أنا ماني على بعضِي ولا بعضي عليّ .

‏«أحس أن كل لحظاتي بدونك فالحياة إسراف
‏أبي لي عمر ثاني , عمر واحد معك مايكفي

‏على الشّوق الملامه لا عليك ولا علي خْلاف
‏جماهير الجفا ما همّها الجافي من المجفي

‏حبيبي مابعد صدرك ملاذ وضحكتك ميلاف
‏جعل درب أشتياقي ما يورّدني على حتفي

‏سمحت من الهوى وأنت الهوى ويّاك ماينعاف
‏عُزوفي كان عزله عن دروب أستنزفت عطفي»

جفا أغلى العرب نارٍ على الكبد وهّاجه .

‏يا ا ا ا ا ا ا ا ا ا ا ا ا كمّ
‏ودي ألتقيك بكل مطلع فجر ومغيب شمس .

‏إن كان شمسك تساومني على ظِلك
‏ماعاد ابي منك لا شمس .. ولا فيّه

‏اما تعال لقلبٍ .. فز لك كلك
‏ولا اتركني ما أبي لك بالهوى جيّه

‏هالفترة أسَوء شعور يمُر فيه الإنسان
‏ -هدّوء خارجي وحرب داخلية

‏«أجي مثل السنين اللي تمرّ فـ خاطر النسيان
‏ تذكّرني ولكن منت داري — وينها داري»

‏ثلاث شهور وأنا أفضل العزله عن الجلاس
‏ماغير أمشي على طاريك وأسولف على ظلّي

‏أقوم هناك كن الليل يبغاني بكلمة راس
‏بنفس الموعد اللي قلت فيه لدمعتي هلّي

‏كرهت الناس عقبك وأقتنعت أنّي عدو الناس
‏أشوف قلوبها تدعي علي وقلبك يهلّي

‏على مابيني وبينك من الأحباط والأفلاس
‏أشوفك في محطات السفر ترحالي وحلّي

‏أحبك وأعشقك وأموت فيك لـ آخر الأنفاس
‏الا يابري حالي من غلاك وياوجود اللي

‏يجامل فـ التعامل مع شعور الكائن الحساس
‏وهو من زحمة الأشواق وش ياخذ وش يخلّي

‏عساني فدوتك لاتاخذك منّي يدين الياس
‏وأنا أدنى عارض يروح ابعضك يروح بي كلّي

‏تعوّد بالسلامه يلعب بخصلاتك النسناس
‏وأشوف عيونك اتقيم الصلاه ورمشك يصلّي