Банк тизимида қайси томон устун — Хусусий банклар ёки давлат банклари?

ИТИМ томонидан банк тизиминг асосий кўрсаткичлари ҳам таҳлил қилинган.

1 июнь ҳолатига кўра, банк тизими активларининг 67,3 фоизи, кредит портфелининг 70,1 фоизи, депозитларнинг 50,6 фоизи 10 та давлат банкларига тўғри келди. Қолган улуш эса 25 та хусусий банкники.

Бу сўнгги йилларда хусусий банклар кўпайганига қарамасдан банк тизимида давлат улуши юқорилигича қолаётганини англатади.

Бироқ депозитларнинг кредитларга нисбати давлат банкларида анча паст даражада. Давлат банкларида ҳар 100 сўм кредитга тўғри келувчи депозит миқдори 38 сўм бўлса (ўтган йилнинг шу даврида 49 сўм), хусусий банкларда бу кўрсаткич 87 сўмни (ўтган йили 101 сўм) ташкил қилган.

Бундай динамика давлат банклари депозитларни жалб қилишнинг пастроқ даражаси фонида кредитлашни фаол ошираётганини, хусусий банклар эса берилган кредитлар ҳажмига нисбатан юқори даражадаги депозит базасини сақлаб турганини кўрсатади.

Умумий кредитларга нисбатан муаммоли кредитлар улуши эса давлат банкларида кўпроқ — 4,8 фоиз. Хусусий банкларда бу кўрсаткич 3,1 фоизга тенг.

Шундай қилиб, банк тизимига хусусий банкларнинг ривожланиши ижобий таъсир ўтказаётганини, келажакда бунинг фойдаси янада кўпайишини кутса бўлади. Бироқ, давлат банкларининг тизимдаги улуши ҳамон салмоқли бўлиб қолмоқда.

@bankir

Доллар яна кўтарилди

8 июль куни амал қиладиган долларнинг расмий курси 12 603,72 сўмдан (+3,67 сўм) ҳисобланади

@bankir

Банкларнинг HR каналлари

Яқинда “Headhunter” платформасига жойлаштирилган банкларнинг иш ўринлари ҳақида маълумот берган эдик. Бугун эса айрим банкларнинг Telegram'даги HR каналларини тақдим қиламиз

Марказий банк — @CBUuz_bot
“Миллий банк” — @NBU_karyera
TBC Bank — @careerTBC
Garant bank — @garantbankcareer
“БРБ” — @HR_BRB
“Ипак йўли банки” — @ipakyulibankvacancy
MKBank — @hrmkbank
“Анорбанк” — @anorbankcareers
“Капиталбанк” — @kapitalbank_career
“Алоқабанк” — @Aloqabank_HR
“Халқ банки” — @HRXalqbanki
“СҚБ” — @HR_SQB
“Тенге банк” — @Tengebank_HR_Career
“Ҳамкорбанк” — @HB_Kommunikatsiya
Yangi bank — @yangipeople
UzCard — @happinesscorporation

@bankir

Янги машина сотиб олиш учун кредитлар

Иқтисодий шарҳ журнали Ўзбекистонда аҳолига берилаётган энг фойдали автокредитлар рейтинги тузиб чиқди. Рейтинг фақат бирламчи бозор учун автокредитлардан иборат.

Ҳозирда 35 та банкдан, 25 тасида янги автомобиль харид қилиш учун автокредит олиш мумкин.

Таклиф қилинаётган автокредитларнинг ўртача фоиз ставкаси аввалги чоракка нисбатан 1 фоиз ошиб, 28 фоизни ташкил қилмоқда.

Тўлиқ маълумот олиш учун банкларнинг расмий сайтига ташриф буюриш ёки қўнгироқ орқали боғланиш тавсия қилинади.

UPD: “Туронбанк”да автокредит ажратиш вақтинча тўхтатилди.

@bankir

Доллар кўтарилади

9 июль куни амал қиладиган доллар курси 17-18 сўм атрофида ошиши прогноз қилинмоқда

Банкларга долларни сотиш бўйича энг яхши курслар:

Universalbank— 12 600
Garantbank — 12 600
NBU — 12 600
Asia Alliance Bank — 12 600

Банклардан долларни сотиб олиш бўйича энг яхши курслар:

Octobank — 12 630
NBU — 12 650
Asia Aliance Bank— 12 660
Davr Bank — 12 660

@bankir

Инфляцион кутилмалар рекорд даражада пасайди. Ниманинг ҳисобига?

Бу саволга жавоб йўқ. Чунки Марказий банк июн ойи учун аҳоли ва бизнес вакилларининг инфляцион кутилмалари бўйича бир қанча муҳим маълумотларни эълон қилмади.

Аввалги ойларда инфляцион кутилмаларнинг омиллари, ҳудудлар, соҳалар ва даромадлар кесимида маълумотлар бериб борилаётган эди ва бунга қараб кичик хулосалар қилиш мумкин эди.

Шундай қилиб ўтган ойда аҳолининг йиллик инфляцион кутилмалари 1,2 фоизга пасайиб, 12,8 фоиз бўлгани эълон қилинди. Бу эса сўровнома ўтказиш бошлангандан бери рекорд.

Сўровнама натижаларига кўра, тадбиркорлар ҳам нархлар ўтган ойга нисбатан 0,8 фоизга камроқ ошади деб ҳисобламоқда — 11,9 фоиз. Бу ҳам рекорд.

Ижтимоий тармоқларда (хусусан, Instagram) энергия нархларини пасайтириш ҳақида трендлар шаклланаётган бир пайтда кутилмалар ниманинг ҳисобига пасайгани очиқланмаган.

Сезилган инфляция ҳам 0,6 фоизга, 13,4 фоизни ташкил қилган ва бу ерда ҳам қўшимча маълумотлар эълон қилинмаган.

@bankir

“Давр банк” устав капиталини 500 млрд сўмга етказади

“Давр банк” акциядорларининг йиғилишида банк устав капитилини 100 млрд сўмга ошириш мақсадида қўшимча 20 млн дона (5 000 сўмлик) акциялар чиқариш бўйича қарор қабул қилинди.

Бу акциялар ёпиқ обуна орқали жойлаштирилиб, банк акциядорлари ўртасида тақсимланади. Бу учун маблағ банкнинг 2023 йилдаги соф фойдасидан йўналтирилади. Ўтган йили банк 311,3 млрд сўм соф фойда олган эди.

Шундай қилиб, “Давр банк” устав капитали 500 млрд сўмга етади ва 1 январдан кучга кирадиган Марказий банк талабларига жавоб беради.

“Давр банк” Бошқарув раиси сифатида Абдумажид Самадов қайта тайинланди ва унинг ваколати яна бир йил муддатга узайтирилди.

@bankir

Доллар яна кўтарилди

9 июль куни амал қиладиган долларнинг расмий курси 12 618,26 сўмдан (+14,54 сўм) ҳисобланади

@bankir

Доллар кўтарилади

10 июль куни амал қиладиган доллар курси 11-12 сўм атрофида ошиши прогноз қилинмоқда

Банкларга долларни сотиш бўйича энг яхши курслар:

Infinbank— 12 620
Garantbank — 12 615
SQB — 12 615

Банклардан долларни сотиб олиш бўйича энг яхши курслар:

Octobank — 12 650
Ipotekabank— 12 650
NBU — 12 660

@bankir

Захиралар камайди, бироқ олтин қисми рекорд даражада

Ўзбекистоннинг олтин-валюта захиралари июнь ойида 293,7 млн долларга қисқарди ва 36,3 млрд долларни ташкил қилди.

Захиралар таркибига ўтган ой қўшилган қимматли қоғозлар қиймати бироз ошиб, 35,1 млн долларга етди. Валюта захиралари эса 797 млн долларга кескин қисқариб, 8,4 млрд долларгача пасайди.

Олтин захиралари эса рекорд даражада ошишда давом этмоқда. Июнь ойига келиб уларнинг қиймати биринчи марта 27 млрд доллардан ошди ва 27,3 млрд доллар бўлиб турибди.

Бунга июнь ойида олтиннинг глобал нархлари троя унцияси учун барқарор 2 300 доллардан юқори шакллангани ёрдам берди.

Сўнгги ойларда Ўзбекистон олтин сотишни кескин камайтирди ва бу июнь ойида ҳам давом этди. Ой давомида олтиннинг физик ҳажми 10 тоннага ошди ва 400 тоннага етди.

Шундай қилиб айни пайтда Ўзбекистон захиралари деярли 1 йил импортни молиялаштиришга етади.

📷: Bloomberg

@bankir

“Миллий банк” жойлаштирган еврооблигациялар неча фоиз эди?

Ўзбекистондаги энг йирик давлат банки бўлган “Миллий банк” июнь ойида Лондон фонд биржасига 411 млн долларлик еврооблигацияларни жойлаштирган эди.

Иқтисодчи Отабек Бакировнинг Лондон фонд биржаси маълумотларига асосланиб хабар беришича, 300 млн долларлик 8,5 фоиздан, 1,4 трлн сўмлик облигациялар эса 19,875 фоиздан жойлаштирилган.

Бу эса қарзлар қиммат олинганини ангалатади.

“Солиштириш учун, 1 июнь ҳолатига Ўзбекистон банкларида муддати 1 йилдан юқори валютадаги корпоратив депозитларнинг ўртача нархи 7,2%ни, сўмда эса 15.2%ни ташкил этган.

Катта эҳтимол, Миллий банк олинган қарзларни маржиналлиги юқори бўлмаган маъмурий лойиҳаларга йўналтиради, сал аввалроқ банк 2024 йилда 2,5 млн.ишчи ўрни яратиши тўғрисида презентацияларни амалга оширган эди”, — дейди Бакиров.

@bankir

Доллар яна кўтарилди

10 июль куни амал қиладиган долларнинг расмий курси 12 630,03 сўмдан (+11,77 сўм) ҳисобланади

@bankir

“Ипотека банк”ка нисбатан иш қўзғатилди

Рақобат қўмитаси “Ипотека банк”ни Instagram'да саҳифасида омонат маҳсулотини нотўғри реклама қилганликда айблади.

Гап шундаки, қўмита томонидам “Ипотека банк” “Супер” номли омонат турини йиллик 26 фоиздан реклама қилганини, аслида эса омонaт учун фоиз ставкалари дастлабки 3 ой учун 26 фоиздан, кейинги уч ой учун 14 фоиздан ҳисобланиши қайд этилган.

Бунда “Ипотека банк” “Супер” номли омонат тури бўйича ижтимоий тармоқдаги рекламада омонатнинг муҳим шартларини очиб бермаганликда айбланган.

Рақобат қўмитаси қайси реклама ҳақида гап кетганини очиқлаганида яхшироқ бўларди. Чунки “Ипотека банк” Instagram саҳифаси кўздан кечирилганда омонат бўйича маълумотлар тўлиқ берилганини кўриш мумкин.

Сал аввал қўмита “Агробанк” Тошкент вилояти бошқармасига нисбатан ҳам иш қўзғатган эди. “Агробанк” матбуот хизмати эса бунга расмий муносабат билдирганди.

@bankir

Доллар кетма-кет олтинчи кун кўтарилади

11 июль куни амал қиладиган доллар курси 3-4 сўм атрофида ошиши прогноз қилинмоқда.

Банкларга долларни сотиш бўйича энг яхши курслар:

SQB — 12 650
Universalbank — 12 630
Turonbank — 12 630

Банклардан долларни сотиб олиш бўйича энг яхши курслар:

Octobank — 12 670
Anorbank— 12 680
Ipotekabank — 12 680

@bankir

“Капиталбанк” ярим йилда 700 млрд сўмдан ошиқ фойда кўрди

Банклар орасида биринчилардан бўлиб “Капиталбанк” иккинчи чорак учун молиявий ҳисоботини тақдим қилди. Банк 2024 йилнинг иккинчи ярмини 712,3 млрд сўм соф фойда билан якунлаган (2023 йил мос даврига нисбатан +3,6 фоиз).

Бу даврда банкнинг фоизли даромадлари (кредит, омонат ва бошқалар) 5,5 трлн сўмни, фоизсиз даромадлари (хизматлар) эса 1,5 трлн сўмни ташкил қилди.

“Капиталбанк” фойдасига кредит ва лизинглар бўйича мумкин бўлган йўқотишлар жиддий таъсир қилган. Банк 2024 йил II чоракда бу бўйича 416,6 млрд сўм зарар кўрган, 2023 йил II чоракда эса зарар анча камроқ — 148 млрд сўм эди.

1 июнь ҳолатига кўра, банкнинг муаммоли кредитлари 779 млрд сўм бўлиб турибди. Роппа-роса бир йил аввал бу кўрсаткич қарийб 5 баробар камроқ — 159 мрлд сўм эди. Умумий кредит портфелидаги муаммоли кредитлар улуши ҳам бир йил ичида 0,7 фоиздан 2,7 фоизга ўсган.

Банк учун қайтарилмаётган кредитлар ростмана муаммога айланмаганида фойда ҳозиргидан ҳам кўпроқ бўлиши мумкин эди.

2023 йил натижалари бўйича “Капиталбанк” “Миллий банк”дан кейинги Ўзбекистонда энг кўп фойда олган банк бўлган эди (86,8 млрд сўмга камроқ).

@bankir

Доллар бироз кўтарилди

11 июль куни амал қиладиган долларнинг расмий курси 12 632,88 сўмдан (+2,85 сўм) ҳисобланади

@bankir

Доллар кўтарилади

12 июль куни амал қиладиган доллар курси 23-24 сўм атрофида ошиши прогноз қилинмоқда.

Банкларга долларни сотиш бўйича энг яхши курслар:

Garant bank— 12 630
BRB — 12 630
Turonbank — 12 630

Банклардан долларни сотиб олиш бўйича энг яхши курслар:

Kapitalbank — 12 660
NBU — 12 670
Octobank — 12 670

@bankir