🛩️ ABŞ-ın Boeing 747-E4B markalı “Məhşər günü” təyyarəsi NATO sammiti öncəsi Litvanın paytaxtı Vilnüs şəhərinə eniş edib
❗Qeyd edək ki, bu təyyarə nüvə müharibəsi baş verəcəyi təqdirdə Pentaqonun mobil ehtiyat komanda məntəqəsi kimi istifadə olunmaq üçün nəzərdə tutulub. “Məhşər günü” 7 gün, 24 saat fasiləsiz uçmaq imkanına malikdir.

🇭🇺 "Macarıstan İsveçin NATO-ya üzvlüyünə razılıq verib" - Macarıstanın xarici işlər və ticarət naziri Peter Siyarto

Onun sözlərinə görə, indi ancaq texniki məsələlər qalıb.

Qeyd edək ki, Budapeşt indiyədək Stokholmun Alyansa üzvlüyünə razılıq vermirdi.

🗣️“Müttəfiqlər Ukraynanın NATO-ya üzvlüyü ilə bağlı mühüm qərarlar qəbul edəcəklər” - Yens Stoltenberq iyulun 10-da Vilnüsdə NATO İctimai Forumunda çıxışında deyib

❗Onun sözlərinə görə, Ukrayna NATO standartlarına yiyələnmək istiqamətində mühüm irəliləyiş əldə edib: “Kiyev artıq bunu sübut edib”.

🇦🇲 Qarabağ separatçılarının başçısı Arayik Arutyunyanın hər iki qızı Qarabağı tərk edib

Arayik Arutyunyanın böyük qızı hələ aprel ayında, toyundan dərhal sonra Qarabağı tərk edib və bir daha geri qayıtmayıb. Separatçı rejimin “fövqəladə dövlət xidməti”nin əməkdaşı olan A.Arutyunyanın kürəkəni də işdən çıxarılıb və o da Qarabağı tərk edib.

Yayılan digər məlumatda isə A.Arutyunyanın kiçik qızının da artıq bir neçə aydır təhsil almaq adı altında İrəvana köçdüyü məlum olub.

📢🇦🇿  DİN-in Mətbuat Xidmətinin rəisi vəzifəsinin icrası Elşad Hacıyevə tapşırılıb

❗Ukrayna mətbuatının iddiasına görə, Berdyansk vilayətində Rusiya ordusunun general-leytenantı Oleq Tsokov məhv edilib

‼️ Rusiya sülhməramlıları kimə işləyir?

📹 Sosial şəbəkələrdə Rusiya sülhməramlılarının insidentin aradan qaldırılması üçün Azərbaycan Silahlı Qüvvələrinin hərbçilərindən erməni təxribatına atəşlə cavab verməməyi xahiş etməsi ilə bağlı görüntülər yayılıb

🇨🇵🇹🇷 Ərdoğan Emmanuel Makronla görüşüb
🤝İki ölkə liderləri Vilnüsdə keçirilən NATO sammiti çərçivəsində bir araya gəliblər.

⚽ “Məqsədim “Neftçi”ni layiq olduğu yerə - Azərbaycanda ən yüksək mövqeyə qaytarmaq və ölkəni Avropada qürurla təmsil etməkdir”

✍️Bu sözləri “Neftçi”yə baş məşqçi təyin olunan Adrian Mutu klubla 2 illik müqavilə imzalanma mərasimində deyib

🇧🇾 "Belarus Silahlı Qüvvələri “Vaqner” xüsusi hərbi şirkətinin üzvlərinə təlim keçəcək" - Belarus Müdafiə Nazirliyi

🇷🇺🗣️ "Fransanın Ukraynanı uzaqmənzilli raketlərlə təmin etmək qərarı yanlışdır. Rusiya belə hərəkətlərə cavab verəcək” - Dmitri Peskov

Qeyd edək ki, Fransa Prezidenti Emmanuel Makron bu gün deyib ki, Paris Kiyevə uzaqmənzilli raketlər göndərəcək.

🇺🇦✍️ Zelenski Tvitter səhifəsində yazıb:

“Biz müttəfiqlərimizi, ortaq təhlükəsizliyimizi qiymətləndiririk. Və biz açıq söhbəti həmişə təqdir edirik. Ukrayna NATO-nun Vilnüsdə keçiriləcək sammitində təmsil olunacaq. Çünki söhbət hörmətdən gedir. Ancaq Ukrayna da hörməti haqq edir. İndi Vilnüsə gedərkən bizə siqnallar gəldi ki, Ukraynasız müəyyən ifadələr (çağırışlar) müzakirə olunur. Bu ifadənin Ukraynanın üzvlüyünə deyil, NATO-ya üzv olmağa dəvətlə bağlı olduğunu vurğulamaq istəyirəm. Nə dəvət, nə də Ukraynanın üzvlüyü üçün vaxt çərçivəsinin müəyyən edilməməsi görünməmiş haldır və absurddur. Eyni zamanda, hətta Ukraynanı dəvət etmək üçün "şərtlər" haqqında qeyri-müəyyən ifadələr əlavə olunur. Görünür, Ukraynanı nə NATO-ya dəvət etməyə, nə də onu Alyansa üzv etməyə hazırlıq var. Bu o deməkdir ki, Rusiya ilə danışıqlarda Ukraynanın NATO-ya üzvlüyü ilə bağlı bazarlıq etmək üçün fürsət pəncərəsi qalır. Rusiya üçün isə bu terrorunu davam etdirmək üçün motivasiya deməkdir. Qeyri-müəyyənlik zəiflikdir. Mən bunu sammitdə açıq şəkildə müzakirə edəcəyəm”

🇮🇷🧑‍🎓 "İranda 60 tələbə məcburi hicaba görə təhsildən məhrum edilib- "The Guardian"

Nəşr yazıb ki, ali təhsil müəssisələrinin rəhbərləri qızları “nalayiq görkəminə” görə universitetdən qovmaqla hədələyib, həmçinin onlara “sıfır” qiymət veriblər. Daha bir məlumata görə, təhlükəsizlik qüvvələri tələbələri zorla sinif otaqlarından çıxararaq döyüblər.

🇷🇺🗣️ "Biz adekvat addımlar atırıq və sizi əvvəlcədən əmin etməyə cəsarət edirəm" - Sergey Lavrov
❗Onun sözlərinə görə, Rusiya tərəfi həm Finlandiyanın, həm də İsveçin öz neytral statusundan imtina etmə sürətinə və bu statusdan əldə edilən üstünlüklərə heyran qalıb.

🇰🇵🚀 Şimali Koreya lideri Kim Çen In ölkədəki uşaqları silah proqramını modernləşdirmək fəaliyyətlərinə daxil edir

Bu il Şimali Koreyanın ən böyük gənclər qrupunun yaranmasının ildönümü ilə bağlı keçirilən tədbirdə uşaqlar ön tərəfində “uşaq raketi” yazılmış parlaq skafandrlarda səhnəyə çıxıblar.

Gənclər qrupunun üzvləri ölkə ordusuna “sonyen”, yəni uşaq adı verilən raket buraxılış qurğuları hədiyyə ediblər.

⚡️ "Bu gün biz alyansı gücləndirmək və Ukraynanı dəstəkləmək üçün bir çox qərarlar qəbul edəcəyik" - Yens Stoltenberq