Доллар тўрт кундан бери илк бор кўтарилди

7 апрел куни амал қиладиган долларнинг расмий курси 11374 сўмдан (+8,74 сўм) ҳисобланади.

@bankir

Инфляция прогнози Марказий банк таргетидан икки баробар юқори: ОТБ Ўзбекистон иқтисодиёти секинлашишини кутмоқда

Осиё тараққиёт банкининг (ОТБ) янги ҳисоботига кўра, Ўзбекистонда 2023 йилда иқтисодий ўсиш суръатлари секинлашиши кутилмоқда. Бунга иқтисодиётда, айниқса, хусусий истеъмол ва хизматларда талаб пасайгани сабаб бўлган.

ОТБ 2023 йил апрел ойига мўлжалланган “Осиё тараққиёти истиқболлари”да Ўзбекистон ялпи ички маҳсулоти (ЯИМ) 2023 ва 2024 йилларда ҳам 5 фоизга ўсишини прогноз қилмоқда, бу ўтган йилги ўсиш — 5,7 фоиздан паст.

Россияга қарши давом этаётган санкциялар ва улар Ўзбекистон экспортига бўлган ташқи талабга қандай таъсир қилиши кўринишида хатарлар сақланиб қолмоқда.

Инфляция босимининг давом этиши кутилмоқда, бу қисман амалга оширилаётган таркибий ислоҳотлар ва ижтимоий харажатларнинг ортиши билан боғлиқ.

ОТБ пул-кредит сиёсати қаттиқлигича қолаётганлиги сабабли ўртача инфляция 2023 йилда 11 фоизга (Марказий прогнози — 8,5-9,5 фоиз), 2024 йилда эса 10 фоизга (Марказий банкнинг 5 фоизлик инфляцион таргетидан икки баробар юқори) тушишини кутмоқда.

ОТБ Ўзбекистоннинг халқаро захиралари 2023 ва 2024 йилларда 37 млрд долларгача ошишини кутмоқда — бу рекорд бўлади.

@bankir

Икки мингта мактаб ва малакали ишчи кучи керак

Ҳисоботда қайд этилишича, аҳоли сони йилига 2 фоизга ўсаётган Ўзбекистонда кўпроқ умумтаълим мактаблари ва яхшироқ таълим керак.

Ўрта таълим, жумладан, касб-ҳунар мактаблари 2022 йилда таълимга давлат харажатларининг қарийб 72,3 фоизини ўзлаштирган. Мактабга қабул қилишни яна 1,2 миллион ўқувчига ошириш учун ҳукумат тахминан 1961 мактаб қуриши керак.

Ўрта таълим сифати ташвишга солмоқда. Ўзбекистон ўрта мактаб таълими сифатини қиёсий баҳолаш учун ҳали ҳам Халқаро талабаларни баҳолаш дастурини ўтказиши керак.

Ҳисоботда Ўзбекистон иқтисодиётини диверсификация қилиш учун илм-фан, технология, муҳандислик ва математика (STEM) бўйича кўникмаларга эга бўлган малакали ишчи кучига эҳтиёж борлиги таъкидланган.

@bankir

😱 Дахшат! Доллар ҳақиқатдан ҳам қулайдими?

Тармоқларда доллар қулайди, йўқ бўлади, ўрнини бошқа пуллар эгаллайди деган хабарлар тарқалмоқда. Бу гаплар қанчалик асосли? Доллар ростан ҳам қулайдими? 🤔

Бу саволларга батафсил жавоб берилди! Доллар ҳақида барча ҳақиқатларни билиб олинг👇

Доллар қулаш ўрнига кўтарилмоқда

10 апрель куни амалда бўладиган доллар курси 23-24 сўм атрофида ошиши прогноз қилинмоқда.

Банкларида долларни сотиб олиш бўйича энг яхши курс 11360 сўмдан таклиф қилинмоқда. Энг яхши сотув курси эса 11395 сўмни ташкил этмоқда.

@bankir

Туркия “санкция” қўлланилган мамлакатлар фуқаролари учун ҳақиқий бошпанага айланди. Туркияда энг кўп кўчмас мулкни россияликлар ва эронликлар сотиб олган.

@bankir

Компания “Алоқабанк” биносини ауционда ютиб олиш учун “Алоқабанк”нинг ўзидан кредит олган

Банк аукциондан бир кун аввал, 2023 йил 3 апрел куни Black Gold Industry News компаниясига кўчмас мулк ва асосий воситалар сотиб олиш учун 180 ойга, йиллик 14 фоизлик 390 млрд сўм миқдорида кредит ажратган.

“Алоқабанк” бинони ауционга чиқарган вақтда мулкни сотиб олиш учун кредит ажратиши мумкинлигини маълум қилган.

@bankir

Банкларнинг устав капитали 5 баробарга оширилади

Сенатнинг ўттиз тўққизинчи ялпи мажлисида “Банклар ва банк фаолияти тўғрисида”ги Ўзбекистон Республикаси Қонунига ўзгартишлар киритиш ҳақидаги қонун кўриб чиқилди.

Қонун билан банклар устав капитали миқдорини 2023 йил 1 сентябрдан бошлаб 2025 йилнинг 1 январигача босқичма-босқич 100 млрд сўмдан 500 млрд сўмгача ошириб бориш тўғрисидаги талабларни назарда тутувчи ўзгартишлар киритилмоқда.

Эндидан банклар устав капиталининг энг кам миқдори:
— 2023 йил 1 сентябрдан 200 млрд сўмни;
— 2024 йил 1 апрелдан 300 млрд сўмни;
— 2025 йил 1 январдан 500 млрд сўмни ташкил этиши лозим.

Натижада киритилиши банкларни капиталлаштириш даражаси ҳамда ресурс базасини ошириш, соҳага чет эл инвестицияларини жалб этиш учун қўшимча ҳуқуқий шарт-шароитлар яратиш, аҳоли ва тадбиркорлик субъектларига қўшимча кредит бериш имконияти яратилади.

Шунингдек, қонунга кўра хорижликлар томонидан банкларнинг акцияларини олишга нисбатан чекловлар қисман бекор қилинмоқда. Халқаро бозорларда оммавий жойлаштирилган акцияларни сотиб олиш соддалаштирилмоқда.

Қонун сенаторлар томонидан маъқулланди.

@bankir

Доллар яна кўтарилди

10 апрел куни амал қиладиган долларнинг расмий курси 11397,04 сўмдан (+23,04 сўм) ҳисобланади.

@bankir

"SQB Insurance" суғурта компанияси нуфузли рейтинг эгасига айланди

5 апрель куни “Fitch Ratings” халқаро рейтинг агентлиги “SQB Insurance” суғурта компанияси” акциядорлик жамиятига суғурталовчининг молиявий барқарорлиги бўйича “BB-” даражадаги “Барқарор” прогнозли рейтинг берди. “BB-” халқаро рейтинги Компанияга бизнесни кенгайтириш, суғурта хизматлари экспортини ошириш, халқаро қайта суғурталаш бозорига кириш ҳамда янги мижозларни жалб қилишда янги имкониятларни очади.

Компания миллий суғурта бозорида ўз ўрнига эга бўлиш ва истиқболда уни янада ривожлантириш мақсадида, IT-технологияларни қўллаган ҳолда масофавий суғурта хизматларини кўрсата бошлади. Бу эса мижозларга бир қатор енгиллик ва қулайликлар яратди. Кўрсатилаётган суғурта хизматларининг сифати, Компанияга миллий ва халқаро рейтинг даражасини оширишга хизмат қилди.

Реклама

Россия компаниялари энг кўп ўзбекистонлик мигрантларни ишга олади

Россияда сўровда қатнашган ҳар олтинчи иш берувчи меҳнат муҳожирларини ишга олади, улар кўпинча Ўзбекистон, Тожикистон ва Қирғизистон фуқароларидир. Бу ҳақда тадқиқотларга таяниб “ТАСС” хабар бермоқда.

Маълум бўлишича, россиялик иш берувчиларнинг 16 фоизи меҳнат мигрантларини ёллайди. Уларнинг аксарияти Ўзбекистон (компанияларнинг 56 фоизи), Тожикистон (55 фоиз) ва Қирғизистон (53 фоиз) фуқароларини ишга олишади.

Компанияларнинг 59 фоизи жисмоний меҳнат ва касб тажрибаси билан боғлиқ лавозимларга мигрантларни олишга тайёрлигини билдирган.

Қизиғи, россиялик иш берувчиларнинг ярмидан кўпи (60 фоизи) “ўз минтақаларида меҳнат муҳожирлари жуда кўп” деб ҳисоблашади.

Россияликларнинг 28 фоизи меҳнат муҳожирлари ишлаётган ишда ишлашга тайёр эмас.

Сўровлар 2023 йилнинг 18 мартидан 3 апрелига қадар 2198 нафар россиялик иш изловчи ва 483 нафар иш берувчи компаниялар ўртасида ўтказилган.

@bankir

Рас ал-Хаймга ажойиб саёҳат + БАА ВИЗАСИ СОВҒА 🎁

Сиз учун қандай унутилмас саёҳат тайёрлаб қўйганимизни билсангиз эди! Тошкентдан Рас ал-Хаймага бориб, шарқона эртаклар оламига саёҳат қилишни истармидингиз? Майин қумли пляж, бетакрор шарқона манзара ва миллий маданиятга хос гўзаллик — буларнинг бари сизга бир олам ҳаяжон ва унутилмас ҳайратлар бахш этиши аниқ 🔥

⏰ Тур санаси: 28.04.2023 – 05.05.2023
💰Тур нархи 7 кеча учун
🟢DoubleTree by Hilton Рас Ал Кҳаимаҳ 4* меҳмонхонасида 5 221 000 сўмдан ($460)
БИР КИШИ учун икки ўринли жойда

Тўлов нархига қуйидагилар киради:
- тўғридан-тўғри авиапарвоз (Centrum Air)
- меҳмонхонада яшаш
- нонушта асосида овқатланиш
- трансфер

БААга ВИЗА СОВҒА 🎁

Бизга ёзинг ва барча тафсилотларни билиб олинг!

787777377 | Телеграм

@LocasTourbot

Реклама

Қиммат олтин захиралар кўпайишига олиб келди

Ўзбекистон захиралари март ойида 35,4 млрд долларга етди. Захиралар февралга нисбатан 1,4 млрд долларга кўпайган.

Ўтган ой олтин захиралари 1,4 млрд долларга, валюта захиралари 42,8 млн долларга кўпайган.

Олтин захиралари бир ойда қарийб 10 тоннага камайган, бироқ нархлар рекорд даражада юқорилагани сабаб қимматбаҳо металл захиралари қиймати ошган.

Март ойида нархлар юқори бўлгани учун Ўзбекистон 10-20 тонна олтин сотган бўлиши кутилмоқда.

Маълумот учун, Ўзбекистоннинг халқаро захиралари 2023-2024 йилларда 37 млрд долларгача кўпайиши кутилмоқда.

Захиралар нима учун керак?

@bankir

Бошланғич 25% тўлов билан квартира харид қилинг ва қолганини фоизсиз муддатли тўлов билан амалга оширинг.

Уйларнинг майдони: 51м²дан (1 хона) 113 м²гача (4 хона)

Бўлиб тўлаш муддати: 12—36 ой
Хонадонлар: таъмирсиз
Хоналар: бўлинган
Шифт баландлиги: 3,30 метр
Уй деворлари ғиштдан

2024-йил 3-чорагида орзунгиздаги уйга кўчиб ўтинг.

Локация

+998 55-500-60-06
@ZaminQurilish

Манзил: Тошкент ш, Яшнобод тумани

Реклама

Букмекерлик фаолиятига рухсат берилиши керакми?

Президент имзолаган янги қарорга кўра, махсус ишчи гуруҳ 2023 йил якунига қадар илғор хориж тажрибаси асосида футболни молиялаштириш тизимини кенгайтиришда букмекерлик фаолиятини амалга ошириш бўйича таклифларни Вазирлар маҳкамасига киритиши керак.

Хўш, букмекерлик фаолиятига таъқиқ олиб ташланиши керакми?

Қимор ўйинларига бўлган таъқиқ Ўзбекистонда 2007 йилдан бери бор. Яқин вақтларгача бу чеклов ўз самарасини бераётган эди.

Технологиялар ривожланиши билан вазият кескин ўзгарди. Энди онлайн қиморларни бутунлай чеклаш имконсиз бўлиб қолди. VPN бор экан, хорижий сайтларни бутунлай блоклашнинг имкони йўқ.

Ўзбекистонда қимор рекламалари ҳам таъқиқланган. Бироқ ҳатто бунинг ҳам бутунлай олдини олиб бўлмайди.

Масалан, сўнгги икки йилда тотализатор ва букмекерликка алоқадор камида 348 та реклама аниқланган ва 32 та сайт блокланган.

Ҳаттоки, Тошкентда ўтказилган Ўзбекистон — Россия учрашувида стадион дисплейида букмекерлик компанияси рекламаси ҳам намойиш этилганди. Бу эса оммавий норозиликларга сабаб бўлганди.

Ижтимоий тармоқларда ҳам букмекерларни реклама қилувчи минглаб роликлар, постлар топилади.

Спортда эса букмекерлар ҳомийлик қилмаган спорт турининг ўзи қолмаган. UFC'да деярли ҳар бир мусобақа букмекерлик рекламаларисиз ўтмайди. Энг машҳур футбол чемпионати — АПЛда қарийб барча жамоанинг асосий ёки машғулот учун футболкаларида букмекерлик компаниялари логотипини кўриш мумкин. Бундай рекмаларга қарши чиқувчилар, АПЛ ва UFC'ни кўрмасликка тайёрмикан?

Бундан ташқари букмекерлик компаниялари жуда катта фойда кўришади. Улар дунё бўйлаб олинган даромадларидан 5 фоиздан 25 фоизгача солиқ тўлайди. Шундоқ ҳам айрим ўзбекистонликлар қимор ўйинларини ўйнаётган экан, букмекерлик фаолиятига рухсат бериш орқали давлат бюджетига солиқ тушумларини кўпайтириш мумкин.

Таъқиқлаш ечим эмас. Ундан кўра одамларга осон йўл билан пул топиб бўлмаслиги, бу йўлнинг охири йўқлигини, букмекерлик компаниялари ҳеч қачон зарарга ишламаслигини тушунтириш керак.

Рекламалар таъқиқлангани билан уларни тарғиб қилишнинг бошқа йўллари чиқаверади. Оқибатлари ҳам оғирроқ бўлиши мумкин. Биз эса букмекерлик рекламаларини йўқотишни эмас, битта реклама орқасидан шу йўлга кириб кетадиган, қарзга ботиб ўзини ўлдирадиган одамлар сонини камайтиришимиз керак.

@bankir

Инфляция энг юқори давлатлар очиқланди

Йиллик энг юқори инфляция Ливан (190%) ва Aргентинада (102,5%) қайд этилди. Бир ой олдин инфляция даражаси 230% бўлган Зимбабве феврал ойида 92,3% билан учинчи ўринга тушиб кетди.

Қиш охирида Европада инфляциянинг энг юқори кўрсаткичлари Молдовада (25,9%), Венгрияда (25,4%) ва Украинада (24,9%), энг паст кўрсаткичлари Швейцария ва Лихтенштейнда 3,4% ни ташкил этган.

Яқин Шарқда нархлар ўсиши бўйича Ливан, Туркия (55,2%) ва Миср (31,9%) етакчилик қилди, энг кам инфляция Уммонда бўлди
Осиё мамлакатлари орасида Шри-Ланка (53,6%), Лаос (41,3%) ва Покистонда (31,5%) нархлар ўтган йилнинг шу даврига нисбатан энг юқори бўлди. Феврал ойи охирида Хитойда минтақада ва дунёда энг паст инфляция қайд этилди — атиги 1%.

Шу билан бирга, қиш охирида сайёрамизда дефляция бўлган мамлакатлар қайд этилмаган. Умуман олганда, феврал ойида дунё мамлакатларининг ярми нархларнинг ўсиш суръатларини 8,7% дан юқори қайд этишди, бунга 50-ўринда жойлашган 10,99% кўрсаткичга эга Россия ҳам киради. Ўзбекистонда март ойида йиллик инфляция 11,7 фоизни ташкил қилган.

Ушбу ўрганишлар БМТга аъзо бўлган 193 мамлакатнинг миллий статистика хизматлари маълумотлари асосида ўтказилган. Якуний намунага апрел ойи бошида феврал ойидаги маълумотларни ошкор қилган 143 мамлакат киритилган.

@bankir

Хуфиёна иқтисодиётни олдини олиш орқали ўқитувчилар ойлигини ўртача 7,2 млн сўм қилиш мумкин

2022 йилда жами иқтидосий фаол аҳоли 15 млн кишини ташкил қилган. Уларнинг 13,7 млн нафари иш билан банд. 6,5 млн киши расмий ишда ишлайди.

Иқтисодий фаол аҳоли бу иқтисодиётда банд болганлар ва ишсизларни ўз ичига олади. Бунга талабалар, бола парвариши билан декрет таътилида ўтирганалар ва ўз хоҳишига кўра ишламайдиганлар кирмайди.

Иқтисодий фаолият турлари бўйича норасмий секторда банд бўлганларнинг энг катта улуши, яъни 34 фоизи қишлоқ, ўрмон ва балиқ хўжалигида меҳнат қилади. Худди шу кўрсаткич савдода 14 фоиз, қурилишда 14 фоиз ва саноатда 11 фоизни ташкил этади.

Таъкидланишича, норасмий секторнинг катталиги ҳукуматларга иқтисодий сиёсатни самарали амалга ошириш ва иқтисодиётни тартибга солишда қийинчилик туғдиради.

Норасмий секторда бандлар соҳалар кесимида расмий секторда бандлар билан бир хил миқдорда иш ҳақи олади деб фараз қилинса, 2022 йилнинг ўзида 9 миллиондан ошиқ аҳоли норасмий секторда банд бўлгани ҳисобига давлат бюджетига солиқ кўринишида 32,9 трлн сўм маблағ тушмаган.

Бюджет маблағларининг ярмидан кўпи ижтимоий соҳага йўналтирилиши инобатга олинса бу маблағ ҳисобига:

— 500 ўқув ўринли 4 100 та умумтаълим мактаблари қуриш ёки барча ҳудудлардаги таълим олувчиларни сифатли таълим билан қамраб олиш учун мавжуд 10 522 та умумтаълим мактабларини моддий-техник базасини замонавий ўқув анжомлари билан таъминлаш ёки
— 3 737 та амбулатор тиббий муассаса қуриш ёки
— соғлиқни сақлаш тизимидаги тиббий ходимлар ойлик маошини 7,8 миллион сўмга етказиш ёки
— умумтаълим мактаблари ўқитувчиларининг ойлик маошини 7,2 миллион сўмга етказиш мумкин бўларди.

Яъни, тегишли солиқларни тўламасдан бироз кўпроқ даромад олиш орқали “ютиш” бевосита бошқа ижтимоий хизматлардан фойдаланишдаги “ютқазиш”га олиб келмоқда.

@bankir

Доллар яна кўтарилади

11 апрель куни амалда бўладиган доллар курси 14-15 сўм атрофида ошиши прогноз қилинмоқда.

Банкларида долларни сотиб олиш бўйича энг яхши курс 11410 сўмдан таклиф қилинмоқда. Энг яхши сотув курси эса 11420 сўмни ташкил этмоқда.

@bankir

Майда пуллар камайиб кетмоқда

Марказий банк маълумотларига кўра, 2023 йилнинг биринчи чорагида муомалага чиқарилган нақд пуллар ҳажми 2,2 трлн сўмга камайди.

Уч ой ичида умумий нақд пулларга нисбатан 1 000 сўмлик, 5 000 сўмлик, 10 000 сўмлик пуллар улуши камайган.

Йирик пуллар улуши эса ортиб бормоқда: 100 000 сўмлик 41,6 фоиздан 42,5 фоизга, 200 000 сўмлик 11,5 фоиздан 13,5 фоизга, 20 000 сўмлик 2,4 фоиздан 2,8 фоизга.

Катта пуллардан фақат 50 000 сўмлик улуши йил бошидан бери камайган — 1,5 фоизга.

Муомаладаги нақд пуллар таркибида асосан йирик номиналдаги банкнотлар салмоғининг ошиши ҳисобига банкнотлар умумий сони камайди.

@bankir