🕯Биринчи ярим йилликда банклар фойдаси қандай бўлди?

Ўзбекистон банклари 2024 йилнинг биринчи ярмида 5,5 трлн сўм соф фойда олди. Банкларнинг фойдаси 2023 йилда 6,1 трлн сўм эди ва 2024 йилда фойда 9,3 фоизга камайди.

Bankers.uz тақдим этган маълумотларга кўра, “Миллий банк” 945 млрд сўм билан, Ўзбекистонда энг кўп фойда олган банк бўлиб қолди. Бироқ, банкнинг фойдаси 2023 йилга нисбатан 248,7 млрд сўмга камайди.

“СҚБ” эса II чоракка келиб, “Капиталбанк”ни ортда қолдириб иккинчи ўринга кўтарилиб олди. Банк фойдаси 371,7 млрд сўмга кўпайиб, 768,4 млрд сўмга етди.

Энг кўп фойда олган 10 та банкнинг дастлабки иккитаси давлат банклари бўлсада, кейинги 8 та банк хусусий банклар бўлди.

🔼“СҚБ” (+371,7 млрд), TBC Bank (+136,7 млрд), “ОФБ” (+129,3 млрд) ва “Ҳамкорбанк” (+128,6 млрд) 2023 йилга нисбатан фойдаси кескин ошган банклар бўлди.

🔽Фойда кўрсаткичи энг кўп пасайган банклар ”Ипотека банк” (-514 млрд), “БРБ” (-502,5 млрд) ва “Алоқабанк” (-91,6 млрд) бўлди.

Зарар кирган банклар сони 6 та бўлди. Улар орасида “БРБ” 2023 йилда фойдада эди. “Октобанк” ва Uzum bank 2023 йилга нисбатан 2024 йилда фойдага чиқа олди.

@bankir

Президент иштирокида бугун иқтисодиётнинг биринчи ярим йиллик якуни ва йил якунига қадар вазифалар бўйича селектр бўлиб ўтди. Унда айтилган айрим маълумотларни қисқача тақдим қиламиз:

⏺ 2024 йил биринчи олти ойда ялпи ички маҳсулот 6,4 фоизга ўсди;
⏺ Йил бошидан бери 14 млрд долларлик тўғридан-тўғри хорижий инвестициялар жалб қилинди. Ўсиш 2,1 баробар;
⏺ Бизнес учун 82 трлн сўм кредит ва 15,5 трлн сўм субсидия берилди;
⏺ 1,6 млн нафар аҳоли расмий иш билан таъминланди. Йил охиригача бу кўрсаткич 2,4 млн нафарга етиши режа қилинмоқда;
⏺ 18,6 мингта уйлар қурилди. Ипотека кредитлари учун 545 млрд сўм субсидия берилди;
⏺ Камида 50 та микромолия ташкилотини очиб, уларга ресурс учун 1 трлн сўм ажратиш белгиланди.

@bankir

⌛Банклар бошқарувида ўзгаришлар бўлди

🏦“Пойтахтбанк” Бошқарув раисининг ўринбосари Ёрқин Курязов банк Бошқарув аъзолигидан кетди. Бошқарув раисининг биринчи ўринбосари этиб, Дўстбой Абжалов тайинланди.

🏦Баҳодир Одилов “Ҳаёт банк” Бошқаруви аъзолигидан чиқарилди. Бекмурод Исмоилов эса Бошқарув таркибига киритилди ва Юридик бўлим бошлиғи этиб тайинланди.

🏦Бандлик ва камбағалликни қисқартириш вазири Беҳзод Мусаев “Микрокредитбанк” Кузатув кенгаши таркибига киритилди. Собиқ вазир Нозим Хусанов эса банк Кузатув кенгаши таркибидан чиқарилди.

🏦Сандро Ртвеладзе “Ипотека банк” Бошқарув раиси лавозимига расман тасдиқланди. Шу пайтга қадар Бошқарув раиси сифатида ишлаб келган Элёр Иномжонов Бошқарув раисининг ўринбосари этиб тайинланди. Бу лавозимда аввал ишлаган Жамшид Хайруллаев банк Бошқарув аъзолигидан чиқарилди.

@bankir

📉Тошкентдаги ер нархлари ҳам пасайишни бошлади

Аввалроқ пойтахтда уйлар нархи узоқ вақтдан бери биринчи марта тушгани ҳақида ёзгандик. Марказий банк эълон қилган кўчмас мулк бозори ҳисоботида Тошкентдаги ер нархлари ҳам пасайганини кўриш мумкин (.pdf).

Агар I чоракда 1 сотих ер нархи 364 млн сўм бўлган бўлса, II чоракда бу кўрсаткич 342 млн сўмгача пасайди. Бироқ йиллик ўсиш ҳамон юқори — 25,7 фоиз.

Умуман олганда, бозорда сотувлар ҳам камайишни бошлаган. Бир неча ойдан бери асосий қурилиш маҳсулотлари нархи ҳам тушмоқда.

Уйлар нархи ўсиши ҳам 2023 йилга нисбатан секинлашган. Иккиламчи бозорда уй-жой нархларининг ўсиши ярим йил ичида сўмда 4,5 фоизни (2023 йил мос даврида 11,8 фоиз), бирламчи бозорда 7,2 фоизни (2023 йилда 10,9 фоиз) ташкил этди.

Йиллик ҳисобда бирламчи бозордаги нархлар сўмда 35 фоизга, долларда 22,5 фоизга ошди. Бунда асосан 2023 йилдаги нархларнинг кескин ўсиши таъсири сақланиб қолган.

Нархлар нисбатан секинроқ ўсаётган пайтда таклиф ҳам кўпаймоқда. Йил бошидан буён иккиламчи уй-жойларни сотиш бўйича эълонлар сони 12,7 фоизга, ижарага бериш бўйича эса 18,4 фоизга ошган.

Кўчмас мулк бозори ниҳоят совушни бошлади. Иқтисодиётга таъсир қилувчи фавқулодда ҳолатлар юз бермаса, бу тенденция яқин вақтлар ичида давом этиши мумкин.

@bankir

❗️Дунё бўйлаб банклар, аэропортлар ва йирик компаниялар фаолиятида узулишлар кузатилмоқда. Бунга Microsoft компанияси дастурий таъминотида муаммолар содир бўлаётгани сабаб бўлди.

Microsoft вакиллари вазият ўрганилаётганини ва тез орада муаммо ҳал бўлишини ваъда қилмоқда.

UPD: Тошкентда соат 18:00 — Дунё бўйлаб бизнеслар секинлик билан доимий иш фаолиятига қайтмоқда

@bankir

🏦“Ипотека банк” жаримага тортилади

Рақобат қўмитаси “Ипотека банк”ни Instagram саҳифасида омонат маҳсулотини 26 фоиздан дея нотўғри реклама қилганликда айблаб иш очган эди.

Қўмита томонидан тузилган махсус комиссия “Ипотека банк”нинг омонат маҳсулотини нотўғри реклама қилинган деб топди ва молиявий жаримага тортиш бўйича қарор қабул қилди. Жарима миқдори очиқланмаган

Матбуот хизмати банк қарордан норози бўлган тақдирда апелляция кенгашига ариза ёзиши ёки судга мурожаат қилиши мумкинлигини эслатиб ўтди.

Қўмита аввалроқ “Корзинка” супермаркетлар тармоғини ҳам айрим маҳсулотларни “энг арзон нарх” дея нотўғри реклама қилгани учун жаримага тортган эди.

@bankir

💳Humo'ни хусусийлаштириш ишлари бошланди

Давактив “Миллий банклараро процессинг маркази” — Humo'даги 100 фоиз давлат улушини сотиш жараёни бошланганини эълон қилди.

Humo'ни хусусийлаштиришга анча пайтдан бери тайёргарлик олиб борилмоқда. Давлат улуши 100 фоиз сотилиши бўйича дастлабки маълумот апрель ойида президент қароридан сўнг пайдо бўлган эди.

Кейинчалик тўлов тизими акциядорлик жамиятига айлантирилди.

Humo анча яхши молиявий кўрсаткичларга эга. I чорак якунида тўлов тизими фойдасини 87 фоизга ошириб, 37,4 млрд сўмга етказгани маълум бўлди.

Ҳозирда Ўзбекистон бўйлаб 27 млн донадан ошиқ Humo карталари, 210 мингдан ошиқ терминал ва 6,4 мингтадан кўпроқ банкоматлар бор.

Давактив Humo'ни сотиб олмоқчи бўлганлар Евроиттифоқ, АҚШ ва йирик молиявий институтлар санкциялари рўйхатида бўлмасли кераклигини таъкидлаган.

Аризалар Тошкент вақти билан 22 август 18:00 гача қабул қилинади.

@bankir

Қайси банклар бошланғич тўловсиз автокредитлар ажратмоқда?

“Банкир” ҳозирги кунда банклар томонидан таклиф этилаётган автокредитлар шартларини ўрганиб чиқди. Унга кўра, қуйидаги банкларда бошланғич тўловсиз ёки олдиндан тўлови камроқ автокредитлар ажратилмоқда:

🏦Ипак Йўли Банки
Фоиз ставкаси — йиллик 28,9%
Кредит муддати — 5 йил
Кредит суммаси — 600 млн сўмгача
Бошланғич тўлов — 0%
Кредит таъминоти — мулк гарови, олинаётган автотранспорт воситаси, бошқа енгил турдаги автотранспорт, пул гарови ва заргарлик буюмлари
Батафсил

🏦Садерат Банк
Фоиз ставкаси — йиллик 28%
Кредит муддати — 4 йилгача
Бошланғич тўлов — 0%
Кредит суммаси — 170 млн сўмгача
Кредит таъминоти — харид қилинадиган автомобил
Батафсил

Шунингдек, қуйидаги банклар кам фоизли бошланғич тўлов билан автокредит тақдим қилмоқда:

🏦Ҳамкорбанк (UzAuto учун)
Фоиз ставкаси — йиллик 25,99-27,99%
Кредит муддати — 5 йилгача
Бошланғич тўлов — 10%
Кредит суммаси — 600 млн сўмгача
Кредит таъминоти — харид қилинадиган автомобил
Батафсил

🏦ИнфинБанк (UzAuto учун)
Фоиз ставкаси — йиллик 24%
Кредит муддати — 4 йилгача
Бошланғич тўлов — 15%
Кредит суммаси — шартнома бўйича
Кредит таъминоти — харид қилинадиган автомобил
Батафсил

🏦Бизнесни ривожлантириш банки
Фоиз ставкаси — йиллик 24-25%
Кредит муддати — 5 йилгача
Бошланғич тўлов — 15%
Кредит суммаси — шартнома бўйича
Кредит таъминоти — харид қилинадиган автомобил
Батафсил

@bankir