Доллар кўтарилади

8 апрель куни амал қиладиган доллар курси 🔼19-20 сўм атрофидa ошиши кутилмоқда

Банкларга долларни сотиш бўйича энг яхши курслар:

Asakabank — 12 920
Poytaxtbank — 12 920
BRB — 12 920
Anorbank — 12 920

Банклардан долларни сотиб олиш бўйича энг яхши курслар:

Anorbank — 12 960
Xalq Banki — 12 960
Poytaxtbank — 12 960
Tengebank — 12 960

@bankir

Кам таъминланган оилаларга электр ва газ истеъмоли учун компенсация берилади. Бу қандай ишлайди?

2025 йил 1 майдан 2027 йилнинг 1 апрелига қадар аҳоли учун қуйидаги тартибда компенсация ажратилади:

☯️электр учун — ойига ижтимоий нормадан 150 кВт соатгача ошган қисмига;

☯️табиий газ учун — иситиш мавсумида ойига базавий меъёрдан 250 куб метргача, қолган даврда ойига базавий меъёрдан 150 куб метргача ортиқ фойдаланилган қисмига.

Нархлар билан бу ерда танишиш мумкин — t.me/Bankir/6306

Шунингдек, 2025/2026 йилги ситиш мавсумида эҳтиёжманд оилаларга 1 млн сўмгача бир марталик моддий ёрдам ажратилади.

Барча компенсация ва моддий ёрдам тўловлари “Халқ банки” орқали амалга оширилади.

Компенсация қандай ҳисобланади?

Ижтимоий ҳимоя миллий агентлиги буни тушунтирди. Компенсация қуйидаги оилаларга берилади:

☯️Ижтимоий ҳимоя ягона реестрига киритилган оилаларга. Ушбу тизимга оилада неча киши бўлса, уларнинг биргаликдаги ойлик даромади тенг тақсимланганда 669 минг сўмдан кам чиққан оилалар киритилади.

☯️Камбағал оилалар реестрига киритилган оилаларга. Бунда тизимга оиланинг бир ойлик даромади ҳар бир аъзога тақсимланганида 1 млн 155 минг сўмдан кам чиққан оилалар киритилади.

☯️Иккала реестрга ҳам кирмаган, аммо мол-мулки кам ва ойлик даромади ҳар бир оила аъзосига 1 млн сўмдан кам бўлган оилаларга ҳам газ ва электр тўлови учун компенсация тўланади.

Компенсация йил ўн икки ой давомида бериб борилади.

@bankir

Глобал иқтисодиёт инқироз ёқасида

Апрель бошида АҚШнинг янги сайланган президенти Доналд Трамп бутун дунё давлатларига импорт божларини эълон қилди.

Шундан сўнг Хитой ҳам барча АҚШ маҳсулотларига 34 фоизлик бож жорий қилди. Натижада инвесторлар иқтисодий инқирозни кутишни бошлади ва бу бозорларга жиддий таъсир қилди.

Глобал фонд бозорлари бўйлаб тарихдаги энг йирик қулашлар кузатилди.

Энг барқарор деб қараладагин S&P 500 индекси 2 кунда 10 фоиздан кўпроқ тушди. Бундай ҳолат тарихда атига 4 марта содир бўлган эди:

⏺Октябрь, 1987 йил (Қора душанба)
⏺Ноябрь, 2008 йил (Глобал молиявий инқироз)
⏺Марть, 2020 йил (COVID-19)
⏺Апрель, 2025 йил.

Агарда ушбу индекс бугун ҳам пасайишда давом этиб, кунни “буқа бозори”га (сўнгги чўққисидан 20 фоизлик пасайиш) кирган ҳолда якунласа, тарихдаги энг йирик инқирозлардан бири содир бўлиши эҳтимоли ошади.

Бозордаги пасайишдан Bitcoin ҳам четда қолмади — унинг нархи 74 минг долларгача тушиб кетди. Бу 2024 йил ноябридан бери энг паст.

Инқироз пайтида одатда нархи ошадиган олтин ҳам арзонлай бошлади.

АҚШда бугун Фед раиси иштирокида ёпиқ ҳолда тезкор йиғилиш ўтказилиши эълон қилинди.

Иқтисодий инқирозни олдини олиш мақсадида АҚШда импорт божларини 90 кунга тўхтатиб туриш ҳақида хабарлар тарқалмоқда. Бироқ Оқ Уй буни рад қилди.

АҚШ муросага келиши ва ечим топиши керак. Акс ҳолда бу тарихдаги энг йирик инқирозлардан бирига айланади. Агар аллақачон айланмаган бўлса.

📷: The Economist

UPD: Ҳозиргина Доналд Трамп Хитойга қўшимча 50 фоизлик божлар киритиш билан таҳдид қилди. Madness!

@bankir

Доллар бироз тушади

9 апрель куни амал қиладиган доллар курси 🔽3-4 сўм атрофидa пасайиши прогноз қилинмоқда

Банкларга долларни сотиш бўйича энг яхши курслар:

Asakabank — 12 950
Poytaxtbank — 12 940
BRB — 12 940
Anorbank — 12 935

Банклардан долларни сотиб олиш бўйича энг яхши курслар:

Anorbank — 12 975
Xalq Banki — 12 980
Tengebank — 12 980
Kapitalbank — 12 985

@bankir

❗️ Кредит тарихингизга жиддий қаранг

Кредит тарихи ҳар кимда мавжуд бўлиб, банклар ва микромолия ташкилотларига қарз олувчининг қанчалик ишончли эканини баҳолашга ёрдам беради.

Кредит тарихи ёмон бўлган фуқаролар исталган пайтда банклардан қарз олиш имкониятини йўқотади. Айрим банклар ёки микромолия ташкилотлари гаров эвазига бозорга нисбатан анча юқори фоиз ставкасида қарз бериши мумкин.

Ўзбекистонликларнинг кредит тарихи “Кредит-ахборот таҳлилий маркази” кредит бюроси томонидан доимий баҳолаб борилади.

Бунда фойдаланувчилар кредит тарихидаги ўзгаришларни ойлар кесимида ҳам кузатиб бориши мумкин.

Қарз олувчилар 0 дан 500 гача бўлган оралиқдаги скоринг балл орқали баҳоланади ва ушбу оралиқ 5 гуруҳга бўлинади:

А – аъло (400-500 балл;
B — яхши (300-400 балл);
C — ўртача (200-300 балл);
D — қониқарли (100-200 балл);
E — ёмон (0-100 балл).

Кредит тарихини ушбу сайтлар орқали текшириш мумкин. Хизматдан бир йилда бир марта фойдаланиш бепул.

— portal.infokredit.uz/reports (хизмат нархи 15 000 сўм);
— my.gov.uz орқали (хизмат нархи 13 500 сўм).

Тайёр ҳисоботларни “ҳаракатлар тарихи” бўлимидан юклаб олиш ёки кузатиш мумкин.

➡️Скоринг баллингизни КАТМ иловаси орқали ҳар куни бепул кузатиб борсангиз бўлади.

“Freeze” хизматидан фойдаланган ҳолда кредит тарихи бўйича маълумотларингизни чеклашингиз мумкин. Хизматнинг қулайлиги ҳақида бу ерда ўқинг.

Ушбу хизматдан фойдаланиш учун ҳозирда 12 600 сўм тўлов қилинади.

@bankir

Давлат банклари коррупцияга қарши қандай курашмоқда?

Коррупцияга қарши курашиш агентлиги давлат ташкилотлари учун навбатдаги рейтингни эълон қилди.

Рейтингда давлат банклари қуйидагича балл олди:

☯️Миллий банк — 89 балл
☯️Саноатқурилишбанк — 89 балл
☯️Халқ банки — 85 балл
☯️Агробанк — 83 балл
☯️Асакабанк — 79 балл
☯️Бизнесни ривожлантириш банки — 78 балл
☯️Микрокредитбанк — 76 балл
☯️Туронбанк — 76 балл
☯️Алоқабанк — 55 балл

Бундан ташқари Марказий банк 94 балл билан кучли учликдан жой эгаллади. Ўтган йилги рейтингда Марказий банк 93 балл билан иккинчи ўринда эди.

@bankir

❗️Openbudget’да ютган маҳаллалар кейинги 2 та мавсумда қатнашолмайди

“Ташаббусли бюджет” жараёнларининг 2025 йилги 1 мавсуми якунларига кўра, 2 011 та маҳалла (жами маҳалла сонига нисбатан 21 фоиз) ғолиб деб топилди. Бунда, ушбу мавсум доирасида 329 та маҳалла илк маротаба ғолибликни қўлга киритди.

Бундан ташқари, 2024 йилги 2 мавсум доирасида ғолиб бўлган 826 та маҳалла ушбу мавсумда ҳам такроран ғолиб деб топилди.

⚠️Шу муносабат билан ушбу маҳаллалар учун жорий йилги 2 мавсум ҳамда 2026 йилги 1 мавсумларда танаффус берилади.

Иқтисодиёт ва молия вазирлиги мазкур маҳаллалар (шунингдек, ушбу маҳаллаларда жойлашган мактаб, боғча, тиббиёт муассасалари ва бошқа ташкилотлар) навбатдаги икки мавсум доирасида ўз лойиҳалари билан иштирокэта олмаслигини маълум қилди.

Танаффус бериладиган маҳаллаларнинг тўлиқ рўйхати билан мана бу ҳавола орқали танишиш мумкин.

@bankir

❗️Электр ва газ нархлари ҳар йили ошадиган бўлди

Энергетика вазирлиги электр энергияси ва табиий газ нархлари ҳар йили 1 майдан бир маротаба индексация қилинишини маълум қилди.

Бунда нархлар йиллик инфляциядан келиб чиққан ҳолда 10 фоиздан юқори бўлмаган миқдорда оширилади.

Шунингдек, 2025 йил 1 майдан бошлаб элект энергияси истеъмоли учун аҳолига қўшимча имтиёзли таъриф жорий қилинади.

Энди электр учун 200 кВт соатдан 500 кВт соатгача 1000 сўм эмас, 800 сўм тўланади. Янги таърифлар қуйидагича:

☯️ойига 200 кВт/соатгача 1 кВт/соат учун 600 сўм (ҳозирда 450 сўм);
☯️201 дан 500 кВт/соатгача — 800 сўм (900 сўм);
☯️501 дан 1000 кВт/соатгача — 1000 сўм (900 сўм);
☯️1001 дан 5000 кВт/соатгача — 1500 сўм (1 350 сўм);
☯️5 001 дан 10 000 кВт/соатгача — 1 750 сўм (1 575 сўм);
☯️ойига 10 000 кВт/соат ва ундан юқори — 2 000 сўм (1 800 сўм).

Аввалроқ нархлар ошиши 1 апрелдан 1 майга кечиктирилган эди.

@bankir

Доллар кўтарилади

10 апрель куни амал қиладиган доллар курси 🔼13-14 сўм атрофидa ошиши кутилмоқда

Банкларга долларни сотиш бўйича энг яхши курслар:

Asakabank — 12 950
Poytaxtbank — 12 940
BRB — 12 935
Anorbank — 12 930

Банклардан долларни сотиб олиш бўйича энг яхши курслар:

Anorbank — 12 970
Xalq Banki — 12 975
Davrbank — 12 980
Tengebank — 12 980

@bankir

“Микрокредитбанк” ва Германия банки ўртасида 30 млн евролик келишув имзоланди

“Микрокредитбанк” томонидан Германиянинг етакчи молиявий институтларидан бири — ODDO BHF SE банки билан 30 миллион Евро миқдорида ҳамкорлик келишуви (Фрамеwорк Агреэмент) имзоланди.

Мазкур келишув орқали “Микрокредитбанк” Ўзбекистондаги тадбиркорлик субъектларига — Германия ва бошқа Европа давлатларидан замонавий ускуналар, технологиялар ва хизматларни харид қилиш учун қулай молиялаштириш имкониятларини тақдим этади.

Келишув натижасида банк мижозлари қуйидаги афзалликларга эга бўлади:

⏺Узоқ муддатли ва қулай шартларда молиялаштириш;
⏺Германия ва Европа давлатларидан илғор технологиялар импорти учун молиявий кўмак;
⏺Экспорт кредит агентликлари кафолати орқали хавфсиз ва ишончли молиялаштириш;
⏺Халқаро тажрибага мос ва замонавий молиявий ечимлар.

Аввалроқ “Микрокредитбанк” Европа Инвестиция Банки билан 40 млн евролик меморандум имзолаган эди.

Реклама