Россия президентининг мурожати пайтида Россия Федерациясининг акция бозоридаги ҳолат

Криптовалюта "портлаши" глобал энергия инқирозига олиб келиши мумкин

Фитч таҳлилчиларининг фикрича, тартибга солинмаган криптовалюта ўсиши энергетика секторига таҳдид солиши ва иқтисодиётнинг бошқа тармоқларини, айниқса ривожланаётган бозорни электрлаштиришни секинлаштириши мумкин.

2021 йилда криптовалюталарнинг глобал портлаши майнинг (эмиссияси ҳеч ким томонидан назорат қилинмайдиган виртуал пулларни қўлга киритиш жараёни) ривожланиши билан бирга глобал миқёсда электр энергияси истеъмоли 0,4дан 1%гача бўлган экотизимларнинг пайдо бўлишига олиб келди.

Биткоин ишлаб чиқариш барча криптоактив активларнинг 40%ни ташкил қилади, йиллик даражада 125 тераватт-соатни қамраб олади, буни Норвегия ёки Швеция каби бутун штатларнинг энергия истеъмоли билан солиштириш мумкин.

Майнерлар одатда электр энергияси паст бўлган ҳудудларни танлайдилар, чунки электр энергияси улар харажатларининг 90 фоизини ташкил қилади.

Энергетика сектори учун хавфлар, таҳлилчиларнинг фикрича, жиддийроқ тартибга солиш шарти билан чекланиши мумкин. Баъзи мамлакатлар ҳатто криптовалюталарни тақиқлаш мумкин деб ҳисоблашади.

Рубльнинг курси айни дақиқаларда

Маълум қилинишича, Сбербанк АҚШ санкциялари рўйхатига киритилган, шу муносабат билан у валюта шартномаларини бошқа банкларга ўтказишни сўраётгани ҳақида маълумотлар мавжуд.

Расмда Россиянинг йирик компаниялари акциялари нархлари биржада қанақа қулаётганини кўришингиз мумкин. Яқин тарихда бирор ривожланган давлат билан бунақаси бўлмаган. Россиянинг компаниялари йиллар давомида қилган ишлари бир тийин бўлаётганини, арзимаган соатларда иқтисод юзлаб миллиард доллар зарар кўраётганини жим кузатишимиз мумкин.

Россиянинг «Совкомбанк» банки мамлакатимиздаги «Ўзагроэкспортбанк» нинг 100% акцияларини сотиб олди. Келишув нархи — 4 млн доллар.

Ўзбекистон банклари Сбер билан ўтказмаларни тўхтатишни бошлади

Ҳамкорбанк "Сбербанк Онлайн" орқали юборилаётган маблағларни кирим қилишни биринчи бўлиб тўхтатди.

“Банк России” мамлакат молия секторини барқарорлигини таъминлаш учун керак бўлган барча ресурсларга эга - РФ Марказий банки

Халқаро савдо платформаларида рубль тарихий минимумга — доллар ва еврога нисбатан 30%гача қадрсизланди. Душанба куни эрталаб 1 доллар 117 рубль, 1 евро эса 132 рублдан ошмоқда.

"Ипак йўли" банки Ўзбекистон банклари орасида Hamkorbank'дан кейин иккинчи бўлиб "Сбербанк Онлайн" мобил иловаси орқали жўнатилган ўтказмаларни банк карталарига кирим қилишни ҳам вақтинча тўхтатганини маълум қилди. Бу ҳақда банк расмий Телеграм каналида хабар берилди.

Банк, шуниндек, техник сабабларга кўра "Unistream" орқали пул ўтказмаларини жўнатиш ва қабул қилишни ҳам вақтинча тўхтатган. Шу билан бирга, хабарда банк офисларида "Western Union", "MoneyGram" ва "Золотая Корона" тизимлари одатдагидек тартибда фаолият кўрсатаётганлиги айтилган.

Россия Марказий банки асосий ставкани 20%гача кўтарди.

Россия Молия вазирлиги 28 февралдан экспортёрларга валюта тушумларининг 80%ини мамлакат резидентларига мажбурий сотишни жорий қилди.

Москва биржасининг очилишида янги максимум қайд этилди. Доллар 90 рублгача, евро 101 рублгача кўтарилди.

Москва биржасида доллар — 110 рубль, евро —126 рубль.

❗️Айтишларича, UzAuto автомобилларига олдиндан тўлов миқдорини 85 фоиздан 50 фоизга туширган.

Шунингдек, шартнома шартларида автомобилларни етказиб беришда кечикишлар кузатилган тақдирда мижозга компенсация тўланиши ҳақида банд ҳам қўшилган.

Apelsin иловаси орқали Россияга пул маблағларини жўнатиш ва қабул қилиш вақтинча тўхтатилган.

Февраль ойида инфляция 0,51%ни, йиллик инфляция эса 9,69%ни ташкил этган.

Россия компаниялари кўраётган зарар ошишда давом этмоқда

"Апельсин" банки раҳбари Сергей Гимадиевнинг айтишича, рубль курсининг тез ўзгараётганлиги сабабли ушбу валютада пул жўнатиш ва қабул қилиш вақтинча тўхтатилган. VISA, Mastercard, Western Union ва бошқа тўлов тизимларида пул ўтказмалари билан амалиёт одатдаги тартибда олиб борилмоқда.

Россия компанияларининг нархи

2022 йил 1 феврал
Газпром: $102 млрд
Сбербанк: $75 млрд
Роснефть: $63 млрд

2022 йил 1 март
Газпром: $36 млрд
Роснефть: $31 млрд
Сбербанк: $7 млрд

Иқтисодчи Отабек Бакиров ҳозирда Россиядан Ўзбекистонга рубль жўнатиб ютишдан кўра кўпроқ ютқазишилини ёзмоқда. Мисол учун, банкларнинг айирбошлаш шохобчаларида рубль сотиш мумкин банкларнинг бугунги курслари:

Азия-Алъянс банк: 1 рубль -70 сўм.

Миллий банк: 1 рубль - 80 сўм.

Капиталбанк 1 рубль - 79 сўм.

Тенгебанк: 1 рубль - 70 сўм.

Масалан, 10000 рубль жўнатган бўлсангиз, бу кўпи билан 800000 сўм бўлади. Долларга чаққанда бугунги сотиб олиш курси билан бу 73 доллар бўлади.

Бошқача айтганда, 1 доллар энг яхши ҳолатда 137 рублга айланмоқда.