Насия савдоси иштирокчилари учун Ахлоқ кодекси лойиҳаси тақдим этилди

Лойиҳа Марказий банк ва FinTex Ассоциацияси ҳамкорлигида ишлаб чиқилган бўлиб, кодекс талабларига риоя қилувчи ташкилотларга махсус “Ишонч белгиси” берилади. Белгига эга ташкилотларнинг рўйхати Ассоциациянинг расмий сайтида эълон қилиб борилади. Мазкур жараён икки босқичда амалга оширилади(расмда кўриш мумкин).

Ассоциация расмий сайтида келтирилишича, аъзолик бадали резидентлар учун йилига ҚҚСсиз 12 млн сўм, норезидентлар учун эса 1 200 АҚШ доллари этиб белгиланган.

Очиқлик талаблари

Кодексга мувофиқ, ташкилотлар ўз расмий сайтларида қуйидаги маълумотларни очиқ жойлаштириши керак:

⏺ташкилот номи ва контактлари;

⏺кўрсатиладиган хизматлар ҳақида тўлиқ маълумот;

⏺тўловлар тартиби;

⏺шикоятларни кўриб чиқиш механизми;

⏺махфийлик сиёсати;

⏺“Ишонч белгиси” статуси.

Шунингдек, шартнома тузишдан олдин мижозга қуйидаги маълумотлар тўлиқ тақдим этилиши лозим: маҳсулотнинг умумий нархи, устама ва комиссиялар, тўлов жадвали, жарималар, муддатидан олдин бекор қилиш шартлари ҳамда алоқа маълумотлари.

Реклама талаблари

Кодексда рекламаларда чалғитувчи маълумотлардан фойдаланиш тақиқланмоқда. Масалан, “0%” ёки “бепул” каби ҳақиқатга тўғри келмайдиган иборалар асоссиз қўлланмаслиги керак.

Агар реклама исломий молия тамойилларига асосланган бўлса, тегишли кенгаш хулосасига ҳавола келтирилиши зарур.

Қарз юки ошиб кетмаслиги

Ундан ташқари, насия хизмати фақат 18 ёш ва ундан катталарга кўрсатилади. Янги мижозлар учун дастлабки насия лимити 2 млн сўм этиб белгиланади. Агар мижоз лимитни оширишни истаса, унинг қарз юки кўрсаткичи ҳисобланади ва бу кўрсаткич 50 фоиздан ошмаслиги керак.

Аввалроқ МБ раиси Тимур Ишметов регулятор насия бозорига қарши эмаслигини лекин уни тартибга солиш режалаштирилаётганини маълум қилган эди.

@bankir

Доллар пасайиши уйлар ижарасига қандай таъсир қилмоқда?

МҲТИ таҳлилларига кўра, долларнинг сўмга нисбатан қадрсизланиши уйлар учун ижара нархлари ошишига олиб келди.

Янги ўқув йили бошланиши ҳам сентябрь ойида ижара нархлари ошишга туртки бўлди.

Ўртача таъмирланган уй-жойлар ижараси ўрта ҳисобда қуйидагича қимматлади:
⏺1 хонали: 16 доллар (318 доллардан 334 долларга);
⏺2 хонали: 18 доллар (394 доллардан 412 долларга);
⏺3 хонали: 25 доллар (477 доллардан 502 долларга);
⏺4 хонали: 19 доллар (537 доллардан 556 долларга).

Бундай таъмирдаги уйларни нисбатан арзонроқ Сергели туманида топиш мумкин. Яккасарой туманидаги вариантлар эса энг қиммати бўлиб турибди.

Тўлиқ таъмирланган уй-жойлар ижараси ўрта ҳисобда қуйидагича қимматлади:
⏺1 хонали: 22 доллар (413 доллардан 435 долларга);
⏺2 хонали: 34 доллар (580 доллардан 614 долларга);
⏺3 хонали: 50 доллар (824 доллардан 874 долларга);
⏺4 хонали: 16 доллар (1185 доллардан 1201 долларга)

Тўлиқ таъмирланган уйлар ижарасининг энг қиммат нархи Шайхонтоҳур туманига тўғри келмоқда.

Уйларнинг ижара нархи бу пайтга қадар ўртача ҳисобда барқарор пасайиб келаётганди.

@bankir