📰🗞️ Bu gün nələr gözlənilir?

🇺🇸 ABŞ prezidenti bu gün Xirosimaya gedəcək. Co Bayden orada keçiriləcək G7 Liderlərinin Sammitində iştirak edəcək. Mayın 18-21-də keçiriləcək Sammitdə G7 liderləri bir sıra ən həssas məsələləri müzakirə edəcəklər.

🚨 Gəncə Ağır Cinayətlər Məhkəməsində Tovuz rayonunda 10 yaşlı Nərmin Quliyevanı qətlə yetirməkdə təqsirləndirilən İlkin Süleymanovun cinayət işi üzrə bu gün keçirilməsi nəzərdə tutulan məhkəmə prosesi təxirə salınaraq mayın 24-nə təyin olunub.

⚽️ UEFA Çempionlar Liqasında sonuncu finalçı bəlli olacaq. Yarımfinalın cavab qarşılaşmasında “Mançester Siti” İngiltərədə Madrid “Real”ını qəbul edəcək. Matç 23:00-da başlayır. Komandalar arasında ilk qarşılaşma 1-1 hesabı ilə başa çatıb.

🇦🇿 Laçındakı sərhəd-buraxılış məntəqəmiz fəaliyyətini davam etdirir:

🇹🇷 Türkiyədə prezident seçkilərinin ikinci turunda səsvermə 73 ölkədə keçiriləcək

Seçki məntəqələrində səsvermə mayın 20-dən 28-dək davam edəcək.

Xaricdə yaşayan Türkiyə vətəndaşları səsvermənin tarixi, vaxtı və ünvanlarını ölkənin Ali Seçki Şurasının "ysk.gov.tr" saytı üzərindən öyrənə biləcək.

🌾 "Taxıl müqaviləsi çərçivəsində sonuncu gəmi bu gün Ukraynanın Qara dəniz limanını tərk edəcək" - "Reuters"

BMT-nin məlumatına görə, taxıl sazişi çərçivəsində təxminən 30 milyon metrik ton taxıl ixrac edilib.

Müqavilənin müddəti mayın 18-də başa çatır.

🚑‼️ Beynəlxalq Qızıl Xaç Komitəsi (BQXK) Laçın yolu boyunca fəaliyyətini dayandırıb

BQXK-nın Ermənistan nümayəndəliyinin rəhbəri Zara Amatuni məsələ ilə bağlı müəyyən prosedurların aydınlaşdırılmalı olduğunu söyləyib:

“Fəaliyyəti özümüz dayandırdıq. Prosesin bərpası üçün bəzi prosedurlar dəqiqləşdirilməlidir. Bu istiqamətdə səlahiyyətli şəxslərlə dialoqlar aparılır”.

🇮🇷🇷🇺 Vladimir Putin və İbrahim Rəisi videobağlantı vasitəsilə Rəşt-Astara dəmir yolu hissəsinin tikintisinə dair sazişin imzalanmasında iştirak edirlər.

Xəttin uzunluğu 170 km təşkil edəcək və Şimal-Cənub beynəlxalq nəqliyyat dəhlizinin quru hissələrini birləşdirəcək.

▪️ Rəşt-Astara xətti Moskva və Tehranın iştirakı ilə çəkiləcək.

İran Astarası ilə Azərbaycanın Astarası arasındakı xəttin isə Moskva, Tehran və Bakının iştirakı ilə çəkiləcəyi planlaşdırılır.

🇷🇺🗣️ Putin Rusiya İran və Azərbaycanla yükdaşımalarla bağlı sazişin imzalanacağına ümid edir:

"Bu gün haqqında danışdığımız bu dəhlizin yaradılması kontekstində qarşılıqlı fəaliyyət Azərbaycanla sıx tərəfdaşlıq şəraitində həyata keçirilir. Biz hazırlığın üçtərəfli formatda, Azərbaycanın da iştirakı ilə tezliklə başa çatmasını gözləyirik"

O əlavə edib ki, bu, üç ölkənin gələcək uğurlu koordinasiyası üçün zəruri hüquqi baza yaradacaq.

📺 "AzVision"un bugünkü buraxılışında:
• Rəqəmsal sülh: Danışıqlara riyaziyyatın gəlməsi nə deməkdir?
• Xəritə cığallığı: Doğrudanmı, 50 il əvvəl xəritələr qədim əlyazmalar kimi ancaq bir nüsxədə olurdu?
• “Ben tək, siz həpiniz”, yaxud, Oğan kimin kefinə doğraya bilər soğan?
⏰ Saat 21:30-da "Real TV”-də
👀Baxmamaq məsləhət deyil!

🇹🇷 Əkrəm İmamoğlu 2-ci tur üçün təbliğat kampaniyasının başında: "Daha işimiz bitmədi, 2-ci turda qazanacağıq"

🇦🇿🇦🇲 Ermənistan Azərbaycanın ərazi bütövlüyünü tanıyıb

Nikol Paşinyan Avropa Şurasının Reykyavikdə keçirilən sammitində bildirib ki, İrəvan və Bakı Almatı Bəyannaməsi əsasında münasibətləri normallaşdırmaq barədə razılığa gəliblər.

 "Üç gün əvvəl Aİ Şurasının prezidenti Şarl Mişelin vasitəçiliyi ilə biz irəliyə doğru addım atdıq və vurğuladıq ki, Ermənistan Azərbaycanın 86,6 min kvadrat kilometr, Azərbaycan isə Ermənistanın 29,8 min kvadrat kilometr ərazisini tanıyır", - Paşinyan qeyd edib.

🇦🇿 Prezident İlham Əliyev və birinci xanım Mehriban Əliyeva "Caspian Agro" və "InterFood Azerbaijan" sərgiləri ilə tanış olublar.

🇦🇲 Nikol Paşinyanın oğlunu oğurlamağa cəhd edilib

Mayın 17-də yerli vaxtla saat 15 radələrində Ermənistanın Baş naziri Nikol Paşinyanın oğlu Aşot Paşinyanı oğurlamağa cəhd olunub. Aşot bu zaman ayağından yaralanıb.

📰🗞️ Bu saata olan əsas xəbərlər

🇦🇲 Paşinyanın oğlunu oğurlamaq istədilər

‼️ Zəlzələdən 3 ay sonra dağıntılar altından sağ çıxarıldı - FOTO

🗣️ "Qartalın iki başı həm Şərqə, həm də Qərbə baxıb" - Lavrov Makronun payını verdi

🌾 "Ərdoğan və Putin taxıl müqaviləsinin uzadılmasını müzakirə edə bilərlər"

💬 Politik: "İrəvanda ailə hakimiyyəti qurulur, Akopyan Nikolun yerini tutacaq"

🇦🇿 Prezident qəbul keçirdi

📃 Türkiyədə seçkilərin ikinci turuna səsvermə 73 ölkədə keçiriləcək

⚡ Sarkoziya 3 il həbs verildi

📸 Ceyhun Bayramovla Paşinyan eyni tədbirdə - FOTOLAR

🗣️ İranlı politoloq: "Bizdə seçkilər karikaturadır, Türkiyəni örnək götürməliyik"

⚡ Putin Rusiya, İran və Azərbaycanı birləşdirən yoldan danışdı

‼️ "Qərb Rusiyanın müttəfiqlərini çətin vəziyyətə salır" - Lavrov

🚛⚡️Rusiya sülhməramlıları müşayiət edir, ermənilər Xankəndi-Qeybalı-Xəlfəli yolu ilə Xankəndiyə silah daşıyır.

🇦🇿 Müdafiə Nazirliyi:

Mayın 17-si saat 16:15 radələrində guya Azərbaycan Ordusunun bölmələrinin Ermənistan silahlı qüvvələrinin Basarkeçər rayonunun Zod istiqamətində yerləşən mövqelərini atəşə tutması barədə qarşı tərəfin yaydığı məlumat tamamilə yalandır, bunu qəti surətdə təkzib edirik.

Qeyd edək ki, gündüz saatlarından həmin ərazidə qatı duman var. Bu cür məhdud görmə vəziyyətində bölmələrimizin qarşı tərəfi atəşə tutması qeyri-mümkündür.

🇺🇸 Bayden tezliklə Çin rəhbəri ilə görüşəcəyini deyib.

🇦🇿⚡️ Müdafiə Nazirliyi:

Mayın 18-i saat 07:15 radələrində Azərbaycan Ordusunun Kəlbəcər rayonunun Yellicə yaşayış məntəqəsi istiqamətində yerləşən bir neçə mövqeyinə qarşı Ermənistan silahlı qüvvələri tərəfindən döyüş PUA-ları tətbiq edilib.

Əraziyə baxış keçirilərkən ermənilərin PUA-lar vasitəsilə atdığı kustar üsulla hazırlanmış əldəqayırma mərmilərin qalıqları aşkar edilib. Azərbaycan Ordusunun bölmələri itki verməyib, cavab tədbirləri görülür.

Bildiririk ki, bölgədə yaranan gərginliyə görə bütün məsuliyyət Ermənistanın hərbi-siyasi rəhbərliyinin üzərinə düşür.

✅ Zəlzələdən üç ay sonra dağıntılar altından xilas edilən Suriya sakininin hekayəsi yalan çıxdı

"An Nahar" nəşrinin məlumatına görə, fotosu yayılan şəxs Əhməd Əs-Susi dəri xəstəliyindən əziyyət çəkir. İdlibdə yaşayan Əhmədin qardaşı onun şəklini və hekayəni internet resurslarından birinə təqdim edib.

Bu yolla o qardaşının müalicəsi üçün pul əldə etmək istəyib.