الشروط والضوابط العامة للقبول

https://bu.edu.sa/documents/20127/0/دليل+القبول+1442+جامعة+الباحة.pdf/e52eb8a9-434b-c0d2-a952-3eba576934d5?t=1594238330775

اعلنت جامعة الباحة عن نتائج قبول الدفعة الاولى للعام الجامعي 1442 هـ 💡🔴

عن طريق بوابة القبول


https://admission.bu.edu.sa/PROD_ad/xwskcadm.dispAdmissionGate?admissionType=UG

‏⁧ #جامعة_الباحة⁩ تعلن نتائج المرشحين والمرشحات للقبول للعام ١٤٤٢هـ، وتؤكد على ضرورة تأكيد القبول قبل ١٠ صباحاً من يوم الخميس ١٤٤١/١٢/٩هـ حتى لايتم استبعاد المرشحين والمرشحات بعد انقضاء الفترة الزمنية المحددة لتأكيد القبولات.

▫️- في حال انقبلتوا بتخصص ما ترغبون فيه وكان لكم رغبة بالدراسة بجامعة الباحة،
فمهم جدًا تسوون -تأكيد للقبول مع الإستمرار بالترقية- عشان تدخلون بالترقيات.. في حال تجاهلتوا تأكيد الطلب فقبلوكم بيلغى وما بيكون لكم فرصة دراسة بجامعة الباحة

▫️- لو كنتم مقبولين وتنتظرون الترقية، فمو مطلوب منكم مع ظهور الترقيات تسوون أي تأكيد.. التأكيد اللي سويتوه قبل كافي

▫️- أما لو ما حالفكم الحظ ولا انقبلتوا بهالدفعة، فمو مطلوب منكم تسوون أي شيء زيادة
فقط انتظروا الدفعة الجاية، وبالتوفيق لكم فيها
وما يحتاج تسوون الغاء لطلبكم في أي جامعة ثانية انقبلتوا فيها (لأن حتى الآن مالكم مقعد بجامعة الباحة)

هنا أجوبة لأغلب الأسئلة اللي تتكرر بخصوص نتائج #قبول42

🔹- نسبتي أعلى من المطلوبة بالتخصص، وما انقبلت وش المشكلة؟
القبول تنافسي ويعتمد على المفاضلة، عدم قبولكم بتخصص ما.. فهذا يعني أن فيه طلاب وطالبات درجاتهم أعلى منكم

🔹- انقبلت بتخصص ما ابيه، ممكن أترقى لرغبة أعلى؟
ممكن وممكن لا، فيه ترقيات حسب الشواغر

🔹- اذا طلبت ترقبة أفقد مقعدي بالتخصص الحالي؟
لا، ممكن تترقون لرغبة أعلى، وفي حال عدم الترقية تبقون بنفس التخصص اللي طلع لكم حاليًا

🔹- في حال ترقيت لرغبة أعلى، أقدر ارجع لرغبتي الحالية؟
لا، في حال تمت ترقيتكم ما بتقدرون ترجعون لرغبة أدنى ابدًا

🔹- أقدر احدد بالترقية وش الرغبة اللي ابيها؟
لا، هم بيحاولون يقبلونك برغبه أعلى فقط على حسب ترتيبك السابق للرغبات وقت التقديم.. ممكن يرفعونك رغبة رغبتين او عشر، مافي شيء ثابت

🔹- انقبلت بالدفعة الأولى وأكدت مع الإستمرار بالمنافسة، مطلوب أسوي عشان ادخل ترقيات الدفعات الجاية؟
ابدًا، طالما سويتوا -تأكيد مع استمرار المنافسة فهذا يعني دخولكم بالمنافسة على المقاعد الشاغرة بكل الدفعات

🔹- أقدر ارجع اشوف رغباتي؟
لا

🔹- كم فيه دفعة اضافية؟
هالشيء غير معروف حتى الآن، لأن الدفعات تعتمد على الشواغر.. فكل ما انسحب طلاب أكثر كان فيه مقاعد أكثر
وهالشيء يخلي تخمين عددها وعدد اللي بينقبلون ويترقون فيها صعب

🔹- أكدت الطلب بدون ما أرفق الملفات، وش اسوي؟
هالشيء ما بيأثر على قبولك أبداً، والعمادة غالبًا بتتيح تحديث البيانات بالفترة الجاية

🔹- أنا أكدت قبولي بجامعة ثانية، والحين ابي أكد بالباحة وش اسوي؟
تسوين الغاء لطلبك بالجامعة الأولى، وبعدها تأكدين بجامعة الباحة.. واحتفظي بصوره لما تلغين الطلب وارفعيها مع المرفقات لضمان عدم مواجهة أي مشاكل.

🔹- بيفتح تقديم مره ثانية؟
التقديم بجامعة الباحة سنوي، يفتح مره وحيدة قبل بداية كل عام دراسي

🔹- أقدر أحول بعد نهاية الفصل الأول؟
لا، التحويل سنوي بعد نهاية السنة الدراسية

يلزم تعبئة النموذج من أحد المستشفيات الحكومية لتسليمه بداية العام الدراسي

- لا تستعجلون وتقلقون بخصوصه لأنه ما يأثر حاليًا على القبول، ولكن لاحقًا لازم يتسلم

بخصوص المرفقات:
الصورة الشخصية للبنين فقط، والشهادة هي شهادة اتمام الثانوية العامة المتضمنة لكل درجاتك خلال المرحلة الثانوية

بالأسفل طريقة تصوير المرفقات، وتعديل حجم الملفات
https://t.me/BahaUniversity_Guide/162

للمقبولين والمقبولات بالتخصصات الصحية:
▫️تسليم الفحص الطبي يكون بشكل يدوي، لعمادة القبول والتسجيل بعد بداية الفصل الدراسي
▫️نموذج الكشف الطبي:
https://t.me/BahaUniversity_Guide/169

بخصوص المشاكل في رفع الملفات.. توضح العمادة ان إرفاقها اختياري في هذي المرحلة، والمهم هو فقط تأكيد القبول قبل انتهاء مدة التأكيد

الدخول للبنر وادخال البيانات البنكية غير متاح ولا ممكن للمقبولين حاليًا، دخولكم في هذي الفترة لبوابة القبول فقط.

لو أكدتوا الطلب وبعده حبيتوا تنسحبون من الجامعة خلال فترة القبول، فالإنسحاب يكون عبر بوابة القبول

(مع العلم أن مافيه أي امكانية للتراجع بعد الإنسحاب، القبول يلغى نهائيًا وما يكون للطالب أي حق يطالب بالعودة لمقعده مره ثانية)

ومهم تعرفون ان فيه فرق بين الإنسحاب بفترة القبول، والإنسحاب بعد نهايتها
- الإنسحاب بفترة القبول: ماله أي ضرر على الطالب لو قدم بالسنوات الجاية
- الإنسحاب بعد نهايتها: يمنعك من التقديم على جامعة الباحة للسنتين الجاية

🔸نذكركم بأهمية تأكيد القبول قبل الساعة العاشرة صباحًا

🔸 مو مهم حاليًا إرفاق الشهادة او الصورة الشخصية، المهم تأكيد القبول عشان تضمنون مقعد بالجامعة

🔸 حتى الآن مو معلن عن موعد الدفعة الثانية، متوقع تكون بعد العيد

🔸 اذا حابين تلغون قبولكم بجامعك الباحة ..

https://t.me/BahaUniversity_Guide/175

‏📌⁧ #إعلان⁩
‏⁧ #جامعة_الباحة⁩ تعلن الدفعة الثانية للمرشحين والمرشحات للقبول للعام الجامعي ١٤٤٢هـ، وكذلك من تمت الترقية لهم لرغبات أعلى، وتؤكد على ضرورة تأكيد القبولات قبل ٨ مساءا من يوم الأثنين ١٤٤١/١٢/١٣هـ عبر حسابات المتقدمين والمتقدمات على بوابة القبول حتى لا يتم إلغاء القبولات.

مبروك لجميع الطلاب المقبولين واللي ترقوا بهالدفعة.. وحظ موفق بالدفعات الجاية للي ما انقبلوا

▫️- الدليل المرئي للتأكيد: هنا
▫️- ما يخص القبول والرفض والترقية: هنا
▫️- ما يخص المرفقات ورفعها: هنا، هنا
▫️- ما يخص الإنسحاب: هنا
▫️- أجوبة أغلب الاسئلة والمشاكل اللي ممكن تواجهونها: هنا

مهم جدًا تأكدون قبولكم بالدفعة الثانية قبل يوم الإثنين ١٣/١٢/١٤٤١، الثامنة مساءً

🔹 أي طالب ما يأكد طلبه يستبعد بشكل كامل من قبول هالسنة، فحاولوا تأكدون قبل الموعد بفترة لتفادي حدوث أي مشاكل

معدلات الفصل الصيفي متاحة بصفحة الطالب بالبنر

بنر > الطالب > سجلات الطالب > الدرجات النهائية

▫️نذكر المقبولين بالدفعة الثانية بأهمية تأكيد القبول قبل الساعة الثامنة مساءً

▫️ حتى الآن لم يتم الإعلان عن موعد الدفعة الثالثة

▫️الدليل المرئي للتأكيد: هنا
▫️ما يخص القبول والرفض والترقية: هنا
▫️ما يخص المرفقات ورفعها: هنا، هنا
▫️ما يخص الإنسحاب: هنا
▫️أجوبة أغلب الاسئلة والمشاكل اللي ممكن تواجهونها: هنا

جامعة الباحة تعلن عن تقديم على المقاعد الشاغرة - للطلاب فقط-

التخصصات المتاحة بالتقديم على الشواغر للبنين

بخصوص التقديم على الشواغر - للطلاب فقط-


▫️ الشواغر هي مقاعد الطلاب المنسحبين بعد قبولهم بالدفعات السابقة، عدم إتاحتها للطالبات بسبب تأكيد المقبولات لقبولهم وبالتالي ما توفر شواغر
▫️ موعد التقديم: ١٦-٢٠ / ١٢

🔹- مين الطلاب اللي يقدرون يقدمون على الشواغر؟
كل الطلاب اللي تنطبق عليهم الشروط العامة والخاصة للتخصصات المتاحة بإمكانهم التقدم على الشواغر، بشرط عدم حصولهم على قبول سابق بجامعة الباحة

🔹- وش التخصصات المتاحة؟
التقديم متاح فقط للتخصصات الموجودة بكليات المحافظات، مافي تقديم على الفرع الرئيسي
- التخصصات:
t.me/BahaUniversity_Guide/182

🔹- انقبلت سابقًا بتخصص ما أبيه، وأكدت الطلب.. أقدر أقدم على الشواغر؟
لا.. الشواغر للطلاب اللي ما انقبلوا بالأصل أو ما كملوا طلبات قبولهم وما أكدوها