Бугунги кунда банклар томонидан бошланғич тўловсиз таклиф қилинаётган автокредитлар:

Пойтахт Банк
Фоиз ставкаси — йиллик 22%;
Кредит муддати — 4 йил;
Имтиёзли давр — 3 ой;
Кредит суммаси — шартномага асосан;
Бошланғич тўлов — 0%;
Кредит таъминоти — кўчмас мулк (кўп қаватли турар жой);
Батафсил

Ипак Йўли Банки
Фоиз ставкаси — йиллик 26.9%;
Кредит муддати — 5 йилгача (автомашина моделидан келиб чиққан ҳолда);
Имтиёзли давр — йўқ;
Бошланғич тўлов — 0%;
Кредит суммаси — шартномага асосан;
Кредит таъминоти сифатида автотранспорт билан боғлиқ холда эксплуатация муддати 7 йилдан ошмаган автотранспорт гаровга қўйилиши талаб этилади.
Батафсил

Садерат Банк
Фоиз ставкаси — йиллик 28%;
Кредит муддати — 48 ойгача;
Имтиёзли давр — йўқ;
Бошланғич тўлов — 0%;
Кредит суммаси — 170 млн сўмгача;
Кредит таъминоти — харид қилинадиган автомобил
Батафсил

Азия Алянс банк
Фоиз ставкаси — йиллик 24-27,9% (муддатга қараб);
Кредит муддати — 12-48 ойгача;
Имтиёзли давр — йўқ;
Бошланғич тўлов — 0%;
Кредит суммаси — шартномага асосан;
Кредит таъминоти — харид қилинадиган автомобил ва суғурта полиси.
Батафсил

Давр банк
Фоиз ставкаси — йиллик 27,9%;
Кредит муддати — 48 ойгача;
Имтиёзли давр — йўқ;
Бошланғич тўлов — 0%;
Кредит суммаси — Шартномага асосан;
Кредит таъминоти — харид қилинадиган автомобил ва суғурта полиси.
Батафсил

Ипотека Банк
Фоиз ставкаси — йиллик 26%;
Кредит муддати — 5 йил;
Имтиёзли давр — йўқ;
Кредит суммаси — 300 млн сўмгача;
Бошланғич тўлов — 0%;
Кредит таъминоти — кўчмас мулк (кўп қаватли турар жой).
Батафсил

Гарант банк
Фоиз ставкаси — йиллик 32%;
Кредит муддати — 4 йил;
Имтиёзли давр — 3-6 ой;
Кредит суммаси — шартнома бўйича;
Бошланғич тўлов — 0%;
Кредит таъминоти — кўчмас мулк.
Батафсил

@bankir

⚡️Буюк Британия Алишер Усмоновнинг USM компаниясига қарши санкциялар киритди

Алишер Усмонов асос солган USM Holding Британия санкциялари остида қолди. Санкциялар асосланишида USM тўғридан тўғри ёки билвосита “Россия ҳукумати кўмагидан манфаатдор бўлган шахс, яъни Алишер Усмоновга” тегишли эканлиги айтилган.

USM Россия ҳукумати учун стратегик аҳамиятга эга бўлган соҳаларда фаолият олиб бориши алоҳида таъкидланган.

Бундан ташқари, Буюк Британия ҳукумати Усмоновга алоқадор деб ҳисоблаган яна икки компанияга ҳам санкциялар киритган — Curzon Square Limited ва Hanley Limited.

@bankir

Доллар қаторасига бешинчи кун кўтарилди

13 апрел куни амал қиладиган долларнинг расмий курси 11430,10 сўмдан (+11,99 сўм) ҳисобланади.

@bankir

АҚШ “Оҳангаронцемент”га қарши санкциялар киритди

Ўзбекистондаги “Оҳангаронцемент” заводи АҚШнинг санкцияларига учради. Маълумотларни АҚШ Молия вазирлиги эълон қилди. Санкциялар “Оҳангаронцемент” Усмоновга алоқадорлиги сабаб киритилган.

АҚШ Молия вазирлигининг таъкидлашича, Усмоновнинг оффшор бизнесларининг кенг тармоғи бор ва у ўз оила аъзоларидан молиявий операциялар учун ҳам фойдаланиши мумкин. Бу эса унга санкцияларни четлаб ўтиш имконини беради.

Шунингдек, Алишер Усмоновга тегсиҳли “Металлоинвест”, “УСМ Телеcом” ва “Мегафон” ҳам санкциялар остида қолди.

USM Усмонов ва унинг қариндошларига нисбатан жорий этилган чекловларни адолатсиз ва асоссиз деб ҳисоблашини маълум қилган.

Компания санкциялар рўйхатлига қариндошларнинг киритилиши ахлоқсиз амалиёт, гаровга олишни эслатади ва ушбу чекловлар ноқонуний дея эътироз билдирган.

2022 йил январида USM Group таркибига кирувчи "Аккерман Cемент" компанияси “Оҳангаронцемент” заводининг 98,6 фоиз акцияларини сотиб олган эди.

“Оҳангаронцемент”га ХХ асрнинг ўрталарида асос солинган. 1970 йилларда комбинатга, 1980 йилларда эса ишлаб чиқариш бирлашмасига айлантирилган. 1994 йилда завод хусусийлаштирилган ва акциядорлик жамиятига айлантирилган.

Корхонага узоқ вақт давомида Гулнора Каримовага алоқадор Zeromax эгалик қилган ва Россиянинг “Евроцемент”и 2006 йилда 75,5 фоиз акциясини сотиб олган. Кейинчалик ушбу улуш 83,9 фоизга қадар оширилган.

2014 йилда корхона муаммоларга дуч келган — ҳозирда фаолияти тугатилган Давлат рақобат қўмитаси 1994 йилдаги хусусийлаштиришни ноқонуний деб топишни талаб қилган, Тошкент вилояти иқтисодий суди заводнинг мулки ва банк ҳисобрақамларига тақиқ қўйган.

2019 йил якунларига кўра, заводнинг соф фойдаси 179,8 млрд сўмни ташкил этган, 2020 йилда бу кўрсаткич 215,7 млрд сўм, 2021 йилда эса 149,4 млрд сўм бўлган.

@bankir

Доллар бир ҳафта ичида илк бор тушади

14 апрел куни амалда бўладиган доллар курси 8-9 сўм атрофида пасайиши прогноз қилинмоқда.

Банкларда долларни сотиб олиш бўйича энг яхши курс 11410 сўмдан таклиф қилинмоқда. Энг яхши сотув курси эса 11440 сўмни ташкил этмоқда.

@bankir

Жаҳон шакар нархи 12 йиллик рекорд даражага чиқди

Лондон фонд биржасида оқ шакар фючерслари нархи 2011 йилдан бери энг юқори даражага кўтарилди. 11 апрел куни савдолар чоғида шакар нархи бир тонна учун 705,5 долларга етди.

13 апрел куни эса Лондон фонд биржасида шакар бир тонна учун 697 доллар атрофида сотилмоқда.

Bloomberg агентлигига кўра, нархларнинг кескин ўсишига Ҳиндистондан шакар экспорти қисқариши ҳамда Покистон ва Таиланддан етказиб беришнинг камайиши сабаб бўлган.

Бундан ташқари, нефт нархи ўсиши ортидан Бразилия ва Ҳиндистонда шакарқамишдан биоёнилғи ва этанол сифатида фойдаланиш бошланган.

Шакарқамишнинг муҳим қисмидан бошқа соҳада фойдаланилаётгани оқибатида озиқ-овқат саноатида етказиб бериш камаяди.

Маълумот учун, якунланган ҳафта бўйича Ўзбекистон биржасида ТС-2 тоифали шакарнинг бир тоннаси 13,6 млн сўмга баҳоланган. 2023 йилнинг илк ҳафтасида нарх 10,1 млн сўм эди.

@bankir

Доллар бир ҳафта ичида биринчи марта тушди

14 апрел куни амал қиладиган долларнинг расмий курси 11421 сўмдан (-9,10 сўм) ҳисобланади.

@bankir

Солиқ қўмитаси картадан картага пул ўтказмалари солиққа тортилмаслигини маълум қилди

Ижтимоий тармоқларда картадан картага (P2P) пул ўтказмалари учун солиқ жорий этилгани ҳақида хабарлар юзасидан Солиқ қўмитаси қуйидагиларни маълум қилади.

Жисмоний шахсларнинг бошқа жисмоний шахсдан мерос ёки ҳадя тартибида, шунингдек текинга олган пул шаклидаги даромадлари солиққа тортилмайди.

Яъни, бир жисмоний шахсдан бошқа жисмоний шахсга пул ўтказиш (P2P) операциялари солиққа тортилмайди.

@bankir

Ўзбекистонда ипотека кредити олувчи аҳоли сони камаймоқда

Ўзбекистонда 2023 йилнинг биринчи чорагида банклар томонидан аҳолига 3,3 трлн сўмлик ипотека кредитлари ажратилган. Бу кўрсаткич ўтган йилнинг мос даврига нисбатан қарийб 500 млрд сўмга кўпроқ.

Бироқ, жорий йилда 2022 йил билан солиштирилганда 2,9 минг нафарга камроқ одам ипотека кредитларини олган. Янги уйлар учун ипотека кредитлари ҳам 5 657 нафар камроқ одамга берилган. Шунга қарамай, эски уйлар учун ипотека ажратиш икки баробардан ошиқ кўпайган.

Яна бир эътиборга молик жиҳати 2022 йилнинг биринчи чорагида ипотека олган аёллар ва эркаклар улуши 59 фоизга 41 фоиз кўринишида бўлган. 2023 йилда эса фарқ янада катталашган — 63 фоизга 37 фоиз.

Шунингдек, жорий йилдан ёшларга ипотека кредити ажратиш нисбатан кўпайган.

Аҳолига ажратилган ипотека кредитлари ўртача 23,7 фоиздан ажратилмоқда ва бу йил бошига нисбатан 0,2 фоизга юқорироқ. “Янги тартиб” доирасидаги ипотека кредитлари ҳам 0,2 фоизга ошиб ўртача 17,4 фоиздан ажратилмоқда.

Март ойида Марказий банкнинг асосий ставкаси пасайтирилганига қарамасдан, ипотека кредитлари учун ўртача фоиз ставкалари юқорилаган.

Маълумот учун, 1 майдан банкларга ипотека кредитларини расмий даромадга эга бўлмаган жисмоний шахсларга ҳам ажратишга рухсат этилди. Бунда, ушбу фуқароларнинг тўлов қобилияти уларнинг банк картасидаги айланмаси, ижара, коммунал ва бошқа харажатларини ҳисобга олиш орқали аниқланади.

Бундан ташқари, дастлабки бадални кўпроқ тўлаганларга банклар пастроқ фоизда кредит ажратиши мумкин бўлади.

@bankir

Доллар кўтарилади

15 апрель куни амалда бўладиган доллар курси 20-21 сўм атрофида ошиши прогноз қилинмоқда.

Банкларида долларни сотиб олиш бўйича энг яхши курс 11410 сўмдан таклиф қилинмоқда. Энг яхши сотув курси эса 11420 сўмни ташкил этмоқда.

@bankir

Paynet Тошкентдаги юзлаб тўлов терминалларини сотувга қўйди

Paynet пойтахт бўйлаб 920 та тўлов терминалларини аукционга қўйди. Бу компанияга тегишли 1 600 та худди шундай терминалларнинг ярми ҳисобланади.

Ҳар бир терминал 33,3 млн сўмдан кимошди савдосига чиқарилган. Уларни бир йилга бўлиб тўлашга ҳам олиш мумкин.

Бироқ қурилма сотиб олингандан сўнг, терминал жойлашган жой билан алоҳида ижара шартномаси тузилиши керак.

Бу тайёр бизнес бўлиши мумкин. Чунки Paynet 2022 йилда 100 млрд сўмдан кўпроқ соф фойда кўрган.

Компания 100 фоиз давлатга тегишли ва уни хусусийлаштириш жараёни давом этмоқда.

@bankir

Paynet айланмаси тўсатдан кескин ошиб кетди

Яна бир эътибор тортувчи жиҳат бор. Paynet 2023 йилнинг дастлабки икки ойида хизмат кўрсатиш соҳасида энг кўп солиқ тўловчи компаниялар ўнлигидан жой олди. Аввалги йилларда компания бу рўйхатга яқин ҳам келолмаган.

Шу йилнинг икки ойида Paynet'нинг товар айланмаси 1,3 трлн сўмни ташкил қилган. Бутун бошли 2022 йилда бу кўрсаткич 230,5 млрд сўм, компаниянинг энг гуллаган даври — 2021 йилда эса 412 млрд сўм бўлган.

@bankir

Доллар кўтарилди

17 апрел куни амал қиладиган долларнинг расмий курси 11441,96 сўмдан (+20,96 сўм) ҳисобланади

@bankir

Tenge Bank бошқарув раиси ўринбосари Улуғбек Таваккалов Микрокредитбанкнининг янги иловаси Tenge Bank'никидан 1 га 1 кўчирилганини айтмоқда.

"MKBANKни янги мобил илова ишга туширилгани билан табриклаймиз!

Дизайн борасида қийналмаганингиз кўриниб турибди. Ҳаммаси 1:1 Tenge Bank'дан олинибди", — дейди Улуғбек Таваккалов.

Кеча, 13 апрел куни Микрокредитбанк Mavrid номли иловасини тақдим қилган эди.

@bankir

Халқаро Валюта Жамғармаси (ХВЖ) Ўзбекистон иқтисодиётини 2023 йилда 5,3 фоизга ўсишини прогноз қилмоқда. Бу Марказий Осиё давлатлари орасида кутилаётган энг юқори иқтисодий ўсиш кўрсаткичи ҳисобланади.

ХВЖ глобал иқтисодиётни 2023 йилда 2,8 фоизга, 2023 йилда эса 3 фоизга ўсишини кутмоқда.

Иқтисодчилар Украинадаги урушнинг кучайиши Европада энергетика инқирозини келтириб чиқариши ва даромади паст мамлакатларда озиқ-овқат муаммосини янада кучайтириши мумкинлигини таъкидлаган.

Ўтган қишда газ инқирозининг олди олинган бўлса-да, ёнилғи нархининг кескин ошиши хавфи сақланиб қолмоқда.

Бундан ташқари, ХВЖ томонидан Россия иқтисодиёти 2023 йилда 0,7 фоизга ўсиши кутилмоқда. Германия ва Буюк Британия иқтисодиёти эса мос равишда 0,1 фоизга ва 0,3 фоизга қисқариши прогноз қилинмоқда. Ҳар иккала давлат ҳам АҚШ ва бошқа Европа мамлакатлари каби Россияга қарши санкциялар киритган.

Ушбу рақамлар Россия санкциялар оқибатлари билан кутилганидан яхшироқ курашаётганини кўрсатади.

@bankir

Ёрқин таассуротларга эга бўлишни истайсизми?

Унда Дубайга хуш келибсиз — ушбу шаҳарда сиз мегаполиснинг ўзига хос атмосферасидан баҳраманд бўлишингиз, маҳаллий аҳолининг меҳмондўстлигини ҳис қилишингиз, денгиз ва саҳронинг барча гўзаллигидан баҳраманд бўлишингиз мумкин.

Тур бўйича маълумот:
Сана: 05.05.2023 - 12.05.2023
Нарх: 7 кеча учун ибис Дубаи Ал Барша 3* - 5.855.000 сўмдан ($510)
Шароит: БИР КИШИ учун икки ўринли жойда

Тур нархи қуйидагиларни ўз ичига олади:
- авиапарвоз (Wizz Air)
- Дубайда меҳмонхонада жойлаштириш
- нонуштага асосланган овқатланиш
- трансфер

Алоҳида тўлов:
- виза
- суғурта

Батафсил маълумот:
Телефон: 787777377
Телеграм: @LocasTourbot

Бенефициарлари офшорда рўйхатдан ўтган норезидентлар ҳам Ўзбекистонда банк сотиб олиши ва банк очиши мумкин бўлади

Амалдаги “Банклар ва банк фаолияти тўғрисида”ги қонунга кўра, (офшор зоналар) давлат ёки ҳудудда рўйхатдан ўтган норезидентлар, иштирокчилар (акциядорлар) ва якуний бенефициар эгалари банкнинг таъсисчилари ва акциядорлари бўлиши мумкин эмас.

Отабек Бакировнинг ёзишича, лекин бу чеклов офшордаги айрим тоифалар учун бекор қилиниши мумкин экан.

Бунинг учун ўша офшор норезидентлар хорижий давлатлар ва халқаро институтлар томонидан тан олинган банк эгалари бўлса кифоя. Қанақадир бошқа мезонлар очилмаган.

Қизиқ тарафи, аввал-бошда таклиф этилган Қонунга ўзгартиришлар лойиҳасида фақат устав капитали энг кам миқдори оширилиши билан боғлиқ масала ўрин олганди.

Қуйи палатада қишда лойиҳа биринчи ўқишда кўриб чиқилгандаям банк очишда ва акциядор бўлишда офшорларга рухсат бериш хақида сўз очилмаган.

@bankir

АҚШнинг энг йирик банклари кутилганидан кўпроқ даромад кўрмоқда

АҚШда бир қанча минтақавий банклари банкрот бўлиши ва Швейцариянинг иккинчи йирик банки Credit Suisse қулаши ортидан бозордаги оғир вазиятга қарамай, йилнинг дастлабки уч ойидаги банкларнинг асосий молиявий кўрсаткичлари таҳлилчилар прогнозларидан ошиб кетди.

JPMorgan фойдаси якунланган чоракда 52 фоизга ўсиб, 12,6 млрд долларни ёки ҳар бир акция учун 4,1 долларни ташкил этди. Даромад 25 фоизга ошиб, 38,3 млрд доллар бўлди, бу банк учун рекорд кўрсаткич.

Citigroup'нинг биринчи чоракдаги соф даромади 4,6 млрд долларни (7 фоизга ўсиш) ёки ҳар бир акция учун 2,19 долларни ташкил этди. Даромад — 21,4 млрд доллар (12 фоизга ўсди). Соф фойда эса 23 фоизга ошиб 13,3 млрд доллар бўлди.

АҚШнинг тўртинчи йирик банки Wells Fargo биринчи чоракдаги даромади 32 фоизга ошиб, 4,99 млрд долларга ёки ҳар бир акция учун 1,23 долларга етганини хабар қилди. Банк даромади 17 фоизга ўсиб, 20,73 млрд долларни ташкил этди. Соф даромад — 13,3 млрд доллар (45 фоизга ўсган).

@bankir

Доллар яна кўтарилади

18 апрель куни амалда бўладиган доллар курси 9-10 сўм атрофида ошиши прогноз қилинмоқда.

Банкларида долларни сотиб олиш бўйича энг яхши курс 11430 сўмдан таклиф қилинмоқда. Энг яхши сотув курси эса 11450 сўмни ташкил этмоқда.

@bankir

Россия Ўзбекистонга кўпроқ нефт етказиб беришни режалаштирмоқда

Россия ҳукумати раисининг ўринбосари Александр Новак Ўзбекистон энергетика вазири Жўрабек Мирзамахмудов билан нефт ва нефт маҳсулотлари етказиб беришни кўпайтириш имкониятларини муҳокама қилди. Бу ҳақда Россия Вазирлар Маҳкамасига таяниб, ТАСС хабар бермоқда.

Москвада бўлиб ўтган учрашувда газ, нефт, электроэнергетика соҳалари, жумладан, қайта тикланадиган энергия ва гидроэнергетика лойиҳалари, шунингдек, атом қурилиши соҳасидаги ҳамкорлик масалалари муҳокама қилинган.

Новак ва Мирзамахмудов “Росатом”нинг янги ядровий иншоотларини қуриш истиқболлари тўғрисида ҳам фикр алмашган.

@bankir

Компанияларнинг учдан икки қисми кейинги уч ойда ходимларини кўпайтирмоқчи

Иқтисодий тадқиқотлар ва ислоҳотлар маркази ишбилармонлик муҳити ҳақида маълумот берди.

Унга кўра, тахминан 42 фоиз респондент бизнеснинг ҳозирги ҳолатини “яхши” деб баҳолаган, ёмонлашгани ҳақида хабар берган корхоналар сони эса 10 фоизни ташкил қилган.

Март ойидаги талабнинг ҳолати, умуман олганда, компаниялар томонидан феврал ойига қараганда яхшироқ тавсифланган. Агар феврал ойида корхоналарнинг 40 фоизи талабнинг ошишини кутган бўлса, март ойида эса бу кўрсаткич 45 фоизга етган.

Кейинги 3 ойда бизнеснинг умумий аҳволи яхшиланишини кутаётган тадбиркорлар улуши 81 фоизни ташкил этди, уларнинг 73 фоизи товар ва хизматларга талабнинг янада ошишини кутмоқда, 66 фоизи эса ходимлар сонини оширишни режалаштирмоқда.

Бундан ташқари бизнес вакиллариннг 26 фоизи яқин 3 ой ичида ўз товар ва хизматлари нархи ошишини кутмоқда.

@bankir