📰🗞️ Bu gün nələr gözlənilir?

🌾 Qara Dəniz Taxıl Təşəbbüsü ilə bağlı müzakirələr davam edir və bu gün razılaşma əldə olunması gözlənilir. Bu razılaşmanın əldə olunması qlobal ərzaq qiymətlərini aşağı saxlamaq üçün vacibdir. Xatırladaq ki, Rusiya, Türkiyə, Ukrayna və BMT nümayəndələri tərəfindən 2022-ci il iyulun 22-də imzalanan taxıl sazişi Odessa da daxil olmaqla üç limandan Ukrayna taxılının, ərzaq və gübrələrin Qara dəniz vasitəsilə ixracını nəzərdə tutur. Bundan əvvəl Rusiya Qara Dəniz Taxıl Təşəbbüsünün müddətini 60 gün, yəni mayın 18-dək uzadıb.

🛩️ ABŞ prezidenti Co Bayden bu gün Yaponiyada Baş nazir Fumio Kişida ilə görüşəcək.

🇦🇲 Ermənistan parlamentinin spikeri Alen Simonyanın rəhbərlik etdiyi nümayəndə heyəti mayın 18-də Minskdə KTMT Parlament Assambleyası Şurasının sessiyasında iştirak edəcək.

🇷🇺 Rusiyanın tələbi ilə Ukraynaya silah verilməsi məsələsini müzakirə etmək üçün BMT Təhlükəsizlik Şurasının sessiyası çağırılacaq.

🇰🇿🇨🇳 Qazaxıstan və Çin qarşılıqlı olaraq viza rejiminin ləğvinə dair razılığa gəlib

Ümumilikdə, Qazaxıstan Prezidenti Kasım-Jomart Tokayevin Çinə dövlət səfəri zamanı tərəflər 20-dən çox sənəd imzalayıblar.

Bundan öncə Qazaxıstan XİN Aİ ilə qazaxlar üçün viza rejiminin sadələşdirilməsi ilə bağlı rəsmi məsləhətləşmələrə başladıqlarını bəyan etmişdi.

🇦🇿🇷🇺  Ceyhun Bayramov Rusiyaya işgüzar səfərə yollanıb

Sabah mayın 19-a Azərbaycan, Rusiya, Ermənistan XİN rəhbərlərinin üçtərəfli görüşü planlaşdırılıb.

🇦🇿🚧🇦🇲 Ermənistanla sərhəddə, Laçın-Xankəndi yolunun başlanğıcında yaradılmış nəzarət-buraxılış məntəqəsindən Beynəlxalq Qızıl Xaç Komitəsinin (BQXK) humanitar məqsədlər üçün istifadəsinə şərait yaradılıb.

🇦🇫 Anadangəlmə iflic olan uşaq məktəbə getmək üçün 1 kilometrdən çox yol qət edir

Əfqanıstanda yaşayan səkkiz yaşlı Abdullahın hər iki ayağında problem var. O, anadangəlmə iflicdir. Məktəbə qədər 1 kilometrdən çox yolu çətinliklə qət etməsinə baxmayaraq, bilik həvəsi onu irəliyə sövq edir.

Abdulla çətin hava şəraitində belə dərslərdən qalmayaraq yağışın altında da yol gedib tədrisini davam etdirir. Çünki onun ən böyük arzusu həkim və ya mühəndis olmaqdır.

🇦🇲🗣️ Paşinyan: "Ermənistan-Azərbaycan dəmir yolu əlaqəsinin bərpası ilə bağlı müsbət anlaşma formalaşıb. Mən əvvəlki təcrübəni nəzərə alaraq, hələlik dəqiq məlumat verməyə tələsməyəcəyəm".

🇦🇿🇦🇲🇷🇺 Moskvada mayın 25-də Rusiya, Azərbaycan və Ermənistan liderlərinin görüşü planlaşdırılır.

⚡️ Norveç Ukraynaya 8 ədəd M270 raket sistemi və 3 ədəd ARTHUR əks batareya radarı verəcək.

🇦🇲🥂🇷🇺 Ermənistan “Ararat” konyakının Rusiya bazarına ixracını dayandıracaq. Ermənistanın iqtisadiyyat naziri Vaan Kerobyan belə deyib.

🍿🇦🇲Ermənistanda ölmüş hərbçilərin valideynləri ilə polis arasında qarşıdurma olub.

🇦🇿🇷🇺🇦🇲 Bu gün Moskvada Ceyhun Bayramov və Ararat Mirzoyan “sülh sazişi”ni müzakirə edəcəklər.

📰🗞️ Bu gün nələr gözlənilir?

🤝 Moskvada Ceyhun Bayramov, Sergey Lavrov və Ararat Mirzoyan arasında üçtərəfli görüş olacaq. Görüşdə Bakı və İrəvan arasında münasibətlərin normallaşması prosesi ilə bağlı məsələlər müzakirə olunacaq. 

📊 Türkiyədə prezident seçkilərinin birinci turunun yekun nəticələri açıqlanacaq. Mayın 28-də seçkilərin ikinci turu keçiriləcək.

📣 Türkiyə prezidentliyinə seçkilərin ilk turunda "ATA İttifaqı"nın namizədi olmuş Sinan Oğan ikinci turda kimə dəstək verəcəyini ictimaiyyətə açıqlayacaq.

🛩️ Moskvadan Tbilisiyə ilk uçuş həyata keçiriləcək. Gürcüstan Rusiyanın "Azimut" şirkətinə uçuşlar həyata keçirməyə icazə verib.  

🇷🇺⚡ "Qocalar" qurtardı... Döyüşə ahıllar gedir – FOTOLAR
// Rusiya muzey eksponatlarını cəbhəyə göndərməyə başlayıb
‼️...Rusiya Federasiyasının bir ildən çoxdur keçirdiyi "xüsusi əməliyyat" çərçivəsində "əks-demilitarizasiya" sürətlə davam edir. Sovet İttifaqından qalmış nəhəng silah-sursat anbarları və zirehli döyüş vasitələrinin saxlandığı meydançalar "əridilərək", cəmi 15 ay ərzində 1950-ci illərin say səviyyəsinə çatdırılıb.
👉https://azvision.az/news/327606

🇧🇾🗣️ Lukaşenko: "Biz xüsusi hərbi əməliyyatdan əvvəl də dəfələrlə təklif etmişik: gəlin görüşək, problemləri müzakirə edək. Nəticə sıfır! Qərbin heç bir müzakirəyə ehtiyacı yoxdur. Qərbə bir şey lazımdır – müharibə! "

⚡ G7 sammitinin keçirildiyi Xirosimada nümayişlər və etiraz aksiyaları keçirilir.

Nümayişçilər “Xirosimada sammitə qarşı!”, “Böyük yeddiliyin imperialist sammitinə yox!”, “Nüvə müharibəsinə yox!” şüarlarını səsləndirirlər.

🇦🇿⚡ Baş nazirin müavini Şahin Mustafayevin rəhbərlik etdiyi Azərbaycan nümayəndə heyəti 80-dən çox nəfərlə Kazanda səfərdədir.

Bu barədə Ceyhun Bayramov Moskvada həmkarı Sergey Lavrovla görüşündə deyib.

Bildirib ki, bu gün onlar Rusiya-İslam dünyası forumunda iştirak edəcəklər.

🛩️ Gürcüstan müxalifətinin nümayəndələri Rusiyadan gələn təyyarəni "qarşılamaq" üçün artıq hava limanına üz tutub.

Asayiş keşikçiləri isə Tbilisi hava limanına cəlb edilib.

Bu arada təyyarənin enişinə təxminən 15 dəqiqə qalıb.

🗺️ Dörd il ərzində ilk Moskva-Tbilisi reysinin gəlişini virtual olaraq minlərlə istifadəçi izləyir.

🗣️ Lavrov: “Bugünkü görüşün əsas mövzusu Ermənistanla Azərbaycan arasında münasibətlərin normallaşmasıdır.

Bu, sülh müqaviləsinə, kommunikasiyaların açılmasına, eləcə də sərhədlərin delimitasiyası və demarkasiyasına aiddir. Bütün istiqamətlərdə tərəqqi Cənubi Qafqazda sülhə nail olmaq üçün əsas şərtdir”.

🇹🇷🗳️  Ərdoğan: Sabahdan etibarən xaricdə və gömrük qapılarında səsvermə başlayır.

Türkiyə Prezidenti seçicilərin demokratik hüququndan istifadə etməsinin vacibliyini xatırladaraq onları səsvermə prosesində aktiv olmağa səsləyib.

"Sizlərdən bir daha iradənizə ən yaxşı formada sahib çıxmağınızı gözləyirəm", - o, özünün "Twitter” hesabında vurğulayıb.

Prezident seçkilərinin ikinci turunda xaricdə yaşayan Türkiyə vətəndaşları üçün səsvermə prosesi 20-24 may tarixlərində, Türkiyədə isə 28 mayda keçiriləcək.

🇬🇪🇷🇺 Rusiyanın "Azimuth Airlines" aviaşirkətinə məxsus təyyarə 4 il sonra Tbilisidəki hava limanında etiraz aksiyası ilə qarşılanıb.