Олтиндан яна рекорд

Бугун олтин нархлари биринчи марта 3 150 долларга яқинлашди. Биржада нархлар 3 148 долларгача чиқди.

Марказий банк олтин қуймалари учун ҳам навбатдаги рекорд нархлар белгилади. 100 гр олтин қуйма нархи биринчи марта 133,4 млн сўмга етди.

Қимматбаҳо метал нархи ошиши Доналд Трамп томонидан бошланган савдо уруши, Марказий банкларнинг олтинга бўлган катта талаби ва Фед фоиз ставкаларини тушириши мумкин эканлиги фонида содир бўлмоқда.

Олтин нархи бўцича енг юқори прогнозни Macquarie Group тақдим этган бўлиб, унинг тахминига кўра, 2025 йилнинг учинчи чорагида олтин нархи 3,500 долларга етиши мумкин.

@bankir

БРБ Бошқарув раисига янги ўринбосар тайинланди

“Бизнесни ривожлантириш банки” Кузатув кенгашининг қарорига мувофиқ, Юсупов Шахзод Махматмуродович банк Бошқаруви раисининг биринчи ўринбосари этиб тайинланди.

Тайинловга қадар Юсупов “Ўзсаноатқурилишбанк” Бошқаруви раиси ўринбосари лавозимида фаолият олиб борган.

@bankir

Доллар пасайди

2 апрель куни амал қиладиган долларнинг расмий курси 12 925,20 сўмдан (-11,96 сўм) ҳисобланади.

@bankir

“Корзинка” 110 млн доллар сармоя жалб қилди

Abu Dhabi Uzbek Investment ва Ўзбекистон — Ўмон Инвестиция Компанияси “Корзинка”супермаркетлар тармоғига 110 млн доллар инвестиция киритди.

Бу Ўзбекистонда бизнес учун энг йирик битимлардан бири бўлди.

@bankir

Forbes энг бой одамлар рўйхатига биринчи ўзбекистонлик киритилди

Алишер Усмонов Forbes миллиардерлар рўйхатига биринчи марта Ўзбекистон номидан киритилди. Унгача Усмонов Россия фуқароси сифатида бу рўйхатдан жой олар эди.

Унинг бойлиги 16,7 млрд доллар бўлиб, Forbes рейтингида 125-ўринни эгаллаб турибди.

Алишер Усмонов 2022 йилдан бери Тошкентда яшамоқда. Forbes шу сабабли уни Ўзбекистон номидан рўйхатга қўшган бўлиши мумкин.

@bankir

Таъкидланишича, Korzinka'га бу инвестицияни жалб қилишда жумладан ССП қошидаги Тадбиркорларга ташқи молия бозорларига чиқишга кўмаклашиш маркази кўмаклашган.

Ушбу марказ ҳар бир маҳаллий тадбиркорга хориждан тўғридан тўғри инвестиция жалб қилишга, улар билан яқиндан ҳамкорлик қилишга ва ҳаттоки малака оширишга ҳам кўмаклашади.

Бундай имкониятлардан барча бизнес вакиллари фойдаланиши мумкин.

@bankir

2025 йил январь-февраль ойларида давлат бюджетидан ажратилаётган ипотека кредитлари.

Икки ой ичида энг кўп ипотека кредити “Миллий банк” ва “Ипотекабанк” томонидан ажратилган.

Бу даврда жами 8163 нафар фуқарога 2,37 трлн сўмлик ипотека кредитлари берилган.

@bankir

Банкларнинг HR каналлари

Яқинда “Headhunter” платформасига жойлаштирилган банкларнинг иш ўринлари ҳақида маълумот берган эдик. Бугун эса айрим банкларнинг Telegram'даги HR каналларини тақдим қиламиз

Марказий банк — @CBUuz_bot
TBC Bank — @careerTBC
Garant bank — @garantbankcareer
Davr bank — @HR_Davrbank
“БРБ” — @HR_BRB
“Ипак йўли банки” — @ipakyulibankvacancy
MKBank — @hrmkbank
“Анорбанк” — @anorbankcareers
“Капиталбанк” — @kapitalbank_career
“Алоқабанк” — @Aloqabank_HR
“Халқ банки” — @HRXalqbanki
“Тенге банк” — @Tengebank_HR_Career
“Ҳамкорбанк” — @HB_Kommunikatsiya
Yangi bank — @yangipeople
UzCard — @happinesscorporation

@bankir

Доллар пасайди

3 апрель куни амал қиладиган долларнинг расмий курси 12 915 сўмдан (-10,20 сўм) ҳисобланади.

@bankir

Иқтисодиёт ва молия вазирлиги иш ҳақи маълумотларини бериб борувчи “Молиячи” дастурини синов режимида ишга туширди.

Бу дастур “Ойликбот” ўрнига муқобил сифатида тақдим қилинмоқда.

Иловани қуйидаги ҳавола орқали юклаб олиш мумкин: iOS | Android

@bankir

Доллар кўтарилди

4 апрель куни амал қиладиган долларнинг расмий курси 12 920,44 сўмдан (+5,44 сўм) ҳисобланади.

@bankir

3 апрель. Банклараро тўловларни қабул қилиш 18:00 гача узайтирилди.

@bankir

Тадбиркорликни ривожлантириш компанияси Кузатув кенгашида ўзгаришлар бўлди

“Бизнесни ривожлантириш банки” Бошқарув раиси Сахи Аннакличев ва собиқ молия вазири Одилбек Исаков (Infrasia Capital) янги тайинланган Кузатув кенгашидан жой олди.

Шунингдек, қуйидагилар кенгашга киритилди:

— JP Morgan Chase бозорни кенгайтириш бўйича менежери Ҳасан Ортиқ;
— Иқтисодиёт ва молия вазирининг биринчи ўринбосари Илҳом Норқулов;
— “Фортебанк” (Қозоғистон) Бошқарувчи директори Бекчан Пирматов.

Иқтисодиёт ва молия вазири ўринбосари Абдулазиз Хайдаров, Савдо-саноат палатаси раиси ўринбосари Давронбек Қурбонов ва ОТБ вакили Маноҳари Гунаваредҳа Кузатув кенгаши таркибидан чиқиб кетди.

@bankir

Пул ўтказмаларини амалга ошириш энди қийинлашадими?

Кечадан бери Ўзбекистонда 11 млн сўмдан бошлаб картадан картага пул ўтказмалари қийинлашиши ёки қатъий назорат остига олиниши каби хабарлар тарқалмоқда.

Барчаси ўзгартириш киритилган ички назорат қоидаларини нотўғри тушунишдан бошланди.

Шуҳрат Қурбонов бундай хабарлар “ҳайп”дан бошқа нарса эмаслигини, вазият аслида бошқачалигини тушунтирди.

Шундоқ ҳам фойдаланувчилар пул ўтказмаларини амалга оширишда рўйхатдан ўтади. Бу эса уларнинг барча маълумотлари ҳозир ҳам ташкилотларда борлигини билдиради.

Янги ўзгаришлар банклар ва тўлов ташкилотлари ўртасида маълумотлар алмашувини тартибга солишга хизмат қилади.

Қисқа қилиб айтганда, ҳозир пул ўтказиб юрган шартли “Абдурашид ака” учун ҳеч қандай ўзгариш бўлмайди.

Ҳамма аввалгидек пул ўтказмаларини амалга ошириши мумкин. Маълумотларни киритсангиз бўлди.

@bankir

Светлана Xe Uzum Bank бошқаруви раиси лавозимига тайинланди

Светлана Xe Uzum Bank бошқаруви раиси лавозимида ўз фаолиятини бошлади. Унинг номзоди Кузатув кенгаши томонидан тасдиқланиб, Ўзбекистон Республикаси Марказий банки томонидан маъқулланган. Янги лавозимида у банкни ривожлантириш, инновацион финтех-маҳсулотларни яратиш ҳамда компаниянинг бозордаги мавқеини мустаҳкамлашга эътибор қаратади.

Светлана Xeнинг таъкидлашича, Uzum Bank халқаро даражадаги финтех сервислар учун асос бўлиб хизмат қиладиган маҳаллийлаштирилган инфратузилмани ривожлантирмоқда.

Банкнинг мақсади — молиявий маҳсулотларни ривожлантириш учун Ўзбекистон фойдаланувчилари ва тадбиркорларининг эҳтиёжларини ҳисобга олган ҳолда халқаро экспертиза ва технологик амалиётларни амалда қўллаш.

Светлана Xe Ўзбекистон банк соҳасида 20 йилдан ортиқ тажрибага эга. У аввалги фаолияти давомида Yangi Bank, Octobank ва Kapitalbank’да раҳбарлик лавозимларида ишлаб, компанияларни ривожлантириш ҳамда мижозлар ва тадбиркорлар учун молиявий хизматларни такомиллаштириш билан шуғулланган.

@bankir

Доллар кўтарилди

7 апрель куни амал қиладиган долларнинг расмий курси 12 947,20 сўмдан (+26,76 сўм) ҳисобланади.

@bankir