#Qabul2023 #Abituriyent2023

❓ O‘zga tilli guruhlarda rus tili yo‘nalishiga topshirsam rus maktablarining darsliklaridan savol tushadimi?

✅ Ushbu savolga Bilimni baholash agentligi mutaxassislari tomonidan “Abituriyent-2023“ ko‘rsatuvida javob berildi:

📚 Ta’lim rus tilida olib boriladigan ta’lim muassasalarida o‘qitiladigan rus tili fani o‘quv dasturi bilan ta’lim o‘zbek tilida olib boriladigan umumta’lim muassasalaridagi rus tili fani o‘quv dasturining farqi bor. Shu sababli o‘zga tilli guruhlarda rus tili fani bo‘yicha test savollari tushadi.

🖥 “Abituriyent-2023“ ko‘rsatuvining 3-sonini quyidagi havola orqali to‘liq ko‘rishingiz mumkin: https://youtu.be/7F4ELBrokXo

Agentlikning rasmiy sahifalari:
Telegram | Facebook | Instagram | YouTube

#Qabul2023 #Abituriyent2023

❓ Test topshiriqlarining qiyinlik darajasi va ularning taqsimoti qanday?

✅ Ushbu savolga Bilimni baholash agentligi mutaxassislari tomonidan “Abituriyent-2023“ ko‘rsatuvida javob berildi:

📚 Mutaxassislik fanlaridan test varianti 3 ta qiyinlik darajasidagi (oson, o‘rta, qiyin) test topshiriqlaridan shakllantiriladi:

1️⃣ oson darajadagi test topshiriqlari – 15-25% oralig‘ida;
2️⃣ o‘rta darajadagi test topshiriqlari – 50-70% oralig‘ida;
3️⃣ qiyin darajadagi test topshiriqlari – 15-25% oralig‘ida.

📌 Majburiy fanlarda esa test topshiriqlarining barchasi oson darajadagi test topshiriqlari hisoblanadi.

🖥 “Abituriyent-2023“ ko‘rsatuvining 3-sonini quyidagi havola orqali to‘liq ko‘rishingiz mumkin: https://youtu.be/7F4ELBrokXo

Agentlikning rasmiy sahifalari:
Telegram | Facebook | Instagram | YouTube

Xorijiy davlatlarda oliy taʼlim olganlik to‘g‘risidagi hujjatlarni tan olish bo‘yicha test sinovlari iyul oyida bo‘lib o‘tadi

🔰 Ma’lumki, 2023-yil mart oyidan boshlab xorijiy davlatlarda oliy taʼlim olganlik to‘g‘risidagi hujjatlarni tan olish Bilim va malkalarni baholash agentligi tomonidan amalga oshirilmoqda.

✅ Hozirga qadar Agentlik tomonidan xorijiy davlatlarda oliy taʼlim olganlik to‘g‘risidagi hujjatlarni tan olish bo‘yicha 4 marotaba test sinovlari o‘tkazildi.

📌 Agentlik tomonidan yil davomida 50 dan ortiq turdagi test sinovlarini tashkil etish rejalashtirilgan bo‘lib, iyun oyida 4 ta test sinovi o‘tkazilishi belgilangan.

☑️ Shuningdek, oliy ta’lim muassasalariga qabul jarayonlariga oz fursat qolgani sababli Agentlikda ish hajmi keskin ortgan.

📆 Shu sababli xorijiy davlatlarda oliy taʼlim olganlik to‘g‘risidagi hujjatlarni tan olish bo‘yicha navbatdagi test sinovlarini iyul oyida o‘tkazish rejalashtirilgan.

📣 Test sinovlarini o‘tkazishning aniq muddatlari iyun oyi yakuniga qadar eʼlon qilinadi.

👉 @NostrifikatsiyaBBA 👈

#Qabul2023 #Abituriyent2023

❓ Texnika yo‘nalishidagi matematika savollari iqtisod yo‘nalishidagi matematika savollaridan farq qiladimi?

✅ Ushbu savolga Bilimni baholash agentligi mutaxassislari tomonidan “Abituriyent-2023“ ko‘rsatuvida javob berildi:

🔰 Umumtalim fanlari bo‘yicha test topshiriqlari spetsifikatsiyasi ishlab chiqilib, agentlikning saytida eʼlon qilingan bo‘lib, test topshiriqlari mazkur spetsifikatsiyalar asosida tuziladi.

📚 Test topshiriqlari spetsifikatsiyasi taʼlim yo‘nalishlari bo‘yicha emas, fanlar bo‘yicha shakllantirilgan.

▶️ Bir fan doirasida barcha ta’lim yo‘nalishlari uchun bir xil test topshiriqlari spetsifikatsiyasidan foydalaniladi.

📌 Demak, texnika yo‘nalishidagi matematika savollari iqtisod yo‘nalishidagi matematika savollaridan farq qilmaydi.

🖥 “Abituriyent-2023“ ko‘rsatuvi 3-sonining to‘liq videosi: https://youtu.be/7F4ELBrokXo

Agentlikning rasmiy sahifalari:
Telegram | Facebook | Instagram | YouTube

#Qabul2023 #Abituriyent2023

❓ Savollar qayta tushishi mumkinmi? O‘tgan yilgi savollar bu yil takrorlanishi mumkinmi?

✅ Ushbu savolga Bilimni baholash agentligi mutaxassislari tomonidan “Abituriyent-2023“ ko‘rsatuvida javob berildi:

📚 Test sinovlari bir kunda ikki smenada bo‘lib o‘tadi. Birinchi smenada tushgan test variantlari ikkinchi smenada takrorlanmaydi.

🗂 Test sinovlari 15 kun davomida 2 smenada bo‘lib o‘tadigan bo‘lsa, har bir smena uchun tegishli fanlar bo‘yicha alohida test topshiriqlari bazasi shakllantiriladi.

📌 Bunda test variantlarining teng kuchliligi ta’minlanadi.

🖥 “Abituriyent-2023“ ko‘rsatuvi 3-sonining to‘liq videosi: https://youtu.be/7F4ELBrokXo

Agentlikning rasmiy sahifalari:
Telegram | Facebook | Instagram | YouTube

#Qabul2023 #Abituriyent2023

❓ Matematika va ba’zi fanlarda kerakli formulalar beriladimi?

✅ Ushbu savolga Bilimni baholash agentligi mutaxassislari tomonidan “Abituriyent-2023“ ko‘rsatuvida javob berildi:

▶️ Joriy yilgi OTMlarga kirish test sinovlarida ham abituriyentlarga fanlar majmuasidan kelib chiqqan holda quyidagi jadvallarni berish rejalashtirilmoqda:

🔹 kimyo fanidan kimyoviy elementlar davriy jadvali;
🔹 fizika fanidan doimiy fizik kattaliklar va shartli belgilashlar jadvali;
🔹 kimyo, fizika va matematika fanlaridan asosiy formulalar jadvali.

🖥 “Abituriyent-2023“ ko‘rsatuvi 3-sonining to‘liq videosi: https://youtu.be/7F4ELBrokXo

Agentlikning rasmiy sahifalari:
Telegram | Facebook | Instagram | YouTube

#Qabul2023 #Abituriyent2023

❓ Qizim IELTS 5,5 oldi. Andijon davlat chet tillar institutiga kirmoqchi. Qizimga ingliz tilidan maksimal ball beriladimi?

✅ Ushbu savolga Bilimni baholash agentligi mutaxassislari tomonidan “Abituriyent-2023“ ko‘rsatuvida javob berildi:

🔰 Vazirlar Mahkamasining 2019-yil 13-maydagi 395-son qaroriga muvofiq chet tilidan B2 va undan yuqori darajadagi milliy yoki xalqaro sertifikatga ega abituriyentlar chet tili bo‘yicha imtihondan ozod qilinadi.

📌 Ularga chet tili fanidan to‘plash mumkin bo‘lgan maksimal ball beriladi. Chet tili fani:

1️⃣-mutaxassislik fani bo‘lsa — 93 ball;
2️⃣-mutaxassislik fani bo‘lsa — 63 ball.

❇️ Ushu tartib chet tilidan ijodiy imtihon bo‘ladigan yo‘nalishlar (OTMlar) uchun ham, chet tilidan test sinovi bo‘ladigan yo‘nalishlar (OTMlar) uchun ham o‘rinli.

🖥 “Abituriyent-2023“ ko‘rsatuvi 3-sonining to‘liq videosi: https://youtu.be/7F4ELBrokXo

Agentlikning rasmiy sahifalari:
Telegram | Facebook | Instagram | YouTube

#Qabul2023 #Abituriyent2023
⚡️ Abituriyentlarni ro‘yxatga olish kunning ikkinchi yarmida boshlanadi

🔰 Ma’lumki, oliy ta’lim muassasalarining bakalavriat ta’lim yo‘nalishlariga abituriyentlarni ro‘yxatga olish har yili 20-iyundan 20-iyulga qadar amalga oshirilishi belgilangan.

👨🏻‍💻 Ayni vaqtda 2023-2024-o‘quv yili uchun maqsadli qabul parametrlari va qabul parametrlarining tillar kesimidagi taqsimotini my.uzbmb.uz saytiga joylashtirish ishlari yakunlanmoqda.

✅ 2023-2024-o‘quv yili uchun abituriyentlarni onlayn ro‘yxatga olish my.uzbmb.uz sayti orqali kunning ikkinchi yarmida boshlanadi.

Agentlikning rasmiy sahifalari:
Telegram | Facebook | Instagram | YouTube

#Qabul2023 #Abituriyent2023
⚡️ 2023-2024-o‘quv yili uchun abituriyentlarni ro‘yxatga olish boshlandi

🖥 2023-2024-o‘quv yili uchun maqsadli qabul parametrlari va qabul parametrlarining tillar kesimidagi taqsimoti Bilimni baholash agentligining my.uzbmb.uz saytiga joylashtirildi.

✅ Abituriyentlar my.uzbmb.uz saytining “Oliy ta’lim muassasalarining bakalavriatiga qabul” bo‘limi orqali onlayn ro‘yxatdan o‘tishlari mumkin.

👨🏻‍💻 Bunda abituriyentlar fanlar majmuasi va ketma-ketligi bir xil bo‘lgan beshtagacha bakalavriat ta’lim yo‘nalishini tanlash imkoniyatiga ega.

📆 Abituriyentlarni ro‘yxatga olish 20-iyulga qadar (20-iyul kuni ham) davom etadi. Chet tilidan ijodiy imtihon o‘tkaziladigan ta’lim yo‘nalishlariga qabul esa 10-iyul kuni yakunlanadi.

❇️ Mazkur muddat davomida abituriyentlar o‘z ma’lumotlarini o‘zgartirishlari hamda chet tilidan sertifikatga ega bo‘lsa, sertifikat ma’lumotlarini tizimga kiritishlari mumkin.

Agentlikning rasmiy sahifalari:
Telegram | Facebook | Instagram | YouTube

⚡️ Telefon raqamini yo‘qotgan abituriyentlar yangi telefon raqami orqali ro‘yxatdan o‘tishlari mumkin

✅ Ko‘plab abituriyentlar tomonidan bo‘layotgan murojaatlardan kelib chiqqan holda my.uzbmb.uz saytida ro‘yxatdan o‘tgan telefon raqamini yo‘qotgan talabgorlar uchun tegishli o‘zgartirishlar kiritildi.

👨🏻‍💻 Endilikda my.uzbmb.uz saytida ro‘yxatdan o‘tgan telefon raqamini yo‘qotgan talabgorlar yangi telefon raqami orqali ro‘yxatdan o‘tishlari mumkin.

🔗 Bunda talabgor yangi telefon raqami orqali ro‘yxatdan o‘tib, shaxsiy identifikatsiya raqami (JShShIR)ni kiritganda uning barcha ma’lumotlari yangi telefon raqamiga biriktiriladi.

Agentlikning rasmiy sahifalari:
Telegram | Facebook | Instagram | YouTube

#Qabul2023 #Abituriyent2023
Oliy ta’lim muassasalariga kirish uchun onlayn ro‘yxatdan o‘tish bo‘yicha videoqo‘llanma (rus tilida)

Youtube orqali ko‘rish (HD formatda)

- - -

Видеопособие по онлайн-регистрации для поступления в высшие образовательные учреждения (на русском языке)

Просмотр на YouTube (в формате HD)

Agentlikning rasmiy sahifalari:
Telegram | Facebook | Instagram | YouTube

#Qabul2023 #Abituriyent2023
Oliy ta’lim muassasalariga kirish uchun onlayn ro‘yxatdan o‘tish bo‘yicha videoqo‘llanma

Youtube orqali ko‘rish (HD formatda)

Agentlikning rasmiy sahifalari:
Telegram | Facebook | Instagram | YouTube

Kusherbayevga murojaat nomli telegram kanalda e’lon qilingan post yuzasidan

🔰 Chet tilini bilish darajasini aniqlash test sinovlari Vazirlar Mahkamasining 2022-yil 16-fevraldagi 73-son qarori bilan tasdiqlangan reglamentga muvofiq o‘tkaziladi.

✅ Mazkur reglamentning 12- va 18-bandlarida quyidagilar belgilangan:

Talabgor davlat xizmatlaridan foydalanishda ularni ko‘rsatishning har qanday bosqichida bosh tortish huquqiga ega. Talabgor davlat xizmatlaridan foydalanishdan bosh tortganda, uning so‘rovnomasi ko‘rib chiqilmasdan qoldiriladi va to‘langan to‘lov summasi qaytarilmaydi.

Talabgor uzrli sabablarga ko‘ra (kasalligi, xizmat safarida bo‘lganligi yoki oila a’zolarining vafot etganligini tasdiqlovchi hujjatni taqdim etganda) malaka imtihonida ishtirok eta olmaydigan bo‘lsa yoki ishtirok etmasa, malaka imtihoni o‘tkazilgan sanadan 3 kundan kechikmay YIDXP orqali vakolatli organga murojaat etishi lozim. Bunda, faqat Davlat test markazi hisobvarag‘iga kelib tushgan to‘lov miqdori talabgorga qaytariladi (to‘lov amaldagi elektron tizim orqali amalga oshirilganda, ko‘rsatilgan xizmat uchun undirilgan yig‘imdan tashqari). Talabgorga xizmat ko‘rsatilishi uchun Axborot kommunikatsiya texnologiyalarini rivojlantirish jamg‘armasining elektron hukumat va raqamli iqtisodiyotning idoralararo loyihalarini moliyalashtirish bo‘yicha maxsus hisobvarag‘iga kelib tushgan pul miqdori qaytarilmaydi.

Talabgor belgilangan malaka imtihoniga kechikkan yoki uzrsiz sababga ko‘ra kelmagan hamda malaka imtihoni qoidalarini buzganlik uchun auditoriyadan chiqarib yuborilgan taqdirda amalga oshirilgan to‘lov talabgorga qaytarilmaydi.

❗️ Kusherbayevga murojaat nomli telegram kanalda e’lon qilingan postdagi ma’lumotlar esa qonunchilik hujjatlari o‘rganilmagan holda yozilgan.

#MatbuotAnjumani #Qabul2023 #Abituriyent2023
Oliy ta’lim muassasalarining bakalavriat ta’lim yo‘nalishlariga qabul bo‘yicha matbuot anjumani

📆 2023-yil 21-iyun kuni soat 10:00 da Axborot va ommaviy kommunikatsiyalar agentligida Oliy ta’lim, fan va innovatsiyalar vazirligi hamda Bilimni baholash agentligi mutasaddilari ishtirokida matbuot anjumani bo‘lib o‘tadi.

📣 Mavzu: 2023-2024-o‘quv yili uchun oliy ta’lim muassasalarining bakalavriat ta’lim yo‘nalishlariga qabul

✅ Ishtirokchilar:

🎙 A.Xoliqov – Oliy ta’lim, fan va innovatsiyalar vazirligi departament boshlig‘i;
🎙 F.Mirzayev – Bilimni baholash agentligi direktori maslahatchisi;
🎙 J.Odilov – Bilimni baholash agentligi bosh mutaxassisi.

OAV xodimlari va blogerlarni matbuot anjumaniga taklif etamiz.

❔ Matbuot anjumaniga savollarni AOKAning @Rasmiy_aloqabot telegram botiga yuborish mumkin.

📹 Matbuot anjumani «UzReport TV» va «O‘zbekiston 24» telekanallari hamda AOKAning facebookdagi sahifasida onlayn translyatsiya qilinadi.

Agentlikning rasmiy sahifalari:
Telegram | Facebook | Instagram | YouTube

⚡️ Jahon iqtisodiyoti va diplomatiya universiteti hamda O‘zbekiston xalqaro islom akademiyasiga qabul

🔰 Quyidagi oliy ta’lim muassasalariga o‘qishga kirishda test sinovlaridan oldin dastlabki imtihon mavjud bo‘lib, abituriyentlar mazkur OTMlar tomonidan o‘tkaziladigan dastlabki imtihondan o‘tishlari lozim:

👉 Vazirlar Mahkamasining 2018-yil 28-iyuldagi 594-son qarori bilan tasdiqlangan nizomga muvofiq Jahon iqtisodiyoti va diplomatiya universiteti;

👉 Vazirlar Mahkamasining 2020-yil 5-iyundagi 358-son qaroriga muvofiq O‘zbekiston xalqaro islom akademiyasining “Dinshunoslik” va “Islomshunoslik” ta’lim yo‘nalishlari.

✅ Dastlabki imtihon uchun abituriyentlarni ro‘yxatga olish quyidagi saytlar orqali amalga oshirilmoqda va 5-iyul kuni yakunlanadi:

🔹 Jahon iqtisodiyoti va diplomatiya universiteti — admission.uwed.uz

🔹 O‘zbekiston xalqaro islom akademiyasi — admission.iiau.uz

👨🏻‍💻 Dastlabki imtihondan o‘tmagan abituriyentlar my.uzbmb.uz sayti orqali mazkur OTMlarni (tegishli yo‘nalishlarni) tanlay olmaydi.

Agentlikning rasmiy sahifalari:
Telegram | Facebook | Instagram | YouTube

#MatbuotAnjumani   #Live
2023-2024-o‘quv yili uchun oliy ta’lim muassasalarining bakalavriat ta’lim yo‘nalishlariga qabul bo‘yicha matbuot anjumani boshlandi.

Matbuot anjumani «UzReport TV» telekanali va AOKAning “facebook”dagi rasmiy sahifasida jonli efirga uzatilmoqda.

Agentlikning rasmiy sahifalari:
Telegram | Facebook | Instagram | YouTube