📈Умумий ташқи қарз 72 млрд доллардан ошди

Ўзбекистоннинг умумий ташқи қарзи 2025 йил биринчи ярим йиллиги якуни бўйича 72,2 млрд долларни ташкил қилди.

Бунда давлат ташқи қарзи 36,8 млрд долларга, корпоратив ташқи қарз эса 35,4 млрд долларга тенг бўлди.

Умумий ташқи қарз олти ой ичида 8,1 млрд долларга кўпайган. Бунда давлат ташқи қарзи 2,9 млрд долларга, корпоратив ташқи қарз эса 5,2 млрд долларга ошган.

Давлат ташқи қарзи асосан бюджет тақчиллигини қоплашга йўналтирилса, корпоратив ташқи қарз Ўзбекистондаги компаниялар олаётган қарзни англатади.

@bankir

Камбағал оилаларга кредит ажратиш тартиби бир йил ўтиб белгиланди

Ҳукумат қарори билан “Камбағал оилалар реестри”га киритилган оилаларга кредитлар ажратиш тартиби тўғрисида”ги низом тасдиқланди.

Низом билан “Халқ банки” ва “Микрокредитбанк” томонидан камбағал оилаларга қуйидагиларни сотиб олиш учун кредитлар ажратиш тартибини белгилайди:

⏺ноутбук;
⏺тадбиркорликни бошлаш учун кичик ишлаб чиқариш ускуналари;
⏺кўчма дўкон, мотороллер, скутер ва шу каби бошқа асосий воситалар.

Қарз олувчиларга кредитлар Оилавий тадбиркорликни ривожлантириш дастурлари доирасидаги фоиз ставкасида устама ҳақ тўлаш шарти билан қуйидагича ажратилади:

⏺15 млн сўмгача бўлган 1 та ноутбук сотиб олиш учун 5 йилгача муддатга 2 йил имтиёзли давр билан;
⏺тадбиркорликни бошлаш учун қиймати 30 млн сўмгача бўлган асосий воситаларни сотиб олиш учун 5 йилгача муддатга бўлиб тўлаш шарти билан.

Бундай кредитларни ажратиш бўйича президент фармони бундан роппа-роса бир йил аввал қабул қилинганди.

Бироқ кредит ажратиш тартиби бир йилдан сўнг тасдиқланмоқда.

@bankir

Доллар тушади

6 октябрь куни амал қиладиган доллар курси 🔽39-40 сўм атрофида пасайиши прогноз қилинмоқда

Банкларга долларни сотиш бўйича энг яхши курслар:

Kapitalbank — 12 065
Agrobank — 12 055
Trastbank— 12 050
NBU — 12 050

Банклардан долларни сотиб олиш бўйича энг яхши курслар:

Universalbank — 12 105
Asakabank — 12 110
Xalq banki— 12 110
Aloqabank — 12 110

@bankir

❗️Олтин қуймалар нархи яна рекордда

Бугун Марказий банк олтин қуймаларининг янги нархини рекорд даражада — 1 гр учун 1 млн 552 минг сўмдан белгилади.

100 гр олтин қуйма нархи 155,2 млн сўмгача кўтарилди. Йил бошида улар 116 млн сўм нарх билан сотувга чиқарилган эди.

Ўсиш кўрсатикичи 33 фоиздан юқори бўлди.

Қуймаларни банклардан сотиб олиш мумкин. Қайси банкда қанча қуйма борлигини бу ердан билиб олсангиз бўлади.

Дунё бўйлаб олтин нархи ҳам илк марта троя унсияси учун 3 890 доллардан юқорига кўтарилди.

Бироқ кейинчалик нарх 3 829 долларгача пасайиб, айни пайтда 3 862 доллар бўлиб турибди.

@bankir

Марказий банк учта банкни жами 2,5 млрд сўм жаримага тортди. Бу сафар номлар ошкор қилинди

Регулятор қонунчилик талабларига амал қилмагани сабаб TBC Bank, “Давр банк” ва “Ҳамкорбанк”ка нисбатан жарима қўллади:

⏺“Ҳамкорбанк” — 955 млн сўм
⏺“Давр банк” — 931 млн сўм
⏺TBC Bank — 615 млн сўм

Бундан ташқари TBC Bank’да ортиқча ҳисобланган 2,5 млрд сўм фоизлар ҳамда қонунга зид равишда ҳисобланган 1,7 млрд сўм фоизлар истеъмолчилар фойдасига қайта ҳисоб-китоб қилинди.

“Давр банк”да эса ортиқча ҳисобланган 1,7 млрд сўм фоизлар, қонунчиликка зид равишда кредит суммасидан ушлаб қолинган 1,9 млрд сўм маблағлар ва ундирилган 461,6 млн сўм тўловлар истеъмолчиларга қайтариб берилди.

“Ҳамкорбанк”ка эса ундирилган 20 млрд сўмдан ошиқ тўловларни истеъмолчиларга қайтариш вазифаси юклатилди.

Марказий банк анчадан бери банкларни жаримага тортадиган бўлса, уларнинг номини очиқламасдан келаётган эди.

Масалан, июнь-июль ойларида 23 та банкка жарима қўлланилган, уларнинг бирортаси ҳам очиқланмаган эди.

Умид қиламизки, эндиликда жаримага тортилган банклар номини оммага ошкор қилиш амалиёти барча банкларга қўлланилади.

@bankir