.
می دل خا پَر پَرَه آوا بوددَرِه
پِریک پِریک زَنِه،خاوا بوددَرِه

گونُون غصَه وَنی دِریا بیکَلی
دِریا مَشتا با ، بی تاوا بوددَرِه

برگردان :

دلم ذره ذره دارد آب می‌شود
و مانند شعله‌ای در حال خاموشیست
می‌گویند غصه‌ها را باید به دریا ریخت
دریا از غصه پر شده ، دارد بی‌تاب و طوفانی می‌شود.

واژه‌ها :
پَر پَرَه =  ذره ذره
پِریک پِریک = اسمِ صوت ناشی از خاموش شدن
مَشت = پُر
بیکَلی = بریزی
آو = آب
خاو = خواب
تاو = تاب
بی تاو = بیتاب در اینجا استعاره از طوفانی

🔸️ شعر و اجرا :
🎙 #شهنازرضاپور
      #الست
#Shahnaz_Rezapoor
t.me/Alast_R

🆔️ @Bahar_Narenj_99

.
تی عشقِ سبزِشانِ
جانِ بندِ هَمرَه
تُشک بَزَم
خیلی سالِ ریشَه‌شان
کَسِنِه کِشِی گیت دَرِن

برگردان :
سبزه‌هایِ عشقت را
به بند بندِ وجودم
گره زدم
سالهاست ریشه‌هایش
هم آغوش‌اند.

سیزده بدر مبارک 🍀

واژه‌ها :
سبز = سبزه
تُشک = گره
کِشِی گیت دَرِن = در آغوش گرفته‌اند

🎙 شعر و اجرا :
▫️ #شهناز_رضاپور
▫️ #الست
#Shahnaz_Rezapoor
t.me/Alast_R

🆔️ @Bahar_Narenj_99

گوش بُنِی

بیَه پیشی گوش بُنِی خَنِم تِرِه گب بَزِنِم
دلِ سفرَه وَرگِنِم ، غصَه شانِ لب بَزِنِم
دِی سرِ وِگیرِمَه ، دِس کاسِه شانِ دِچینِم
بیکَلِم گبِ وی دل ، سِنگ دانه شانِ وِچینِم
دلِ کول بار پُرابا ، دِ چِندی وی دل فُوزُونُم؟
دونیا مردانِه نُوبا ، وی سومبیلِ خَن بَزِنِم
دِ خَنِم رَهَه بَدِم می جانِ دیوِ اِنجیلِه
سِرَ پَس واسَدِنِم می دَسِ پا جِه ، زِنجیلِه
اِمِه کولِ وِلَجِم جنگلِ دو تَه چُمِ پیش
گیس وَن وُلوب بَدِم ، بَزِنِم خنده دونیا ریش
یال منگِ هَمرَه خَنِم درازِ تُنبان بُدوجُم
ای دونیا باکُن ناکُنِ پا ، نِخَنِم بُسوجُم
دلِ بالِ بگیرِم بیشیم گتِه وَن دارِ وَر
وی گُلَه فوگَردِنِم ، هِچی نُمانِه دلِ سر
قَبلَه پیدا باکُنُم دارچَچِ شانِ رادِه بار
بُوگوم رَچ دَر بیَرِه خدا هَمَکِه کارِ بار
عاشقِ شانِ وِگیرِه دیم به دیم دَچکَدِنِه
دولابِ شانِ داکُنِه کیسَه دل ، بَچکَدِنِه
بُوگوم وِرِه آ خدا ، اَمرِه اَزِمود ناکُن
کَمتَه هر چی دل خَنِه اَمی پیالَه دل داکُن...

🎙 #شهناز_رضاپور
      #الست
#Shahnaz_Rezapoor
t.me/Alast_R

🆔️ @Bahar_Narenj_99

.
دلِ زِنجیلِ خَنِم واسَدِنِم ، پر بَکِشِم
یه کَچِه اُونگورِ آوَم وِگیرِم سر بَکِشِم

شعرِ هَمرَه تور وَکِم ، می دلِ دِریا بَزِنِم
عاشقِ چُمِ وِگیرِم ، شِندِ سر تَر بَکِشِم

رعنا تِریکِ شُوِ رَ ، یه خَفَنگ وَن چاکُنُم
خَفَسِ شانِ  یِوَشِه ، وِگیرِم در بَکِشِم

تورِکَه راه دَکِمَه ، اِمِه دَکِم جنگلِ دل
دیوِ اِنجیلِکِه شانِ ، عاشقِ وَر بَکِشِم

دونیا دارِ وَچکِمَه ، اُ  جُوری رَ گب بَزِنِم
ای سَفِر جُواب نَدَه ، اُونَم خَنِم کر بَکِشِم

اِمِه هر کی دلِ دل ، آسُمانِ ناجِه دَرِه ،
خوشتِه میدادِ وِگیرِم ، وِرَرِ  پر بَکِشِم

چُمِه یاد بیَرِمَه ، دِریا کنارِ شِندِ سر ،
هَندَه خَنِم یکی دیگر ، جِه اُونِه سر بَکِشِم

▫️ شعر و اجرا :
🎙 #شهناز_رضاپور
      #الست
#Shahnaz_Rezapoor
t.me/Alast_R

🆔️ @Bahar_Narenj_99

عاشقانه خاو

تی چُمِ میجِه پشت ، می دل دُوخاتِه
هوجِه لَکلا بَنَه ، بَنَه بُوخاتِه
خودِه گَبِر دَکِتِه بی تَلِیَه
می دل تی دُونی ، خودِه تَش کَلِیَه
تو سُرخِ کولی ، می رَک تی رُوخانِه
وی دل اَخخخ تَنگِه گیت ، تِرِه دُوخانِه
خَنم واجم مُو ایمشُو تی خَیالِ
دلِ میکالِ هَمرَه توکِ خالِ
بمیرِم مُو تی اُون رعنا حیایَه
تی ناخوندِ سرِ سرخِ حینایَه
تو می اُونگوشترِ سبزِ نَقینی
می فرهادِ دلِ رَ ، تو شیرینی
خَنم ایمشُو وِلَجِم مُو تی داتَه
تی اُونگور رَز مُسان موشانِ باتَه
وی ابریشُمی هَل هَلَه وَرِرِم
هُوتَه بیتاو ، وی تاوِ سر پَرِرِم
بیشیم تا آسُمان ، ماه پشت دُوخاسیم
هوجِه تا آخُرِ دونیا بُوخاسیم
می دل آگایَه ایشان همِّه خاوِن
هیتَه وَرِسِم ، هَمِن نقشِ آوِن
بیَه آلکُلِ مُسان ناپُر اَی خاو
ناکُن می ناجِه شانِ ، نقشِ بر آو

🔸️ شعر و اجرا :
🎙 #شهناز_رضاپور
      #الست
#Shahnaz_Rezapoor
t.me/Alast_R

🆔️ @Bahar_Barenj_99

دَسِ خط
گویش : ابریشم محله رامسر

شعر وَنی دِلِه دُبو ، خودِه آغُوز
ریشه مُوقُب نِبَئشِه ، وَکِه شاقُوز

وی دَسِ خط ، مُوردومِه رَ بُمانِه
بُشا پِئسی ، صُندوقِ دِل نُمانِه

سُروانُوزِه دِیبارِه یادگارِه
دُنُوموجِه پِئرِکِه پابِزارِه

قشنگِه لَئبَندِه گَبِه بُدانِه
بیجارِ سر ، رعنا رَ شعر بُوخانِه

حَشاگَرِه گُلَه وِگیرِه وی گب
تَش بَزِنِه یخ کولَه ، وی دِلِ تب

عِل نَقیَه باشتِه قُوزِه بمیرِه
وی حقِه از میشتی علی هِگیرِه

دَکِه اِمی عاشقِ جَکِ جِلِه
دُوَدِه تا سِماموس خوشتِه دِلِه

بیکَلِه هُولو دارِ بُن ، گرمِ آو
گُل بَزِنِه زِمینِه ، وازِه وی خاو

اِمیری خوانده گیریَه سَرهَدِه
دِلِ تورِ میلجَه ، یارِ پَرهَدِه

یالِ مَنگِه مُسان هَندَه وَگِردِه
شب خُوسانِ دارِ دُمال بَگِردِه

زِمینِ قلبِ وُسونِه ضُماتی
کَس بِه کَسِه ، خُبی وَکِت کِساتی

وَرِگیرِه تِرمیَه تا خدا وَر
دردِه کولِه گیرِه ، بارِه دوا وَر

شعرِ رِدیف ، مُوردومِه غُصَه گونِه
دانِه خدا بِخَه چاکُنِه ، تونِه

📖 شعر و اجرا :
🎙 #شهناز_رضاپور
      #الست

#Shahnaz_Rezapoor
t.me/Alast_R

🆔️ @Bahar_Narenj_99