.
دل بونه زینده با هوای باهار

ملجه زنه چیم‌چیما ، بلبل س‌ِتار

بول باکردِه ، تیته بزه دارشان

پرتقالا ، لومبویا ، نارنج دار

🎙 #محمود_کاظمی_رامسری

🆔️ @Bahar_Narenj_99

کارگرم‌ فقیرم

کارگرم فقیرم ایی دونیا دل اسیرم 
صبح تانیمشته دردوهنده همش موگیرم
اذان صبح بیدارم غصه دَرم بیکارم
ماشین کار بِدَم دستپاچگی سوارم
دَه روزِ ماه کاردَرم بیس روز وِره خاردرم
نعجه یه کوله گوشته می‌همره گِل باردرم
زیندگی می چی سزدهِ دل میشی پُر درده
می وگ وچهگه سر دیم از نوخاری دِ زرده
خوشبختی می خَیاله درد کول پُشت سِواره   
نِدری در زیندگی یک که نه صد هیزاره
می دله پُر درده اوجاق خانه سرده
از سختی زمانه می دل باکرده جرده
برابری دورویه یه گبِ پُشُت رویه
می چاشت و شام خانه یه خیلی نان ودویهَ
کارگرم فقیرم هَمگهِ پیش حقیرم
نِخنم ایی زیندگی خَنم بَنم بِمیرم

واژگان:
نیمشته=  غروب
هنده= بازهم
نغجه= آرزو
وگ وچه= خانواده، بچه‌ها
جَرده= پاره شده، آویزان
دورویه= دروغ
نِخنم= نمیخواهم

✍ #محمود_کاظمی_رامسری

🆔️ @Bahar_Narenj_99