Янги “Кредит мониторинги” хизмати пайдо бўлди

“Кредит-ахборот таҳлилий маркази” (КАТМ) 1 майдан янги хизмат йўлга қўймоқда — “Кредит мониторинги”.

Бу банк ва нобанк кредит ташкилотларига амалдаги шартномаларни мунтазам назорат қилиб бориш ва бошқа бир қатор янги имкониятларни тақдим қилади.

Мазкур хизмат 3 ойлик, 6 ойлик ва 1 йиллик тариф режалар асосида тақдим этилади.

КАТМ орқали кредит тарихингизни (хизмат нархи 15 000 сўм) билиб олишингиз ёки музлатиб қўйишингиз мумкин.

Илова орқали скоринг баллингизни бепулга кузатиб борсангиз бўлади.

@bankir

Доллар 12 900 сўмгача тушди

1 май куни амал қиладиган долларнинг расмий курси 12 900 сўмдан (-20,16 сўм) ҳисобланади.

@bankir

“Юксалиш” ҳаракати президент қарори лойиҳаси устидан жамоатчилик экспертизасини ўтказди

Натижаларга кўра, пойтахтда транспорт тизимини яхшилаш ва тирбандликларни олдини олиш ҳақидаги қарорда коррупцион хавфлар ва бюрократик тўсиқларни келтириб чиқарувчи нормалар борлигини аниқланди

Қарор билан Тошкент шаҳрида йўл ҳаракатини ташкил этиш маркази учун 90 млрд сўм маблағ ажратилиши кўзда тутилган.

Бироқ маблағлар сафланишининг аниқ йўналишлари ва тартиби, ҳисобдорлик, назорат механизмларининг белгиланмагани хавфларни келтириб чиқариши мумкин.

Жамоатчилик экспертизаси хулосасининг тўлиқ матни — yuksalish.org/uz/news_detail/801

@bankir

Омонатлар максимал фоизи пасайиши март ойида ҳам ўртача фоизларга таъсир қилмаган

Марказий банкнинг эълон қилишича, март ойида Ўзбекистондаги банкларда аҳоли томонидан очилган омонатларнинг ўртача фоиз ставкаси 22,1 фоизлигича сақланиб қолди.

Февраль ойида банклар максимал омонат ставкасини 27 фоиздан 26 фоизга пасайтирган эди.

Февраль учун маълумотларда ҳам максимал ставка 22,1 фоизлигича сақланиб қолган эди.

Апрель ойида эса максимал ставка бир йўла 23 фоизгача пасайди.

Бошқа томондан аҳоли учун кредитларнинг ўртача фоизи 23,6 фоизгача пасайиб, 2023 йил июлидан бери энг паст даражага тушди.

@bankir

Тошкентда уйлар нархи пасайишда давом этмоқда

Март ойида Тошкент шаҳрида иккиламчи бозордаги (эски уйлар) нархи 0,6 фоизга пасайди. Янги уйлар эса ўртача 0,4 фоизга арзонлади.

Ўзбекистон бўйлаб йиллик ҳисобда иккиламчи уйлар нархи 5,7 фоизга камайган бўлса, бирламчи уйлар нархи 3,7 фоизга пасайди.

Тошкент шаҳри бўйича иккиламчи уй-жой нархида йиллик энг катта пасайиш Миробод (8 фоиз), Чилонзор (8,7 фоиз) ва Яшнобод (7,5 фоиз) туманларида кузатилди.

Янги уйлар нархларида ҳам пасайиш кузатилди — энг сезиларли тушиш Шайхонтоҳур (14,7 фоиз), Учтепа (11 фоиз) ва Юнусобод (6,7 фоиз) туманларида қайд этилди.

@bankir

Доллар кўтарилди

5 май куни амал қиладиган долларнинг расмий курси 12 915,07 сўмдан (+15,07 сўм) ҳисобланади.

@bankir

Тошкентда илк бор — халқаро EverPoint блокчейн конференцияси!

EverPoint — Everscale блокчейн тармоғининг дастурчи, инвестор, тартибга солиш органлари ва келажак технологияларига қизиқадиганларни бирлаштирадиган ҳар йили ўтказиладиган конференсияси.

Сизни нималар кутмоқда?

🎤 Давра мунозаралари — блокчейн Ўзбекистон ва ундан ташқаридаги бизнес ҳамда давлат жараёнларини қандай ўзгартираётганини ўрганинг.

🌐 Жаҳон экспертлари — энг сўнгги трендлар ва реал кейслар ҳақида биринчи манбаларнинг ўзидан маълумот.

🤝 Нетворкинг — ҳамкорлар, инвесторлар ва ҳамфикрларни топинг.

🎉 8 май куни after-party: норасмий муҳитда мулоқотни давом эттиринг.

Конференция Ўзбекистон Республикаси Истиқболли лойиҳалар миллий агентлиги (ИЛМА), шунингдек HUMO вa Asterium кўмагида ўтказилмоқда.

📍 Манзил: International Hotel, Тошкент
📅 Сана: 2025 йил 7-8 май
🎟 Рўйхатдан ўтилганда кириш бепул — жойлар сони чекланган!

👉 Барча тафсилотлар ва рўйхатдан ўтиш – EverPoint.io (https://EverPoint.io/) веб-сайтида

Ўзбекистондаги йилнинг энг муҳим блокчейн тадбирини ўтказиб юборманг!

Реклама

“Рассрочка” бозори ниҳоят назорат қилинади

Марказий банк бошқарув раиси Тимур Ишметов ХВЖ конференсиясида муддатли тўлов бозори яқин орада назорат қилинишини маълум қилди.

Ишметовнинг айтишича, Марказий банк асосий эътиборни “тартибга солинмайдиган, аммо маълум бир хатарларни келтириб чиқарувчи” янги ривожланаётган бозорларга қаратади.

Улардан бири BNPL (“Buy now pay later” — “Ҳозир харид қил, кейин тўла”) бўлиб, у “ҳозирда сезиларли ҳажмга етган”.

“Биз аллақачон бозор ўйинчилари билан бир неча бор учрашувлар ўтказганмиз ва банклар томонидан аҳолининг қарз юкида [бўлиб-бўлиб тўлашни] ҳисобга олиш ва мижозларнинг етарли даражада ҳимоясини таъминлаш учун ушбу соҳани тартибга солишни жорий этишни режалаштираётганимизни айтганмиз”, — дейди Марказий банк раиси.

Регулятор “рассрочка” бозорини назорат қилиш бўйича режаларини йил бошида маълум қилганди.

@bankir

Ўзбекистон ва Қозоғистон: қаерда банклар кўпроқ фойда олади?

Бу икки қўшни мамлакатлар ўртасида солиштирувлар кўп учраб туради.

Иккала давлатда ҳам иқтисодиёт ривожланаётган ҳолатда, буни табиий жараён деб баҳолаш мумкин.

Келинг мамлакатлар банк тизимини соф фойда бўйича таққослаб кўрамиз.

Ўзбекистонда 36 та банк бор. Улар биргаликда 2025 йилнинг I чорагида рекорд даражада 3,4 трлн сўм соф фойда олди. Бу долларда 265,1 млн доллар бўлади.

Қозоғистонда эса анча камроқ — 21 та банк фаолият олиб боради. Шунга қарамай улар биргаликда 664 млрд тенге ёки 1,3 млрд доллар фойда олди.

Уч ойда биргина Halyk Bank‘нинг ўзи Ўзбекистондаги барча банклардан қарийб икки баробар кўпроқ фойда олган — 493,2 млн доллар.

Шундай қилиб Қозоғистон банклари фойдаси Ўзбекистондаги банклардан роппа-роса 5 баробар кўпроқ бўлди.

@bankir

Click устун мавқега эга тўлов оператори деб топилди

Рақобат қўмитаси Click компаниясини устун мавқега эга рақамли платформа оператори деб топди.

Қонун ҳужжатларига мувофиқ, устун мавқеини суиистеъмол қилиш ҳолатларини олдини олиш мақсадида мажбурий тартибда Монополияга қарши комплаенс тизими жорий этилади ва тегишли тартибда мониторинг ўтказиб борилиши маълум қилинади.

Йил бошида payme ҳам устун мавқега эга деб топилган эди.

Бундан ташқари рўйхатда, “Агробанк”, Uzcard, Paynet ва КАТМ каби банк тизимига алоқадор ташкилотлар бор.

@bankir

Доллар кўтарилди

6 май куни амал қиладиган долларнинг расмий курси 12 938,01 сўмдан (+22,94 сўм) ҳисобланади.

@bankir

Шуҳрат Қурбонов TBC Bank Uzbekistan раҳбари маслаҳатчисига айланди

Янги лавозимда у банк раҳбариятига бизнес-сегментни ривожлантириш ва тўловларга хизмат кўрсатиш бўйича маслаҳат беради.

Қурбонов 2019 йилдан 2025 йилнинг мартигача Humo тўлов тизимини бошқарганди.

@bankir

Банкларда киберхавфсизлик кучайтирилмоқда

Президент қарори билан, молиявий ташкилотларга кибержиноят оқибатида келиб чиққан моддий зарарни ўзлари ҳисобидан ундириш тартиби жорий этилмоқда.

Бунда кибержиноят банклар, тўлов тизимлари ва ташкилотлари томонидан киберхавфсизлик талабларига риоя этмаганлиги натижасида содир этилган бўлиши керак.

Шунингдек, болалар банк карталарини очиши бўйича талаблар ишлаб чиқилмоқда.

Банклар ота-оналарни уларнинг вояга етмаган фарзандлари билан боғлиқ шубҳали (фрод) операциялар ҳақида хабардор қилиш амалиётини йўлга қўяди.

Ички ишлар органлари масъул бўлинмалари сўровига асосан шубҳали пул ўтказма амалиётларига алоқадор банк карталари тезкорлик билан блокланади.

@bankir