача. Маблағ муддат охиригача ечиб олинмаса, 6 ойда даромадлилик 11,8% ни ташкил қилади. Батафсил: avo.uz

Реклама

Марказий банк банкларни “урушиб қўйди”

Марказий банк кредит шартномаларини бажариш ёки унга ўзгартиришлар киритиш бўйича барча банкларни огоҳлантирди.

Регулятор сўнгги пайтларда айрим банклар томонидан кредит шартномаларига истеъмолчилар ҳуқуқларини чекловчи шартлар киритилаётганини маълум қилган.

Унга кўра, айрим банклар тўлов жадвалларига ўзгартиришлар киритилганда, қарз олувчилардан янги версияларни сўрашни талаб қилмоқда.

Яъни, шартномалардаги бундай ўзгаришлар ҳақида фақат мижознинг сўровидан кейингина хабар бериш амалиёти қўлланилмоқда.

Регулятор бундай амалиётлар қонунга зид эканини таъкидлаб, барча банклардан кредит шартномаларидан сўров шартларини олиб ташлашни талаб қилди.

Сал аввал Марказий банк учта банкни 2,5 млрд сўм жаримага тортганди.

@bankir

Доллар кўтарилди

13 октябрь куни амал қиладиган долларнинг расмий курси 12 140,91 сўмдан (+17,53 сўм) ҳисобланади.

@bankir

Қайси банкда омонатчилар кўпроқ?

Марказий банк яқинда биринчи марта “Банк омонатлар бозори шарҳи”ни тақдим қилганди.

Унда қайси банкда қанча омонатчи бор эканлиги ҳам маълум қилинган.

*1 январ ҳолати бўйича, энг кўп омонатчи “Миллий банк”да — 1,6 млн нафар. “Халқ банки” ва “Капиталбанк” кучли учликни ёпиб берди.

Шунга қарамай омонатлар миқдори бўйича “Капиталбанк” катта фарқ билан олдинда. Банкда йил боши ҳисобидан 22 трлн сўмдан ошиқ аҳоли омонатлари бор.

Иккинчи ўриндаги “Миллий банк”да бу кўрсаткич 12,6 трлн сўмни ташкил қилган. Кўпроқ омонатчи бўлсада, камроқ омонат суммаси.

100 мингдан ошиқ омонатчига эга банклар сони 17 та. Уларнинг 8 таси давлат банклари, 9 таси хусусий банклар.

*Регулятор маълумотларни дастлаб 1 август ҳолати бўйича эълон қилганди. Афтидан бу хато бўлган ва сана 1 январ ҳолатига ўзгартирилган.

@bankir