Гўшт нархи ростдан ҳам кескин ошдими?

Бир неча кундан бери ижтимоий тармоқларда сўнгги йилларда гўш нархи қандай бўлгани ҳақида маълумот тарқалмоқда.

Бу бўйича манбани қидириб топиш имкони бўлмади. Лекин келинг тарқалаётган ахборотни кўриб чиқамиз.

Гўшт нархлари қандай ўзгарди?

⏺2013 — 25 000 сўм
⏺2014 — 27 000 сўм
⏺2016 — 35 000 сўм
⏺2017 — 38 000 сўм
⏺2018 — 46 000 сўм
⏺2020 — 60 000 сўм
⏺2021 — 70 000 сўм
⏺2022 — 90 000 сўм
⏺2024 — 120 000 сўм
⏺2025 — 140 000 сўм

Ўзбекистонда инфляция анча юқори. Шу сабабли нархларни долларга ўгирсак, аслида вазият бошқачалиги кўринади.

2013 йил бошида “қора бозор”да 1 доллар 2 500 сўм атрофида баҳоланган. 1 кг гўшт нархи — 10 доллар.

2025 йилда гўшт нархи дўконларда 80 мингдан 140 минггача бўлиб турибди. 1 кг гўшт нархи — 10,8 доллар.

Демак, долларга чақадиган бўлсак гўшт нархи бу даврда деярли ўзгармади.

Бу вақтни ичида доллар ҳам инфляцияга учраганини инобатга олсак, гўшт нархи аслида арзонроқ бўлиб чиқади.

Бошқа томондан 2013 йилда энг кам ойлик иш ҳақи 96 минг сўм бўлган. 2025 йилда бу 1,15 млн сўмга тенг.

2013 йилдаги меҳнатга ҳақ тўлашнинг энг кам миқдорига бир ойда 3,8 кг гўшт берар эди. 2025 йилда эса 8,2 кг.

Шундай қилиб, аҳолининг турмуш даражаси яхшилангани ва гўшт харид қилиш имконияти ошгани яққол кўриниб турибди.

Гўшт нархи ошгани эса аслида пулнинг қадрсизлангани ва юқори инфляция даражасини билдиради.

Айрим оммавий каналлар гўшт нархини олтинга тенглаштириб ёзибди. Уларни олтин нархидан хабари йўқ шекилли))

@bankir

“МКБанк” BNY Mellon'да АҚШ долларида корреспондентлик ҳисоб рақамини очди

"Микрокредитбанк" халқаро ҳамкорликни кенгайтириш мақсадида АҚШ долларида дунёдаги энг йирик молия институтларидан бири — The Bank of New York Mellon (BNY Mellon) билан корреспондентлик алоқаларини ўрнатди.

BNY Mellon АҚШдаги энг биринчи банклардан бири бўлиб, 1784 йилда ташкил топган.

Ушбу ҳамкорлик "Микрокредитбанк"га бир қанча имкониятлар беради:

⏺халқаро ҳисоб-китоблар кўламини кенгайтириш;
⏺мижозларга хизмат кўрсатиш сифатини ошириш;
⏺трансчегаравий тўловларни АҚШ долларида тўлашни соддалаштириш;
⏺ғазначилик операцияларини (масалан, овернайт депозит) амалга ошириш.

BNY Mellon билан ҳамкорлик “Микрокредитбанк”нинг мижозлар учун ишончлилигини ва банк хизматлари соҳасидаги халқаро стандартларга мувофиқлигини билдиради.

Реклама

Инфляцион кутилмаларни аниқлашга ёрдам беринг

Марказий банк март ойи учун инфляцион кутилмаларни аниқлаш мақсадида сўровнома ўтказмоқда.

Унда бизнес вакиллари ва аҳоли иштирок этиши мумкин.

Сўровнома 2025 йил 5 апрелга қадар давом этади.

➡️@kutilmalar_mart2025_bot

Февраль ойида аҳолининг инфляцион кутилмалари сезиларли ошиб, 15,3 фоизни ташкил қилган эди.

@bankir

Доллар кўтарилади

1 апрель куни амал қиладиган доллар курси 🔼24-25 сўм атрофидa ошиши кутилмоқда

Банкларга долларни сотиш бўйича энг яхши курслар:

Kapitalbank — 12 905
Poytaxtbank — 12 900
Asakabank — 12 900
Anorbank — 12 900

Банклардан долларни сотиб олиш бўйича энг яхши курслар:

Anorbank — 12 920
Tengebank — 12 930
BRB — 12 940
Hayotbank — 12 940

@bankir

Электр ва газ тарифлари оширилиши 1 майгача кечиктирилди

Президент топшириғи билан Ўзбекистонда электр ва газ учун тарифлар оширилиши 1 апрелдан 1 майга кечиктириладиган бўлди.

Тарифлар оширилишининг биринчи босқичи ўтган йили май ойида бўлган эди. Ўшанда аҳоли учун ижтимоий норма белгиланиб, 1 кВт/соат электр энергиясининг нархи 295 сўмдан 450 сўмга (+52,5 фоиз), 1 куб метр газнинг нархи 380 сўмдан 650 сўмга (+71 фоиз) ошганди.

Шундай қилиб орадан бир йил ўтиб аҳоли учун электр энергия нархлари қуйидагича ўзгаради:

☯️200 кВт/соатгача истеъмол қилинганда 450 сўмдан 600 сўмгача;
☯️201 кВт/соатдан 1000 кВт/соатгача 1000 сўм (ҳозирда 900 сўм);
☯️1000 кВт/соатдан 5000 кВт/соатгача 1500 сўм (ҳозирда 1350 сўм);
☯️5 000 кВт/соатдан 10 000 кВт/соатгача 1 750 сўм (ҳозирда 1575 сўм);
☯️10 минг кВт/соатдан ортиқ ортиқ истеъмол учун 2 000 сўм (ҳозирда 1800 сўм).

Газ нархлари эса:

☯️100 куб метргача газ истеъмол қилинганда 650 сўмдан 1000 сўмгача ошади;
☯️101 кубометрдан 2500 кубометргача 1800 сўм (ҳозирда 1500 сўм);
☯️2500 дан 5000 минг кубометргача 2100 сўм (ҳозирда 1950 сўм);
☯️5000 дан 10000 куб метргача 2500 сўм (ҳозирда 2275 сўм);
☯️10 минг куб метрдан юқори бўлганда 3000 сўм (ҳозирда 2600 сўм) этиб белгиланади.

Газ нархлари истиш мавсумида (ноябрдан февралгача) 500 куб метргача 100 куб метр нархида ҳисобланади.

Аввалдан тўлов қилинганда тарифлар аҳоли учун 2 ой муддатда эски нархда амал қилади.

@bankir

❗️Олтин нархи яна рекорд ўрнатди

Бугун, Марказий банк олтин қуймалари нархини 1 гр учун биринчи марта 1,3 млн сўмдан белгилади.

Натижада 100 гр қуймалар нархи илк бор 130 млн сўмга етди. Бу қуймалар биринчи марта январь ойида 116,6 млн сўм нарх билан сотувга чиқарилган эди.

⚡️2 ойдан бироз кўпроқ вақт ичида уларнинг нархи 14 млн сўмга кўтарилди.

Олтиннинг жаҳон нархлари ҳам троя унцияси учун 3 080 долларга чиққач, янги рекорд қайд этилди.

Goldman Sachs йил охиригача нарх 3 300 доллар атрофида бўлишини прогноз қилмоқда.

@bankir

❗️28 март — ойнинг охирги расмий иш куни. Банклараро тўловларни қабул қилиш 20:00 гача узайтирилди.

@bankir

🩵Рамазон ҳайити муборак бўлсин

Барча эзгу ниятларингиз ушалишини, оилангиз ҳар доим тинч ва фаравон бўлишини тилаб қоламиз!

@bankir

🏦 “Трастбанк” хусусий акциядорлик банки томонидан аҳоли бандлигини таъминлаш ва даромадли қилиш бўйича қатор чора-тадбирлар тизимли равишда амалга ошириб келинмоқда. Хусусан, “маҳалла банкирлари” ва “ёрдамчи-агент”лар фаолияти йўлга қўйилди. Улар нафақат кредит ажратилиши, балки молиявий маслаҳат, бизнес-режа тайёрлаб бериш, лойиҳаларини амалга оширишда ҳамроҳлик қилиш каби хизматлари орқали аҳолининг даромадини оширишга кўмаклашади.

Бу саъй-ҳаракатлар Тошкент шаҳридаги “Ал-Хоразмий”, “Аҳмад Югнакий”, “Азамат”, “Бектўпи”, “Бўстон”, “Гулобод”, “Ийк ота”, “Камолон дарвоза”, “Мажнунтол”, “Тахтапул” МФЙда ҳам жадал амалга оширилмоқда. Ушбу маҳаллаларда жорий йилнинг январь-март ойларида жами 1 млрд 434 млн сўмлик 120 та микролойиҳа ишга туширилди. Бунинг натижасида эса 252 нафар аҳоли иш билан таъминланди.

Пойтахтимизнинг “Камолон дарвоза” маҳалласида истиқомат қилувчи Назокат Шукурова автомашиналарга техник хизмат кўрсатиш устахонасини очиб, 4 нафар хотин-қизни иш билан таъминлаган.

– Ёшлигимдан ушбу соҳага қизиқаман, – деди у. – Бу қизиқиш 2015 йилда алоҳида бир устахона очишга туртки бўлди. Аёллар машиналари бузилиб қолса тўғридан-тўғри бизга мурожаат қилишади. Кимнингдир машинасида бензин тугаб қолган бўлса, яна айримларда “аккумлятор” ишдан чиққан. Уларга шу ернинг ўзида ечим топамиз. “Трастбанк”нинг “маҳалла банкирлари” ажратилаётган имтиёзли кредитлар, уларни олиш тартиби, бизнес ғояларни яратиш ва амалиётга татбиқ ҳақида мунтазам маълумот беришади. Келажакда фаолиятимизни янада кенгайтириш ва ишчи ўринлари сонини кўпайтириш истагидаман. Бунда “Трастбанк”нинг молиявий кўмагидан фойдаланаман.

Йўлга қўйилган ушбу янги тизим ҳудудларда тадбиркорлар сафининг кенгайишига, аҳоли бандлигини таъминлашга замин яратмоқда. Зеро, маҳалла банкирлари – ривожланиш сари муҳим қадам.

Батафсил видеода танишишингиз мумкин.

👉Каналга уланинг: @trastbank_press

Реклама

❗️Қайси иловалар орқали комиссиясиз пул ўтказса бўлади?

— Chakanapay иловаси — 10 млн сўмгача;
— Smart bank иловаси орқали — 5 млн сўмгача;
— “Халқ банки”нинг Xazna иловаси — 5 млн сўмгача;
— СҚБнинг SQB Mobile иловаси — 5 млн сўмгача;
— “Ҳамкорбанк”нинг Hamkor иловаси — 5 млн сўмгача;
— “Даврбанк”нинг Davr Mobile 2.0 иловаси — 3,5 млн сўмгача;
— “Тенге банк”нинг Tenge24 иловаси — 3 млн сўмгача;
— “Миллий банк”нинг Миллий иловаси — 3 млн сўмгача;
— “Микрокредитбанк”нинг Mavrid иловаси — 3 млн сўмгача;
— SelloPay иловаси — 3 млн сўмгача;
— Alif иловаси — 1 млн сўмгача;
— OQ иловаси — 1 млн сўмгача.

TBC Bank'нинг Salom картаси билан TBC иловасида комиссиясиз ўтказмаларни амалга ошириш мумкин. Картага бу ердан буюртма беринг.

Click иловасида “Менинг оилам” бўлимида оила аъзоларингиз ўртасида исталганча пулни комиссиясиз ўтказсангиз бўлади.

Деярли барча банкларда Humo'дан Humo'га пул ўтказмалари бепул ҳисобланади. Банк ўз карталари орасидаги ўтказмалар ҳам аксарият банкларнинг иловасида фоизсиз ёки кам фоиз билан амалга оширилади.

Иловаларни Google Play ва App Store'дан юклаб олиш мумкин.

@bankir

Доллар тушади

2 апрель куни амал қиладиган доллар курси 🔽11-12 сўм атрофидa пасайиши прогноз қилинмоқда

Банкларга долларни сотиш бўйича энг яхши курслар:

Universalbank — 12 910
BRB — 12 905
Anorbank — 12 905
NBU — 12 900

Банклардан долларни сотиб олиш бўйича энг яхши курслар:

Anorbank — 12 945
Xalq Banki — 12 950
Tengebank — 12 960
Davrbank — 12 960

@bankir