Тарихий Олимпиада

Ўзбекистон Олимпиа ўйинларидаги иштирокини якунлади. Париж биз учун тарихий мусобақага айланди ва унда қуйидаги спортчилар медаль билан қайтмоқда:

🥇Диёра Кедлиёрова (Дзюдо)
🥇Улуғбек Рашитов (Tаэквондо)
🥇Ҳасанбой Дўстматов (Бокс)
🥇Абдумалик Ҳалоков (Бокс)
🥇Асадхўжа Мўйдинхўжаев (Бокс)
🥇Лазизбек Муллажонов (Бокс)
🥇Баҳодир Жалолов (Бокс)
🥇Разамбек Жамалов (Эркин кураш)
🥈Акбар Жўраев (Оғир атлетика)
🥈Светлана Осипова (Tаэквондо)
🥉Музаффарбек Тўрабоев (Дзюдо)
🥉Алишер Юсупов (Дзюдо)
🥉Ғуломжон Абдуллаев (Дзюдо)

Ўзбекистон учун Париж Олимпиадасидаги натижа рекорд бўлди — 8 та олтин, 2 та кумуш ва 3 та бронза. Таққослаш учун сўнгги 4 та Олимпиада юртдошларимиз умумий 7 та олтин олган эди.

Бу сафарги Олимпиадада Ўзбекистон МДҲ давлатлари, Исломий давлатлар, Туркий халқлар ва Ўрта Осиё бўйича биринчи ўринни эгаллади. Осиёда эса Хитой, Япония ва Жанубий Кореядан кейин тўртинчи ўринни қайд этди.

Дунё бўйича эса Ўзбекистон 13-ўринни эгаллади.

Олимпиадада олтин медални қўлга киритган спортчига 200 минг доллар, кумуш медали эгасига 100 минг, бронза соҳибига эса 50 минг доллар ваъда қилинган.

Шунингдек, мураббийлар ҳам мос равишда 50 минг, 25 минг ва 12,5 минг доллардан мукофот пуллари олади.

Шундай қилиб спортчилар ва унинг мураббийларига умумий 2,5 млн долларга яқин мукофот пуллари берилиши кутилмоқда. Бундан ташқари квартира, енгил автомобиль каби бошқа совғалар ҳам берилиши мумкин.

Барчани тарихий ғалабалар ва тарихий Олимпиада билан табриклаймиз.

@bankir

Доллар тушади

13 август куни амал қиладиган доллар курси 🔽11-12 сўм атрофида пасайиши прогноз қилинмоқда

Банкларга долларни сотиш бўйича энг яхши курслар:

BRB — 12 640
Xalq banki — 12 640
Mikrokreditbank — 12 640

Банклардан долларни сотиб олиш бўйича энг яхши курслар:

Anorbank — 12 670
Octobank — 12 690
Hamkorbank — 12 690

@bankir

Тўлиқ таъмирланган уйлар ижараси қимматлашни бошлади

Мутахассислар Тошкентда уйларнинг ижара нархи ўзгаришини ҳар ой таҳлил қилиб келмоқда.

Июл ойида Тошкент шаҳрида ўртача таъмирланган хонадонлар учун ижара нархлари пасайишда давом этган (0,7 фоизга) бўлса, тўлиқ таъмирланган хонадонлар учун ижара нархларининг бироз ошиши (0,3 фоизга) кузатилди.

Пойтахтда 1 кв метр учун ўртача таъмирланган уйларнинг ижара нархи бўйича энг арзон ва энг қиммат туманлар қуйидагича:

Энг арзон:
⏺Сергели (1 хонали – 273 доллар, 2 хонали – 335 доллар, 3 хонали – 379 доллар, 4 хонали – 420 доллар),
⏺Олмазор (1 хонали – 288 доллар, 2 хонали – 343 доллар, 3 хонали – 417 доллар, 4 хонали – 451 доллар)

Энг қиммат
⏺Яккасарой (1 хонали – 348 доллар, 2 хонали – 438 доллар, 3 хонали – 574 доллар, 4 хонали – 604 доллар)
⏺Миробод (1 хонали – 334 доллар, 2 хонали – 433 доллар, 3 хонали – 557 доллар, 4 хонали – 713 доллар)

Тўлиқ таъмирланган уйларнинг ижара нархи бўйича энг арзон ва энг қиммат туманлар эса қуйидагича:

Энг арзон:
⏺Сергели (1 хонали – 341 доллар, 2 хонали – 400 доллар, 3 хонали – 506 доллар, 4 хонали – 591 доллар)
⏺Учтепа (1 хонали – 359 доллар, 2 хонали – 438 доллар, 3 хонали – 552 доллар, 4 хонали – 671 доллар)

Энг қиммат:
⏺Миробод (1 хонали – 447 доллар, 2 хонали – 736 доллар, 3 хонали – 1042 доллар, 4 хонали – 1300 доллар)
⏺Яккасарой (1 хонали – 443 доллар, 2 хонали – 658 доллар, 3 хонали – 388 доллар, 4 хонали – 1170 доллар)

@bankir

❗️2024 йил 1 сентябрдан бошлаб пенсиялар ва нафақалар миқдори 15 фоизга оширилди.

Бунда:

пенсияни ҳисоблашнинг базавий миқдори – ойига 428 000 сўм;

ёшга доир энг кам пенсия миқдори – ойига 834 000 сўм этиб белгиланди.

1 октябрдан эса:

меҳнатга ҳақ тўлашнинг энг кам миқдори – ойига 1 155 000 сўм;

базавий ҳисоблаш миқдори – 375 000 сўм бўлади.

@bankir

Доллар тушади

14 август куни амал қиладиган доллар курси 🔽10-11 сўм атрофида пасайиши прогноз қилинмоқда

Банкларга долларни сотиш бўйича энг яхши курслар:

Agrobank — 12 630
BRB — 12 625
NBU — 12 620

Банклардан долларни сотиб олиш бўйича энг яхши курслар:

Anorbank — 12 670
NBU — 12 670
Turonbank — 12 670

@bankir

❓Банклар қандай ҳолатларда мижоздан шахсни тасдиқловчи ҳужжат сўрашга ҳақли?

— эквиваленти 100 АҚШ долларидан ошган миқдорда чет эл валютасининг сотиб олганда;
— банк картасини олиш учун ариза билан мурожаат қилганда;
— банк омонатини очиш учун ариза билан мурожаат қилганда;
— қимматли қоғозларни харид қилиш учун ариза билан мурожаат қилганда;
— кредит олиш учун мурожаат қилганда;
— банкнинг депозит ячейкаларидан фойдаланиш учун мурожаат қилганда;
— БҲМнинг (13.08.2024й. санасига 340 000 сумни ташкил этади) 500 бараварига тенг ёки ундан ошган суммада банк операцияларни амалга оширишда;
— БҲМнинг 36 бараварига тенг ёки ундан ошган суммада ички электрон пул ўтказмалари юборишда.

Манба: Finlit.uz

@bankir

❗️Банк омонатларини кафолатлашда 200 млн сўмлик чегара қўйилмоқда

Олий Мажлис Қонунчилик палатасининг навбатдаги мажлисида “Банклардаги омонатларни ҳимоялаш кафолатлари тўғрисида”ги қонун лойиҳаси биринчи ўқишда қабул қилинди.

Ҳозиргача Ўзбекистон банкларида омонатлар миқдори 100 фоиз давлат томонидан кафолатланади. Бундай тизим 2008 йилги молиявий инқироздан кейин йўлга қўйилган эди.

Янги таклиф этилаётган қонун лойиҳаси билан фуқароларнинг банклардаги кафолатланган омонатлари миқдори 200 млн сўм этиб белгиланмоқда.

Ҳисоб-китобларга кўра, бу чегара 99,7 фоиз омонатчиларга таъсир қилмайди.

Аммо бир одамдан 200 млн сўмдан ошиқ омонат олган банклар ҳам жавобгарликдан озод этилмайди.

Омонатчилар банк тугатилган тақдирда 200 млн сўмдан ошиқ маблағларини банкдан талаб қилиши мумкин.

Шунингдек, банк тугатилганда, омонатларни қайтаришни бошлаш муддати босқичма-босқич 7 иш кунигача қисқартирилмоқда.

Бу қандай таъсир қилади?

Сўнгги йилларда банк тизимида омонатчилар сони кўпайиб бораётганига асосий сабаблардан бири айнан омонатларнинг 100 фоиз кафолатлангани эди. Ҳаттоки айрим банклар бу тизимдан реклама воситаси сифатида фойдаланди.

200 млн сўмлик чегара аксарият омонатчиларга таъсир қилмасада, бироз вақт “200 млн сўмдан кўп пул қўйсам, қайтариб ололмайман” мазмунидаги нотўғри тушунчани шакллантириши мумкин.

Бошқа томондан, кафолатланган чегара омонатчилар учун маъсулиятни оширади.

Одамлар банкка омонат қўйишдан олдин, банк фаолияти билан қизиқишни бошлайди, молиявий кўрсаткичларни текширади, янгиликларни кузатади. Бу эса ўз навбатида аҳолининг молиявий билим даражасига ҳам ижобий таъсир кўрсатиши мумкин.

Кўплаб давлатларда омонатларнинг кафолатланган чегараси мавжуд. Масалан бу кўрсаткич Россияда 15,4 минг доллар, Қозоғистонда 43,1 минг доллар, Туркияда 14 минг доллар ҳисобланади.

@bankir

Доллар бироз кўтарилади

15 август куни амал қиладиган доллар курси 🔼4-5 сўм атрофида ошиши кутилмоқда

Банкларга долларни сотиш бўйича энг яхши курслар:

Agrobank — 12 620
BRB — 12 610
NBU — 12 610

Банклардан долларни сотиб олиш бўйича энг яхши курслар:

Kapitalbank — 12 650
NBU — 12 660
Turonbank — 12 660

@bankir

Доллар кўтарилади

16 август куни амал қиладиган доллар курси 🔼28-29 сўм атрофида ошиши кутилмоқда

Банкларга долларни сотиш бўйича энг яхши курслар:

Agrobank — 12 620
Mikrokreditbank — 12 620
BRB — 12 615
NBU — 12 610

Банклардан долларни сотиб олиш бўйича энг яхши курслар:

Asia Aliance Bank — 12 650
NBU — 12 660
Aloqabank — 12 660
Kapitalbank — 12 665

@bankir