❗️Микромолия банклари пайдо бўлишига оз қолди

Микромолия банкалрини ташкил этишга қаратилган қонун лойиҳаси Олий Мажлисда биринчи ўқишда кўриб чиқилди.

Лойиҳа орқали микромолия ташкилотларини микромолия банкларига айланиши ва ўз навбатида микромолия банкларини тижорат банклари даражасига кўтарилишининг ҳуқуқий асоси яратилади.

Бу занжир молиявий хизматларга бўлган эҳтиёжни қондириш ҳамда ҳудудларда микромолиявий хизматлардан фойдаланиш кўламини ошириш имконини бериши айтилмоқда.

Маълумот учун, 2023 йил ноябрь ойида қабул қилинган президент қарори билан микромолия банкларини ташкил қилишга рухсат берилган эди.

Марказий банкнинг устав капитали талабларини бажара олмаган банклар ҳам кейинчалик микромолия банкларига айланиши мумкин.

Банкларнинг устав капитали чегараси 2023 йилдан бери доимий ошириб келинмоқда. 1 январдан эса камида 500 млрд сўмлик чегара кучга киради.

Бу айрим банклар учун қийинчиликлар туғдирмоқда ва Марказий банк доимий равишда улар учун муддатни узайтириб келмоқда.

Микромолия банклари учун қонуний асос яратилаётгани айрим банклар учун фойдали бўлиши ва микромолия ташкилотларини босқичма-босқич банкка айланишига ёрдам бериши мумкин.

@bankir

Доллар кўтарилади

9 август куни амал қиладиган доллар курси 🔼12-13 сўм атрофида ошиши кутилмоқда

Банкларга долларни сотиш бўйича энг яхши курслар:

BRB — 12 640
Aloqabank — 12 640
Garntbank — 12 640

Банклардан долларни сотиб олиш бўйича энг яхши курслар:

Tenge bank — 12 680
Anor bank — 12 680
Hamkorbank — 12 690

@bankir

“Асакабанк”, “Алоқабанк” ва СҚБнинг Tashkent City'даги биноларини сотиш бошланди

Давактив Tashkent City ҳудудидаги 3 та давлат банкига тегишли бўлган кўп қаватли бизнес марказларининг халқаро савдо жараёни бошланганини маълум қилди.

Бизнес марказлар учта алоҳида қисмга бўлинган ҳолда сотилади:

⏺“Ўзсаноатқурилишбанк”нинг кўп қаватли биноси
Умумий майдони: 82,284 кв.м;
Қаватларнинг умумий сони: 33
⏺“Асакабанк”нинг кўп қаватли биноси
Умумий майдони: 66,202 кв.м;
Қаватларнинг умумий сони: 26
⏺“Алоқабанк”нинг кўп қаватли биноси
Умумий майдони: 81,439 кв.м;
Қаватларнинг умумий сони: 26

Ушбу бинолар сотувга қўйилгани ҳақида маълумот май ойи охирида пайдо бўлган эди.

Ариза топшириш бўйича бир қанча шартлар бор ва уларни 2024 йилнинг 9 сентябрига қадар юбориш мумкин.

@bankir

Ипотекани қайта молиялаштириш компанияси ресурслари орқали банклар томонидан ажратилаётган ипотека кредит шартлари:

⏺Муддати — 20 йилгача
⏺Миқдори — 800 млн сўмгача Тошкент шаҳри кесимида, 500 млн сўмгача Қорақалпоғистон Республикаси ва вилоятлар кесимида
⏺Фоиз ставкаси — 21,5 %

Ушбу кредитни қуйидаги банклар ажратмоқда:

— Hamkorbank;
— InFinBank;
— OFB;
— Agrobank;
— Asakabank;
— Ipotekabank;
— SQB.

@bankir

Доллар тушади

12 август куни амал қиладиган доллар курси 🔽8-9 сўм атрофида пасайиши прогноз қилинмоқда

Банкларга долларни сотиш бўйича энг яхши курслар:

BRB — 12 650
Xalq banki — 12 650
Garntbank — 12 650

Банклардан долларни сотиб олиш бўйича энг яхши курслар:

Tenge bank — 12 690
NBU — 12 690
Octobank — 12 690

@bankir

Имтиёзли таълим кредитлари — талабалар учун имконият

Бугун абитуриентлар учун ўқишга йўналиш танлашнинг охирги куни. Ҳозирда улар олган баллига қараб 5 тагача йўналиш танлаши мумкин. Бу эса ўқишга кириш эҳтимолини оширади.

Шунга қарамай, айрим талабалар ва уларнинг ота-оналари 4 йил контракт тўлаш ҳақида ўйлаб, ваҳимага тушиши мумкин.

Аммо ҳавотирланишнинг ҳожати йўқ. Имтиёзли таълим кредитларидан фойдаланиш имконияти бор. Келинг шартларни кўриб чиқамиз.

Талаба кирган университет давлат, нодавлат ёки хорижийми фарқи йўқ, Ўзбекистонда бўлса бўлгани. Бироқ 2024/2025 ўқув йилидан бошлаб фақат кундузги таълимда ўқиётган бўлиши керак.

⚠️“Суперконтракт” асосида ўқишга қабул қилинган талабаларга ҳам имтиёзли таълим кредити ажратилмайди.

Кредит олувчининг даромадга эга бўлган оила аъзолари биргаликда қарз олувчи сифатида шартнома имзолаши мумкин.

➡️Имтиёзли таълим кредити расмий ўқиш тугагандан кейин 7-ойдан бошлаб 7 йил муддатга ажратилади. Масалан талаба 1-курс бўлса, 11 йилу 7 ой ичида кредитни тўлаши мумкин.

❗️Муҳим: кредит миқдори талаба ва таълим ташкилоти ўртасида тузилган шартномага асосан берилади.

🛍Фоиз ставкаси — 13,5 фоиз, Марказий банк асосий ставкаси билан бир хил. Агарда асосий ставка пасайса, имтиёзли таълим кредити фоизи ҳам пасаяди.

Таълим кредити қизлар ва аёллар учун фоизсиз ажратилади. Давлат олий таълим муассасаларига магистратурага кирган аёлларнинг контракти тўлиқ давлат томонидан қопланади.

Таълим кредити олиш учун қандай хужжатлар талаб этилади?
— Ариза
— Мижоз шахсини тасдиқловчи хужжат
— Кредит қайтарилиш таъминоти (гаров, кафил ва суғурта)
— Университет билан тузилган шартнома

“Ижтимоий ҳимоя ягона реестри”га кирган оилаларнинг фарзандларига ажратиладиган таълим кредити бўйича гаров ва кафиллик талаб этилмайди.

❗️Муҳим: 2024/2025 ўқув йилидан бошлаб таълим кредити олиш учун аризаларни “Таълим кредити” ахборот тизими (talim-krediti.mf.uz) ва my.gov.uz орқали топшириш мумкин бўлади.

Бундан ташқари иккинчи курсдан юқори талабаларнинг баҳолари паст бўлган (ўртача “3”дан паст) тақдирда таълим кредити кўпи билан тўлов шартноманинг 80 фоизи миқдорида ажратилади.

Айни пайтда қуйидаги 4 та банк имтиёзли таълим кредити ажратаётганини маълум қилди:

— СҚБ;
— Асакабанк;
— Миллий банк;
— Ҳамкорбанк.

Кейинчалик ўқув йили бошланиши билан яна 8 та банк бу рўйхатга қўшилади.

Мақола фойдали бўлса, улашишни унутманг)

@bankir

Тарихий Олимпиада

Ўзбекистон Олимпиа ўйинларидаги иштирокини якунлади. Париж биз учун тарихий мусобақага айланди ва унда қуйидаги спортчилар медаль билан қайтмоқда:

🥇Диёра Кедлиёрова (Дзюдо)
🥇Улуғбек Рашитов (Tаэквондо)
🥇Ҳасанбой Дўстматов (Бокс)
🥇Абдумалик Ҳалоков (Бокс)
🥇Асадхўжа Мўйдинхўжаев (Бокс)
🥇Лазизбек Муллажонов (Бокс)
🥇Баҳодир Жалолов (Бокс)
🥇Разамбек Жамалов (Эркин кураш)
🥈Акбар Жўраев (Оғир атлетика)
🥈Светлана Осипова (Tаэквондо)
🥉Музаффарбек Тўрабоев (Дзюдо)
🥉Алишер Юсупов (Дзюдо)
🥉Ғуломжон Абдуллаев (Дзюдо)

Ўзбекистон учун Париж Олимпиадасидаги натижа рекорд бўлди — 8 та олтин, 2 та кумуш ва 3 та бронза. Таққослаш учун сўнгги 4 та Олимпиада юртдошларимиз умумий 7 та олтин олган эди.

Бу сафарги Олимпиадада Ўзбекистон МДҲ давлатлари, Исломий давлатлар, Туркий халқлар ва Ўрта Осиё бўйича биринчи ўринни эгаллади. Осиёда эса Хитой, Япония ва Жанубий Кореядан кейин тўртинчи ўринни қайд этди.

Дунё бўйича эса Ўзбекистон 13-ўринни эгаллади.

Олимпиадада олтин медални қўлга киритган спортчига 200 минг доллар, кумуш медали эгасига 100 минг, бронза соҳибига эса 50 минг доллар ваъда қилинган.

Шунингдек, мураббийлар ҳам мос равишда 50 минг, 25 минг ва 12,5 минг доллардан мукофот пуллари олади.

Шундай қилиб спортчилар ва унинг мураббийларига умумий 2,5 млн долларга яқин мукофот пуллари берилиши кутилмоқда. Бундан ташқари квартира, енгил автомобиль каби бошқа совғалар ҳам берилиши мумкин.

Барчани тарихий ғалабалар ва тарихий Олимпиада билан табриклаймиз.

@bankir

Доллар тушади

13 август куни амал қиладиган доллар курси 🔽11-12 сўм атрофида пасайиши прогноз қилинмоқда

Банкларга долларни сотиш бўйича энг яхши курслар:

BRB — 12 640
Xalq banki — 12 640
Mikrokreditbank — 12 640

Банклардан долларни сотиб олиш бўйича энг яхши курслар:

Anorbank — 12 670
Octobank — 12 690
Hamkorbank — 12 690

@bankir

Тўлиқ таъмирланган уйлар ижараси қимматлашни бошлади

Мутахассислар Тошкентда уйларнинг ижара нархи ўзгаришини ҳар ой таҳлил қилиб келмоқда.

Июл ойида Тошкент шаҳрида ўртача таъмирланган хонадонлар учун ижара нархлари пасайишда давом этган (0,7 фоизга) бўлса, тўлиқ таъмирланган хонадонлар учун ижара нархларининг бироз ошиши (0,3 фоизга) кузатилди.

Пойтахтда 1 кв метр учун ўртача таъмирланган уйларнинг ижара нархи бўйича энг арзон ва энг қиммат туманлар қуйидагича:

Энг арзон:
⏺Сергели (1 хонали – 273 доллар, 2 хонали – 335 доллар, 3 хонали – 379 доллар, 4 хонали – 420 доллар),
⏺Олмазор (1 хонали – 288 доллар, 2 хонали – 343 доллар, 3 хонали – 417 доллар, 4 хонали – 451 доллар)

Энг қиммат
⏺Яккасарой (1 хонали – 348 доллар, 2 хонали – 438 доллар, 3 хонали – 574 доллар, 4 хонали – 604 доллар)
⏺Миробод (1 хонали – 334 доллар, 2 хонали – 433 доллар, 3 хонали – 557 доллар, 4 хонали – 713 доллар)

Тўлиқ таъмирланган уйларнинг ижара нархи бўйича энг арзон ва энг қиммат туманлар эса қуйидагича:

Энг арзон:
⏺Сергели (1 хонали – 341 доллар, 2 хонали – 400 доллар, 3 хонали – 506 доллар, 4 хонали – 591 доллар)
⏺Учтепа (1 хонали – 359 доллар, 2 хонали – 438 доллар, 3 хонали – 552 доллар, 4 хонали – 671 доллар)

Энг қиммат:
⏺Миробод (1 хонали – 447 доллар, 2 хонали – 736 доллар, 3 хонали – 1042 доллар, 4 хонали – 1300 доллар)
⏺Яккасарой (1 хонали – 443 доллар, 2 хонали – 658 доллар, 3 хонали – 388 доллар, 4 хонали – 1170 доллар)

@bankir