❗️Субсидияга ариза бериш бошланди

Бугун соат 9:00 дан бошлаб ипотека кредитига субсидия олиш учун қабул очилди. Қандай қилиб субсидия олиш мумкинлигини ҳозир сизга тушунтирамиз.

Субсидия давлат томонидаган берилган ёрдам бўлиб, уни қайтаришингиз шарт эмас. 2024 йилдан бошлаб янги уйлар учун ипотека кредитларига қатъий белгиланган 30 млн сўм тўлаб берилмоқда.

Шунингдек, субсидия қуйидаги тартибда ҳам тўланиши мумкин:

⏺Дастлабки тўловнинг бир қисмини қоплаш учун — ажратиладиган кредитнинг 15 фоизи миқдорида;
⏺фоиз тўловларининг бир қисмини қоплаш учун — кредит муддатининг биринчи 5 йили давомида 12 фоиздан ошган қисмига.

Даромадлар

Субсидия учун ариза берувчининг, агар биргаликда ариза берилаётган бўлса у ва турмуш ўртоғининг ёки яқин қариндошларининг даромадлари белгиланган чегарада бўлиши керак:

⏺Қорақалпоғистон Республикаси ва вилоятларда — МҲТEКМнинг 2,7 бараваридан (2 млн 835 минг сўм) 8 бараваригача (8 млн 400 минг сўм);
⏺Тошкент шаҳрида — МҲТEКМнинг 2,7 бараваридан (2 млн 835 минг сўм) 9,2 бараваригача (9 млн 660 минг сўмгача) бўлиши зарур.

Мазкур талабга тўғри келмаган фуқароларнинг субсидия учун аризаси дарҳол рад этилади. Бу субсидияга мухтож қатламни мақсадли аниқлаш учун муҳим.

Кимларда субсидия олиш эҳтимоли катта?

Ижтимоий ҳимоя муҳтож, ногиронлиги бўлган шахслар, ёш оилалар ва ўз номида уй мавжуд бўлмаганлар субсидия олишда устунликка эга бўлади.

Ариза берувчи бир қанча кўрсаткичлар асосида умумий 50 баллдан камида 30 балл оладиган бўлса, субсидия олиши мумкин.

Субсидия бериш яна қай ҳолатда рад этилади?

⏺тақдим этилган аризада кўрсатилган маълумотлар ижтимоий мезонларга мос келмаганда;
⏺тақдим этилган маълумотлар нотўғри ёки сохта бўлганда;
⏺илгари имтиёзли ипотека кредитларидан фойдаланган ҳолда субсидия олганлар (аввал олинган уй-жой бошқа шахсга бегоналаштириб юборилган тақдирда ҳам) такрорий мурожаат этганда;
⏺жорий йилда ҳудуд учун ажратиладиган субсидия сони тугаганда.

Қанча кредит берилади?

Ўзбекистонликларга субсидия асосида ипотека кредити Қорақалпоғистон Республикаси ва вилоятларда 330 млн, Тошкент шаҳрида эса 420 млн сўмгача берилади.

Бунда бошланғич тўлов 15 фоиз, кредитнинг фоиз ставкаси эса йиллик 17,5 фоиз бўлади. Агарда сиз сотиб олмоқчи бўлган уй ушбу миқдордан ошиб кетса, банк ўз маблағларидан бозор шартларида (26 фоиз атрофида) қарз ажратиши мумкин.

Субсидия учун аризалар 19 иш кунида кўриб чиқилади. Ариза берувчилар сони кўп бўлганда, ким аввалроқ ариза берган бўлса, шунга биринчи субсидия ажратилади.

➡️Шундай экан my.gov.uz порталига кириб, “Ипотека кредитига Давлат субсидиясини олишга ариза бериш” хизмати орқали дарҳол ариза топширинг!

@bankir

Доллар кўтарилади

24 сентябрь куни амал қиладиган доллар курси 🔼19-20 сўм атрофида ошиши кутилмоқда

Банкларга долларни сотиш бўйича энг яхши курслар:

NBU — 12 700
Hamkorbank — 12 700
BRB— 12 690
Trastbank — 12 690

Банклардан долларни сотиб олиш бўйича энг яхши курслар:

Sederatbank — 12 740
Ipotekabank— 12 745
BRB — 12 745
Aloqabank — 12 750

@bankir

Олтин 2 630 доллардан ошди

Жаҳон биржаларида олтининг бир троя унцияси учун нархи 2 630 доллардан ошди. Бу навбатдаги тарихий рекорд бўлди.

Яқин шарқдаги нотинчликлар ва Россия-Украина урушининг ноаниқлиги олтинга бўлган талабни юқори ушлаб турмоқда.

Ўзбекистонда ҳам олтин нархи рекорд даражага чиқди. Қуймалар биринчи марта грамми учун 1,1 млн сўмдан қимматроққа баҳоланмоқда:

⏺5 гр — 5 545 000 сўм;
⏺10 гр — 11 090 000 сўм;
⏺20 гр — 22 180 000 сўм;
⏺50 гр — 55 449 000 сўм.

Қуймаларни қаердан сотиб олиш ва олтин нархи билан боғлиқ вазият ҳақида бу ердан ўқишингиз мумкин.

@bankir

❗️Янги уй олмоқчи бўлганлар пулни қурувчига эмас, банкка топширади

Президент бугунги йиғилишда уй-жой сотиб олиш бўйича кафолатли эскроу тизими жорий қилинишини маълум қилди.

Бунда қурувчилар ўзлари қураётган уйлар сотувини ташкил қилиш бўйича банклар билан шартнома тузади, бу уйларни олмоқчи бўлган одамлар пулини қурувчига эмас, тўғридан-тўғри банкка топширади.

Банклар эса йиғилган пулни қурувчига ресурс сифатида беради. Шунда банклар қурувчи ва харидор ўртасида кўприк бўлиб, уй-жойни ўз вақтида ва сифатли қуриб, эгасига топширишга кафил бўлади.

Янги тизим Самарқанд шаҳри, Янгиҳаёт ва Сергели туманларида бир йил давомида тажрибадан ўтказилиши белгиланди.

@bankir

Доллар кўтарилади

25 сентябрь куни амал қиладиган доллар курси 🔼8-9 сўм атрофида ошиши кутилмоқда

Банкларга долларни сотиш бўйича энг яхши курслар:

NBU — 12 720
Hamkorbank — 12 710
BRB— 12 710
Trastbank — 12 710

Банклардан долларни сотиб олиш бўйича энг яхши курслар:

Tengebank — 12 760
Asia Alliance Bank— 12 760
Hayotbank — 12 760
BRB — 12 770

@bankir

❗️Камбағал оилаларга гаровсиз ва фоизсиз кредитлар берилади

Президентнинг камбағалликни қисқартириш бўйича янги фармони қабул қилинди. Унда бир нечта янгиликлар бор.

⏺камбағал оилаларга ноутбук сотиб олиш учун 5 йил муддатга 2 йил имтиёзли давр билан гаровсиз ва фоизсиз қарз ажратилади;

⏺тадбиркорлик фаолиятини бошлаш учун қиймати 30 млн сўмгача бўлган кичик ишлаб чиқариш ускуналари, кўчма дўконлар (food truck), мотороллер, скутер ва шу каби бошқа асосий воситаларни сотиб олиш учун 5 йил муддатга бўлиб-бўлиб тўлаш шарти билан гаровсиз ва фоизсиз қарз ажратилади.

Бунда “Халқ банки” ва “Микрокредитбанк”нинг бириктирилган раҳбарларининг хулосаси асос сифатида қабул қилинади.

@bankir

Доллар кўтарилади

26 сентябрь куни амал қиладиган доллар курси 🔼3-4 сўм атрофида ошиши кутилмоқда

Банкларга долларни сотиш бўйича энг яхши курслар:

NBU — 12 720
Hamkorbank — 12 720
Hayotbank— 12 720
Agrobank — 12 720

Банклардан долларни сотиб олиш бўйича энг яхши курслар:

Tengebank — 12 760
Asia Alliance Bank— 12 770
Ipotekabank — 12 770
Kapitalbank— 12 770

@bankir