🇯🇵 Yaponiyada “Kanun” qasırğasının ölkənin cənub bölgələrinə yaxınlaşması ilə əlaqədar ən azı 264 aviareys təxirə salınıb
❗Meteoroloqların proqnozlarına görə, bu rayonlarda küləyin sürəti 25-40 m/s-ə çata bilər. Həmçinin güclü yağış gözlənilir. Yaxın günlərdə orada 100 mm-dən çox yağıntı düşə bilər.

🇦🇿🇹🇷 Azərbaycan və Türkiyə xarici işlər nazirlərinin birgə mətbuat konfransında nazirlər görüşün yekunları ilə bağlı bəyanatlarla çıxış ediblər

🇹🇷 Hakan Fidan: “Laçın yolu Azərbaycan torpağıdır. Azərbaycan nəyi lazım bilsə, onu da edə bilər. Biz bu təmasları yaxından izləyirik. Ermənistanla Azərbaycan arasında sülh müqaviləsinin imzalanması çox vacibdir. Türkiyə ilə Ermənistan arasında diplomatik münasibətlərin bərpası istiqamətində işlər görülür".

🇷🇺 Rusiya Federasiyasının Rostov vilayətində pilotsuz uçuş aparatı (PUA) yerə çırpılıb
💥 Pilotsuz təyyarənin düşməsindən sonra yanğın başlayıb, ev və avtomobil yanıb.
❗İlkin məlumata görə, hadisə nəticəsində bir nəfər xəsarət alıb.

🇮🇱🛰️ "İsrailin "Israel Aerospace Industries" şirkəti yeni DS-SAR peykinin uğurla buraxıldığını elan edib" - “The Jerusalem Post”

❗Buraxılış Hindistan daşıyıcı raketindən istifadə etməklə həyata keçirilib. Peyk hazırda orbitdədir və sistemlərinin düzgün işlədiyinə əmin olmaq üçün lazımi yoxlamalar aparır. Yaxın vaxtlarda o, Yerə hava haqqında məlumat göndərməyə başlayacaq.

🇦🇲🗣️ Vardanyan Nikolu aşağıladı: "Əgər arvadın bunkerdən çıxsaydı..."
❗... Qarabağı təhvil verəcəyik, çünki başqa çıxış yolumuz yoxdur demək olmaz. Bu liderin işlədəcəyi sözlər deyil. Cənab baş nazir, siz Xankəndidə adam qalmamışdı deyəndə səhv edirsiniz. Burada qadınlar da, kişilər də qalmışdı. Sənin arvadın bunkerdən çölə çıxsaydı, Xankəndidə nə qədər qadın olduğunu bilərdi.
👉https://azvision.az/news/334208

📈💱 İnflyasiya səngiyib: Səbəb nədir və bahalaşma qayıdacaqmı – TƏHLİL
❗...Qlobal enerji bazarlarında ajiotaj yatmasa, ölkəmizə inflyasiya idxalı səngiməyəcəkdi. Buna qarşı mübarizə aparmaq mümkün deyil. Daxili bazarımız idxal məhsullarından asılı olduğundan, yerli istehsal nə qədər çox stimullaşdırılsa belə, inflyasiya idxalından yaxa qurtarmaq alınmayacaqdı.
👉https://azvision.az/news/334234

🇯🇵🐕 Yaponiya sakini it kostyumu tikdirmək üçün 14 min dollardan çox pul xərcləyib

Toko kimi tanınan yaponiyalı blogger özünün “YouTube” kanalında gəzintidən video yerləşdirib. O, it geyimində yerdə yuvarlanır və stolüstü tennis oynayır. Toko uşaqlıqdan "heyvan" olmaq arzusunda olduğunu deyib.

“Zeppet” firması tərəfindən hazırlanan kostyum 40 günə tikilib və 14 161 dollara başa gəlib.

🇦🇿🇹🇷 Bu gün Türkiyənin xarici işlər naziri Hakan Fidan azərbaycanlı həmkarı Ceyhun Bayramov ilə görüşüb.

Ceyhun Bayramovu qarşılayan Hakan Fidan salamlaşarkən: “Evinizə xoş gəldiniz!” - deyib. Bu cür doğma qarşılanma hər kəsin diqqətini çəkib.

🇦🇿 Sabirabadda su kanalında üç nəfəri elektrik cərəyanının vuraraq öldürüb⚡
❗Onlar suya girərkən kanalda quraşdırılmış su nasosu işlək vəziyyətdə olub. Nəticədə qurğunu elektriklə təmin edən xəttin suya buraxdığı cərəyan əkiz qardaşları və qohumunu vurub.

🇷🇺💥 Rusiyanın Ukraynanın Krivoy Roq şəhərində yaşayış binasına vurduğu raket zərbəsinin görüntüləri yayılıb
📱Görüntülər binanın sakinləri tərəfindən çəkilib və zərbə anında evlərindən qaçmağa çalışan insanların təşviş dolu qışqırıqları əks olunub.

🇦🇿🇹🇷 Hakan Fidan sözünün davamında vurğulayıb ki, bu gün Ceyhun Bayramovla görüşdə iki ölkə arasında olan münasibətləri, həmçinin bölgədə cərəyan edən hadisələri müzakirə ediblər:

“İqtisadi münasibətlərimizin gəldiyi nöqtə bizi məmnun edir. Qarşılıqlı yatırımlarımız 30 milyon dolları ötüb. TANAP layihəsinin işə salınması və Xəzərdən daha çox təbii qaz hasilatının Türkiyə və Avropa bazarlarına çıxarılması bizim ortaq strategiyamızın tərkib hissəsidir”

🇹🇷 Münasibətlərin normallaşması ilə bağlı Hakan Fidandan Ermənistana mesaj:
“Türkiyə - Ermənistan münasibətlərinin dondurulmasının səbəbi Ermənistanın Azərbaycan torpaqlarını işğal altında saxlaması idi. Çox şükür, işğal sona çatdı və bölgədə siyasi sabitlik və iqtisadi inkişaf üçün yeni perspektivlər yarandı".


🇦🇿 Suala cavab verən Azərbaycanın XİN başçısı Ceyhun Bayramov isə Prezident İlham Əliyevin 2021-ci ilin yanvar ayında etdiyi bəyanata toxunub:
“Prezident İlham Əliyev bəyan etdi ki, Azərbaycan düşmənçilik səhifəsini çevirməyə və sülh danışıqları istiqamətində fəaliyyət göstərməyə hazırdır. Bu, qalib dövlətin və qalib bir liderin atdığı addım idi. Bununla paralel olaraq Azərbaycan Ermənistan-Türkiyə normallaşmasını dəstəklədi. Bununla da həm Azərbaycan, həm Türkiyə bölgəyə baxışını ortaya qoymuş oldu, inkişafın, sülhün tərəfində olduqlarını bəyan etdilər”.

🇦🇲🚚 “Spayka”: Paşinyanın çirkli oyuncağı – Ədalət Verdiyevin şərhi
❗...44 günlük Müharibə zamanı Paşinyan həm silah daşınması, həm də həlak olan erməni əsgərlərinin real sayını az göstərmək məqsədilə onların bir hissəsinin dondurucularda saxlanılması üçün bu sirkətin xidmətlərindən geniş istifadə edib.
👉https://azvision.az/news/334244

🛢💵 Ötən il "Saudi Aramco" və "Qatar Energy" şirkətləri astronomik qazanc əldə ediblər. "Reuters"in məlumatına görə, "Saudi Aramco" ili 161 milyard dollar gəlirlə başa vurub. Bu, dünyadakı neft nəhəngləri arasında ən yüksək göstəricidir. "Qatar Energy Company" isə gəlirlərini 58% artıraraq, 42,5 milyard dollara çatdırıb.

🇨🇳 Çində aşağı sosial kredit reytinqi olan şəxslərə şəxsi avtomobil, hətta velosiped sürmək qadağan edilir.

🇦🇿🇹🇷 Ərdoğan Ceyhun Bayramovu qəbul edib.

🇦🇲📩 Xaçaturyan ailəsinə məktub göndərmək istəmədi
🗣️ Onun qızı Vera Xaçaturyanın sözlərinə görə, Vaqif Xaçaturyana ailəsi ilə BQXK vasitəsilə əlaqə yaratmaq imkanı verilib: “Mənə dedilər ki, atam bizə məktub yazıb göndərmək istəməyib”.

🇦🇲🚚 Ermənistanın humanitar yardımlar üzrə xüsusi nümayəndəsi Vardan Sarkisyan:
🗣️ “Artıq 6 gündür ki, yük avtomobillərinin Laçın keçid məntəqəsindən keçməsi üçün Rusiya sülhməramlılarından xəbər gözləyirik. Onlardan heç bir reaksiya yoxdur”.