🦷 ⭕️ Dry Socket (إلتهاب تجويف الخلع)

🦷 هنتكلم النهارده عن موضوع في الجراحة بيتكرر كتير في عياداتنا، خصوصًا بعد خلع ضرس العقل السفلي.

🦷 الحالة شائعة:
بيجي المريض بعد خلع ضرس العقل السفلي (أكتر شيوعًا) بيومين أو تلاتة، بيشتكي من ألم شديد مستمر مع سخونة وبرودة (ألم أكتر مع البرودة)، وأحيانًا حتى دخول شوية هوا في مكان الخلع يسبب ألم شديد 😰

---

🦷 أول خطوة:
اهدي المريض وبَص في بقه تلاقي العظم باين مكان الخلع وفيه ريحة مش كويسة(bad odor) من الجرح، لكن مفيش صديد (pus) ولا التهاب في الغدد الليمفاوية (lymphadenopathy).

لازم تتأكد إنه فعلًا حالة dry socket مش infected socket. (هنشرح الفرق في بوست لاحق إن شاء الله)

---

🦷 ايه يعني Dry Socket؟
ببساطة، المنطقة في الفك اللي تم خلع الضرس منها (socket) ما التئمش كويس، ففضل العظم مكشوف مما يسبب ألم شديد جدًا بسبب نهايات الأعصاب المكشوفة في العظم.

---

🦷 ليه بيحصل كده؟
طبيعي بعد الخلع يتكون blood clot في مكان الخلع، والدم يتجمد ويتحول في النهاية لعظم والجرح يلتئم. أي سبب يوقف تكوين أو يحلل الـblood clot هيخلي الجرح ما يلتئمش ويتحول لـdry socket.

الأسباب:
✔️ بكتيريا (bacterial infections)بتمنع التجلط(clotting) أو تسبب التهاب وعدوى.
✔️ التدخين(smoking): بيسبب ضيق في الأوعية الدموية(vasoconstriction) ويقلل وصول الدم، فيعطل التجلط والالتئام.
✔️ أسباب ميكانيكية: المريض بيلعب في الجرح بلسانه(tongue manipulation) أو يتمضمض بقوة أو يشرب مشروبات بشاليموه (التأثير السلبي للضغط السالب)(suction effect).

---

🦷 أمثلة بتحصل بسبب خطأ طبي:
⚫️ كسر جزء من جذر الضرس وتمسكتوش.
⚫️ وجود Chronic granuloma ما طلعتش مع الضرس.
⚫️ وجود عظمة بين الجذور inter-radicular bone مش قصيتها أو نعمتها كويس(sharp bone).
⚫️ وجود بقايا مثل calculus أو حشو قديم داخل المكان.
⚫️ خليت المريض يعض على قطعة قطن بدل شاش (القطن ممكن يلزق في blood clot ويشيله معاه عند نزعه).

⚫️ أما بالنسبة للمريض:
- عدم الإلتزام بتعليمات بعد الخلع، خاصة التدخين.

---

🦷 كيف أتجنب حدوث Dry Socket؟
✔️ تأكد من خلع الضرس كامل بدون كسر أي جزء.
✔️ لو في Chronic granuloma تأكد من إزالته وعمل تجريف لها curettage.
✔️ قص وفرم عظمة inter-radicular bone إذا كانت مرتفعة.
✔️ نعمل تنعيم(smoothening) للـ(sharp bone)
✔️ تنظيف المكان جيدًا بــ irrigation بمحلولwarm saline.
✔️ وضع شاش مناسب (غير كبير ولا صغير) ليعض عليه المريض، وعدم إستخدام القطن.
✔️ تسليم المريض التعليمات (instructions) مكتوبة مع شرحها له بوضوح.

---

🦷 التعليمات التي يجب أن يلتزم بها المريض بعد الخلع:
✔️ تجنب منتجات الألبان لمدة ثلاثة أيام.
✔️ العض على الشاش لمدة ساعة.
✔️ الإمتناع عن التدخين لمدة يومين على الأقل.
✔️ لا يلعب بلسانه ولا بأصبعه في مكان الجرح.
✔️ يفضل عدم المضمضة أو الغرغرة بقوة في اليوم الأول.
✔️ تجنب المشروبات الساخنة والمشروبات الغازية.
✔️ الأكل بارد وطري، ويفضل الأكل على الناحية الأخرى.
✔️ عند الشرب، لا يستخدم الشاليموه (القشة)(الماصة) لمنع دخول ضغط سلبي(suction effect) في الفم.
✔️ غسل الأسنان برفق بالفرشاة والمعجون، مع تجنب منطقة الجرح.

---

🦷 لو حصل dry socket للمريض، المفروض أعمل إيه؟
✔️ تصوير أشعة للتأكد من عدم وجود بقايا جذور داخلية.
✔️ إعطاء المريض تخدير موضعي: يفضل nerve block، وإن لم يتوفر يعطي infiltration ببدون مواد مقيدة للأوعية (بدون vasoconstrictor) للحفاظ على تدفق الدم.
✔️ تنظيف وتجريف socket جيدًا باستخدام irrigation بالمحلول الدافئ (warm saline) وإزالة أي بقايا بأدوات مناسبة.
✔️ إزالة الحواف الحادة أو الزوائد العظمية وتنعيمها.
✔️ وضع مادة Alveogel وهي مزيج من (eugenol - butamben - iodoform) التي تعمل كمسكن، مخدر، ومضاد للبكتيريا.

---

🦷 بالإضافة:
- نوصف مسكنات مثل Brufen 600mg مرتين يوميًا (2X1)
- مضمضة بـ Orovex MW (chlorhexidine) مرتين يوميًا (2X1)
- يمنع تمامًا استخدام ماء الأكسجين (hydrogen peroxide) للغرغرة لأنها تضر الخلايا وتؤخر الالتئام.


#oral_maxillofacial_surgery
#أمراض_و_جراحة_الوجه_و_الفكين
#معلومة_اليوم_تنقذك_غداً
#الدكتور_باسل_بيرق