Банкир

Кредитларни 10 фоизгача тушириш, ислом молиясини жорий қилиш ва банкларни хусусийлаштириш — “Ўзбекистон — 2030” стратегиясида банк соҳасига оид қандай мақсадлар бор?

“Ўзбекистон — 2030” стратегияси ва уни амалга ошириш чора-тадбирлари лойиҳалари жамоатчилик муҳокамаси учун эълон қилинди.

Стратегия бўйича банк секторида ҳам бир қанча мақсадлар белгиланган:

— Банк ва молия тизимида йиллик кредитлаш ҳажмини 40 млрд долларга етказиш, банк омонатлари ҳажмини 4 баробарга ошириш, кредит фоизларини 10-12 фоизгача тушириш.

— Банкларни хусусийлаштириш ва давлат ихтиёрида 3-4 та банкни сақлаб қолиш, банк бозорига камида 4 та йирик нуфузли чет эл банкларини жалб қилиш.

— Капитал ҳаракатини босқичма-босқич янада эркинлаштириш чораларини кўриш орқали молия бозорига ўрта ва узоқ муддатли хорижий капитал оқимини кенг жалб қилиш.

— Банкларга халқаро тан олинган минимал стандарт ва талабларни жорий қилиш орқали меъёрлар ва назорат базаларини такомиллаштириш.

— Банкларнинг кузатув кенгашларида халқаро тажрибага эга бўлган мустақил аъзоларни улушини камида 50 фоизга етказиш, кузатув кенгашлари раисларининг мустақил аъзолар орасидан сайланишини таъминлаш.

— Камида 3 та тижорат банкларида Ислом молияси мезон ва тартибларини жорий этиш.

— Судга киритилган даъволар бўйича кредитларга оширилган фоиз ва жарима ҳисоблашни тўхтатиб туриш механизмларини жорий қилиш.

— Қишлоқ хўжалиги маҳсулотларини етиштириш учун берилаётган кредитлар бўйича мавсумга мослаштирилган сўндириш амалиётини жорий этиш.

Агар эътироз ва таклифларингиз бўлса, regulation.gov.uz ва 2030.strategy.uz порталларига юборишингиз мумкин. Масалан, кредит фоизларини 10-12 фоизгача пасайтириш баҳсли, чунки буни фақат бозор белгилаши керак.

Жамоатчилик муҳокамаси 2023 йил 9 августга қадар давом этади.

@bankir

👍77🤔12👎5

16.8K viewsedited 12:30