Доллар тушади

2 сентябр куни амал қиладиган доллар курси 🔽18-19 сўм атрофида пасайиши кутилмоқда

Банкларга долларни сотиш бўйича энг яхши курслар:

Asakabank — 12 450
NBU — 12 450
Garantbank — 12 450
Aloqabank — 12 440

Банклардан долларни сотиб олиш бўйича энг яхши курслар:

Xalq Banki — 12 500
Turonbank — 12 500
Hamkorbank— 12 510
Asia Alliance Bank — 12 510

@bankir

“БРБ” раиси Сахи Аннакличев ким?

Бугун, 29 август куни “Бизнесни ривожлантириш банки” Бошқарув раиси Сахи Аннакличев 50 ёшга тўлди.

Фурсатдан фойдаланиб, келинг унинг фаолияти билан танишиб чиқамиз.

Сахи Аннакличев 1975 йил Қорақалпоғистон Республикаси, Тўрткўл туманида туғилган. У 4 та олийгоҳни тамомлаган:

☯️Туркманистон халқ хўжалиги институти (1996 йил);
☯️Ўзбекистон Банк-молия академияси (1999 йил);
☯️Япония Кобе университети (2008 йил);
☯️Ўзбекистон Президенти ҳузуридаги Давлат ва жамият қурилиши академияси (2011 йил).

Аннакличев “Бизнесни ривожлантириш банки” Бошқарув раиси этиб 2023 йил тайинланган эди. Унгача 2020 йилдан 2023 йилгача “СҚБ” Бошқарув раиси сифатида фаолият олиб борган.

Бундан ташқари 2019 йилдан 2020 йилгача “Миллий банк”, 2018 йилдан 2019 йилгача “СҚБ” Бошқарув раисининг биринчи ўринбосари лавозимида ишлаган.

2017 йилдан 2018 йилгача Вазирлар Маҳкамасида департамент мудири бўлган бўлса, 2010 йилдан 2017 йилагача “Халқ банки” Бошқарув раисининг ўринбосари бўлиб фаолият юритган.

Сахи Аннакличев ўтган йили Мустақилликнинг 33 йиллиги муносабати билан “Дўстлик” ордени билан тақдирланган.

@bankir

“Агробанк” “маҳалла лойиҳаси” микроқарзини ажратмоқда

“Маҳалла лойиҳаси” микроқарзи охирги икки ой давомида расмий даромадга эга бўлмаган, ўзини ўзи банд қилган, банкка бириктирилган маҳаллаларда истиқомат қилувчи фуқароларга ажратилади.

⏺Миқдори: 50 млн сўмгача;
⏺Фоиз ставкаси: йиллик 25 фоиз, аёллар учун 23 фоиз;
⏺Муддати: 60 ойгача;
⏺Имтиёзли давр: 24 ойгача.

Кредит таъминоти сифатида суғурта ёки учинчи шахс кафиллиги қабул қилинади.

Маҳалла банкирларини топиш учун “Агробанк” алоҳида бот ҳам яратган — @Mahallada_Agrobank_bot.

Бу ерда рўйхатдан ўтиб, маҳалла банкирларининг телефон рақамларини топиш мумкин.

@bankir

Энг фойдали омонатлар рейтинги

Банк омонатларини танлашда доим ҳам юқори фоизлар ҳал қилувчи рол ўйнамайди. Омонатнинг тўлиқ шартлари билан батафсил танишиб чиқиш керак.

“Банкир” Ўзбекистон банкларидаги энг фойдали TOP 5 омонатлар рейтингини тақдим қилади.

5) 🏦TBC Bank
TBC Bank 20 фоизли омонат таклиф қилмоқда. Муддати 3 ойдан 24 ойгача. Қулайлиги — пулларни фоизларни йўқотмасдан ечиб олиш мумкин. Бунда омонатда фақатгина 100 000 сўм қолдириш керак.
Батафсил

4) 🏦Давр банк
Банк омонати йиллик 21 фоизда. Омонат муддатидан олдин ечиб олинганда фоизлар ўзгаришсиз тўлаб берилади. Муддати эса бошқа омонатларга қараганда кўпроқ — 60 ойгача. Тўлдириб бориш ва қисман ечиш имконияти мавжуд.
Батафсил

3) 🏦Avo Bank
Ушбу банкда омонат йиллик 22,52 фоизни ташкил қилади. Омонат муддати 6 ой. Қисман ечиб олиш ва тўлдириш имконияти бор. Капитализацияни ҳисобга олган ҳолда — муддат тугагунга қадар пулни ечиб олмасангиз, йиллик 24,996 фоизгача ёки 6 ой учун 11,8 фоизгача даромад олиш мумкин.
Батафсил

2) 🏦Анор банк
Анор банк энг юқори — 23 фоизли омонат таклиф қилмоқда. Омонат муддати 24 ой, дастлабки 12 ой ичида маблағ киритиш мумкин. Минимал сумма 500 000 сўм ва қисман ечиб олишда худди шунча пул қолиши талаб қилинади.
Батафсил

1) 🏦Агробанк
“Сандиқ” омонати рейтингда етакчи бўлди. Фоиз ставкаси — 21 фоиз. Муддати — 18 ой. Омонатда 100 000 сўм қолдириб, қолган қисмини фоизларни йўқотмасдан исталган пайт ечиб олиш мумкин.

Бу қулайлик орқали худди картада пул сақлагандек, пулларингизни инфляциядан ҳимоя қилишингиз ва яхшигина фойда олишингиз мумкин.

Батафсил

Рейтингни тузишда субъектив хулосаларга таянилган. Асосий эътибор фақат фоизларга эмас, балки омонатнинг қулайлигига қаратилган.

Батафсил маълумотни банкларнинг расмий сайтидан олиш мумкин.

@bankir

“Яшил энергия” учун 100 млн сўмгача кредит

“Агробанк” томонидан аҳоли учун “яшил энергия” ускунуларини сотиб олишга кредит ажратилмоқда.

Бунда жисмоний шахлар қуёш панеллари, гелиоколлекторлар ва маҳаллий тадбиркорлар томонидан ишлаб чиқарилган замонавий қозонлар, горелкалар фильтрлар ҳамда чанг газ тозалаш қурилмаларини сотиб олиши мумкин.

⏺Кредит миқдори — 100 млн сўмгача;
⏺Фоиз ставкаси — 20 фоиз;
⏺Муддати — 3 йил;
⏺Имтиёзли давр — 6 ой.

Кредит фоизларининг асосий ставка (14 фоиз) + 5 фоиздан ошган қисмига компенсация ҳам тўлаб берилади.

Батафсил маълумотни бу ердан олиш мумкин.

@bankir

“Ташаббусли бюджет” бўйича янгиликлар

Президент қарорига кўра, 2026 йилдан бошлаб “Ташаббусли бюджет”да ғолиб бўлмаган лойиҳаларни депутатлар ташаббусига кўра ғолиб деб эълон қилиш амалиёти жорий этилади.

Бунда депутатлар ҳар йили ўзларига тегишли сайлов округида гўлиб бўлмаган иккита лойиҳани танлаш имкониятига эга бўлади.

Лойиҳалар учун максимал миқдори БҲМнинг 8 минг баравари (3,3 млрд сўм) қилиб белгиланди.

Шунингдек, кейинги йилдан ижтимоий масалаларга оид лойиҳаларни аҳоли ва давлат ўртасида шериклик асосида молиялаштиришга ўтилади.

Бунда аҳоли томонидан лойиҳа қийматининг 50 фоизи ихтиёрий молиялаштирилган тақдирда лойиҳалар автоматик равишда ғолиб деб топилади ва қолган 50 фоизи бюджетдан қопланади.

Бу эса овоз йиғиш учун миллионлаб пул сарфлаб, лекин гўлиб бўлмаётган лойиҳалар учун айни муддао бўлади.

Лойиҳалар шериклик асосида молиялаштирилганда:
⏺овоз беришда иштирок этмаган ҳолда ғолиб деб топилади;
⏺тегишли маҳаллаларга танаффус бериш амалиёти қўлланмайди.

Эслатиб ўтамиз, жорий мавсум учун овоз бериш жараёнлари 31 август соат 23:59 га қадар давом этади.

@bankir