Доллар тушди

15 январь куни амал қиладиган долларнинг расмий курси 12 971 сўмдан (-1,08 сўм) ҳисобланади.

@bankir

“Янги банк” 2024 йилда 31,9 млрд сўм зарар кўрди

2023 йил майида Марказий банкда лицензия олган “Янги банк” 2024 йилни ҳам зарар билан якунлади.

Банк 2023 йилда 2,7 млрд сўм зарар кўрган бўлса, 2024 йилга келиб зарар миқдори 31,9 млрд сўмгача ошди.

Йил давомида банкнинг зарар кўришига асосий сабаб, операцион харажатларнинг кўплиги бўлди.

@bankir

Ўзбек телеграм-сегменти учун бу чинакам топилма! Канал админи обуначилари учун ҳақиқатдан ҳам фойдали контентни жойлаб бораркан.

Таҳлиллар, замонавий трендлар, феноменлар ҳақида қизиқарли маълумотлар.

Қизиқми?

Каналга обуна бўлинг: t.me/safarblog

3 та банк 2024 йилнинг энг кўп солиқ тўловчилари қаторидан жой олди

2024 йилда Ўзбекистонда энг кўп солиқ тўлаган 10 та давлат ва 10 та хусусий корхоналар ичидан 3 та банк ўрин олди.

“Миллий банк” 1,4 трлн сўм солиқ тўлаб, давлат улуши мавжуд корхоналар орасида 9-ўринни эгаллади.

“Капиталбанк” ва “Ҳамкорбанк” мос равишда 610,3 млрд ва 539,9 млрд сўм солиқ тўлаб хусусий компаниялар орасида бўлди.

Йил давомида Топ-10 хусусий солиқ тўловчилар қаторида бўлиб келган “Корзинка” супермаркетлар тармоғи, йил якунида бу рўйхатга кира олмади.

@bankir

“Миллий банк” 2024 йилда 1,7 трлн сўм фойда олди

Ўзбекистондаги энг йирик банклардан бири “Миллий банк” 2024 йилни 1,7 трлн сўм фойда билан якунлади.

Банкнинг фойдаси 2023 йилга нисбатан деярли ўзгармади — 5,6 млрд сўмга кўпроқ.

Фоизли даромадлар 18,6 фоизга сезиларли ошиб, 15,2 трлн сўмни ташкил қилган бўлса, фоизсиз даромадлар атига 1,9 фоизга ошди ва 7,4 трлн сўмга етди.

Харажатлар бўйича фоизли харажатлар 31,6 фоизга, фоизсиз харажатлар эса 19,5 фоизга ошди ва мос равишда 9,8 трлн ва 905,8 млрд сўмни ташкил қилди.

Операцион харажатлар 21 фоизга ўсди. Бунда ходимларга маошлар 15,8 фоизга ошиб, 1,1 трлн сўмга етди.

“Миллий банк” 2024 йилда 1,4 трлн сўм билан энг кўп солиқ тўловчи банк мақомини ҳам сақлаб қолди.

Аввалги йилларда банкнинг фойдаси қуйидагича бўлган:

2019 йил — 1,04 трлн;
2020 йил — 905 млрд;
2021 йил — 983 млрд;
2022 йил — 2,4 трлн;
2023 йил — 1,7 трлн.

@bankir

Банкларнинг Call-марказлари қандай ишлаяпти?

SNS Ratings томонидан банкларнинг Call-марказлари орқали мижозларга хизмат кўрсатиш даражаси таҳлил қилинибди.

Рейтингда 31 та банк иштирок этган. Тўлиқ таҳлил билан бу ерда танишиш мумкин.

@bankir

Доллар тушди

16 январь куни амал қиладиган долларнинг расмий курси 12 962,01 сўмдан (-8,99 сўм) ҳисобланади.

@bankir

200 минглик 50 мингликдан кўпроқ

Марказий банк Ўзбекистонда муомалада бўлиб турган сўмдаги пуллар сони 152 млн дона эканини маълум қилди.

Берилган маълумотларга қарайдиган бўлсак, одамлар қўлидаги ҳар 5 та пулдан 2 таси (40,9 фоизи) 100 000 сўмлик банкнотадир.

Йил давомида 200 000 сўмлик банкнота 50 000 сўмликни қувиб ўтди ва иккинчи ўринга кўтарилиб олди.

Айни пайтда барча пулларнинг 23,4 фоизи 200 000 сўмлик ҳисобланади. Ушбу банкнота муомалага чиқарилган илк йилда бу кўрсаткич 11 фоиздан бироз юқори эди.

Буёғига инфляция ва аҳолининг даромадлари ошиб бориши натижасида 200 000 сўмлик пуллар оммалашишда давом этади.

Ҳозирда энг йирик банкнота — 200 000 сўмлик бўлиб турибди. Яқин йилларда Марказий банк каттароқ пулларни ҳам муомалага чиқариши ҳақиқатга яқин.

@bankir

АҚШ Қирғизистон банкига санкциялар қўллади

15 январ куни АҚШ Молия вазирлиги Қирғизистоннинг “Керемет банк”ига нисбатан санкциялар қўлланганини маълум қилди.

Сабаб сифатида банк Россиянинг “Промстройбанк”и билан молиявий алоқалар олиб боргани келтирилган.

“Промстройбанк” Россия мудофаасининг асосий қўллаб-қувватловчиси сифатида қаралади.

@bankir

Доллар тушди

17 январь куни амал қиладиган долларнинг расмий курси 12 955,26 сўмдан (-6,75 сўм) ҳисобланади.

@bankir

Биринчи марта сотувга чиқарилган 100 гр олтин қуйманинг нархи 116 603 000 сўм қилиб белгиланди.

Уларни банклардан бориб сотиб олиш мумкин.

@bankir

Қозоғистон миллий банки асосий ставкани 15,25 фоиз кўринишида сақлаб қолди.

Ўзбекистон Марказий банки томонидан асосий ставка (айни пайтда 13,5 фоиз) 23 январь куни қайта кўриб чиқилади.

@bankir

Binance Ўзбекистонга расмий кириб келмоқда

Binance кирптобиржаси ва Истиқболли лойиҳалар миллий агентлиги (ИЛМА) ўзаро келишувга эришди. Энди ўзбекистонликлар ҳам Binance орқали криптовалюта олди-сотдисини амалга ошириши мумкин бўлади.

Binance криптобиржаси ўз фаолиятини қонунчилик билан белгиланган тартибда маҳаллий “CoinPay” МЧЖ (coinpay.uz) орқали амалга оширишни режалаштирмоқда.

ИЛМА 2024 йилда Binance'ни судга берганди. Шундан кейин криптобиржа 300 БҲМ миқдоридаги жаримани давлат бюджетига тўлиқ тўлаган.

@bankir

Доллар кўтарилди

20 январь куни амал қиладиган долларнинг расмий курси 12 967 сўмдан (+11,74 сўм) ҳисобланади.

@bankir

17 январь. Банклараро тўловларни қабул қилиш 18:00 гача узайтирилди.

Тўловларни қабул қилиш вақти 2025 йил ҳисобидан биринчи марта узайтирилмоқда.

@bankir

Банклар 2024 йилда қанча фойда кўрди?

Ўзбекистон банклари 2024 йилни 6 трлн 966 млрд сўм соф фойда билан якунлади.

Bankers.uz маълумотларига кўра, бу 2023 йилга нисбатан 5,4 трлн сўмга камроқ.

“Миллий банк” ўтган 2024 йилда ҳам энг кўп фойда олган банк мақомини сақлаб қолди. “Капиталбанк” фойдаси сезиларли пасайгани сабаб “Ҳамкорбанк” ҳамда “СҚБ” иккинчи ва учинчи ўринларга кўтарилиб олди.

Давлат банклари йилни умумий ҳисобда 317 млрд сўмлик зарар билан якунлади.

Энг кўп зарар кўрган банклар ҳам сезиларли фарқ билан давлат банклари бўлди — “БРБ” ва “МКБанк”. Улар мос равишда 2,2 трлн сўм ва 1,7 трлн сўм зарар кўрди. Умумий ҳисобда 9 та банк йилни зарар билан ёпди.

Йил давомида фойдаси бошқаларга қараганда энг кўп ўсган банк TBC Bank бўлди — +748,5 фоиз. Банк фойда бўйича умумий рўйхатда 11-ўринни эгаллади.

ТОП-10 энг кўп фойда кўрган банклар орасида атига 2 таси давлат банки бўлди.

@bankir