🇺🇦 Ukraynada müharibənin 35-ci günüdür. Prezident Volodimir Zelenski İstanbulda keçirilən danışıqlarla bağlı fikirlərini bölüşüb.

Bildirib ki, rəsmi Kiyev Ukraynanın ərazi bütövlüyü və suverenliyi ilə bağlı heç bir kompromisə getməyəcək. Dövlət başçısının fikrincə, Rusiya nümayəndə heyəti tərəfdən gələn siqnalları müsbət hesab etmək olar, Kiyev və Çerniqov istiqamətlərində hərbi fəallığın azaldılması ilə bağlı açıqlamalara isə hələ ki inanmaq olmaz. Ukrayna Prezidenti danışıqlar prosesini davam etdirəcəklərini və nəticə əldə ediləcəyinə ümidvar olduqlarını bildirib. Zelenski rəsmi Kiyevin real təhlükəsizlik təminatı istədiyini vurğulayıb.

🇬🇧Britaniyanın müdafiə naziri Ceyms Heppi Bakıdadır.

C.Heppi Bakıda müdafiə naziri Zakir Həsənov və xarici işlər naziri Ceyhun Bayramovla görüşərək danışıqlar aparacaq.

🇦🇿 Bu gün ad günü olan şəhidimiz Pərviz Məmmədli 30 mart 1996-cı ildə Neftçala rayonunda dünyaya göz açıb. 2014-cü ilin aprel ayında həqiqi hərbi xidmətə yollanıb. Bir il xidmət etdikdən sonra Pərviz komandirləri tərəfindən yüksək qiymətləndirilir və onu Xüsusi Təyinatlı Qüvvələrin kursuna yollayırlar. 200 nəfərin iştirak etdiyi 180 günlük kursu Pərviz də daxil olmaqla 12 nəfər müvəffəqiyyətlə başa vurur. Bundan sonra Pərviz Cəlilabad rayonunda N saylı hərbi hissədə yeni işinə başlayır. 2016-ci ilin Aprel döyüşlərində iştirak edir və sol bud nahiyəsindən ağır yaralanır. Gəncə Hospitalında yatır və 2 dəfə əməliyyat olunur.
2020-ci ilin sentyabrın 27-də başlanan Vətən müharibəsində Pərviz XTQ-nin tərkibində Füzuli, Cəbrayıl, Hadrut, Laçın, Xankəndi və Şuşa uğrunda qəhrəmancasına döyüşüb. Oktyabrın 24-də Şuşa uğrunda döyüşlərdə snayperlə vurularaq şəhid olub.
2019-cu ildə ailə həyatı quran qəhrəmanımızın Miray adlı övladı Vətənə əmanətdir.

🇺🇦🇦🇿Ukraynada gedən müharibədə daha 2 azərbaycanlı həlak olub.

🇺🇦🇷🇺 "Kiyev Rusiya ilə danışıqları davam etdirməyi düşünür. Amma heç bir ərazi güzəşti olmayacaq. Krım da, Donbas da Ukraynada qalmalıdır" - Zelenski

📛 Yamal-Avropa qaz kəməri ilə qaz nəqli dayandırılıb - Reuters

📱"Samsung" şirkəti Latviya, Litva və Estoniyada satılan qatlanan smartfonların adından "Z" hərfini çıxarıb.

Hazırda "Galaxy Z Fold3" "Galaxy Fold3" adlanır. Şirkət bu addımı ilə bağlı rəsmi səbəb açıqlamayıb.

🇷🇺 Peskov: "Medinski İstanbuldakı danışıqların nəticələri barədə Putinə məruzə edib. Bu gün Medinski KİV üçün əlavə açıqlamalar təqdim edəcək".

🇦🇿🇬🇧 İlham Əliyev Britaniyanın Silahlı Qüvvələr nazirini qəbul edib
❗️Görüşdə energetika, Azərbaycan iqtisadiyyatına Böyük Britaniya tərəfindən sərmayə qoyuluşu, ticarət, nəqliyyat, müdafiə sahələrində əməkdaşlığın perspektivləri ətrafında fikir mübadiləsi aparılıb.
👉 https://azvision.az/news/289502