Доллар пасайди

7 август куни амал қиладиган долларнинг расмий курси 12 502,99 сўмдан (-21,9 сўм) ҳисобланади.

@bankir

Валюта сиёсати

Сўнгги ойларда сўмнинг мустаҳкамланиш тенденцияси кузатилмоқда. Агар ушбу жараён стратегик ёндашув асосида қўллаб-қувватланса, янада яхшироқ натижаларга эришиш мумкин. Аммо валюта курси шунчаки бозорнинг талаб ва таклифи билан шаклланадиган, автоматик жараён эмас. Айниқса, глобал нотинчлик даврида курс сиёсати пухта таҳлил ва эҳтиёткор ёндашувни талаб этади.

Алмашув курсига оид қарорлар иқтисодиётнинг жорий ҳолати, ташқи савдо ва тўлов баланси, мавжуд имкониятлар ва хатарлар, ривожланиш стратегиялари асосида қабул қилиниши лозим. Марказий банкнинг “курс шаклланишига аралашилмайди” деган баёноти, назарий жиҳатдан тўғри бўлиши мумкин, аммо регулятор иқтисодиётга таъсир кўрсатаётган омилларни яхши тушуниши, прогнозлаш қобилиятига эга бўлиши керак.

Алмашув курсидаги ўзгаришлар иқтисодиётнинг турли тармоқлари ва аҳоли қатламларига турлича таъсир кўрсатади. Мисол тариқасида тўқимачилик саноатини олиш мумкин. Девальвация маълум бир шароитда экспортбоп тармоқлар учун фойдали бўлиши мумкин, бироқ ишлаб чиқаришнинг катта қисми импорт хомашё ва ускуналарга боғлиқ бўлган ҳолатда, бу таъсир мос равишда чекланган бўлади.

Қўшимча равишда, энергия ресурслари, айниқса газ ва электр энергияси каби стратегик омиллар импортга боғлиқ иқтисодиётда валюта курсининг кескин ўзгариши рақобатбардошликка эмас, тескари оқибатларга олиб келиши мумкин.

Шу боис, валюта сиёсатида девальвация асосий восита сифатида кўрилмаслиги керак. Бундай ёндашув ривожланаётган давлатлар учун хавфли ва нотаъсирчан бўлиши мумкин. Энг аввало, аниқ ҳисоб-китоб, соҳа ва аҳоли манфаатларини ҳисобга олган таҳлил, прогноз асосидаги қарорлар қабул қилиниши лозим.

@bankir

Банкларда бўш иш ўринлари

Канал орқали баъзи банклардаги бўш иш ўринлари ҳақида маълумот бериб бормоқдамиз. Бунда “hh.uz” порталига жойлаштирилган вакансиялардан фойдаланилмоқда.

“Анорбанк”да ҳозирда 20 та бўш иш ўринлари бор. Улар орасида молиявий таҳлилчи, тизим таҳлилчиси, лойиҳа менежери ва маҳсулот таҳлилчиси кабилар бор.
Батафсил

Uzum компанияси эса 121 та фаол вакансия жойлаштирган. Омбор менежери, бухгалтер, савдо менежери, лойиҳа менежери ва бошқа бир қанча йўналишларда ходимлар қидирилмоқда.
Батафсил

“ТBC Bank”да — 69 та. Булар савдо менежери, бухгалтер, компенсатсия ва нафақалар бўйича менежер ва бошқалар.
Батафсил

“Ҳамкорбанк”да ҳозирда умумий 61 та бўш иш ўрни бор. Улар орасида бухгалтер, маҳсулот менежери, тизим таҳлилчиси, лойиҳа менежери ва бошқалар мавжуд.
Батафсил

“Инфинбанк”да айни пайтда 10 та бўш иш ўрни бор. Таҳлилчи, iOS дастурчиси, маълумотлар таҳлилчиси ва бошқа номзодлар ишга таклиф қилиняпти.
Батафсил

“Аво банк”да — 35 та. Булар бухгалтер, бизнес таҳлилчиси, тизим муҳандиси ва бошқа мутахасисслар.
Батафсил

“Тенге банк”да айни пайтда 26 та бўш иш ўрни бор. Суғурта агенти, молиявий назоратчи, бухгалтер, молиявий менежер ва бошқа номзодлар ишга таклиф қилиняпти.
Батафсил

“Миллий банк” 13 та бўш иш ўрни учун эълон қўйган. Улар орасида бизнес таҳлилчиси, дастурчи, стратегия менежери каби вакансиялар бор.
Батафсил

“Капиталбанк”да — 18 та. Суғурта агенти, тизим администратори, тадбир менежери ва бошқа бир қанча вакансиялар эълони берилган.
Батафсил

“Ипак йўли банки” 19 нафар мутахассис қидирмоқда — тизим администратори, назоратчи, тизим таҳлилчиси ва бошқалар.
Батафсил

“Асакабанк”да айни пайтда 19 та бўш иш ўрни бор. Маҳсулот менежери, бизнес таҳлилчиси, маҳсулот таҳлилчиси ва бошқа номзодлар ишга таклиф қилиняпти.
Батафсил

Банклар жойлаштирган вакансиялардан келиб чиқиб, сўнги ҳафталарда таҳлилчи ва менежерларга талаб ошганини кўриш мумкин.

Бундан ташқари қуйида “Click” ва “Payme” компаниялари жойлаштирган вакансиялар билан ҳам танишишингиз мумкин.

“Click” да ҳозирда 28 та бўш ўрни мавжуд. Булар PR менежери, дастурчи, дизайнер, SMM менежери ва бошқалар.
Батафсил

payme’да эса — 29 та. Маркетинг менежери, дастурчи, техник ёрдам бўйича мутахассис, Call-марказ оператори каби вакансиялар жойлаштирилган.
Батафсил

Банкларнинг Телеграмдаги HR саҳифалари билан бу ерда танишиш мумкин — https://t.me/Bankir/6328

@bankir

Доллар кўтарилди

8 август куни амал қиладиган долларнинг расмий курси 12 593,77 сўмдан (+90,78 сўм) ҳисобланади.

@bankir

Янгиликлар кўп, лекин улар ҳақида ким нима деди, билмоқчимисиз?

Кунлик янгиликлар, воқеаларнинг ўзинигина билиш етарли эмас, уларни қандай қабул қилиш, қандай баҳолаш ҳам муҳим.

@bayonotuz да сиз нафақат ахборотлар ва ҳодисаларни, балки фикрловчи одамларнинг баҳосини, жамоатчилик фаолларининг муносабатини, ноанъанавий нигоҳларни топасиз.

Воқеаларнинг қуруқ эмас, жонли ва фикрли талқинини @bayonotuz да кузатинг.

Обуна бўлиш учун ҳавола

@bankir

1 хонали хонадон Тошкент шаҳридан — бош тўлов 44 млн сўмдан

Xon Saroy компаниясининг Shirin Hayot лойиҳасида 1 хонали хонадонлар:
Бош тўлов — 44 млн сўмдан
Ойлик тўлов — 3.3 млн сўмдан бошлаб

📞 Батафсил маълумот учун:
Telegram | 71 504-04-00

Лойиҳа нархлари ва қулайликлари ҳақида тўлиқ маълумот

Реклама

Қайси банклар энг кўп субсидия ажратмоқда?

1 август ҳолатига кўра, Ўзбекистонда ипотека кредитлари бўйича аҳолига ажратилган субсидиялар миқдори 1,2 трлн сўмга етди.

Ажратилган маблағнинг 358 млрд сўми уй-жой харидида бошланғич бадал учун (30 млн сўмдан), қолган 798,7 млрд сўми эса ипотека кредитлари бўйича фоиз тўловининг бир қисмини қоплашга йўналтирилган.

Жами 90 минг ўзбекистонлик 2025 йилда субсидиядан фойдаланган.

Энг кўп субсидия тўловларини “Миллий банк” (246,9 млрд сўм), “Ипотека банк” (234 млрд сўм) ва “БРБ” (197,1 млрд сўм) ажратди.

Ҳудудлар кесимида Самарқанд вилояти аҳолиси ипотека кредити учун энг кўп субсидиядан фойдаланди — 11 854 нафар.

Қандай қилиб субсидия олиш ва шартлар ҳақида батафсил бу ердан ўқиш мумкин.

@bankir

Доллар кўтарилди

11 август куни амал қиладиган долларнинг расмий курси 12 672,81 сўмдан (+79,04 сўм) ҳисобланади.

@bankir

Давлат раҳбарининг тадбиркорлар билан навбатдаги очиқ мулоқотига яқин қолди

Мазкур мулоқотга тайёргарлик доирасида июндан буён 25 та соҳани қамраб олган 19 та учрашув ўтказилди. Уларда 6,5 мингдан ортиқ тадбиркор иштирок этди ва 500 дан зиёд таклиф билдирилди.

Бу таклифлар ишлаб чиқариш, савдо ва хизмат кўрсатиш соҳаларидаги долзарб муаммоларни ҳал қилиш ҳамда янги имкониятлар яратишга қаратилган.

@bankir

Менинг халқим – 6

📗 Наманганлик Мартавали Аҳмадалиев ва Гулнора Тошматова кичик ҳовлисини катта орзулар майдонига айлантиришган.

Маҳалла банкири ташаббуси орқали улар новвойчилик, тикувчилик ва тўй-маросимларга мўлжалланган ширинликлар тайёрлаш ишини йўлга қўйишди. Бугун эса нафақат ўз оиласини, балки қишлоқдошларини ҳам иш билан таъминлаб келмоқда.

“Битта новвой ишчимга ҳар 3 кунда 100 доллар тўлайман. Буюртмаларимиз шу қадар кўпки, ишчиларимиз алмашиб ишлашади”, — дейди хонадон эгаси.

📱 Тўлиқ видеони ҳар шанба Агробанкнинг YouTube sahifasida томоша қилинг.

Реклама

@bankir

Ўзбекистон банк тизимида “Янги давр” бошланди

2025 йилдан бошлаб Ўзбекистон банкларида филиаллар сони 288 тагача камайди.

Таққослаш учун 2023 йил бошида 832 та банк филиаллари бор эди. Икки йил ичида қарийб 3 баробар қисқариш кузатилди.

Бунга асосий сабаб рақамли банкларнинг пайдо бўлгани. Пайдо бўлганда ҳам улар ортиқча филиалларсиз яхшигина самарадорлик кўрсатиш мумкинлигини исботлади.

Натижада бошқа банклар ҳам бу йўлга эргашишни бошлади. Филиаллар ёпилиб, уларнинг ўрнига дастлаб банк хизматлари маркази (БҲМ) сони кўпайтирилди.

Кейин эса янада ихчамроқ йўлга ўтилди — 24/7 шохобчалар сони кескин кўпайишни бошлади.

Июль ойига келиб, шохобчалар сони тарихда биринчи 5 мингтадан ошди. Икки йил аввал бу рақам 3 мингтага ҳам бормасди.

Бу орада микромолия ташкилотлари сони ҳам биринчи марта 120 тага етди. Бир йил аввал бу кўрсаткич 84-85 та эди.

Шундай қилиб, ўзбекистонда молиявий хизматларга талаб ошмоқда. Бироқ, анъанавий йўлдан бошқачароқ тарзда.

Молия соҳасидаги бизнес модели кўпроқ рақамлаштиришга қараб ўзгармоқда.

Масалан, яқинда йирик финтех компанияси — Click’нинг сотуви Ўзбекистондаги энг йирик сотувлардан бирига айланди.

Тўлов ташкилотининг бозор қиймати Ўзбекистондаги энг йирик банкларидан бири бўлган “Ипотека банк”дан ҳам қимматроққа баҳоланди.

Ростманасига “Янги давр” бошланмоқда. Буёғи янаям қизиқроқ бўлади:)

@bankir

2026 йил 1 январдан бошлаб, йиллик айланмаси 1 миллиард сўмгача бўлган якка тартибдаги тадбиркорлар ва ўзини ўзи банд қилган шахслар учун айланмадан олинадиган солиқ ставкаси 1 фоиз миқдорида белгиланади.

Айни пайтда йиллик 100 млн сўмгача даромад қилувчи ўзини ўзи банд қилган шахслар солиқ тўламайди.

1 млрд сўмгача даромад қилувчилар учун айланмадан олинадиган солиқ ставкаси эса 4 фоизни ташкил қилади.

Шунингдек, якка тартибдаги тадбиркорлар ва ўзини ўзи банд қилган шахсларда электрон тўловларни қабул қилувчи махсус QR-код мавжуд бўлиши чакана савдо қоидаларининг мажбурий талаби этиб белгиланади.

Рақамли платформадаги пул айланмалари тўғрисидаги маълумот кредит ажратишда инобатга олинади.

@bankir