خلص كُل الحچي وانساك
بَس ، شنِساك جَيب اليشطَب
من الذاكرَه " عَعيونك "

عادي تروح
بَس بگلبي مو عادي
أموت وداعتك ليغرك عِنادي .

تَزاعلنا ومر عَ الزعل مُده
ندم وديتله
بِس گلشي ماوده .

يَا بَعد رچفَات اديّة، رد اليّه

وهَسة گلي
‏شنهو عذرك
‏اني منطيك العيون
‏وانتَ كضيت العمر
‏منطيني ظهرك
‏أنت بايعني ابلاش
‏واني خايف لا اخسرك
‏أنت كاسر كلشي بية
‏واني خايف لا اكسرك
‏ومن بعد كل هذا اريدن
‏سَبب واحد
‏حتى اعذرك
‏شنهو عذرك

لو يفيد الحَچي
چان كتَبت ألف سطَر
ماجابك حَنين
يجيبَك شعر ؟

ذات ليلةٍ
شاركتكَ أُغنية
غَرِقتَ بحُبها
لَم أكُن أعلم
بأن الأُغنية
يوماً ما
سَتُعيد غَرقي
ولكِن بالذِكريات.

چم شوغة انچفت بالروح
من شحّت مراسيلك.

توجَعني المراسيّل القِديمَه
أمَس غنيْت ياحَريمه.

ماتوگِف عَليك ، وتاليّ وگفت .

فدوة تروُحَلك رُوحِي يعَز منهَا
يهَلبت ريحَتك تجّزي وأشمّنهَا .

شنفضهن نَفض شَو كُلهن
التمَن لا عَطوة النطني
ولا رُضن يَهدن
شكثر أسَهام كُلهن فَد وكَت
هَدن سهَم ودَاع،
سهَم أوجَاع .
وسهَم ذِاك العَزيز الصَار
جَوة الگاع،وسهَم عُمري
وشَبابي الضَاع
وتاليهَن العوز الأكَل بية
أضلاع شَنفضهن بَعد
وانيابهن حَدن !

‏لگِيت إِسمي وّطن مَهجور ،
بَي أخر رسَالة مِن التعّب للِرب
" بعّد مابَية حيّل أنحِب ..

بعدك بالگلب رغم الخلافات والمسافات ! أنتهت بينك وبيني وماينطيني گلبي ازاعل وياك ! بس أنشاءالله گلبي ينطيني ..

هل يا ترى لو مت انسى ما جرى؟

يا هو مثلي يريد يوگع مدري وين
يا هو مثلي يريد يبچي ومالگه لدموعه عين
يا هو مثلي الي يصرف على الدنيا زين
وتالي يلگه الناس دين
يا هو مثلي يختنك من الحنين
يا هو مثلي بداخله ضجت مدينه
"وشگله يضحك"
ما يحل مشكله لروحة
ومن تشكيله ينصحك
يا هو مثلي الينجرح من كلشي
الينفعل من كلشي لكن كلبه خالي
"الينسى بس يعرضله غالي "
"التاگل بروحه الليالي"
شايف من تگله اللّٰــــه يعوض الراح؟
وبگلبك حجي بس انت صوتك راح؟

سكتَة إعلىٰ سكتِة تمُر الأيَام.